كل الناس تقول رأيها بصراحة فى امتحان الجغرافيا 2105

مش حلو بالنسبة لمستوي الطلبة
الطالب في ادبي تعبان وفية الاسئلة الدمج والربط دي مش بيفكر فيها ابدا

امتحان فوق المتوسط.....اسئلة المهارات العليا زيادة عن اللازم.....اصعب من الفزياء.....يجب مراعات ان طالب الادبي متوسط المستوى

امتحان صعب جدا علي الطالب في معظمه

ألامتحان متواضع وسهل جدا وخالى تماما من الصعوبات ماعدا رقم (ب) فى السؤال الثالث
فلماذا هذة الضجة الكبرى حول الامتحان
أمتحان ثانوى مش أبتدائى أو أعدادى

مدرس التاريخ والجغرافيا
الزقازيق -- الشرقية

تحيه واجبه لواضع الامتحان والذي فرق بين من اجتهد ومن غير ذلك وهو مش طالب ادبي طالب ثانويه عامه وهيبقى خريج جامعه ولا عايزين كله عالجاهز


طنطاوى محمد مدرس الجغراقيا والتاريخ فى ابو زعبل الثانويه

ياجماعه المدرسين الشغالة شغل وجبات سريعه مش هينفع معاها النظام ده والله العظيم تحية وتقدير للاستاذ المستشار الماده لانى اعرف انه كده ظبط العمل ياريت يعمل اجتماع بالموجهين بس تكون كويسه فى التصحيح ومراجعه التصحيح ورا المقدرين مش لازم كل عيال البلد تجي الا الطالب المميز من الاخر هو ده الامتحان حياك الله ياواضع الامتحان

الامتحان متوسط وكويس يا اساتذة ومفهوش الا بعض النقاط البيسطة التى تحتاج الى تركيز وتمييز بين الطلبة
وبجد تحية واجبة لواضع الامتحان

الامتحان فى المجمل العام فوق المتوسط ولازم يجى كدة علشان يميز الطالب المجتهد من الطالب اللى مقديها طول السنة لعب

مع احترامى للجميع واختلاف الاراء الامتحان صعب حد يقفل فية تقريبا هيبقى اصعب امتحان للشعبة الادبى هو فوق المتوسط والسؤال الثالث اصعب الاسئلة
ولازم نفهم ان طالب ادبى يميل لسؤال المباشر غير طالب علمى
والمستشار فى الامتحان جاب معظم الاسئلة سهله ولكن بصيغة غير مباشرة

هو اسئله ترتيب الانحدار فين اجابتها في كتاب المدرسه
ما عدا ذلك الامتحان كويس

مع الاحترام الشديد لكل الزملاء انكم تناسيتم ان قبل امتحان الجغرافيا كان يومين فقط للمذاكرة وانكم تناسيتم ايضا ان اخر مرة الطالب فتح الجغرافيا كان على الاقل من 25 يوم انا عايز المدرس المحترم اللى قال الامتحان سهل يراعى ربنا فى كلامه تخيل مطلوب من الطالب يراجع حوض النيل فى يوم و يراجع مصر فى يوم و ده بعد غياب عن الماده 25 يوم يا راجل يا استاذ يا محترم الشهرة مش على حساب مشاعر الناس ده المدرسين مختلفين فى اجابة بعض النقاط اتق الله

امتحان سهل للطالب اللى ذاكر وتعب اما الطالب اللى عمل اللى عليه بانه خد درس ولم يذاكر فاكيد احتاس هو ومعلمه ولا تنسى ان السن تمتد لحوالى 9 شهور فبلاش مبررات ومتنساش انه لسه فى امتحانات اخرى مثل التاريخ وعلم النفس يبقى بندى المبرر للطالب من دلوقت انه بقاله شهر او اكتر غايب عن الماده

