مشاهدة النسخة كاملة : هو ربنا عرفوه بالعقل ؟؟؟
The_Relativistic200 19-08-2008, 05:03 PM السلام عليكم ورحمة الله وبركاته
بصراحة لفتت نظرى المقولة دى وانا مشغل مسلسل جنبى على الجهاز
وبصراحة ما ريحتنيش اوى....
ايه رأيكم اولا فى المقولة دى؟؟؟
يعنى ايه ربنا عرفوه بالعقل؟؟؟
هل هى صح ولا غلط...؟؟؟
طبعا انا كلامى بيبقى فى الاخر
بس اشوف رأيكم فى المقولة دى
وانا جبت مقولة واحدة كفاية.....!!
memsh 19-08-2008, 05:08 PM والله فعلا سؤالك محير وانا بردو بسمعهاا كتير اوى بس يعنى هى فيما معناها ان العقل هو اللى بيميز الانسان
وتقريبا تتقال لما يكون انساان مش قادر يفهم حاجه او ( مقفل دماغه )بالعامى ،،،،،،،،، تقريبا يعنى ده رأى
وشكــــــــــــرا ,,,,,,,,,,,,,
mido125 19-08-2008, 05:24 PM انا من رأى
ممكن اتكلم مع واحد وهو مش عايز يقتنع بوجهة نظر دينية مثلا
فا اقول له شغل دماغك وفكر فى الموضوع ده ما تبقاش ببغان بيسمع ويردد الكلام
واقوم قايل له ده ربنا عرفوه بالعقل
The_Relativistic200 19-08-2008, 05:49 PM شكرا على مروركم
انا عارف بتتقال ازاى......
مجاوبتوش على سؤالى برضو:d
MohammeD el_SadaT 19-08-2008, 05:53 PM أنا من رأيى إن دى قضيه مسلم بيها
وهى إن ربنا سبحانه وتعالى عرفوه بالعقل
وبجد أنا مش عاوز أتكلم ولا ادخل فى تفسيرات دينيه ولا أتكلم عن ربنا سبحانه وتعالى ولا أقول أى حاجه
عشان مدخل فى متاهات
وإحتمال أخطأ فيها
mido125 19-08-2008, 06:19 PM انا مش بدخل فى حاجات دينية
بس ربنا خلق كل اللى حوالينا علشان نعرفه
ونعرف انه الخالق
علشان كده ربنا قالنا تدبروا فى خلق السموات والارض
اكيد علشان نحس بعظمة الله ونعبده
msamido 19-08-2008, 06:23 PM لو تفتكر قصة سيدنا ابراهيم لما شاف القمر والشمس وكده هنا هو عرف ربنا بالعقل
اعتقد ولست مفتى
bosy .. mostafa 19-08-2008, 06:44 PM انا مش فاهمه اصلاً هي يعني ايه؟ << ممنوع دخول الأغبياء
شكراً للموضوع
mfahmy 19-08-2008, 06:55 PM فى كتاب اسمه (حوار مع صديقى الملحد) للدكتور مصطفى محمود جمله بتقول ان لله عرف بالضمير ولله اعلم
mido125 19-08-2008, 07:12 PM يا جماعة انا مش عارف
بس مش هفتى فى حاجة انا مش عارفها
انا قولت مجرد رأى
The_Relativistic200 19-08-2008, 10:00 PM على فكرة
انا حبيت فيكم ظاهرة ان محدش بيحب يفتى
ودى ظاهرة صحية على فكرة
تحية خاصة لمساميدو عشان بقالى كتير ما لمحتوش:d
لو تفتكر قصة سيدنا ابراهيم لما شاف القمر والشمس وكده هنا هو عرف ربنا بالعقل
انت كده دخلتنا فى حاجة مهمة
اللى هى قصة سيدنا ابراهيم.....وهتكلم عليها فى تعليقى
بس انا بحب اشوف تعليقاتكم
وعلى فكرة الجملة دى مش قرآن يعنى اللى عاوز يقول حاجة يقولها
وانا ليا تعليق صغنن بس:)
اعتقد ان اللى مقصود بالعبارة دى
ان زمان مش كان حد يعرف ان فى ربنا
