مشاهدة النسخة كاملة : ايه هم رد فعلك اول مسمعت
yooomy 19-08-2008, 03:15 AM طبعا معظمنا عاش هم الثانويه العامه طول السنه باس الهم الاكبر كان عند ظهور النتيجه
يعني ايه كان رد فعلك ورد فعل اهلك لما عرفت النتيجه
انا عنفسي كونت السنادي في تانيه و كنت وجبت مجموع مش الي كان نفسي فيه باس الحمد لله
و مالكوش كانت حتت صدمه اعدت اربع تيام مزهوله و كاني في حلم او كابوس والمهم ان انا عرفت النتيجه ونا
في المصيف فبسراحه كان نكد
يلا الحمد لله
يعني مش هتال عليكو بس يريت تشركوني:d
dr.elreweny 19-08-2008, 03:26 AM شكرا على التوبيك الرائع يا يومي
انا برضو كنت في تانية السنادي و رايح ان شاء الله تالتة
بس فعلا يوم النتيجة شعوري كان رائع و ماكونتش مصدق نفسي
اول ما بابا شاف النتيجة كانت في ايده راح حاضني و فضل يبوس فيا و يقوللي مبروك و الناس كلها حولينا اما بتضحك علينا و اما بتضحك على النتيجة و اما بتعيط
بس فعلا الدنيا كانت ساعتها مش سايعاني
منى ذكى 19-08-2008, 04:58 AM اانا فى سنة تانية عيطت من الفرحة او الخضة معرفش بصراحة وفى سنة تالتة كنت فرحانة جداااااااا الحمد لله وكل بيتنا كان فرحان اوى
واول ما جمعت الدرجات كلمت مستر الانجلش اللى كان بيدينى درس علشان افرحه بالدرجة والمجموع كله.
yooomy 20-08-2008, 02:22 AM .................................................. .................................................. .....................
memsh 20-08-2008, 02:32 AM اها طبعا كان احساس ما يتوصفش بكلام مامتى وبابايا كانوا فرحانين اوى اوى واخويا طبعا قام بالواجب عملى فرح فى الشارع وخمسات فى سبعااات هههههههههه يعنى ظبتنى والحمد لله
Prof.Dr/A.T.M 20-08-2008, 02:34 AM انا كانت فى تانية يوم النتيجة ده كان اسعد يوم فى حياتى
كنت عاوزة ارقص واغنى وكل البيت كان فرحان
التليفون مبطلش رن كنت فى غاية السعادة
earth 20-08-2008, 02:37 AM انا كنت نايمه و ماما جايه تقولى المجمو و اخواتى بيطبلوا
طبعا واحدة نايمة بصيت لماما كده وانا مش فاهمه حاجة لانى كنت باكل رز مع الملايكه
ماما قالتلى اصحى احى بابا فتح الموقع و جاب النتيجة
طبعا مسالتش كام لانى سامعة اخواتى بطبلوا و عمالين يغنوا بالنيجة
بصيت كده ع الشاشة و ماما و بابا حضنونى و باسونى
وقعدوا يقولو يا حبيبتى يا حبيبتى و ماما على طول لولولولولولولولولولولولولى
الساعة 4 الفجر
بس كان يوم تحفة و رائع و جميل ماقدرش انساه و كنت حاسة انى ملكة الكون و الدنيا ما تسويش حاجة قدامى
شكرا ع الموضوع فكرنى احلى يوم فى حياتى
Dr.love ferdos paradise 20-08-2008, 02:39 AM انا كنت في تالته واول ماعرفت اني دخلت صيدله ماصدقتش نفسي طبعا كلهم فرحوا بيا كنت ساعتها في اسكدريه وعلى البحر بشرب عصير مانجه دا غير فرحتي انا اني حققت حلم حياتي وانشاء الله اتفوق فيها واعمل حاجه جديده فى الصيدله وانا طول عمري بفكر اني اعمل الصيدليه العشبيه بس ربنا يقدرني واعمل حاجه اخدم بيها ديني
وربنا يوفق الجميع ويدخلوا الكليه الي نفسهم فيها
yooomy 20-08-2008, 03:15 AM شكرا علي ردودكم و مبرووووك للجمييييييع
earth 20-08-2008, 08:42 PM الله يبارك فيكى يا قمر
ahmed2845 20-08-2008, 09:12 PM ساعة ظهور النتيجة دى كانت اكبر صدمة فى حياتى
لان الامتحانات كانت صعبة وانا كنت متوقع انهم هيرفعوا الدرجات
ولكن للاسف
ولكن على اى حال
انا جبت 91 ودخلت علوم عين شمس الحمد لله بعد ما كان املى كله على الهندسة
yooomy 21-08-2008, 02:00 AM لا حياه بدون امل و طلاما انك ماسرتش في المذكره يبا ربنا ريدلك الخير و بعدين كليه علوم عين شمس حلو مش وحشه
و مبرووووووك علي العموم