الاساتذة اللى بتقول الامتحان سهل نبقى نشوف درجات الجغرافيا هتكون ازاي

للاسف الشديد هذا الامتحان اهدر مجهود الطالب المتميز والمدرس المجتهد بسبب عدم مطابقة الامتحان لابسط الشروط والمواصفات فالامتحان يحتوى على العديد من الاسئلة المحذوفة من منهج العام الماضى الى جانب عدم وضوح بعض الاسئلة والتى تثير بلبلة فى ذهن الطالب مما يجعله مترددا بين اكثر من اجابة على نفس السؤال اذكر منها على سبيل المثال :-
اولا الاسئلة المحذوفة من المنهج :-
السؤال الاول (خريطة حوض النيل )
النقطة الرابعة يطب من الطالب معرفة اسم الوادى وهو وادى ملك لكن الغريب ان هذا الوادى قد تم حذفه من كتاب 2015 بعد تعديل الكتاب والجزء المحذوف هو (فان كثيرا من مائها ينصرف الى بحر العرب والغزال والبعض الى وادى ملك الذى ينحدر الى النيل )كتاب الجغرافيا 2014 ص 17 السطر الثامن واكتفى الكتاب بذكره على خريطة حوض النيل فقط
السؤال الثالث (رتب الانهار الاتية ترتيبا تصاعديا حسب درجة الانحدار )
فى العام الماضى تم ذكر انحدار نيل فيكتوريا وهو 516 متر ص 14 من كتاب عام 2014 بينما تم حذفه من نسخة كتاب 2015
اما انحدار الحوض الادنى لبحر الجبل فلم يتم ذكر انحدارة لا فى الكتاب القديم او الجديد فكيف للطالب ان يرتب انحدار هذه الانها وهو لا يعرف درجة انحدار كل منها ؟

ثانيا :- الاسئلة التى تحتوى على اكثر من اجابة
سؤال نتائج نظام جريان نهر النيل يمكن ان يجاب عنه من حيث المائية عن طريق المقارنة بين المنابع الموسمية والدائمة وفى هذه الحالة يكون السؤال مكرر لان السؤال الثانى هو مقارنة بين هضبة الحبشة والبحيرات من حيث موارد المياه
كما يمكن الاجابة عنه من حيث الاهتمام باقامة مشروعات عليه لضبط جريانه ولكن فى هذه الحالة يجب ان تستبدل كلمة نظام بكلمة انتظام
كذلك سؤال اوجه الشبه بين سد كيوجا وسد البرت فكان من الافضل ان يكون راس السؤال قارن بين او ما الفرق بين لانى لا ارى وجه شبه واضح بينهما سوى انهما يقعان فى المنابع الاستوائية
واخيرا هناك العديد من الاسئلة التى تحتمل اكثر من اجابة واكتفى بهذا القدر

ممتاز . مدرس فاهم ومحترم هذه هى السلبيات المؤكده بالأضافة للسؤال ألأول فى صح وخطأ فوق قدرات الطالب فقط . يا أساتذه ده إمتحان للمدرسين والطلبة للأسف ضاعت بين الأقدام ( فماذا نحن فاعلن حتى لا تضيع الجغرافيا 16 سنة أخرى ) ؟؟

- الامتحان ليس بالسهل مثلا وادى الملك ليس له اى معلومة فى الكتاب نصا سوى وجوده على الخريطة اذن لو السؤال صحيح فان على الطالب ان يحفظ كل البيانات التى توجد على كل الخرائط هل هذا سؤال ام جاء عن طريق الخطأ ام تحدى ..
- انحدار الانهار الموجود صراحة بالكتابمقدار انحدار النيل الابيض والنيل النوبى كيف يرتب الباقى
-اوجه الشبه بين السدود غير واضحة للطالب

ياجماعة ....... الامتحان في مجملة جيد ماعدا بعض النقاط التى كانت ظالمة للطالب لان بعضها يعتبر من خارج الكتاب هذا العام
اولاً : ترتيب الانهار لازم يكون { النيل الابيض - بحر الجبل - فكتوريا - النيل النوبي } .... ليه ...... لان الطالب في هذا العام لم يدرس انحدار نيل فكتوريا كما كان بالعام السابق كما ان الكتاب هذا العام ذكر صراحة ان النيل النوبي هو اشد اجزاء النيل انحداراً فالطالب ليس مطالب بما تم تدريسه العام السابق
ثانياً : رقم 7 من صح او خطأ المفروض تكون صح لوجود معمل تكرير بترول في طنطا ووجود الغاز الطبيعي في ابو ماضي والوسطاني ..... فيه ناس هيقولوا ان الغاز الطبيعي ليس معادن ... أقول لحضرتك ان الكتاب عندما ذكر الثروة المعدنية قسمها الى قسمين المعادن ومصادر الطاقة