(ايام القدماء المصرين يعنى)
فلما وجدوا ان فى شمس وفى قمر وليل ونهار
فكروا بعقلهم وتوصلوا ان اكيد فى اله هو اللى مسير كل العالم ده
ده تفسيرى
هند2006 20-08-2008, 01:43 AM والله مش عارفه انا خايفه افتى يبقى حرام عليا
جزاك الله كل خير
Sharp Nails 20-08-2008, 02:49 AM ياللهوووووووووووووووى
هو دة الى انا خايفة منه
ياجماعة اقسم بالله هتتحسبوا عالكلام الى انتوا قلتوه دة
مش عارفين اسكتوا
من قال لا اعلم فقد افتى
عقل اية الى عرفنا بيه ربنا
امال فين الرسل والانبياء
فين القرآن والانجيل والتوراة
اية بقى فى اية عقل اية الى بتتكلموا عنه
ياريت ياجماعة متدخلوش فى الامور دية
والله عمالين تغلطوا والعداد عمال يعد
nothing 20-08-2008, 02:53 AM وبعدين ايه بقا المطلوب مننا اننا نعمله
يعنى ايه الرد المطلوب
وبعدين ايه السؤال الغريب ده؟؟؟
ربنا يهدى يارب
dr.saeed 20-08-2008, 03:07 AM السلام عليكم ورحمة الله وبركاته
انا مش هاتكلم عن رأيى
انا هاقول حاجات سمعتها من علماء بخصوص هذا الموضوع
ربنا عرفوه بالعقل
الاجابة
لا
ربنا عرفوه
بالدين
والانبياء والرسل
اولا
لو ماكنشى الانبياء والرسل جم
كنا عرفنا ربنا ازاى؟
يعنى لما سيدنا محمد نزل بالرسالة
كان الرد ايه على طول
اننا وجدنا ابائنا واجدادنا للاصنام عاكفون
طب يعنى هل هما كدة شغلوا عقلهم؟
ولا اتبعوا حاجات وخلاص
مثال تانى
ممكن واحد نصرانى يكلمك
ماتعرفشى ترد عليه
حتى لو شغلت عقلك
ويقولك كلام كتير
بردة مش تعرف ترد عليه
طب ليه؟
مش عندنا عقل؟
طب ليه مش بنعرف نرد؟
لاننا ما عرفناش الدين كويس
مش موضوع عقل ولا فهم
ولو كان الموضوع بالعقل
وماكنشى الانبياء جم
ولا حد كان هايعرف حاجة
ينى فرعون قال ايه لسيدنا موسى
وكذلك بنى اسرائيل
قالوله
لو انت عاوزنا نؤمن بربك
خلاص
خلينا نشوفه
طب هل الناس دول
لو ماكنشى سيدنا موسى جالهم
كانوا عرفوا ربنا بالعقل بردة؟
حاجة كمان
الاديان الى قبلك
او قصدى
التحريف الى قبلك
الى قال ان سيدنا عيسى ابن قال
والى قال عيسى هو الله
والى قال عزير ابن الله
طب ما دول كانوا عندهم عقل
ويمكن كان منهم علماء
عادى
عالم اة وكل حاجة
بس ما امنشى بكتاب منزل من عند الله
فأكيد هاتشوف منه حاجات غريبة
يعنى من الاخر
برأى كثير جدا من العلماء
ربنا عرفوه
بالدين
والانبياء والرسل
حاجة تانية
سيدنا ابراهيم
فعلا شاف وشاف
طب لو ماكنشى الوحى جاله
كان هايعرف ربنا منين؟
عشان كدة بقول
ربنا عرفوه
بالدين
والانبياء
والرسل
اما العقل
لو شغلته كويس
هاتعرف فعلا
صدق محمد صلى الله عليه وسلم
هاتعرف فعلا ان الله هو خالق الكون
ودة الى انت متعود تقوله من صغرك
اة
ربنا الى خلق كل حاجة
طب لو ماكنشى مثلا اهلى مسلمين
كنت قولت ايه؟
كنت هاقول زيهم
لانهم بردوا كانوا هايقنعونى
عشان كدة النبى صلى الله عليه وسلم قال فيما معناه
يولد الانسان على افطرة