ahmed2845 21-08-2008, 02:42 AM لا حياه بدون امل و طلاما انك ماسرتش في المذكره يبا ربنا ريدلك الخير و بعدين كليه علوم عين شمس حلو مش وحشه
و مبرووووووك علي العموم
انا عارف والله كلية علوم جميلة
بس انتى عارفة لما تبقى حاطة املك كله على كلية
وتيجى امتحانات معفنة من بره المنهج وتنزل مجموعك
دى حاجة تحرق الدم
واللى الحاجة اللى حرقت دمى اكتر انى كنت بموت نفسى فى المذاكرة
يلا بقى كل واحد بياخد نصيبه
شكراا على ردك على مشاركتى فى موضوعك
yooomy 21-08-2008, 04:03 AM -------------------------------------------------------------------------------- -------------------------------------------------------------------
------------------------------------------------------------------------ ---------------------------------------------------------------
---------------------------------------------------------------- -------------------------------------------------------------
---------------------------------------- ------------------- شكرا علي ردودكم -----------------------------------------------------
------------------------------------------------- -------------------------------------------------
-------------------------------------------- ------------------------------------------------
--------------------------------------- ------------------------------------------
انا بصراحه رد فعلى ف 2
انا جالى انهيار تام م النتيجه والظلم اللى حصلى
وامى طبعا اتصدمت
ابويا بقى كان نايم وكل شوية يصحى يزعقلى ويقولى خشى نامى دلوقتى
مش هتعرفى تجيبيها من الزحمة دلوقتى
ابقى هاتيها م المدرسة الصبح
بس طبعا مكانش عندى اعصاب استنى للصبح
المهم بعد ما جبتها وانهرت جامد
هو صحى من صوتى قلتله مجموعى
مردش عليا واتصدم يا عينى
ومنطقش ولا كلمه بعدها ونام
كنت جايبة 87
والمشكلة انى علمى رياضة
المهم ف 3
مستنتش لما تطلع ع النت بليل
انا جبتها م الكنترول
بس مكنتش اعرف ان فى حد جايبهالى
ونايمة براحتى بقى
وقريبى اتصل بينا الصبح عشان يقولنا
وسبحان الله صحيت م التليفون مع ان نومى تقيل اوى
كان قلبى حاسس مع انى عارفه ان النتيجه لسه بليل
بس الحمد لله فرحت اوى بيها وجبت 90 الحمد لله انى زدت وخلاص
وخصوصا انى محولتش ادبى وكملت رياضة
yooomy 21-08-2008, 04:37 AM ربنا يوفائك و تحققي كل احلامك
gamal saber 21-08-2008, 05:13 AM ياااااااااة رجعتونى للذى مضى
انا بئة ايام ما كنت فى 3 ثانوى لحظة لما جبت النتيجة
بالرغم من انها كانت 91 ادبى يعنى اعتقد انها ممتازة مع العلم انى كنت ناوى على حقوق يعنى 70 كفاية اوى
بس بردو محسيتش باى فرحة كل الى حسيت بية انى كنت عاوز اعمل حاجة وعملتها
وكان عندى وقتها الى يشغلنى اكتر من النتيجة بكتير
مش عارف انا ماحسيتش باى نوع من الفرحة
dr \manoo 21-08-2008, 05:30 AM انا بقى صحيت على النتيجه وسمعت الدرجات الحلوة الاول وبعدي الدرجات الوحشة واتصدمت واعت اعيط 3 ايام
بس اا لسه تانية 93 ونص ربا يستر على تالته
Basma2 21-08-2008, 05:40 AM فكرتونى بايام سودة بس حاسة ان ربنا هيعوضنى ان شاء الله
ymymym 21-08-2008, 06:30 AM انا بقي كان رد فعلي عادي جدا وكنت مبسوطه وحمدت ربنا مع اني كنت متوقعه ان درجتي اعلي بكتير من كده بكتير كمان لاني حليت كويس شويه عن باقي اصحابي وجبت بالضبط تسعين ودخلت تجاره انجليزي ولسه يعني هقدم الانجليزي دا وربنا يسهل الحمد لله علي كل حال
basmala 21-08-2008, 07:40 AM انا سستمت نفسى ان اى مجموع يجى انا راضيه بيه ..وبعدين لما طلع مجموعى ..كنت بضحك ادام كل الناس ومش هممنى ...
