من بداية العام كيف تذاكر الفيزياء للحصول على الدرجات النهائية بمشيئة الله تعالى [الأرشيف]

مشاهدة النسخة كاملة : من بداية العام كيف تذاكر الفيزياء للحصول على الدرجات النهائية بمشيئة الله تعالى

dr.saeed

19-08-2008, 03:08 AM

السلام عليكم ورحمة الله وبركاته
اولا ازيكم عاملين ايه
يارب تكونوا دايما بخير
دلوقتى زى ما عملنا فى الاحياء نعمل فى الفيزياء بأذن الله
اولا
نبذة مختصرة عن مادة الفيزياء
اولا
الفيزياء تعتبر اهم مادة فى الثانوية العامة
للاسباب كتير
اولها انها بتعتمد على التفكير كويس
ثانيا
انها مشتركة بين علمى رياضة وعلمى علوم
بس الفرق بينها وبين الكيميا (الاتنين مشتركين)
انها محتاجة مجهود اكتر من الكيميا

اما منهجها
فهو عبارة عن خمس وحدات بأذن الله
الوحدة الاولى بتتكلم عن الموجات بشكل عام
اول درس فى الوحدة طبيعة الحركة الموجية
بعد كدة الدرس التانى الصوت كمثال للموجات الميكانيكية
ثم الضوء كمثال للموجات الكهرومغناطيسية

الوحدة التناية بتتحدث عن الموائع
مثل الهواء والماء
الدرس الاول بتتحدث عن الهواء وقوانين الضغط
ثم عن الماء وقاعدة ارشميدس
والى بتنظم العلاقة بين الجسم فى المائع والجسم نفسه

الوحدة التالتة بتتحدث عن الغازات
ودى اكتر وحدة تعتبر مشتركة
لانها قريبة جدا من بعضها ويمكن خلط المسائل فيها بسهولة
اما الدرس التالت فهو نظرى فقط ولا يعتمد على المسائل
الرابعة
الوحدة الاهم
الكهربية
طبعا الاكبر درجة فى الامتحان
واكثر وحدة فنية
الخامسة
الالكترونيات الحديثة
والى فيها كتير من مواد الديجيتال فى الهندسة
وهى محتاجة تركيز من اول درس فيها

نيجى للنقطة الاهم
ازاى تذاكر الفيزيا
1 الدرس الى تاخده فى الدرس او المدرسة او اتشرحلك بوجه عام تذاكره فى يومه
لان كتير من المعلومات هتتقالك هتساعدك فى فهم الدرس واكيد اى حاجة بتتنسى بسرعة
ثانيا
لما تذاكر الدرس
تقراه اولا
قراءة تحليلة
كأنك مثلا بتطلع الافكار العامة للقصة مثلا
وبعد كدة تبدا فى تجميع المعلومات وتحصيلها
ثالثا
واهم حاجة
اكتر مادة تعملك مشاكل لو راكمت فيها
هى الفيزيا
فحاول يكون الدرس اول بأول
رابعا
لازم تتدرب بشكل كبير على الدرس
واعرف انها بتتعمد على التفكير اولا
والتحليل ثانيا
ثم الحفظ ثالثا
والحاجات النظرية فى الفيزيا بأذن الله حفظها سهل
لانها تعمتد ايضا على الفهم
ويكون ايضا فيه مراجعة سريعة للدروس السابقة قبل البدأ فى الدرس الجديد
خامسا
ومن اهم النقاط
الفيزيا مش المادة الى تتوقف فيها على كتاب المدرسة والدليل فقط
طبعا بيكون ادامك ملخصات كتير
نبدأ نتكلم عنها
اولا
كتاب المثالى
من اشهر كتب الفيزياء
بس كتحليل ليه
انا عن نفسى كنت بذاكر النظرى منه بس كان الكتاب بيزود شوية والى بيزوده بفهمه على السريع
اما كأسئلته
اسئلته النظرية عقيمة بعض الشىء
وليس فيها ادنى مراحل التفكير والاستنتاج والتحليل
اما مسائله
فأكيد مهمه
لانها غالبا بتجيب من امتحانات سابقة مع شوية مسائل من الدليل
وشوية بردة من الكتاب المدرسى
الملخص التانى
الماسى
دة فى نظرى وفى رأيى الشخصى
افضل كتاب مسائل فى الثانوية العامة
بيشمل على افكار كتيرة ومتنوعة
الى عاوز يذاكر فعلا مسائل صح
يذاكر الدرس بدرس منه
خاصة وانه مقسم كل دروس الى اكتر من درس
يعنى بيسهل جدا عملية المتابعة اولا بأول
غير ان كل مسائله مجابة
الكتاب التالت
الامتحان
دة افضل كتاب فى الاسئلة النظرية
والمسائل بتاعته تعتبر جديدة بعض الشىء
وجه منه مسألة السك فى السؤال التانى فى امتحان الفيزياء
ماكانشى طبعا بنفس اللفظ
بس نفس الفكرة تماما
وفيه طبعا كتب كتير
المعلم
الاول 2500 سؤال
بس تقريبا الافكار بتتكرر

لو عاوز فعلا تجمع بين اكتر من كتاب وبتحب المادة ومن الناس الى عندها هواية انها تكون متمكنة جدا من المادة
انك تيجى اول ما تخلص الدرس تذاكره
تانى يوم تحل المسائل الى عليه من الماسى
الحصة بحصتها
لو مشيت ممكن تحل بس بعد كل حص حوالى مثلا 5 \10 مسائل
وهاتكون العملية بأنتظام
لما مثلا تخلص نص الدرس
ابتدى فى حل الاسئلة النظرية لكتاب الامتحان
حسب ما الكتاب مرتبها
ولما تخلص الدرس خالص
وتكون حليت مسائل الماسى ونظرى الامتحان
هاتيجى مثلا تبص لكتاب المثالى تلاقى افكار كتير جدا متكررة
تحل انت بس الافكار الجديدة
والى غالبا مش هاتتعدى الخمس مسائل
ولازم الامتحانات تكون بأنتظام وتكون مستعد لكل امتحان تمتحنه
وتعرف من غلطتك فى الامتحان الى لسة ناقصك فى الدرس دة
طبعا بأذن الله لما تعمل الكلام دة
تكون مخلص حوالى 3 ملخصات قبل شهر 3 مع طبعا الكتاب المدرسى
تبتدى فى المراجعة فى حل دليل التقويم بأنتظام
مع مراجعة للمسائل المهمة الى انت كل معلم عليها قبل كدة بشكل مميز
وبنصح الجميع بالمرور على مسائل كتاب الامتحان بعد لما تكون خلصت الدليل
لانه فيه افكار جديدة
واكيد هتستفاد منه كتير
وان شاء احنا معاكم من اول السنة
فيه موضوع مثبت فى قسم الفيزيا تعالو نرتقى شوية بالمنتدى
هتلاقوا فيه اسئلة كتير ومتنوعة
حاولوا تعلموا فيه زى ماكنا بنعمل
تسألوا بعض
وتطلعوا لبعض الافكار الى حسيت انها مميزة
حتى تعم الفائدة للجميع
وايضا فيه موضوع فى قسم اجتماعيات طالب
الى عنده اى مشكلة فى اى مادة يتفضل يحطها هناك
وهيلاقى الاجابة بسرعة عليه ان شاء الله
وربنا ويوفق الجميع
واى استفسار كلنا موجودين معاكم
لغاية لما تجيبولنا النتيجة وتقولولنا الحمد لله كلنا فوق ال49 فى الفيزياء
واى تعديل لكلامى من الاساتذة الافاضل او الطلاب
نتقبلها ان شاء الله
لان الهدف المنشود
هو الافادرة للجميع
وليس لاظهار المعرفة
وان الله فى عون العبد ماكان العبد فى عون اخيه
وان الله لا يضيع اجر من احسن عملا