االاخوة المدرسين اللى عماله تقول ان الامتحان سهل وبسيط طيب فين نموذج الاجابة ليه مفيش حد نزل نموذج الاجابه من سيادتكم فانتم تقولون ان الامتحان سهل وبسيط
ولذلك نريد من كل واحد منكم ان ينزل نموذج الاجابه حتى نعرف مدى بساطة الامتحان
ولكنى اشك فى ذلك لانى اشك ان احد منكم ان ياتى بنموذج اجابة صحيحة كاملة
والمفروض ان الامتحان من داخل كتاب المدرسة كما تقول الوزارة مش من منهج قديم
طيب هو المفروض نعمل ايه نلتزم بالمنهج اللى علينا ولا كمان ندى المنهج القديم
اتقوا الله احنا فى ايام مفترجه
ولوحد متابع على كل المواقع التعليمية سنجد ان نماذج الاجابة مختلفة فى التصحيح يعنى حتى المدرسين غير قادرين على الاجابة فكيف حالنا بالطلبة اتقوا الله
بالمناسبة المدرسين اللى بتقول الامتحان سهل بتفكرنى بالطالب الابيض اللى ميعرفش حاجه وحل اى حاجه وطالع يقول الامتحان سهل وفاكر ان حله صح وفى النهاية هايكتشف انه مش عارف حاجه ولو انا غلط اكسفونى ونزلزا الاجابات بس ياريت مش بعد الهنا بسنه

الامتحان فوق المتوسط وهناك علامات اسنفهام حول بعض الاسئلة مثل الوادى الموجود بالخريطة وترتيب حسب الانحدار على الرغم من عدم وجودها بالكتاب المدرسى هذا على سبيل المثال

الامتحان فوق المتوسط واهم عيوبة سؤال الانحدارات الاسئلة لها اكتر من اجابة وكان لازم تكون مباشرة عن كدة الخريطة لولا ان نموذج الجمهورية جابت وادى الملك مكنش اى طالب عرف يحلة لانة من السنة اللى فاتت امتحان العام الماضى كان كلة مباشر وفى طلبة كتير قفلت الدرجة امتحان السنادىاصعب بكتير والطالب المتوسط مش حيجيب درجة كويسة الجغرافيا هى الاصعب حتى الان فى امتحانات الادبى

الامتحان صعب جدا والله انا طالبة ادبى وامتحان الجغرافيا جاى غير مباشر واحنا ادبى يعنى مش متعودين ع االلف والدوران وهما ليه بيعملوا فينا كده احنا طلع عنينا وعين اهالينا من شهر 8 اللى فات 2014 واتهرينا دفع فلوس وكنا بنخرج دروس من الصبح منرجعش غير باللبل واتبهدلنا اخر بهدله هو احنا مش بنى ادمين ولا ايه اخر حاجه هقولها ان التعليم فى مصر فاشل وبيعتمد ع الحشو وبس وهنفضل طول عمرنا كده وحسبى الله ونعم الوكيل وان شاء الله ربنا مش هيضيع لنا تعب لان ربنا شايف اللى احنا فيه وحاسس باهالينا الغلابه اللى بيحرموا نفسهم علشان نتعلم :(:(

اشكر الاستاذ الفاضل ابن النيل على تحليل الامتحان و ارجو من الاساتذة اللى بتاجر باعصاب الطلبه الصمت فهو لايقول ان الامتحان سهل الا لمجرد ان يقال بص فلان بيقول الامتحان سهل (للشهرة فقط ) و لو كان سهل كما ادعى البعض كانوا الاساتذه الافاضل نزلوا اجابة الامتحان امس وشكراااااااااااااااااااااااااااااااااا

