|
مشاهدة النسخة كاملة : نقطة فى السؤال الثالث تمنع الحصول على النهاية فى السؤال hemaz17 30-06-2015, 04:01 PM فى حلك للسؤال الثالث ثانيا مسالة ايون الهيدروجين السؤال دة علية درجتان واذا حلة الطالب بالطريقة العادية فلن يحصل الا على درجة واحدة فيجب كتابة معادلة التاين ثم القانون ودول عليهم درجة . وللتاكيد راجع نموج اجابة امتحان 2014 دور اول السؤال الرابع ثانيا رقم 2 . مع تمنياتى بالتوفيق للجميع omar_silentlove 30-06-2015, 04:14 PM طب انا كتبت القانون فى الاول والمعادلة فى الاخر والمسألة صح تمشى ؟؟ وفى التركيز مكتبتش نص قانون فعل الكتلة أنقص ؟؟ hemaz17 30-06-2015, 04:39 PM معلش يا جماعة دى اصلا كانت فى نموذج الاجابة للعام السابق للكن بعد الاطلاع على نموذج الاجابة لهذا العام وجدت انه كتب فى نهاية المسالة اذا كتبها الطالب على خطوة واحدة ياخذ الدرجة كاملة اكرر اسفى hemaz17 30-06-2015, 04:44 PM طب انا كتبت القانون فى الاول والمعادلة فى الاخر والمسألة صح تمشى ؟؟ وفى التركيز مكتبتش نص قانون فعل الكتلة أنقص ؟؟ تمشى لا تقلق ان شاء الله تاخذ الدرجة كاملة المحلاو 30-06-2015, 04:59 PM كويس ان انت رديت يا hemaz17 لانى كنت انا هارد وانت قلت اللى انا كنت هاقوله وكنت هازود شوية ..اقدم لك احترامى وتقديري لانك تأسفت........رمضان كريم ahmedemo11 01-07-2015, 11:28 AM طب انا عملت اول واحدة فى المصطلح كمية الكهرباء تمشى ولا لا وهل حل اخر فى المصطلح بيتصحح وباخد الدرجة ولا لا أحمد سلاقوس 01-07-2015, 02:37 PM سؤال . في سؤال التوصيل انا مكتبتش الجملة كاملة . لكن اخترت الرمز من كل عمود . هل كده هنقص . رجاء الرد محمدخالدفتحي 01-07-2015, 03:24 PM طب انا عملت اول واحدة فى المصطلح كمية الكهرباء تمشى ولا لا وهل حل اخر فى المصطلح بيتصحح وباخد الدرجة ولا لا للأسف لن تأخذ الدرجة لأنه طلب الوحدة , فلو كنت كتبت كمية الكهربية بالكهربية كانت تمشي بإذن الله ثانيا مفيش كلمة بتكتبها في كراسة الاجابة لا يتم تصحيحها ثالثا مسموح بكتابة اجابات اخرى في اي سؤال ماعدا الاختيار من متعدد لا تقلق بالتوفيق إن شاء الله لكل طلاب الثانوية العامة محمدخالدفتحي 01-07-2015, 03:27 PM سؤال . في سؤال التوصيل انا مكتبتش الجملة كاملة . لكن اخترت الرمز من كل عمود . هل كده هنقص . رجاء الرد لا تقلق إن شاء الله لو مختار صح هتعدي ولكن كان يجب ان تكتب الجملة حرصا على راحة المصحح لكي يعطيك حقا كاملا وايضا حرصا على حق زملائك محمد حسين عباس 01-07-2015, 03:47 PM لو انا كتبت في تجربة تنقية النحاس الرسم والخطوات وكل حاجة زي كتاب المدرسة لكن مكتبتش المعادلات مع انا شرحتها تفصيلا ولو انا كتبت في حالة الاس الهيدروجيني للماء يساوي 7 لان تركيز ايون الهيدروجين المسؤل عن الحامضية يساوي تركيز ايون الهيدروكسيل المسئول عن القاعدية يساوي 10 اس سالب 7 كده تمام ولا ايه lumos72 01-07-2015, 04:05 PM طب يا استاذ انا كتبت كمية الكهربية بالكولوم ... صح ام خطأ ؟ محمدخالدفتحي 01-07-2015, 05:27 PM لو انا كتبت في تجربة تنقية النحاس الرسم والخطوات وكل حاجة زي كتاب المدرسة لكن مكتبتش المعادلات مع انا شرحتها تفصيلا ولو انا كتبت في حالة الاس الهيدروجيني للماء يساوي 7 لان تركيز ايون الهيدروجين المسؤل عن الحامضية يساوي تركيز ايون الهيدروكسيل المسئول عن القاعدية يساوي 10 اس سالب 7 كده تمام ولا ايه اولا : طلب منك كتابة تفاعلات الأكسدة والاختزال والمعادلات جزء من الشرح ولذلك فللأسف هتنقص نصف درجة فقط لا أكثر إن شاء الله ثانيا : الاجابة تمام وكاملة ربنا يحميك ويبارك فيك ولو عندك اي مشكلة قوللي عليها وبالتوفيق لجميع طلاب الثانوية العامة محمدخالدفتحي 01-07-2015, 05:33 PM طب يا استاذ انا كتبت كمية الكهربية بالكولوم ... صح ام خطأ ؟ صح إن شاء الله وهتعدي سأفهمك ليه لأن السؤال بيقول وحدة التيار الكهربي بالأمبير x وحدة الزمن بالثانية فتبقى الاجابة وحدة كمية الكهربية بالكولوم لا تقلق يا ابني احنا يهمنا مصلحتكم واي حاجة بتكتبها حتي لو خطأ فنحن نراعي ذلك ( إلا في حالة واحدة أسئلة الاختيار من متعدد لا نعطيك الدرجة إلا إذا كانت صحيحة فلو كانت خطأ لا تأخذ أي درجات , هذه هي التعليمات ) الملك اسللم كبو 01-07-2015, 05:44 PM صح إن شاء الله وهتعدي سأفهمك ليه لأن السؤال بيقول وحدة التيار الكهربي بالأمبير x وحدة الزمن بالثانية فتبقى الاجابة وحدة كمية الكهربية بالكولوم لا تقلق يا ابني احنا يهمنا مصلحتكم واي حاجة بتكتبها حتي لو خطأ فنحن نراعي ذلك ( إلا في حالة واحدة أسئلة الاختيار من متعدد لا نعطيك الدرجة إلا إذا كانت صحيحة فلو كانت خطأ لا تأخذ أي درجات , هذه هي التعليمات ) والله شكرا جدا جدا يامستر ريحتنى دنا كنت زعلان لحسن تتطلع كمية الكهربية بالكولوم غلط ويارب يسهل عليكو التصحيح فى هذا الشهر المبارك محمدخالدفتحي 01-07-2015, 05:51 PM والله شكرا جدا جدا يامستر ريحتنى دنا كنت زعلان لحسن تتطلع كمية الكهربية بالكولوم غلط ويارب يسهل عليكو التصحيح فى هذا الشهر المبارك بارك الله فيك وجعلك من الاوائل والحاصلين على المراكز الأولى على مستوى الجمهورية للعلم نتيجة الثانوية العامة 2015 من المؤكد ستظهر عقب عيد الفطر المبارك واحتمال بسيط اوي ان تظهر قبله mariam 1 01-07-2015, 05:58 PM يا مستر لوسمحت انا عملت تحويل مركب اليفاتى لاروماتى والعكس كدة بنزين هنحوله لهكسان حلقى وهكسان عادى هنحوله لبنزين هتتحسب صح ولا ايه ؟؟؟؟ محمدخالدفتحي 01-07-2015, 06:04 PM يا مستر لوسمحت انا عملت تحويل مركب اليفاتى لاروماتى والعكس كدة بنزين هنحوله لهكسان حلقى وهكسان عادى هنحوله لبنزين هتتحسب صح ولا ايه ؟؟؟؟ تحويل الأليفاتي إلى أروماتي صح تحويل الأروماتي إلى أليفاتي خطأ للأسف mariam 1 01-07-2015, 06:15 PM ليه حضرتك مش الهكسان الحلقى اليفاتى ؟ Taherrizk 01-07-2015, 06:21 PM ليه حضرتك مش الهكسان الحلقى اليفاتى ؟ مفروض اليفاتي حلقي و مفروض تتحسب صح انا عملت الاتنين محمدخالدفتحي 01-07-2015, 06:22 PM انا آسف يا ابني صحيح الهكسان الحلقي اليفاتي لكني رأيت الهكسان العادي سامحني يا ابني من كثرة الضغوط والتصحيح اجابتك صحيحة الخطأ من عندي رأيت الهكسان الحلقي هكسان عادي بالتوفيق يا ابني mariam 1 01-07-2015, 07:02 PM ولا يهم حضرتك عادى بس هى هتتحسب صح يعنى اصلها مش مكتوبة فى نموذج الاجابة ؟؟؟ محمدخالدفتحي 01-07-2015, 07:34 PM اجابة صحيحة وتأخذ الدرجة كاملة مكتوب في نموذج الاجابة يراعى الاجابات الصحيحة الاخرى محمد حسين عباس 01-07-2015, 07:39 PM شكرا استاذي الفاضل لكن في كتاب المدرسة مفيش اي معادلات في تنقية النحاس mariam 1 01-07-2015, 09:05 PM شكرا قوى يا مستر ايوة صحيح فى التجربة بتاعة تنقية النحاس كتاب المدرسة مفهوش معادلات اكسدة الحديد والخارصين محمدخالدفتحي 01-07-2015, 10:05 PM يا أبنائي المعادلات موجودة في كتاب الوزارة ولكن موجودة داخل الشرح وعامة إذا كتبت المعادلات بين الشرح دون كتابتها بشكلها المعروف ستأخذ درجتك كاملة محمد حسين عباس 01-07-2015, 10:11 PM انا كتبت المعادلة دي cuso4>cu++ +so4-- محمد حسين عباس 01-07-2015, 10:13 PM يعني تحلل محلول كبريتات النحاس الي ايونات النحاس وايونات كبريتيك محمد حسين عباس 01-07-2015, 10:14 PM وكتبت الشرح عند الانود والكاثود استاذ محمد فتحي ممكن حساب حضرتك علي الفيس بوك محمدخالدفتحي 01-07-2015, 10:14 PM الله ينور عليك يعني كدة esamelkat 01-07-2015, 10:16 PM محمدخالدفتحي بعد اذن حضرتك سؤال المقارنة انا كتبت الkp ثابت التأين للضغوط الجزيئية للغازات و هو حاصل ضرب ضغوط الجزيئية للنواتج على حاصل ضرب ضغوط المتفاعلات مرفوع كل منها لاس = عدد الجزيئات فى المعادلة و ال kc هو ثابت الاتزان للتفاعلات الانعكاسية و هو حاصل ضرب تركيو النواتج على حاصل ضرب تركيز المتفاعلات مرفوع كل منها لاس ..... كدا تمام ؟؟ محمدخالدفتحي 01-07-2015, 10:24 PM طبعا تمام وعلى فكرة المقارنة عليها درجتان وبإذن الله هتأخذ الدرجتين كاملتين بيني وبينكم الامتحانات كلها السنة دي فيها تجاوزات كثيرة وخاصة في نماذج الاجابة ولذلك نحن نعوض ذلك في التصحيح esamelkat 01-07-2015, 10:26 PM الله يطمن قلبك الف شكر بالنسبة لتنقية النحاس انا كتبت الشرح تمام جدا الحمد لله و المعادلات كتبت تحلل كبريتات النحاس و اكسدة النحاس و اختزال النحاس و فى وسط الشرح كتبت هيحصل اكسدة للحديد و الخارصين ايه رأى حضرتك ؟ esamelkat 01-07-2015, 10:30 PM بيني وبينكم الامتحانات كلها السنة دي فيها تجاوزات كثيرة وخاصة في نماذج الاجابة ولذلك نحن نعوض ذلك في التصحيح ----------------- الجملة دى معاناها ايه ؟؟ الامتحانات فيها تكة صعوبة و نماذج الاجابة بتبالغ و لا انا فهمت غلط ؟