فى امان الله

dr.elreweny

19-08-2008, 03:09 AM

شكرا ليك على الافادة يا دكتور

dr.saeed

19-08-2008, 03:17 AM

شكرا ليك على الافادة يا دكتور

العفو
وجزاك الله خيرا

إنتحار طالب ثانوي

19-08-2008, 04:33 AM

شكراً يا دكتور و ربنا يوفقك

الاسطورة

19-08-2008, 04:51 AM

الحقيقة مش عارف اقولك ايه يا دكتور سعيد
لكن بجد بارك الله فيك وجعل هذا العمل فى ميزان حسناتك

dr.saeed

19-08-2008, 05:19 AM

شكراً يا دكتور و ربنا يوفقك

الحقيقة مش عارف اقولك ايه يا دكتور سعيد
لكن بجد بارك الله فيك وجعل هذا العمل فى ميزان حسناتك

جزاكم الله خيرا على مروركم الطيب

esam99

19-08-2008, 06:50 AM

ممكن إضافة لما ذكره د/سعيد
كتاب السامي للرسم البياني
كتاب ضروري جدا للتدريب
المستمر على الرسم البياني
السؤال السادس في ورقة الإمتحان
موجه فيزياء
أتمنى التوفيق والتفوق للجميع

TheDeco

19-08-2008, 11:41 AM

شكرا لك يا دكتور

arwaaa

19-08-2008, 05:15 PM

Dr.ahmed91

19-08-2008, 07:34 PM

السلام عليكم ورحمة الله وبركاته

تعجز الكلمات عن الشكر

جزاكم الله خيرا وجعله في ميزان حسناتكم

بس أفهم من كلام حضرتك إني لازم أجيب تلات ملخصات فيزيا من أول السنة

ولا ممكن أجيب واحد بس أنا بصراحة إحترت ق موضوع الملخصات ده إيه أحسن واحد أو أهم واحد

وماذا عن كتاب الوسام مثلا ؟؟؟

طيب والنماذج أحلها من أول السنة درس بدرس ولا أخليها ف الآخر كلها ؟؟؟

وأسئلة كتاب المدرسة لازم أحلها طبعا .... طيب أذاكر النظري من كتاب المدرسة ولا لآ ؟؟؟

وإن شاء الله هطبق كل كلمة هتقولوها هنا السنة كلها

بس الله يخليكم متسيبوناش أبدا

والله المستعان يرزقنا وإياكم الإخلاص له

بصي انتي لازم تذاكري اول شئ من مذكرة استاذك
وتحلي كتاب المدرسة

وكمان النماذج حسب نظام استاذك (لو مش بيحلهم يبقى تجيبي الكتاب وتحليه من دلوقتي معاه)

بعد ما تخلصي كل ده وعايزه تحلي مسائل اكتر وتشوفي افكار اكتر يبقى تجيبي
كتاب (اي كتاب) سواء المثالي او الامتحان او الوسام

هو كتاب الوسام كانت طالعه اشاعة ان اللي مألفه هو اللي مألف اولمبياد2008 ودي جه منها 9 درجات في الامتحان زائد حاجات تانية

فانتي تسالي استاذك تفضل اي كتاب؟؟؟؟؟؟؟

بالنسبة لكتاب المدرسة فأنتي لازم تقارني كل كلمة ورسة وتجربة وخطوة في المذكرة
بالكتاب لأن كتاب الفيزياء غالبا عام من غير تفصيلات كتير ومسائله قليلة برضه على عكس الكيمياء والاحياء (اجابة اي سؤال مرجعها نص الكتاب(

بس متفوتيش حاجة برضه

dr.saeed

20-08-2008, 12:52 AM

بصى يا اختى\ اروى
لو مشيتى بالطريقة الى قولتهالكم دى
هاتبقى العملية بسيطة
اما الدليل يستحسن فى المراجعة
لانه بينزل فيه كل سنة غالبا اسئلة جديدة
كتاب الوسام انا ماشفتوش خالص
وعلى فكرة مش هو الى حاطط الاولمبياد نهائيا
اما كتاب المدرسة
انا عن نفسى اقدر اقولك تذاكرى من كتاب المثالى
وتبقى تبصى فى كتاب المدرسة
والحاجة الى المثالى حاططها زيادة
افهميها وخلاص
وعلى فكرة
انا اهملت الفيزيا اخر شهرين خااالص
وجبت والحمد لله 47
لانى كنت بذاكرها صح من الاول
وجزاكى الله خيرا
وشكرا جزيلا للدكتور احمد لمتابعته
بارك الله فيكم
فى امان الله

