السلام عليكم ورحمة الله وبركاته
كيف الحال العيد على الابواب ورمضان بيجرى بسرعة والدروس وجو الدراسة حيعيد نفسه مرة جديدة فاقترح ان نتبادل الخبرات فى المذاكرة ونحاول نحل المشاكل مع بعض
واقترح ان نبدا بمذاكرة الفيزياء والمشاكل الى بتواجهنا وكيف نتغلب عليها فى هذه المادة المعقدة نوعا ما والى بيشتكى منها الجميع لكن بالجد والاجتهاد والمحاولة وعدم الياس حتتحل كل المشاكل
مستنيكم

يا ابنى متقلقش من الفيزيا خاااااااالص دى سهلة
هيا بس هتلاقى شوية حاجات رزلة ف المنهج ده لو كان زى منهجنا بخصوص حفظ التعريفات و بعض التعليلات لكن كله هيعدى ف اخر السنة ان شاء الله

المسائل فيها حاجات رزلة جدا

الفيزياء جمييله
ان شاء الله هتحس انها احلي ماااده :)
بس عليك تذاكر الحصه في يومها وتحل اول باول
متركنش حاجه
وان شاء الله هتبقي زي الفل

الفيزياء مادة رائعة بجد ولذيذة اووي اهم حاجة بس تاخد مع مدرس كبير وفاهم منهجه وتذاكر كويس اووي وماتخافش والله 3ث دي حاجة عادية جدا ركز بس وربنا معاك وانا في خدمتك لو اعايز حاجة انا كنت في علمي علوم ولاسه مخلص امتحانات الحمد لله ادعيلي في النتيجة بقي

المسائل فيها حاجات رزلة جدا

بص انت مش هتلاقى مسائل رزلة فى منهج سنة 3 الا فى المقاومات و الباقى حاجات بسيطة عايزة شوية تفكير
و انت عموما بتحل المسائل الرزلة دى للتدريب فقط لأنها بنسبو 99% مش هتشوفها فى الامتحانات

ahmed khalid عنده حق
قليل جدا لما تلاقي افكار صعبه في الامتحان بس ده ميمنعش انك تحل الصعب
وكله بيمشي صدقني هتلااااقيها زي الفل
وبجد والله انا بقولك ان الفيزياء كانت افضل ماده في الثانويه العامه في مذاكرتها
وسيبك من اللي يقولك الفيزيا بعبع الثانويه لا خالص
وربناا معاااك

ربنا يوفقك اخى وتجيب المجموع الى تتمناه
+++++++++
طيب الان انا فى الاجازة ممكن تنصحونى ايه الحاجات الى اذاكرها علشان ادخل 3 ثانوى مرتاح واخفف الطغط على

ربنا يوفقك اخى وتجيب المجموع الى تتمناه
+++++++++
طيب الان انا فى الاجازة ممكن تنصحونى ايه الحاجات الى اذاكرها علشان ادخل 3 ثانوى مرتاح واخفف الطغط على

انا هقول وجهة نظرى اللى ياريت كان حد قالهالى قبل ما ابدا
من رايي انك لو عاوز تبدا م الاجازة ف انت ممكن تشتغل فى الحجات اللى مش بحس ان ليها وقت ايام الدراسة واولهم قصة العربى (حتى لو قريتها ولخصتها فى سين وجيم فى كشكول)
(علشان هتلاقى معظم جهدك رايح ع الادب والنصوص والحجات دى وهتحس ان القصة سهلة فممكن تسيبها وتتزنق فى الاخر زيي طبعا :d لاقدر الله يعنى)
ثانيا الانجليزى انت ممكن تتسلى فيه كده كلمات على اسئلة speaker جديدة وهكذا (عشان بردو فى الدراسة هتبقا عاوز تحل اكتر ف مفيش وقت كبير انك تفضل تحفظ حجات جديدة بقا وكدة وتبقا حليت اكبر كم ممكن)
تقريا دى الحجات اللى اتمنيت انى اعملها لما اتزنقت طبعا:cool:
بس الحجات دى لو عملتها اعملها كده على خفيف بقا من غير ما تضغط ولا حاجة كانك بتتسلى عشان السنة طوووووووووووووووووووووووييييييييييييييلة وعشان متملش
وبنا يوفقك يارب وتعديها على خير
واحنا ياااااااااااارب ربنا يسترها معانا بقا فى النتيجة ويكرمنا من فضله:)

بص نصيحتي ليك
اوعي اوعي تضغط ع نفسك ابدا في الاجازه
احفظ انجلش وممكن تدرب مع استاذ عربي ع النحو
انا في الاجازه كنت اعرف مدرس قبل الدروس متبدا كنت حليت معاه تدريبات الكتاب المدرسي
والدنيا كانت تمام والانجلش اللي حفظته كتير منه جه ترجمه
مش تعمل اكتر من كده عشان مش تتخنق في وقت الجد
اما قصه العربي والانجلش لو بتحب القراءه ممكن تتسلي فيهم
وربنا يوفقك :)