اى على الاسلام
فابواه
بنصرانه
او يمجسانه
يعنى والدك ووالدتك
هما بقى الى هايجيبوك من صغرك
ايوة يا حبيبى
دينك هو كذا
ورسولك هو كذا
ودة غلط
ودة غلط
وللاسف
الى من المسلمين
مش بيتعمق فى الدين كويس
مش بيعرف ابدا يرد على غيره
لانه ولا عرف ربنا بالدين
ولا حتى شغل عقله فى دينه
يعنى
الدين هو الاساس
اسف ان كان كلامى غير مرتب
بس حاجة اخيره
علماء الفلسفة والمنطق
الكافرين
مخهم ما شاء الله
عالى جدا
تقعد معاهم
فى اى موضوع
انسى انك تغلبهم
تيجى تقوله مين الى خلق الكون
يقولك لا احد
يبقى هنا عرف يعمل هو بقى حاجة بمخه؟
لا طبعا
ماكان من سهو فمنى ومن الشيطان
فى امان الله
The_Relativistic200 20-08-2008, 03:15 AM بصراحة يا دكتور سعيد
احييك على ردك الوافى
وبصراحة مكنتش هوصل فكرتى احسن من كده
انما فكرتى وصلت على ايدك
ربنا يكرمك يا رب...وتسلم ايدك
==========================
ياللهوووووووووووووووى
هو دة الى انا خايفة منه
ياجماعة اقسم بالله هتتحسبوا عالكلام الى انتوا قلتوه دة
مش عارفين اسكتوا
من قال لا اعلم فقد افتى
عقل اية الى عرفنا بيه ربنا
امال فين الرسل والانبياء
فين القرآن والانجيل والتوراة
اية بقى فى اية عقل اية الى بتتكلموا عنه
ياريت ياجماعة متدخلوش فى الامور دية
والله عمالين تغلطوا والعداد عمال يعدمانا قولت عشان محدش يعذر بالجهل:)
============================
وبعدين ايه بقا المطلوب مننا اننا نعمله
يعنى ايه الرد المطلوب
وبعدين ايه السؤال الغريب ده؟؟؟
ربنا يهدى ياربآمين يا رب...
ملحوظة : انا كلامى واضح:)
dr.saeed 20-08-2008, 03:18 AM بصراحة يا دكتور سعيد
احييك على ردك الوافى
وبصراحة مكنتشهوصل فكرتى احسن من كده
انما فكرتى وصلت على ايدك
ربنا يكرمك يا رب...وتسلم ايدك
==========================
الله يكرمك اخى الفاضل
انا على فكرة عارف وجهة نظرك من الاول
بدليل كلمة
وبصراحة ما ريحتنيش اوى....
هل هى صح ولا غلط...؟؟؟
طبعا انا كلامى بيبقى فى الاخر
بس اشوف رأيكم فى المقولة دى
يعنى وجهة نظرك واضحة
واعذر نسمة ونهال
لانهم بس ردوا من باب الحمية على الدين
بس ماحدش يقصد انك غلطان
بس فيه ردود كدة عجبتنى
بحس ان فيه ناس داخلة موضوع تانى
وجزاك الله خيرا على الموضوع
فى امان الله
Sharp Nails 20-08-2008, 03:19 AM مانا قولت عشان محدش يعذر بالجهل
قصدك اية ؟؟!!
COoL HEaRT 20-08-2008, 03:22 AM الصراحه انا مردتش لانى مكنتش عارفه اقول ايه ؟؟بس بجد حلوه الفكره والواحد استفاد وياريت الموضوع ميقلبش بمشكله
dr.saeed 20-08-2008, 03:27 AM الصراحه انا مردتش لانى مكنتش عارفه اقول ايه ؟؟بس بجد حلوه الفكره والواحد استفاد وياريت الموضوع ميقلبش بمشكله
ولا مشاكل ولا حاجة
اخونا فى الله حب يوصلنا فكرة
ومتهيئلى هو خلاص وضحها
يبقى ليه المشاكل
واحد عاوز يفهم غيره
ايه المشكلة
قصدك اية ؟؟!!