ندي عاصم

20-08-2008, 01:42 AM

مشكور على النصائح القيمة

♥έĻ-мΰšŧâρèdâ♥

20-08-2008, 08:02 AM

arwaaa

20-08-2008, 08:30 AM

السلام عليكم ورحمة الله وبركاته

جزاكم الله خيرا

د/ أحمد و د/ سعيد

لقد أفدتوني كثيييرا

وإن شاء الله هطبق الكلام ده وكل الخيييير منتظر

Sherif Elkhodary

20-08-2008, 10:12 AM

شكرا جدا يا دكتور

جزاك الله خيرا

بس يا سعيد طالما بتقول لاز ذاكر الحصة بحصتها يبقي لازم تذاكرها كل يوم ولا ايه ؟؟

و عاوز اسالك سؤال تاني

انت اختارت مدرس الفيزياء بتاعك علي اساس ايه

انا عارف انه بره الموضوع شوية بس عاوز اسالهولك

Dr.ahmed91

20-08-2008, 10:52 AM

دكتور سعيـــد

اولا بشكرك على الموضوع وعلى النصااايح

ثانياا انا عندى مشكلات فى المذاكرة وبالذات فى الفيزياء

1- معرفش اذاكر الحصة بحصة يعنى باجلها على طوول
على اقل تقدير لازم تذاكريها مرة وتراجيعها مرة قبل الحصة اللي بعديها وانا عارف ان الوقت بيبقى ضيق خصوصا في 9 و10

2- معرفش اذاكر بالورقة وبالقلم خصوصا فى الرسم يعنى خيابه
مش حينفع خالص الكلام ده لازم بالورقة والقلم وتسمعي لنفسك

3- الملخصات فى الاول ببقى متحمسه واحل واجاوب واشخبط بعد اسبوع ارميعاا ولا كن شى كان
مذكرة الاستاذ خصوصا لو منسقة وزي كتاب المدرسة يبقى لازم متسيبهاش وكل ما تاخدي جزء مثلا راجعي على الباب بسرعة من اوله (مش معنى كده انك كل مرة تذاكري فيزياء لازم تعرفي الموجه والكلام الفاضي ده يعني تنظمي مراجعاتك)

4- عاوزة حد يقولى اعمل ايه انا ابتديت اول امبارح حصة فيزياء و الاستاذ شكله هيطردنى
اتمنى اكون افدتك وعلى فكرة ميقدرش يطردك او حيستخسر يطردك

في امان الله

Bent 3bdo

20-08-2008, 02:27 PM

السلام عليكم ورحمه الله وبركاته

شكرا ع النصايح

وان شاء الله نستفاد منها

وجعلها الله فى ميزان حسناتك

بس بالنسبه للكتب الخارجيه

أصل الفيزيا بيبقى ليها كذا كتاب نظرى ومسائل وكده (ع حسب منا فاكرة ساعه أختى)

يعنى المثالى في منه شرح ومسائل ولا ايه ولو فيه أجيب ايه

وبالنسبه للامتحان انا عندى بتاع المراجعه النهائيه او الاسئله

بس كله مسائل محلوله

انت الى تقصده شرح ولا ايه

وهل افهم من كلام حضرتك ان انا معتمدش فى مذاكرة الفيزيا ع كتاب المدرسه زى مكنت بعمل ف الكميا السنه الى فاتت

انا ف الكميا

كنت بذاكر من كتاب المدرسه وبحل من الامتحان للمسائل

انما مذاكر المستر بصراحه مكنتش بفتحها غير بس علشان احل الاسئله

لانى بتلغبط لما احفز بصيغه واجى ارجع عليها بصيغه تانيه

مش عارفه بقى فى الفيزيا النظام ايه

اصلى كمان مش مقتنعه بانى اذاكر بس من ملازم حد ف الثانويه العامه

مش عارفه ياريت حضرتك تساعدنى

ومعلش طولت عليك

والكتب الى حضرتك قولت اجيبها كلها من أول السنه ولا ايه

هيبقى عندى وقت احلهم ولا ايه

اصلى لما بيبقى عندى حاجه ومش حلاها بتعقد

وبحس انى مش بذاكر

لازم الكتاب يبقى مشخبط ومدهول علشان احس انى بذاكر

bosy .. mostafa

20-08-2008, 03:10 PM

بصراحه مش عارفه اشكرك ازاي
ربنا يقدرنا و نعدي الماده دي
لإن هي دي اللي عامله لي قلق و وش من ساعة ما قلت يا علمي هههههههههه
ربنا يسهل بقى و نعدي منها

samozeeen

20-08-2008, 03:18 PM

شكرا جزيلا على المعلومات

Dr.ahmed91

20-08-2008, 03:28 PM

السلام عليكم ورحمه الله وبركاته

شكرا ع النصايح

وان شاء الله نستفاد منها

وجعلها الله فى ميزان حسناتك

جزاك الله خير واحب اوجه شكر الى اخي الدكتور سعيد

بس بالنسبه للكتب الخارجيه

أصل الفيزيا بيبقى ليها كذا كتاب نظرى ومسائل وكده (ع حسب منا فاكرة ساعه أختى)

يعنى المثالى في منه شرح ومسائل ولا ايه ولو فيه أجيب ايه

وبالنسبه للامتحان انا عندى بتاع المراجعه النهائيه او الاسئله

بس كله مسائل محلوله

انت الى تقصده شرح ولا ايه

والله اي كتاب حلو ومش فارقة قوي مادام حليت المدرسة والنماذج وبتذاكري كويس يبقى هاتي اي كتاب مثلا الامتحان بتاع الاسئلة والمسائل تجيبيه كمان في الاحياء

وهل افهم من كلام حضرتك ان انا معتمدش فى مذاكرة الفيزيا ع كتاب المدرسه زى مكنت بعمل ف الكميا السنه الى فاتت

انا ف الكميا

كنت بذاكر من كتاب المدرسه وبحل من الامتحان للمسائل

انما مذاكر المستر بصراحه مكنتش بفتحها غير بس علشان احل الاسئله

لانى بتلغبط لما احفز بصيغه واجى ارجع عليها بصيغه تانيه

مش عارفه بقى فى الفيزيا النظام ايه

اصلى كمان مش مقتنعه بانى اذاكر بس من ملازم حد ف الثانويه العامه

مش عارفه ياريت حضرتك تساعدنى

بصي الفيزياء بتعتمد على الاستنتاج وتشغيل المخ يعني مش مجرد حفظ معادلات انا كنت زيك بذاكر الكيمياء والاحياء من كتاب المدرسة لأن اجابة الاسئلة مرددوها الكتاب انما الفيزياء غير كده الكتاب عام انما مذكرة الاستاذ(على حسب) حيبقى فيها شرح وتفصيل واسئلة ومسائل فاحسن لك تذاكري منها بس برضه تقارني المذكرة بالكتاب واي تعريف او صيغة مختلفة يبقى الكتاب