راجع على قوانين الرياضة عشان متضيعش وقتك فيها اثناء السنة

راجع على قوانين الرياضة عشان متضيعش وقتك فيها اثناء السنة

انا علمى علوم
+++++++++++
بالنسبة للكيمياء والاحياء حيبقى ايه نظامهم

بص نصيحتي ليك
اوعي اوعي تضغط ع نفسك ابدا في الاجازه
احفظ انجلش وممكن تدرب مع استاذ عربي ع النحو
انا في الاجازه كنت اعرف مدرس قبل الدروس متبدا كنت حليت معاه تدريبات الكتاب المدرسي
والدنيا كانت تمام والانجلش اللي حفظته كتير منه جه ترجمه
مش تعمل اكتر من كده عشان مش تتخنق في وقت الجد
اما قصه العربي والانجلش لو بتحب القراءه ممكن تتسلي فيهم
وربنا يوفقك :)

كلام سليم 100%:)

حاولوا تستمتعوا بالجازة ومتشغلوش بالكم ولا تفكروا كتير علشان هتتعبوا سيبوها على ربنا وان شاء الله الخير هيجيلكم
فى البداية احجز عند المدرسين الكويسين فى المادة
وماددة زى الفيزيا لازم المدرس يكون بيهتم بالنظرى زى المسائل
اوعى تعدد المصادر فى المذاكرة بلاش تشتيت لان المصدر اللى هتذاكر منه هو اللى هتذاكر منه ليلة الامتحان
اوعى تدخل اى حد فى حياتك قابلتك مشكلة مع نفسك وحلها محدش هيخاف على مستقبلك اكتر منك
حاول تذاكر بحب وافهم الدرس كده واستمتع بالمذاكرة
نصيحة متعتمدش على الدرس اوى كثف مع نفسك وراجع لان ساعات المدرسين بيطنشوا
انا لو رجع بيا الزمن مكنتش اخدت درس جيو واحياء وعربى كمان

كلام سليم 100%:)

ثانكس :)
احنا بنحاول نساعد علي قد منقدر
ويارب يفرحهم ويفرحنا :d:d

راجع على قوانين الرياضة عشان متضيعش وقتك فيها اثناء السنة

ممكن اسال حضرتك سؤال
هي ايه القوانين بالظبط الي المفروض اراجعها؟؟

ممكن اسال حضرتك سؤال
هي ايه القوانين بالظبط الي المفروض اراجعها؟؟

بصى انتى السنادى عندك الرياضة مادتين رياضة بحتة و رياضة تطبيقية
نبدأ بالبحتة بتنقسم الى جبر و هندسة و تفاضل و طبعا اكيد انتى عارفى الكلام ده
الجبر عندك هتحتاجى قوانين المتتابعات فى اول باب خاصة القانون بتاع مجموع متتابعة حسابية و مجموع متتابعة هندسية عشان هتلاقى اثباتات مش هتتحل غير بالقانونين دول
نيجى للباب التانى هتحتاجى فيه القسمة المطولة و ازاى تحول من جا الى جتا و دى المدرس هيقولهالك عشان ممكن تكونى نسياها
اما الباب الثالث مفهوش حاجة الا ان طريقة ضرب المصفوفات هى نفس طريقة ضرب المحددات و دى مش بتيجى تقريبا
و بالنسبة للهندسة هتحتاجى قوانين التشابه بتاعت اولى ثانوى و قاعدة فيثاغورث و اقليدس و المتوسطات بتاعت المثلث بحالاتها
اما التفاضل فهتحتاجى القسمة المطولة و قوانين النهايات و الاشتقاق و هتحتاجى حساب المثلثات بتاع سنة تانيه كله خصوصا فى التكامل
و بالنسبة للتطبيقية عندك بتنقسم الى استاتيكا و ديناميكا هتحتاجى فيه كل ميكانيكا تانية ثانوى و شوية حساب مثلثات على شوية هندسة تحليلية
الخلاصة حساب المثلثات داخل فى كل الفروع ما عدا الديناميكا فلازم قوانين مجموع زاوييتين و حاصل ضربهم يكونوا محفظين صم
و قوانين الهندسة التحليلة دى بتبقى لطالب المتميز عشان مسائلها قليلة بس طبعا موضوع انك تجيب معادلة المماس دى اساسية انا بكلم عن قانون التقسيم او اسقاط العمود او الزاوية بين مستقيمين
لو فى اى استفسار انا فى الخدمة
ادعولنا بقى النتيجة بعد بكره