من اكثر التعليقات افادة ابن النيل
ولى بيقول سهل
وحنا بنعلم العينات العشوئية
صعب حد يجيب 55 وتقريبا مستحيل حد يقفل و المدرسن نفسهم
اختلافوا على حل بعض الاسئلة وانوزج الاجابة به اخطاء
السؤال الى وضع الامتحان ليه عمل كده دا لو كان فاهم هو عايز ايه

انا بجد اطالب1
1- بحذف سؤال درجة الانحدار
2- وادي ملك محذوف من السنة اللي فاتت تتلغي درجتة
3- بالاضافة لاجابات المدرسين اللي غلط علي البوابة فما بالك بالطلبة
للعلم اشك ان في طالب هيجيب النهائية
ا/ حمدي ثابت

يا جماعة الامتحان من كتاب المدرسة و تعديلات الاجابات لصالح الطالب . و بعدين يا جماعة ما ينفعش نقول طالب أدبى ضعيف و طالب أدبى بيحفظ . طال أدبى ذى طالب علمى دا ثانوية عامة و دا ثانوية عامة و لو فى نقطة فى الامتحان تفرق بين الحافظ و اللى فاهم فهو دا العدل اللى حافظ دا يعدى و اللى فاهم لازم يتفوق و من الظلم ان الامتحان يكون فى مستوى الطالب المتوسط و العادى . أنا شايفة مع احترامى لكل الناس ان المدرسين بلاش يحفظوا الاولاد لانهم أدبى و نبدأ نفهم أن اللى زيهم فى دول تانية بيبتكر. و تحياتى للجميع و نرجو الا يفسد الخلاف للود قضية . و بالنجاح و التوفيق

الامتحان سيئ يكفى أن به أجزاء محذوفة وأخطاء وأسئلة تحتمل أكثر من اجابة الامتحان ضيع مجهود ناس كتير وحسس طلاب متفوقين بالفشل وأعتقد أنها هتكون أقل المواد فى الدرجات النهائية

أنا أسف بس المدرس اللى يقول الامتحان ده سهل وجميل يبقى مدرس ضعيف لأنه مش عارف ايه المقرر وايه المحذوف وحتى مش عارف يحكم على فنيات وضع الامتحان دا أنا ممكن أكتب صفحتين عن أخطاء الامتحان فعلى سبيل المثال وادى ملك ترتيب الانحدار اقتصار الصرف فى الوجه القبلى على مصرف المحيط طيب مصرف طامية والوادى دول يبقوا ايه السؤال الأول صح وخطأ فى طلبة كتير فهموه اتساع السهل الفيضى فى الغرب وجه التشابه بين السدين ضعيف جدا ده حتى نموذج الاجابة كان جاى فيه أخطاء بصراحة نفسى أعرف مين حط الامتحان ده فيه فرق كبير بينة وبين السنة اللى فاتت

الامتحان بة عدة اخطا هل درسنا وادى الملك هل هو مذكور فى الكتاب وفى صفحة
2- هل درسنا انحدار الامهار وفى اى صفحة اتقوا اللة

الامتحان ليس سهلاً ولكن به حالة من الفهم ومهارات التفكير بدرجة عالية

وهذا ماعجبني بالأمتحان * بعيداً عن الأجزاء المحذوفة فهو أحترم طالب الثانوية العامة

فطالب الأدبي له مواد وله قدرات وليس معني أنه دخل أدبي أن قدراته قليلة

هو أختار أدبي لأنه لايجيد مواد العلمي

وتعتبر الجغرافيا أهم المواد الأدبية *


دائماً أقول أن الجغرافيا تندرج تحت المواد العلمية لأنها تعتمد علي الإستنتاج والتحليل أكثر من الحفظ

وهذا ماتم بهذا الأمتحان

سهل للنجاح ****** صعب الحصول على درجات عالية ***** ومن يحصل على 50 درجة فيما فوق بالنسبة لهذا الامتحان يعتبر طالب ممتاز

مجمل الامتحان بوضح شيء واحد فقط أن واضع الامتحان جاب اسئلة من طبعة كتاب النظام القديم في التسعينات من القرن الماضي و الا حد يقول لي اجابة سؤال الانحدار فين في الكتاب .........................علي سبيل المثال لا الحصر