ومعلش طولت عليك

والكتب الى حضرتك قولت اجيبها كلها من أول السنه ولا ايه

هيبقى عندى وقت احلهم ولا ايه

اصلى لما بيبقى عندى حاجه ومش حلاها بتعقد

وبحس انى مش بذاكر

لازم الكتاب يبقى مشخبط ومدهول علشان احس انى بذاكر

لا مش لازم طبعا انتي في الاول تحلي المدرسة بعد كل فصل وبعد كده النماذج مع استاذك والواجب اللي يديهولك وال100 سؤال بتوع الكتاب اللي ورا مع الاستاذ برضه

اما الكتب انا افضل كتاب في الاول تحلي فيه مع كل فصل وكتاب للمراجعة من بعد ما تخلصي المنهج يعني على نص 3 تبدأي فيه
:D:D

في امان الله

Bent 3bdo

20-08-2008, 04:16 PM

FARIDA 2010

20-08-2008, 06:09 PM

سلام الله عليكم و رحمته و بركاته
انا اسمي فريدة اشتركت في الموقع منذ فترة قصيرة و انا اكتب هذه المشاركة فقط لاشكرككم علي مجهوداتكم و تعبكم من اجل راحة الجميع و خاصة انني سوف ابدا الدروس الاسبوع القادم 3 ثانوي و بحاول اقرا علي قدر استطاعتي ما تكتبونه حتي استفد منكم ... اشكركم للغاية
اترككم في رعاية الله و امنه
اختكم : فريدة

FARIDA 2010

20-08-2008, 06:15 PM

سلام الله عليكم و حمته و بركاته
انا اسمي فريدة اشتركت في هذا الموقع منذ فترة قصيرة و اكتب هذه المشاركة فقط لاشكركم علي تعبكم و مجهودكم من اجل راحة الجميع خاصة و انني سوف ابدا الدروس 3 ثانوي الاسبوع القادم و احاول قراءة موضوعاتكم علي قد المستطاع حتي استفد من حضراتكم و ادعو الله ان يجعل ذلك في ميزان حسناتكم ...
اترككم في رعاية الله و امنه
اختكم: فريدة

Dr.ahmed91

20-08-2008, 06:21 PM

لا مش لازم طبعا انتي في الاول تحلي المدرسة بعد كل فصل وبعد كده النماذج مع استاذك والواجب اللي يديهولك وال100 سؤال بتوع الكتاب اللي ورا مع الاستاذ برضه

اما الكتب انا افضل كتاب في الاول تحلي فيه مع كل فصل وكتاب للمراجعة من بعد ما تخلصي المنهج يعني على نص 3 تبدأي فيه

طب وحضرتك تنصح بطتاب ايه

الامتحان تقريبا كل مسائله محلوله

والله فيه كتب كويسة جدا
زي المثالي والماسي والوسام والامتحان

وانا مقدرش اختارلك واحد فيهم

اسألي استاذك او روحي المكتبة شوفي مين عاجبك واشتريه

او ممكن تسألي نصيحة د/سعيد

لما يدخل الموضوع

Blue Eyes

20-08-2008, 06:56 PM

ابدعت يا د سعيد

dr.saeed

21-08-2008, 03:52 PM

اسف والله يا جماعة انى بقالى حوالى يوم ونص كدة مش بدخل
راجعلكم تانى النهاردة ان شاء الله اقولكم على الى انتوا عاوزينه
فى امان الله

dr.saeed

21-08-2008, 03:54 PM

او ممكن تسألي نصيحة د/سعيد

لما يدخل الموضوع
شكرا يا دكتور احمد على احترامك الفائق والى يعتبر قدوة لغيرك فعلا
وطالما انت موجود انت احسن منى واكيد انت عارف الكتب بمشيئة الله
بارك الله فيك
فى امان الله

neso

21-08-2008, 07:19 PM

شكرا لجهود حضرتك انا مش عارفه اقولك ايه يادكتور سعيد بجد شكرا

dr.saeed

21-08-2008, 08:11 PM

دكتور سعيـــد

اولا بشكرك على الموضوع وعلى النصااايح

ثانياا انا عندى مشكلات فى المذاكرة وبالذات فى الفيزياء

1- معرفش اذاكر الحصة بحصة يعنى باجلها على طوول

2- معرفش اذاكر بالورقة وبالقلم خصوصا فى الرسم يعنى خيابه

3- الملخصات فى الاول ببقى متحمسه واحل واجاوب واشخبط بعد اسبوع ارميعاا ولا كن شى كان

4- عاوزة حد يقولى اعمل ايه انا ابتديت اول امبارح حصة فيزياء و الاستاذ شكله هيطردنى
1 فى الفيزيا لازم تذاكرى الدرس وتراجعيه قبل الحصة
2 انا صراحة مش بذاكر بورقة وقلم ولا بعرف ارسم اصلا يعنى يا دوب برسم للة الامتحان حتى الاحياء والله يادوبك ربنا سترها معايا
بس الورقة والقلم فى الحفظ يبقى معتمد على امكانياتك
3 دة بيعتمد على ارادتك ورغبتك الفعلية فى الوصول لهدفك مش اقدر اقولك حاجة معينة فيها صراحة
4 مش فاهم يطردك ليه؟

شكرا جدا يا دكتور

جزاك الله خيرا

بس يا سعيد طالما بتقول لاز ذاكر الحصة بحصتها يبقي لازم تذاكرها كل يوم ولا ايه ؟؟

و عاوز اسالك سؤال تاني

انت اختارت مدرس الفيزياء بتاعك علي اساس ايه

انا عارف انه بره الموضوع شوية بس عاوز اسالهولك
مش موضوع كل يوم موضوع تذاكر وتراجع
لازم تاخد بالك انها اهم مادة عندك
انا على فكرة اخاف اقول النظام الى انا عملته بالتفصيل لانى صراحة بعرف اذاكر مثلا فى يوم معين 15 او 16 ساعة فى حين فيه ايام مش بشوف فيها الكتب
بس لو حد عاوز يعرف بالملى يبقى يبعتلى انما مش ينفع اقوله هنا اصلكوا لو عرفتوا مذاكرتى للفيزيا هتناموا خالص
انت تسال براحتك يا شريف
والله كل الى فيها روحت لواحد جارى اسمه شريف بردة :D
قولتله بتاخد عند مين قالى كذا كذا وصدقنى دة احسن مدرس
قولتله المهم بيحل الدليل وكتاب المدرسة كله
قالى اة
قولتله طب ينفع اقعد معاه فترة بعد الحصة وكدة اجيبله اساله
قالى ايوة بردة
قولتله مش بيصد الواحد عنه مهما جبتله مسائل واسئلة
قالى لا
فروحتله وماكنشى عاجبنى اوى بس انا والحمد لله عوضت النقص الى فيه
بس انا لو كنت كملت لغاية شهر خمسة كان تحصيلى هايكون اعلى
واى سؤال اتفضل يا شريف برا جوه انت اخويا