| محمدخالدفتحي 01-07-2015, 10:52 PM معناها إن هناك الكثير من الأسئلة يتطرق الذهن عند الإجابة عنها إلى إجابات كثيرة وفي نموذج الاجابة الإجابة اللي عايزها واضع نموذج الاجابة فمثلا على سبيل المثال في الجيولوجيا كانت هناك أختلافات كثيرة بين المدرسين في التصحيح وأذكر منها أهمية الحرف ( س ) كان يشر بالسهم إلى مستوى الفالق وفي نموذج الاجابة قصد الفالق وطلب أهميته الاقتصادية وبعد مشاورات عديدة انتهي الأمر إلى اعتبار الاجابتين صحيحتين ومن ذلك كثيرا السلطان أحمد خالد 01-07-2015, 11:00 PM أستاذنا الفاضل ، آخر سؤال بالامتحان ، سؤال المعادلات ... هو لم يطلب تعريف لتفاعل فريدل كرافت او تعريف لتفاعل باير هو طلب معادلات هل التعريف اللي في نموذج الوزارة ده عليه اي نقص في حالة عدم كتابته ؟ :) هما كاتبين فوق (درجتين للمعادلة . درجة على المعادلة درجة على شروط التفاعل) محمدخالدفتحي 01-07-2015, 11:40 PM كلامك مظبوط لن تحاسب في هذا السؤال إلا على المعادلات فقط esamelkat 01-07-2015, 11:52 PM مردتش عليا يا استاذنا النسبة لتنقية النحاس انا كتبت الشرح تمام جدا الحمد لله و المعادلات كتبت تحلل كبريتات النحاس و اكسدة النحاس و اختزال النحاس و فى وسط الشرح كتبت هيحصل اكسدة للحديد و الخارصين ايه رأى حضرتك ؟ محمدخالدفتحي 01-07-2015, 11:56 PM تمام يا ابني وهتأخذ درجة الشرح كاملة بإذن الله عامة هحاول أتواصل معكم أكثر من ذلك ولا تقلق خير إن شاء الله إن الله لا يضيع أجر من أحسن عملا esamelkat 01-07-2015, 11:59 PM شكرا ليك جدا انك طمنتنا و شكرا على طولة بالك و اجابتك على الجميع الله يكرمك يعنى من الاخر محمدخالدفتحي 02-07-2015, 12:09 AM العفو يا ابني تحت أمرك ما تريد أنا على استعداد لإجابة أسئلتكم المهم إن ربنا يوفقكم وتحصلوا على مجاميع عالية محمد عبد السلام عواد 02-07-2015, 12:43 AM فى حلك للسؤال الثالث ثانيا مسالة ايون الهيدروجين السؤال دة علية درجتان واذا حلة الطالب بالطريقة العادية فلن يحصل الا على درجة واحدة فيجب كتابة معادلة التاين ثم القانون ودول عليهم درجة . وللتاكيد راجع نموج اجابة امتحان 2014 دور اول السؤال الرابع ثانيا رقم 2 . مع تمنياتى بالتوفيق للجميع أي حل يأخذ الدرجة كاملة ولا تتم المحاسبة على المعادلة محمد عبد السلام عواد 02-07-2015, 12:44 AM مردتش عليا يا استاذنا النسبة لتنقية النحاس انا كتبت الشرح تمام جدا الحمد لله و المعادلات كتبت تحلل كبريتات النحاس و اكسدة النحاس و اختزال النحاس و فى وسط الشرح كتبت هيحصل اكسدة للحديد و الخارصين ايه رأى حضرتك ؟ اجابة صحيحة وتأخذ الدرجة كاملة محمد عبد السلام عواد 02-07-2015, 12:45 AM أستاذنا الفاضل ، آخر سؤال بالامتحان ، سؤال المعادلات ... هو لم يطلب تعريف لتفاعل فريدل كرافت او تعريف لتفاعل باير هو طلب معادلات هل التعريف اللي في نموذج الوزارة ده عليه اي نقص في حالة عدم كتابته ؟ :) هما كاتبين فوق (درجتين للمعادلة . درجة على المعادلة درجة على شروط التفاعل) معادلات فقط بشروط التفاعل محمد عبد السلام عواد 02-07-2015, 12:47 AM يا مستر لوسمحت انا عملت تحويل مركب اليفاتى لاروماتى والعكس كدة بنزين هنحوله لهكسان حلقى وهكسان عادى هنحوله لبنزين هتتحسب صح ولا ايه ؟؟؟؟ اجابة صحيحة ولكن الدرجة على المعادلات صحيحة أم لا mariam 1 02-07-2015, 11:29 AM اجابة صحيحة ولكن الدرجة على المعادلات صحيحة أم لا لا ان شاء الله صح وميرسى لرد حضرتك محمد حسين عباس 02-07-2015, 01:51 PM استاذ محمد خال فتحي ممكن حساب حضرتك علي الفيس بوك جمال صيام 02-07-2015, 05:09 PM سيدى الفضل/ تحية طيبة لسيادتكم...... أتوجه اليكم بخالص الشكر والتقدير على ما تقدمونه فى هذا المنتدى العظيم من خدمة تعليمية ممتازة لأبنائنا الطلاب من جميع المراحل التعيمية سواءا مدرسية أو جامعية. ولى سؤال بسيط لسيادتكم فى امتحان الفيزياء هذا العام وهو:- إبن أختى عمل بدل فى السؤال الرابع والخامس حيث كتب اجابة ثانيا فى الجزئية ( ب ) من السؤال الرابع ( أذكر ثلاث خصائص لأشعة الليزر...) ، كتب مكان أولا فى الجزئية (ب) من السؤال الخامس (أذكر ثلاث تطبيقات لللأشعة السنسة ) أى أنه بدل فى الإجابتين ........ فكيف سيكون تعامل السيد المصحح مع ذلك؟ ...... أرجو الرد السريع ولسيادتكم جزيل الشكر محمدخالدفتحي 02-07-2015, 06:42 PM الأستاذ الفاضل جمال أوجه لحضرتك كافة الاحترام والتقدير ونحن جميعا تحت أمر سيادتكم ومستعدين لإجابة أي أسئلة تريدون الإجابة عنها بالنسبة لابن أخت حضرتك هناك وضعين إما أن يقدر المصحح ذلك ويكتب فوق كل إجابة موضعها الأصلي من الأسئلة وهذا لن يكتشفه أحد ولو أنا مكانه أفعل ذلك لان عدم فعل ذلك ظلم للطالب فنحن بشر الوضع الثاني : أن يكون المصحح متعصب تعصبا شديدا لما هو في نموذج الاجابة ويخصم درجات السؤالين وهذا نادر جدا لأن المدرسين يحاولون الوقوف بجانب الطلاب لا تقلق بإذن الله ربنا هيجعل مصحح الورقة يفعل ما فيه مصلحة الطالب وشكرا mmaw 02-07-2015, 06:58 PM انا معلم خبير لغة انجليزية ويهمنى مصلحة طالب مشروع اوائل جمهورية بأذن الله استشارة من عمالقة ومتخصصى القسم 1- في السؤال الثانى كاتب المفهوم العلمى ( كمية الكهربية بالكولوم ) وفي النموذج مكتوب الكولوم هل تعتبر صح ام خطأ ( مع الملاحظة ) ان اجابات هذا الطالب في جميع المواد اعلي فكراً من نماذج الاجابه تحس انك بتتكلم مع مستشار مادة فاهم مادته علي اكمل وجه مثال ذلك انه في سؤال تنقية النحاس اتى بمعادلة اكسدة الحديد علي الرغم انها غير مذكورة في الكتاب حسب كلام مدرس كيمياء عندنا في المدرسة ( الله اعلم انا غير متخصص ) هل في هذه الظروف يتم التعاطف معه لو كانت خطأ علي الرغم من انى سألت بعض المدرسين بيقولوا بنحسب الاثنان صواب هل يتم ذلك رجاءءءءءءءءءءءءءءءءءءء الرد للاهمية وشكرااااااااااااااااااااااا Taherrizk 02-07-2015, 11:51 PM هوا كمية الكهرباء بالكولوم غلط ولا صح ؟؟ samir fawzy 08-07-2015, 01:40 AM استاذى الفاضل فى سؤال المقارنة كتبت ( التحليل الكيفى ) تحليل كيميائى يجرى للتعرف على مكونات المادة كمفهوم علمى ممكن انقص وفى النموزج مذود حاجات تانى ممكن انقص ولا اى مستر// فيكتور بخيت 08-07-2015, 11:20 AM انا معلم خبير لغة انجليزية ويهمنى مصلحة طالب مشروع اوائل جمهورية بأذن الله استشارة من عمالقة ومتخصصى القسم 1- في السؤال الثانى كاتب المفهوم العلمى ( كمية الكهربية بالكولوم ) وفي النموذج مكتوب الكولوم هل تعتبر صح ام خطأ ( مع الملاحظة ) ان اجابات هذا الطالب في جميع المواد اعلي فكراً من نماذج الاجابه تحس انك بتتكلم مع مستشار مادة فاهم مادته علي اكمل وجه مثال ذلك انه في سؤال تنقية النحاس اتى بمعادلة اكسدة الحديد علي الرغم انها غير مذكورة في الكتاب حسب كلام مدرس كيمياء عندنا في المدرسة ( الله اعلم انا غير متخصص ) هل في هذه الظروف يتم التعاطف معه لو كانت خطأ علي الرغم من انى سألت بعض المدرسين بيقولوا بنحسب الاثنان صواب هل يتم ذلك رجاءءءءءءءءءءءءءءءءءءء الرد للاهمية وشكرااااااااااااااااااااااا الكولوم صح--- كمية الكهربية بالكولوم صح---- كمية الكهربية فقط تعتبر خطا معادلات اكسدة الشوائب لا ينظر لها ننظر فقط لاكسدة واختزال النحاس وايونه مستر// فيكتور بخيت 08-07-2015, 11:23 AM هوا كمية الكهرباء بالكولوم غلط ولا صح ؟؟ كمية الكهرباء بالكولوم صح محمد عبد السلام عواد 08-07-2015, 01:01 PM استاذى الفاضل فى سؤال المقارنة كتبت ( التحليل الكيفى ) تحليل كيميائى يجرى للتعرف على مكونات المادة كمفهوم علمى ممكن انقص وفى النموزج مذود حاجات تانى ممكن انقص ولا اى إجابة صحيحة Doaa Kirat 08-07-2015, 03:48 PM مستر هوا انا فى السؤال الثانى فى سؤال حدد المجموعات الوظيفية و ذكر مثال و كتابة صيغته الكيميائية كتبت كله بس كتبت الصيغة البنائية و مش الجزئية زى نموذج الإجابة عادى يا مستر؟ مستر// فيكتور بخيت 08-07-2015, 04:34 PM مستر هوا انا فى السؤال الثانى فى سؤال حدد المجموعات الوظيفية و ذكر مثال و كتابة صيغته الكيميائية كتبت كله بس كتبت الصيغة البنائية و مش الجزئية زى نموذج الإجابة عادى يا مستر؟ تعتبر اجابة صحيحة عايزين المثال مع الصيغة البنائية Doaa Kirat 09-07-2015, 11:01 AM مستر هوا انا فى المقارنة بين التحليل الكيفى و الكمى كتبت ان الكيفى تحليل كيميائى الغرض منه التعرف على نوع المادة فقط بس مكاملتش زى نموذج الاجابة وكتبت ان الكمى قولته صح بس ما قولتش بواسطة الاجهزة او حجمى او وزنى زى نموذج الاجابة هل دا صح و شكرا جزيلا مستر// فيكتور بخيت 09-07-2015, 05:55 PM مستر هوا انا فى المقارنة بين التحليل الكيفى و الكمى كتبت ان الكيفى تحليل كيميائى الغرض منه التعرف على نوع المادة فقط بس مكاملتش زى نموذج الاجابة وكتبت ان الكمى قولته صح بس ما قولتش بواسطة الاجهزة او حجمى او وزنى زى نموذج الاجابة هل دا صح و شكرا جزيلا ترجع لتقدير المصحح يمكن يديلك نصف الدرجة او الدرجة كاملة بس الامتحان كان مباشر جدا يعني فرصة لا تعوض mallah_68 19-07-2015, 06:09 PM الصح كولوم لأنه يسأل عن وحدة القياس |