مالشروط اللازمة للالتحاق بهندسة القاهرة ؟؟؟؟؟؟؟ [الأرشيف]

Ahmed M. Fayez

15-07-2015, 12:09 PM

لو انت مش من القاهرة ، بمعني ان هندسة القاهرة مش هتبقي أول رغبة ليك.

ومجموعك جاب هندسة انت كاتبها في الرغبات قبل هندسة القاهرة ، اللي هي غالباً في نطاقك الإقليمي يعني محافظتك أو أقرب محافظة ليك.

مستحيل تدخل هندسة القاهرة من إعدادي حتي لو غيرت محل إقامتك لإن التحويل الورقي إتقفل ، تدخلها في حالة واحدة بس انك تدخل نظام الساعات المعتمدة في هندسة القاهرة ، واللي أنا طالب فيه حالياً علشان كنت زيك مش من القاهرة ونفسي أدخل هندسة القاهرة.

لو عاوز تحول بعد إعدادي هتغير محل اقامتك وتخليه القاهرة ، بس مش هيبقي متاح ليك غير أقسام مش موجودة في كليتك ، ولازم تكون جايب جيد جداً علي الأقل.

اللي هيكون متاح ليك قسم زي بترول وكيمياء وكدة ، اللي هي الأقسام اللي بتاخد في تنسيق إعدادي من 36% مثلاً ، يعني لو انت في هندسة وشيلت مادتين في إعدادي تدخلها.

طبعاً علي حسب رغبتك ممكن تكون عاوز تدخل بترول أو كيمياء أو حاجة من دول ، انما لو بتفكر تدخل في قسم تاني في هندسة القاهرة للأسف مستحيل ، والحل الوحيد اللي قدامك انك تدخل ساعات معتمدة ، ودي بفلوس التيرم تقريباً بـ 10 ألاف ، وهي مش خاصة ولا حاجة دي هندسة القاهرة بس نظام الدراسة بيبقي كله إنجليزي وبيكون في إهتمام كبير أوي بالطلبة وعدد الطلبة صغير ، وبتدخل القسم اللي انت عايزه ، بس خلي بالك هي أصعب شوية من نظام الفصل الدراسي ، ومحتاجه تكون قوي في الإنجلش ، لإن طلبة ساعات معتمدة ( كريديت ) بتلاقي 90% منهم American Diploma و IG وثانوية عامة لغات ، لإن الدراسة فيها من أول كلمة إنجلش.

ربنا يوفقك يارب.