السلام عليكم ورحمه الله وبركاته

شكرا ع النصايح

وان شاء الله نستفاد منها

وجعلها الله فى ميزان حسناتك

بس بالنسبه للكتب الخارجيه

أصل الفيزيا بيبقى ليها كذا كتاب نظرى ومسائل وكده (ع حسب منا فاكرة ساعه أختى)

يعنى المثالى في منه شرح ومسائل ولا ايه ولو فيه أجيب ايه

وبالنسبه للامتحان انا عندى بتاع المراجعه النهائيه او الاسئله

بس كله مسائل محلوله

انت الى تقصده شرح ولا ايه

وهل افهم من كلام حضرتك ان انا معتمدش فى مذاكرة الفيزيا ع كتاب المدرسه زى مكنت بعمل ف الكميا السنه الى فاتت

انا ف الكميا

كنت بذاكر من كتاب المدرسه وبحل من الامتحان للمسائل

انما مذاكر المستر بصراحه مكنتش بفتحها غير بس علشان احل الاسئله

لانى بتلغبط لما احفز بصيغه واجى ارجع عليها بصيغه تانيه

مش عارفه بقى فى الفيزيا النظام ايه

اصلى كمان مش مقتنعه بانى اذاكر بس من ملازم حد ف الثانويه العامه

مش عارفه ياريت حضرتك تساعدنى

ومعلش طولت عليك

والكتب الى حضرتك قولت اجيبها كلها من أول السنه ولا ايه

هيبقى عندى وقت احلهم ولا ايه

اصلى لما بيبقى عندى حاجه ومش حلاها بتعقد

وبحس انى مش بذاكر

لازم الكتاب يبقى مشخبط ومدهول علشان احس انى بذاكر

كتاب المدرسة فى الفيزيا يتقرأ بس
وعلى فكرة ابحثى فى مواضيعى انا عامل كل الخفايا بتاعته
يعنى لو سمعتيها يبقى خلاص مافيش مشاكل معاكى فى موضوع بين السطور
انما صعب تعتمدى على المذاكرة فيه زى الكيميا
لانى بردة ماكنتش بذاكر غير من كتاب الوزارة فى الكيميا
انما الفيزيا عن نفسى زى ما قلت فى الموضوع كنت بذاكر من المثالى
والمثالى كتاب واحد
بيبقى فيه الشرح والاسئلة والمسائل
وفيه كتاب بردة مراجعة المثالى كنت بردة بعتمد عليه
انا كنت واخدها على اساس انى بذاكر مادة فى الكلية
يعنى اكنها مراجع:D
واى حاجة تعلق عليكم موجودين بمشيئة الله
اما موضوع الكتب
زى ما قلتلك
الماسى مسائل
الحصة بحصتها
مش هاياخد منك وقت وهايوفر عليكى تقريبا 95 % من الافكار
كتاب الامتحان كفاية النظرى بتاعه ولما تفضى يبقى حلى المسائل كدة على السريع
وماحدش يخاف يا جماعة
السنة طويلة
انا على فكرة بادىء مذاكرة من نص شهر 10
ومافيش كتاب عندى ماحليتشى فيه
غير انى اهملت الباب الاخير بس عملى عقدة نفسية فى الاخر:D
ومش موضوع طولتى
لو عاوزة تعملى موضوع كامل تسألى فيه براحتك:D
المهم نشوفكم كلكم دكاترة ومهندسين او حسب امنياتكم وربنا يوفقكم

لا مش لازم طبعا انتي في الاول تحلي المدرسة بعد كل فصل وبعد كده النماذج مع استاذك والواجب اللي يديهولك وال100 سؤال بتوع الكتاب اللي ورا مع الاستاذ برضه

اما الكتب انا افضل كتاب في الاول تحلي فيه مع كل فصل وكتاب للمراجعة من بعد ما تخلصي المنهج يعني على نص 3 تبدأي فيه

طب وحضرتك تنصح بطتاب ايه

الامتحان تقريبا كل مسائله محلوله
كل الكتب مسائله محلولة
ودة طبعا الافضل لاى حد انه يعرف انه حالل صح ولا بيلبخ:D
زى ما بقولك عشان ما تتوهيش
الى تخلصيه تحليه من الماسى مسائل والامتحان نظرى
وبعد لما الفصل يخلص بصى بقى على مسائل المثالى مش هتلاقى جديد غير شوية بساط حليهم وخلاص
وعلى فكرة انتوا بتمتحنوا فى شهر 6:D
يعنى الوقت كافى بأذن الله
سلام الله عليكم و رحمته و بركاته
انا اسمي فريدة اشتركت في الموقع منذ فترة قصيرة و انا اكتب هذه المشاركة فقط لاشكرككم علي مجهوداتكم و تعبكم من اجل راحة الجميع و خاصة انني سوف ابدا الدروس الاسبوع القادم 3 ثانوي و بحاول اقرا علي قدر استطاعتي ما تكتبونه حتي استفد منكم ... اشكركم للغاية
اترككم في رعاية الله و امنه
اختكم : فريدة
جزاكى الله خيرا
احنا مش بنعم حاجة كبيرة
دى مساعدة بسيطة
غيرنا مثلا زى الدكتور هشام بيشرح وبيسأل وبيدى امتحانات وبيبعت للى جايب درجات كويسة مذكرات لغاية بيته
يعنى احنا يادوبك بنساعد كدة حاجة على ادنا

ابدعت يا د سعيد
جزاك الله خيرا
شكرا لجهود حضرتك انا مش عارفه اقولك ايه يادكتور سعيد بجد شكرا