بصى انتى السنادى عندك الرياضة مادتين رياضة بحتة و رياضة تطبيقية
نبدأ بالبحتة بتنقسم الى جبر و هندسة و تفاضل و طبعا اكيد انتى عارفى الكلام ده
الجبر عندك هتحتاجى قوانين المتتابعات فى اول باب خاصة القانون بتاع مجموع متتابعة حسابية و مجموع متتابعة هندسية عشان هتلاقى اثباتات مش هتتحل غير بالقانونين دول
نيجى للباب التانى هتحتاجى فيه القسمة المطولة و ازاى تحول من جا الى جتا و دى المدرس هيقولهالك عشان ممكن تكونى نسياها
اما الباب الثالث مفهوش حاجة الا ان طريقة ضرب المصفوفات هى نفس طريقة ضرب المحددات و دى مش بتيجى تقريبا
و بالنسبة للهندسة هتحتاجى قوانين التشابه بتاعت اولى ثانوى و قاعدة فيثاغورث و اقليدس و المتوسطات بتاعت المثلث بحالاتها
اما التفاضل فهتحتاجى القسمة المطولة و قوانين النهايات و الاشتقاق و هتحتاجى حساب المثلثات بتاع سنة تانيه كله خصوصا فى التكامل
و بالنسبة للتطبيقية عندك بتنقسم الى استاتيكا و ديناميكا هتحتاجى فيه كل ميكانيكا تانية ثانوى و شوية حساب مثلثات على شوية هندسة تحليلية
الخلاصة حساب المثلثات داخل فى كل الفروع ما عدا الديناميكا فلازم قوانين مجموع زاوييتين و حاصل ضربهم يكونوا محفظين صم
و قوانين الهندسة التحليلة دى بتبقى لطالب المتميز عشان مسائلها قليلة بس طبعا موضوع انك تجيب معادلة المماس دى اساسية انا بكلم عن قانون التقسيم او اسقاط العمود او الزاوية بين مستقيمين
لو فى اى استفسار انا فى الخدمة
ادعولنا بقى النتيجة بعد بكره

شكرا جدا انا كنت داخله من غير ما اراجع على اي حاجه على اساس ان ريااضه 2 غير ريااضه 1 :d
شكرا جدا :028ja7:
جزاك الله خيرا
ربنا بوفقك ةتجيب المجموع اللى نفسك فيه باذن الله :022yb4::022yb4:

شكرا جدا انا كنت داخله من غير ما اراجع على اي حاجه على اساس ان ريااضه 2 غير ريااضه 1 :d
شكرا جدا :028ja7:
جزاك الله خيرا
ربنا بوفقك ةتجيب المجموع اللى نفسك فيه باذن الله :022yb4::022yb4:

موضوع المراجعه ده عشان يسهل عليكى مش اكتر
يعنى انا كنت ناوى انى اراجع على كل ده بذمة قبل ما ادخل تالتة ثانوى لكن حصلتلى ظروف خلتنى ملحقش اراجع عليهم الا فى يوم واحد بس و كان قراية بسرعة فاضطريت انى اراجع عليهم اثناء السنة مرة تانية
كمان انا كنت فى سنة تانية مهتم بالميكانيكا و التفاضل و منفض لحساب المثلثات كنت بكروته خصوصا الجزء بتاع الترم التانى عشان كان قصير و الجزء ده كنت عمال اراجع عليه كل شوية اثناء السنة لأنى كنت بنساه بسرعة
كمان فضلت ليلة الامتحان بتاعت التفاضل اراجع على القوانين دى و كذلك الجبر بس الحمد لله مجتش فى الامتحان
اما المتتابعات فالمدرس قالى انت مش هتشوف وشها تانى فكنت مذاكرها تلصيم و ف الاخر لبست فيها:d
فموضوع المراجعه ده عشان يسهل عليكى مش اكتر لأنك هتلاقى نفسك اثناء السنة ناسية حاجات من اللى انتى راجعتى عليها فمتقلقيش

موضوع المراجعه ده عشان يسهل عليكى مش اكتر
يعنى انا كنت ناوى انى اراجع على كل ده بذمة قبل ما ادخل تالتة ثانوى لكن حصلتلى ظروف خلتنى ملحقش اراجع عليهم الا فى يوم واحد بس و كان قراية بسرعة فاضطريت انى اراجع عليهم اثناء السنة مرة تانية
كمان انا كنت فى سنة تانية مهتم بالميكانيكا و التفاضل و منفض لحساب المثلثات كنت بكروته خصوصا الجزء بتاع الترم التانى عشان كان قصير و الجزء ده كنت عمال اراجع عليه كل شوية اثناء السنة لأنى كنت بنساه بسرعة
كمان فضلت ليلة الامتحان بتاعت التفاضل اراجع على القوانين دى و كذلك الجبر بس الحمد لله مجتش فى الامتحان
اما المتتابعات فالمدرس قالى انت مش هتشوف وشها تانى فكنت مذاكرها تلصيم و ف الاخر لبست فيها:d
فموضوع المراجعه ده عشان يسهل عليكى مش اكتر لأنك هتلاقى نفسك اثناء السنة ناسية حاجات من اللى انتى راجعتى عليها فمتقلقيش