قصده انه عمل الموضوع
عشان الى يقراه
يبقى خلاص فهم ان ربنا عرفوه بالدين والانبياء والرسل
ويبقى كدة
رفعنا الجهل عن ناس كتير
يعنى مثلا
لو رحتى للى اسمه مقام السيد البدوى
ولاقيتى واحد بتنذر ليه اى حاجة
عشان ربنا رزقها ولد
دة اسمه شرك اكبر
انما هى ماتعرفشى ان دة شرك
يبقى تعذر لجهلها
انما لو عرفت
واقمتى الحجة والدليل عليها
وفهمتيها كويس ان دة شرك
يبقى لو رجعتله تانى
ماعتشى حاجة بالنسبالها اسمها معذورة بالجهل
كلام اخونا فى الله واضح
خلوا الموضوع احسن يمشى زى ما صاحبه اراد من الاول
لانه فعلا موضوع متميز
وبلاش حوارات جانبية
لان ماحدش فينا يقدر يقلل من عقل التانى
فى امان الله
الميسترو 20-08-2008, 03:33 AM اولا المقوله صح ميه ف الميه والدليل علي كده ان اى حد بيحاول يقنعك ان فى حاجه غلط ف الدين او القران انت ما تقفلش الكلام معاه واتكلم معاه للاخر خالص كل ما يتكلم ان رد عليه بالسبب هتيجى ف الاخر وتلاقيه عرف انه غلطان يعنى انت اقنعته بالعقل وقدرت تقنعه لان الحاجه اللى ان بتقنعه بيها صح ومعموله على ميزان ربانى اساسه العقل والحكمه ده بالنسبه لاهمية المقوله لكن لو حبيت تعرف اتقالت ليه اصلا
فالسبب واضح الناس عرفت بوجود اله ازاى ..؟ الانسان لما بدا يستخدم عقله ويبص حوليه فقال ان الحاجات دى اكيد ليها اساس الجبال والبحار والانهار والسما والارض كل ده ايه اساسه لما بدا يفكر اخترع مصطلح اله وبدا يطوره مع الزمن الى تمثال او صنم يعبده لحد ما بدا ربنا يهدى الناس بارسال الانبياء ليهم والناس بالتفكير
عرفت ان ربنا هو الحق وهو فعلا الاله اللى يجب ان يعبد ويشكر على نعمه وياريت اكون قدرت اوصل معلومه وياريت برضو لو حد عنده تعليق على كلامى يوضحه لانى اهم من انك تغلط هو انك تعرف غلطك وياريت برضو بالنسبه للمواضيع الدينيه اللى يحط حاجه يكون متاكد منها زى ما قال رسولنا الكريم " اقربكم الى الفتوه اقربكم الى النار"
dr.saeed 20-08-2008, 03:49 AM الانسان لما بدا يستخدم عقله ويبص حوليه فقال ان الحاجات دى اكيد ليها اساس الجبال والبحار والانهار والسما والارض كل ده ايه اساسه لما بدا يفكر اخترع مصطلح اله وبدا يطوره مع الزمن الى تمثال او صنم يعبده لحد ما بدا ربنا
اولا
اول رسول مين حضرتك؟
نوح عليه السلام
ايه سبب بعثته
اولا
ربنا خلق ادم وحواء
وطبعا زريتهم
طب ليه
لان سيدنا ادم
علم وجود الله اكيد
فكان هو وذريته عارفين الكلام دة كويس
جه بعد كدة الشيطان
قالهم مش ليكم حاجة اسمها اولياء
وبدأت الهدايا
ثم فى الاخر خالص
التقرب لله بهم
ثم فى النهاية
عبادتهم بالسجود والركوع وخصوهم بذلك
يبقى
مخهم كان موجود
بس ماعرفوش ان ربنا هو الى قادر على كل شىء لواحده
بدليل
لو جات عاصفة
كانوا بيعملوا ايه؟
يقعداو جنب الصنم
ويسجدوله
ابعد عننا كذا وكذا!