ما تقولوش حاجة
ذاكروا انتوا بس واعملوا الى عليكم
فى امان الله

Dr.diamond

21-08-2008, 08:44 PM

بسم الله ما شاء الله

بارك الله فيك

samar_2010

21-08-2008, 09:17 PM

* dr.sara*

21-08-2008, 09:57 PM

شكرا جدا ع النصايح الغالية بس انا عايزة اسال هو لازم اقرا الدروس من الكتاب الوزارة و الا مش مهم
و كان الدكتور احمد91 ]كان بيقول لازم الورقة والقلم فى المذاكرة
وده بيضيع عندى وقت كبير لدرجةان السنةاللى فاتت مبقتش اعرف اذاكر غير كدة
حتى ليلة الامتحان كنت بذاكر كده وانا كنت عايزة اتخلص من الموضوع دة
يعنى اعمل اية و خاصة السنة دى هيبقى الوقت اقل لكترة الدروس
بصى الطريقة دى مش لازم ولا حاجة ده حسب طريقتك فى المذاكرة ممكن تكون ذاكرتك ضعيفة او مش بتحفظى بسهولة يبقى الورقة والقلم افضل اما لو درجة حفظك عالية يبقى احفظى شفوى وبصوت عالى ولو فى حاجة مهمة دونيها وراجعى عليها كل شوية
انا عن نفسى كنت بعمل كده وكنت بعمل ورق مدبس قيه الحاجات اللى بتلخبط فيها وكنت براجع عليها كل شوية عشان تثبت وكنت بعمل ملخصات لنفسى لكل فصل بافكار المسائل فانتى شوفى بقى درجة حفظك ايه واعملى الطريقة الاتنين ممتازين
بس اوعى تكتبى بالورقة والقلم فى ليلة الامتحان لاء اثناء الدراسة ليلة الامتحان يبقى هتضيعى وقت كبير ومش هتراجعى غير 5 فصول بالعافيةواتمنى اكون افدتك

Dr.ahmed91

21-08-2008, 10:17 PM

انا كنت بقول الورقة والقلم احسن طبعا ده مع التسميع لنفسك

بصوت عالي (بس مش قوي عشان محدش يفتكر انك مجنونة)

تخيلي انك مدرس وبتشرحي للناس قدامك

كل دي طرق تساعدك على تثبيت المعلومة على المدى الطويل
وليس مجرد امتحان بكره او تسميع حصة

وكل واحد طبعا بينام على الجنب اللي يريحه يعني اقصد
ان الطريقة اللي بتريحك ذاكري فيها

samar_2010

22-08-2008, 02:21 AM

شكرا جدا يا دكتورة سارة اكيد استفدت بس ع فكرة انا بدات مذاكرة كدة السنةاللى فاتت بس ;)
وطبعا يادكتور احمد حضرتك جيت متاخر لانى لما اجى اسمع بيقولوا عليا اتجننت مش لسة هتجنن!!!!!!!!!!!!:lol:
اما الكتابة باستخدمها للتثبيت هى بتثبت بس بتاخد وقت طويللللللللللللللللللللللللللل:confused:
و انا اظن ان ما فيش وقت السنة دى للحاجات دى
وبعدين محدش قالى كتاب الوزارة بتاع الفيزياء اقرا الدروس فيةو الا لا؟؟؟؟؟؟؟؟؟؟؟؟؟؟؟؟؟

arwaaa

22-08-2008, 02:25 AM

محمود حسن عبدالعال

22-08-2008, 02:58 AM

مشكووووووووووووووور

samar_2010

22-08-2008, 03:38 AM

hانا معاكى يا رضوى ان الموضوع بيضيع الوقت انا يمكن عشان لسه مبداتش دروس فمش فارقة اوى
انابتمنى ان اسماء المواضيع تبقى واضحة عشان يبقى الدخول اسهل
انا راى ان لازم يبقى فى حل اكتر و انا سمعت كلام المدرسين و قررت السنة دى انى ان شاء الله هامشى بدماغى لان دة مستقبلى و ربنا يستر

و انا كمان عايزة اعرف ادخل كام مرة ؟؟؟؟؟؟؟؟؟؟؟؟؟؟؟؟؟؟؟

* dr.sara*

22-08-2008, 11:32 AM

السلام عليكم ورحمة الله

يا جماعة بصراااحة أنا إحترت مش عارفة أسمع كلام مين

المستر بتاعي بيقول متجيبيش ملخصات خالص وخليكي بس ف المذكرات <<< عشان بتاعته يعني

وكل المواد كده كل ما أسئل مستر يقولي متجيبيش ملخصات أبدا

وكفايه عليكي المذكرات

وبالنسبة لموضوع الدخول ع النت ده

أنا بدخل دلوقتي كل يوم عشان أشوف النظام وأستفيد ف البداية

طيب لما ندخل بأه ف الجامد أدخل كام مرة ع النت ؟؟؟ وقد إيه وقت ؟؟؟

وبصراحة أنا بستفيد أوي بس برضه مش عايزة أضيع وقت

وإللي هتقولوهولي هعمله إن شاء الله

آه صح وكمان هل كل المواد لازم أذاكرها بعد الحصة مباشرة ولا أهم حاجة الفيزيا بس ف الموضوع ده

وجزاكم الله خير الجزاء

وجعله في ميزان حسناتكم
بصى لو مذكرة المدرس شاملة وكويسة ذاكرى منها بس بردو بصى على كتاب المدرسة لو فى حاجة مختلفة وقلهاش المستر بتاعك انا عن نفسى كنت بذاكر من كتاب المثالى فى كل الفصول ما عدا الفيزيا الحديثة ذاكرتها من كتاب المدرسة اصل كتاب المثالى فىحاجات زيادة كتير والفصل ده اصلا كله رغى عشان كده ذاكرت من كتاب المدرسة
بس المسائل كنت بحلها من كل الكتب اهم حاجة كتاب المدرسة يليه النماذج وبعدين الكتب الخارجية زى المثالى والامتحان و الماسى
بصى هى الفيزيا ضرورى تذاكريها بعد الحصة ع طول اما باقى المواد ممكن تانى يوم مفيش مشكلة
متدخليش ع النت كتير لانه بيضيع الوقت فى الاول ادخلى مثلا مرة مرتين فى الاسبوع تتابعى المواد وكده خاصة فى الشهور الاولى

dr.saeed

22-08-2008, 03:09 PM

على فكرة انا بالنسبالى يا اروى كنت بدخل كتير
لانى بزهق بسرعة
وبدل ما اكون زهقان ومش بذاكر
اتابع اشوف المدرسين حاطين ايه جديد
انما قسم الاحياء تتابعيه بأذن الله
والدخول لما تلاقى نفسك مخلصة وفاضية او زهقانه
يبقى انتى بتذاكرى بردة بس مش تاعبه نفسك
فى امان الله

yooomy

23-08-2008, 04:34 AM

شكرااااااااااااااااااااااااااااااااااااااااااا

dr.saeed

23-08-2008, 04:31 PM

العفو
فى امان الله

احمد حبيبة

23-08-2008, 10:41 PM

شكرا جدا يا دكتور

( لؤلؤة الإسلام )