شكرا جدا :rolleyes:
انا كنت مهتميا بالرياضه الحمد لله في سنه تانيه بسحصل انىتعبت ايايم الامتحانات شويه فنقصت فيها كان نفسي اقفلها يلا تتعوض في تالته باذن الله :022yb4:

معلش بقى هرخم مصدقت لقيت حد خبره
ملخصات الرياضه
انا هجيب المعاصر ولامى ايه اللى اديله اهميه اكبر واحل فيه الاول وانهى الاحسن في الشرح
++
هاخد درسين في الريااضه
بس بيقولولى الاتنين فى نفس المستوى وهتعب وكده واحد فى البيت وواحد هطلعله انا شايفه انه عاادى انا جربت قبل كده فكره درسين الريااضه ومتعبتنيش ولا حاجه بالعكس حسيتها احسن
ايه راى حضرتك

ربنا معاااك ومعانا باذن الله
وعيد مباارك :d

بصى هو مفيش اى كتاب شرح فى الرياضة الا المعاصر و هتلاقى المعاصر فى الميكانيكا حلو اوى زى باقى السنين اللى فاتت اما المعاصر فى الجبر و التفاضل هتتصدمى اول ما تشوفيه و خاصة الجزء بتاع الهندسة الفراغية بس بعد كده هتتعودى عليه
هو ميزة المعاصر فى الجبر و التفاضل انه جايب امثلة كتير بس انتى برضه ابقى بصى فى كتاب المدرسة فى الفرعين دول بالذات عشان هتلاقيه بيلم الدنيا بعد ما تخلصى الباب اللى بتذاكريه
و طبعا لامى جامد بس عايز دماغ عاليا اوى و خاصة فى الامتحانات بتاعته عشان هو بيضيف اجزاء بتكون فيها افكار حلوة مش موجودة فى المعاصر اما الجزء بتاع الميكانيكا فى لامى زى المعاصر بالضبط مفيهوش جديد فمش شرط تحليه اما الجبر و التفاضل مزود عن كتاب المعاصر
بصى انتى لما تجيبى الكتب هتشترى 3 كتب للمعاصر واحد جبر و هندسة مكون من جزأين شرح + امتحانات و كذلك التفاضل
و واحد ميكانيكا مكون من 3 اجزاء استايكا+ديناميكا+اجابات
اما لامى فده جزأين بس واحد اسئلة و التانى امتحانات
المعاصر هتلاقى فيه اخطاء خاصة فى التفاضل و درس المحددات متحلهوش من المعاصر خليكى فى لامى و انتى هتفهمى قصدى لما توصلى للدرس ده
المهم انك متقلقيش لما تشوفى كتب الرياضة اول ما تشتريها لأنها هتكون كبيرة
و بالنسبة لدرسين فى الرياضة انا مفضلش الموضوع ده لأن الرياضة بتبقى حصتين فى الاسبوع فكده وقتك هيضيع كمان المدرس اللى بتاخدى معاه المفروض يفهمك طريقة حل المسائل مش مجرد واحد بيدى 1000 فكرة و خلاص و يعملك ملازم اد كده ده غلط لأنك كده هتلاقى نفسك بتحفظى الافكار و مخك مبيقدرش يجيب الافكار الجديدة بسهولة
اما لو كنتى من النوع اللى بيحب حفظ الافكار فساعتها هينفع النظام ده
اى استفسار انا فى الخدمة

شكرا جدا لحضرتك :)
انا مش من النوع اللى بيحب الحفظ اساسا :d
بس الفكره بحس ان وااحد بياكد ع اللى التانى بيقولو فالمعلومه بتثبت ومش بتحتاج انى اذاكرها تاانى يبقى قاااعد ع الحل بس فاهمنى
انا هجرب فى الاول لو ارتحت تمام مارتحتش هفضل مع وااحد بس باذن الله
وشكرا تانى لحضرتك بجد استفد جدا
واكيد لو فى حااجه تانيه هسالها :)

تمام جزاك الله كل خير

بص يا بشمهندس احمد
كنت عاوزك تقولي ايه هيا الكتب الخارجية الي اجيبها في جميع المواد