نيجى لحاجة تانية
سيدنا ابراهيم
قال لقومه ايه
روحوا اسئلوا كبير الاصنام
مين الى كسرهم كدة
هما بردوا جادلوا بغباء واضح
ازاى نسالهم يا ابراهيم
وهما اصلا ولا بيعرفوا ينطقوا ولا يتكلموا
قالهم طب ليه بقى بتعبدوهم من دون الله وانتوا عارفين كدة كويس؟
سكتوا
يعنى المخ او العقل ايه دلوقتى؟
اشتغل
وفهم
كان بقى ايه القرار
انهم خلاص يوحدوا الله
ويقولوا لا اله الا الله
لا
قالوا نحرق ذلك الفتى
الذى كسر الهتنا
وهو يستهزأ بهم
طب فين بقى عقلهم
ما هما فهموا خلاص انهم ولا بيضروا ولا بينفعوا ولا حتى بيحموا نفسهم
خلاص
دخلوه النار!
طلع منها
يبقى اذن
دى ليس لها علاقة بربنا اصلا (الاصنام يعنى)
طب كام واحد امن؟
قليل بردة
طب فين عقلهم؟
طب اصلا لو ماكنشى سيدنا ابراهيم جه
ولا نبى جه
كانوا هايعرفوا انه لا اله الا الله ازاى؟
بالعقل
يبقى اذن لماذا ارسل الله الانبياء
ارسلهم
حتى لا يكون للبشر
حجة يوم القيامة
انه لا يعلمون انه لا اله الا الله
طب لو كان ربنا عرفوه بالعقل بس
يبقى خلاص
يبقى ماكانشى يبعث بالانبياء
وكان تبقى الحجة عليهم يوم القيامة
انكم شفتوا هذا الكون وانكم عارفين انها مش تقدر تعملكم حاجة
اذن ربنا بحكمته
اختار اى الحجة القوية ضدهم
حجة الانبياء والمرسلين
عشان يوم القيامة
يبقى خلاص
ادى الانبياء قالولكم
وادى الكتب نزلت ليكم
بس انتوا ما امنتوش
حاجة تانية
لو عرفنا بس ربنا بالعقل
وماكانشى فيه كتب سماوية
كناهانعبد ربنا ازاى؟
بالعقل بردة!
يعنى كان مين يبقى دليلنا
حاجة ابسط
دلوقتى لما تيجى تمسح الجورب
العقل يقولك ايه؟
يقولك من تحت
لا
هى بقى من فوق
مش من تحت
يبقى العقل
ام الدين والانبياء والرسل
حضرتك قولت ماحدش يفتى
وانا معاك
اذن
ما مصدر كلام حضرتك؟
انا تقريبا كلامى السابق
المشاركة الى قبليها يعنى
سمعته من شيوخ افاضل
محمد حسان مثلا ومحمد حسين يعقوب وغيرهم
يبقى اذن
مين الى افتى الان؟
فى امان الله
The_Relativistic200 20-08-2008, 03:50 AM هو انا ليا تعليق صغنطوط من مشاركة مساميدو
او اضافة.....
اللى هى قصة سيدنا ابراهيم
لو رجعنا للايات...
بسم الله الرحمن الرحيم,....
وَكَذَلِكَ نُرِي إِبْرَاهِيمَ مَلَكُوتَ السَّمَاوَاتِ وَالأَرْضِ وَلِيَكُونَ مِنَ الْمُوقِنِينَ
**فَلَمَّا جَنَّ عَلَيْهِ اللَّيْلُ رَأَى كَوْكَبًا قَالَ هَـذَا رَبِّي فَلَمَّا أَفَلَ قَالَ لا أُحِبُّ الآفِلِينَ
** فَلَمَّا رَأَى الْقَمَرَ بَازِغًا قَالَ هَـذَا رَبِّي فَلَمَّا أَفَلَ قَالَ لَئِن لَّمْ يَهْدِنِي رَبِّي لأكُونَنَّ مِنَ الْقَوْمِ الضَّالِّينَ**ممكن نفهم شوية الحكاية لو قرينا الجزء اللى بالاخضر
انه بعد كل ده الكواكب و القمر و الشمس فى الاية اللى بعدها....كان هيضل لولا هداية ربنا....
بس كده....:)
يعنى العقل مش كفاية ابدا
ثم احنا لا بنثبت صحة المقولة ولا خطأها ....