09-09-2008, 03:16 AM

شكراااااااا عاانصائح دي ...
بس في مشكلة انا بدأت فيزيا مع مدرس و خدت حصة مع واحد تاني و لسه هجرب واحد كمان .. بس مش عارفة أحدد مين أحسن .. يعني مش باين أوي .. مش عارفة أعمل ايه ؟؟

dr.saeed

09-09-2008, 09:56 AM

شكرا جدا يا دكتور
العفو

شكراااااااا عاانصائح دي ...
بس في مشكلة انا بدأت فيزيا مع مدرس و خدت حصة مع واحد تاني و لسه هجرب واحد كمان .. بس مش عارفة أحدد مين أحسن .. يعني مش باين أوي .. مش عارفة أعمل ايه ؟؟
الى تشوفيه بيدى مسائل اكتر
وبتفهمى منه
وبيتابع كويس الطلبة
فى امان الله

ahmed92

12-09-2008, 10:05 AM

انا جبت المثالى والأمتحان والوسام فى المسائل هل أجيب كتب خارجية تانية ولا كفاية كده أرجو الرد السريع وكل عام وحضرتك طيب

ahmed92

12-09-2008, 10:26 AM

يادكتور سعيد ارجو الرد من حضرتك عنوانى باسم:eek: الفيزياء رعب الثانوية العمة :eek::eek: انا قلت لحضرتك أن جبت كتاب المثالى شرح والامتحان مراجعة نظرى ومسائل والوسام فى المسائل أجيب كتب تانية ولا كفاية كده وكل عام وحضرتك طيب

sidof

14-09-2008, 05:35 AM

والله انا كل مادخل على منتدى الفيزياء والرياضه 2 اقول الحـــــــــــمد لله انى خلصت من المواد دى وافتكر الايام الوسخه اللى كنت فيها
مش عشان صعبه لا بالعكس

لكن امتحانات 2008 خلتنى اكره علمى اوى

الله يكون فى عونكوا مع يسرى الجمل ده

dr.saeed

14-09-2008, 07:14 AM

marwa.m

14-09-2008, 07:32 AM

انا بدأت الفيزيا من باب الكهربية ومتكوم على حاجات كثير قوى وحاسة انى مش فاهمة حاجة خالص اعمل اية

dr.saeed

14-09-2008, 07:36 AM

انا بدأت الفيزيا من باب الكهربية ومتكوم على حاجات كثير قوى وحاسة انى مش فاهمة حاجة خالص اعمل اية
غلط انه يبدا من الكهربية
ياريت تشوفى طريقة تانية او مدرس تانى

MohammeD el_SadaT

14-09-2008, 08:05 AM

جزاك الله خيراً
و
جعله الله لك فى ميزان حسناتك
و
ربنا يجعلك دائماً مقداماً على فعل الخير والثواب
ربنا يوفقك دائماً إلى ما يحبه ويرضاه

ahmedyousry

14-09-2008, 12:56 PM

:mellow::mellow:الف شكر على هذا الموضوع الاكثر من رائع
وجزاك الله خيرا

dr.saeed

15-09-2008, 06:34 AM

:mellow::mellow:الف شكر على هذا الموضوع الاكثر من رائع
وجزاك الله خيرا

جزاك الله خيراً

و
جعله الله لك فى ميزان حسناتك
و
ربنا يجعلك دائماً مقداماً على فعل الخير والثواب
ربنا يوفقك دائماً إلى ما يحبه ويرضاه

جزاكم الله كل خير على ردودكم الطيبة
فى امان الله

ندي عاصم

15-09-2008, 08:12 AM

مشكور للافادة

canary

15-09-2008, 12:10 PM

بجد شكرا جدا اوي خالص

ربنا يجعلوا في ميزان حسنات حضرتك

dr.saeed

16-09-2008, 05:59 AM

جزاكم الله خيرا
والعفو لا شكر على واجب

براءة

16-09-2008, 06:01 AM

ربنا يكرمكـ بجد
جميل اوى حبكـ لمساعدة غيركـ
فى ميزان حسناتك باذن الله

dr.saeed

16-09-2008, 06:05 AM

جزانا واياكم بعون الله
فى امان الله

ماريه

18-09-2008, 10:07 PM

dr.saeed

19-09-2008, 12:44 AM

اشكرك كثيرا

ولكن انا عندى مشكلة انا مش ناويه اخد دروس السنة ديه فى اى مادة لانها بجد ضيعتلى وقتى كله السنه اللى فاتت

وعلشان كده مش هعرف اجيب المذكرات لان المدرسين بيعطوها للى هيخدوه دروس بس

ياريت لو حضرتك تقدر تساعدنى

او اى حد يقدر يساعدنى بمذاكرات كويسة

العفو يا اختى
اقولك
لو مش هتاخدى فى كل المواد ياريتى تاخدى فى الفيزيا
دى الحاجة الاولى
ثانيا
ان شاء الله هايكون فى الغرف الصوتية تنظيم من بداية العام فطالما مش هتاخدى دروس حوالى تنظمى نفسك معاها فى الشرح
ثالثا
الدروس بتضيع الوقت بس انتى جبتى كام فى تانية مع الدروس؟
رابعا
انا عن نفسى ماكنتش بذاكر من مذكرات وكنت بذاكر من كتاب المثالى نظرى وامثله
خامسا
لو احتاجتى اى حاجة موجودين معاكى ان شاء الرحمن

فى امان الله

وردانى

19-09-2008, 02:46 PM

الاساس فى الفيزياء هو القانون احفظه وافهمه وشوف من خلاله التجربة والتعريف وبعد كده طبق اسئلة ومسائل
حتلاقى المسالة سهلة ولما يقبالك قنون جديد احفظه واتحداك اذا كان فى الفيزياءغير (تعريف-قانون-تجربة)
اى ملخص تتدرب بيه المهم انت مش الملخص ولا المدرس
مدرس بالازهر