بس كنت بعيط بليل قبل مانام عشان محدش يشوفنى
Tawfeek Yahia 21-08-2008, 07:59 AM هي االناس كلها كانت نايمه وأهاليها جت صحتها علي النتيجه ... انا رافع شعار ... مابلاش نتكلم في
الماضي ..الماضي دا كان كلو كلام ....... أنا حاليا داخل حاسبات ومعلومات المنصوره وربنا يوفق
الجميع ....موضوع يقلب المواجع بلاش من المواضيع دي تاني لاني بسرح وبتبقي حالتي حاله
yooomy 21-08-2008, 01:44 PM لا لا محدش يزعل مني ؤ بعدين انا تفوقت عليكو كللكو فاكتر شخص كان حزين يوم معرف النتيجه باس عادي يعني
يلا ادينا بندردش
و شكرا علي مروركم كلكم
bosy .. mostafa 21-08-2008, 02:04 PM انا بصراحه كنت فرحانه لإني توقعت اقل من كده بزمان
بس الحمد لله رب العالمين عديت يعني
عقبال السنه الجايه بامر الله
!!!دمعة حزن!!! 21-08-2008, 02:34 PM انا بقى حكايه غريبه شويه
اناعيط بعد سنه
انتوا طبعا هتقولى ايه البنت الغبيه ده بتعيط على النتيجه بعد سنه
اقولكم انا دخلت كليه بس مكنتش بحبها وبعد سنه فيها جيت احول بلد تانى
وقولت بالمره اغير الكليه بما انى بمحبهاش
اتصدمت الصدمه الكبره انى مجموعى ناقص درجتين عن مجموع الكليه اللى كان نفسى احول عليها
وعيط على مجموع ثانوى
بس رجعت وقولت الحمد لله على كل الاحوال
yooomy 22-08-2008, 03:39 AM شكرا للجميع و اكيد يا كوكو ربنا اخترلك الشيء الاحسن
اتمناليك التوفيق و بجد حكيتك غريبه اوي
يعني تفوقتي عليااااااااااااااااااااااااااا
محمد.فوكس 22-08-2008, 04:04 AM السلام عليكم..
انا بقى داخل علوم..و كنت علمي رياضة
في سنة تانية كان يوم اسود يوم النتيجة مجموع وحش و الكيميا دبحتني و قعدت اسبوع مكتئب و بعدين فكيت و قررت اني اكمل علمي رياضة و اترددت بعد كده و قلت احول ادبي بس رجعت في كلامي و قلت افضل علمي رياضة..
السنادي المجموع مكانش حلو بس كان حلو بالنسبة للامتحانات لأن مجموعي زاد عن مجموع سنة تانية و انا مكنتش متوقع ده خالص عشان الامتحانات المنيلة .. عشان كده السنادي كانت كويسة
السلام عليكم..
nourezz 22-08-2008, 04:08 AM انا عايزة اسال yooomy هيا جايبة كام ؟ انا رايحة تالتة وربنا يستر لان مجموعى88 السنادى وانا ادبى قولى لى هل دة مجموع كويس؟
yooomy 22-08-2008, 04:28 AM اه طبعا مجموعك كويس جدا علي ادبي انا عندي اصحابي جايبين اقل من كدا و طيرين من الفرح
باس لو كنتي عيزه سياسه و اقتصاد او اعلام بس شدي حيلك شوي وهاتجيبيهم و علي فكره انا سمعت ان السنه الي جايه اسهل
اما عن مجموعي فالمد لله ادر ولطف
yooomy 23-08-2008, 04:05 AM زززززززززززززززززززززززززززززززززززززززززززززززززز ززززززززززززززززززززززززززززززززززززززززززز
زززززززززززززززززززززززز
زززززززززززززززززززززز
yooomy 28-08-2008, 02:40 AM ايه يا جماعه مفيش حد تاني ولا ايه
|