Dr.Bma

22-09-2008, 04:21 AM

انا كنت عايزه اقول ان نصايح الدكتور مهمه جداااااااا وتقريبا نفس النصايح اللي بقولها لما حد بيسألني عملت ايه في الفيزيا علشان تجيبي 48.5 في الفيزيا اهم حاجه ان الواحد يوسع دماغه وكل مسأله يدور ع كذا طريقه لحلها وطول ما هو قاعد يدور ع مسائل جديده مش لازم اللي تكون واجب بس وتاخد مع الاساتذه اللي بتتعامل مع الفيزيا بمرونه وتتقبل الاراء المختلفه في حل المسأل وما يتعاملش معها علي انها ماده حفظ واخر حاجة اناعايزه اقول ان الواحد لازم يحل ثلاثه كتب أساسيه هم كتاب الوزاره ودليل التقويم وكتاب المثالي وبعد كده زي ماقولت المسأله اللي تقع تحت أيدك لازم تحلها واي كتاب او مذكره تلاقي فيها حاجه جديده لازم تستفبد منها واوعي تخلي الفيزيا تشغلك عن المواد التانيه واعمل لكل ماده نسبه من الوقت للمذاكرة حسب ما انت تحس هي محتاجه فد ايه ويارب النصايح دي تفيدكوا:d

BIG HEAD

25-09-2008, 02:44 PM

الف شكر
جزاك الله خيرا

etoil

27-09-2008, 01:56 AM

جزاك الله خير يادكتور سعيد وهذا ليس جديد عليك فهذه عادتك ودائما ما نستفيد من خبرتك الرائعة وعطائك المتميز
وجزاك الله عنا كل خير

dr.saeed

29-09-2008, 09:13 PM

maryooma ahmed

30-09-2008, 02:48 AM

جزاك الله خيرا يا دكتور

dr.saeed

02-10-2008, 11:04 AM

جزاك الله خيرا يا دكتور
وجزاكى مثله

دكتور محمود

02-10-2008, 02:12 PM

و جزاك مثله

دكتور محمود

02-10-2008, 02:14 PM

الفيزيا اهم حاجة تتذاكر بحب وبفهم وبذكاء وتركز عالحاجات المهمه اوى وطبعا تبقى عضو فى البوابه بس اهم حاجة لما تعمل مواضيع محدش يحذفها

dr.saeed

03-10-2008, 02:38 AM

الفيزيا اهم حاجة تتذاكر بحب وبفهم وبذكاء وتركز عالحاجات المهمه اوى وطبعا تبقى عضو فى البوابه بس اهم حاجة لما تعمل مواضيع محدش يحذفها
جزاك الله خيرا
وان شاء الله لو فيه شكوى من حذف مواضيع دراسية يبلغنى وان شاء الله الى ربنا يريده هايتم
فى امان الله

shrshr2007

03-10-2008, 03:56 PM

جزاكم الله خيرا وجعله في ميزان حسناتكم

dr.tweety

03-10-2008, 04:20 PM

ربنا معاكم يا جماعة الفيزياء دى من اشيق المواد اللى درستها فى حياتى ومش صعبة خالص خالص

بس مش معنى كده اننا نستهون بيها لانها مادة ف الاول والاخر غدارة فى نظرى

عبدالعزيز عطوة

04-10-2008, 08:36 PM

جزاكم الله خيرا

dr.saeed

09-10-2008, 08:55 PM

جزاكم الله خيرا وجعله في ميزان حسناتكم

ربنا معاكم يا جماعة الفيزياء دى من اشيق المواد اللى درستها فى حياتى ومش صعبة خالص خالص

بس مش معنى كده اننا نستهون بيها لانها مادة ف الاول والاخر غدارة فى نظرى

جزاكم الله خيرا
جزاكم الله خيرا على مروركم الطيب
فى امان الله

ahmed fahmi

09-10-2008, 10:52 PM

جزاك الله خيرا على النصائح الهامة وندعو الله لجميع الطلبة بالتوفيق والنجاح

Nada848

10-10-2008, 11:26 AM

جزاك الله كل خير يا دكتور على نصائحك الجميله دى
ممكن اعرف ايه رأى حضرتك فى كتاب 100% بالنسبه للمسائل .

sun rays 2010

10-10-2008, 03:06 PM

جعله اللـــــــــــه في ميزان حسناتك ......

Eng_lfc

10-10-2008, 03:13 PM

شكرااااااااااااااااااااااااااااااااااااااا

محمد فوزى سلامة

10-10-2008, 07:38 PM

يا استاز انا مش عاريف اشاول ايه بس الف الف شكر على الكلام الجميل دة

* lola *

11-10-2008, 02:25 AM

ربنا يديك على اد اللي قدمتة لينا بجد شكرا

* lola *

11-10-2008, 02:27 AM

وياريت تبعت لي ميلك على الخاص ده لو مش فيه رخامه يعني

dr.saeed

11-10-2008, 01:25 PM

جزاك الله خيرا على النصائح الهامة وندعو الله لجميع الطلبة بالتوفيق والنجاح

جزاك الله كل خير يا دكتور على نصائحك الجميله دى
ممكن اعرف ايه رأى حضرتك فى كتاب 100% بالنسبه للمسائل .

جعله اللـــــــــــه في ميزان حسناتك ......

شكرااااااااااااااااااااااااااااااااااااااا

يا استاز انا مش عاريف اشاول ايه بس الف الف شكر على الكلام الجميل دة

ربنا يديك على اد اللي قدمتة لينا بجد شكرا

وياريت تبعت لي ميلك على الخاص ده لو مش فيه رخامه يعني
حزاكم الله خيرا على ردودكم الطيبة
وايميلى موجود فى الملف الشخصى
بس لو فيه سبب معين ممكن تقوليه

فى امان الله

ميرو ميرو

26-10-2008, 05:09 PM

شكرا جزيلا

تسلم ايديك

Mo'MeN 2

26-10-2008, 05:17 PM

ربنا يكرمك يارب على المعلومات الجميلة دى !

محبة الجمال

28-10-2008, 08:45 PM

مرسية يا دكتور انا بدا دروس من شهر 8 وانا دلوقتى فى شهر 10وماجلة مذاكرة الفيزياء بس هبدا فيها اول 11

dr.saeed

28-10-2008, 09:48 PM

جزاكم الله خيرا
وتأجيل الفيزيا دة خطر جدا على فكرة
فى امان الله

klmnopq

11-04-2009, 10:17 AM

ابدااااااااااع

محمد على عبده

08-10-2010, 02:02 PM

يا دكتور انا عايز اشترى كتاب الماسى بس عايز اعرف مميزاته قبل امشتريه

العمل سبب الامل

08-10-2010, 08:53 PM

ميرسى اكتير

بنت الشاطئ1

06-01-2011, 01:18 PM

شكرااااااااااااااااااااااا

سها نور

07-01-2011, 02:45 PM

جزاك الله خيرا