بس عشان مش نقول اى حاجة وخلاص:)
COoL HEaRT 20-08-2008, 03:51 AM والله كلام الميسترو مقنع ........انا عاوزه احط حاجه بس هى طويله اووى اصلا موضوع كامل متعلق بده هو كلام بين فيلسوف وطالب مسلم مش عارفه احطه ولا بلاش .........بس الصراحه انا عاوزه اعرف ايه الغلط اللى فى الجمله يعنى ربنا خلقلنا العقل عشان نكون داخلين الدين عن اقتناع مش مجرد ان بابا وماما مسلمين اكون انا زيهم .........فى ناس اسلمت وده كله بيودينا لحاجه واحده انهم دخلو عن اقتناع عن فهم يعنى عن استخدمو عقلهم ؟؟؟!!!
The_Relativistic200 20-08-2008, 03:58 AM والله كلام الميسترو مقنع ........انا عاوزه احط حاجه بس هى طويله اووى اصلا موضوع كامل متعلق بده هو كلام بين فيلسوف وطالب مسلم مش عارفه احطه ولا بلاش .........بس الصراحه انا عاوزه اعرف ايه الغلط اللى فى الجمله يعنى ربنا خلقلنا العقل عشان نكون داخلين الدين عن اقتناع مش مجرد ان بابا وماما مسلمين اكون انا زيهم .........فى ناس اسلمت وده كله بيودينا لحاجه واحده انهم دخلو عن اقتناع عن فهم يعنى عن استخدمو عقلهم ؟؟؟!!!
موضوع المسلم والفيلسوف قريته كتير
وحاسس انك فاهمة غلط لانى ما قصدتش اللى انتى قولتيه....ابدا:)
COoL HEaRT 20-08-2008, 03:59 AM موضوع المسلم والفيلسوف قريته كتير
وحاسس انك فاهمة غلط لانى ما قصدتش اللى انتى قولتيه....ابدا:)
ممكن بردو عامه انا هقرا الموضوع تانى وخلاص
وجزاكم الله كل خير
dr.saeed 20-08-2008, 04:15 AM ........انا عاوزه احط حاجه بس هى طويله اووى اصلا موضوع كامل متعلق بده هو كلام بين فيلسوف وطالب مسلم مش عارفه احطه ولا بلاش .........بس الصراحه انا عاوزه اعرف ايه الغلط اللى فى الجمله يعنى ربنا خلقلنا العقل عشان نكون داخلين الدين عن اقتناع مش مجرد ان بابا وماما مسلمين اكون انا زيهم .........فى ناس اسلمت وده كله بيودينا لحاجه واحده انهم دخلو عن اقتناع عن فهم يعنى عن استخدمو عقلهم ؟؟؟!!!
على فكرة
انا عارف الحوار الى انتى قصدك عليه
بتاع هل انتوا شايفين مخ الاستاذ؟
يبقى خلاص مالوش مخ
صح ولا لا؟
أقولك انا حاجة
كان المدرس الكافر
بسهولة جدا يقول للطالب
بس انت على فكرة يا طالب
لو استخدمت جهاز معين
او عملت اشعة معينة
هاتشوف مخى كاملا ادامك
لو عملت اشعة
بردة هاتشوفه
انما انت يا طالب
هاتلى كدة حاجة حديثة
اعرف ان الله فوق السبع سموات
يعنى كان ممكن يعمل زى ما فرعون عمل
قال لقارون
ابنى لى صرحا
لعلى ابلغ السماء
فأرى اله موسى
(الكلام غير منقول حرفيا)
يا اختى فى الله
الناس دى ساعات ربنا بيوقف عقلها
لانك صدقينى
مش هاتعرفى تخلصى منهم فى اى حوار
حتى لو غلط
على فكرة
انتى قولتى كلامى بنفسك
من غير ما اقولك قوليه
ايه هو
ربنا خلقلنا العقل عشان نكون داخلين الدين عن اقتناع مش مجرد ان بابا وماما مسلمين اكون انا زيهم
يبقى ايه؟
هما دخلوا ايه بأيه؟
يعنى العقل
دخل ايه؟
دخل الدين
طب عشان ايه؟
عشان يعرف
ان الله هو الاله الواحد الاحد
الفرد الصمد
الذى لم يلد ولم يولد
ولم يكن له كفوا احد
واقولك حاجة كمان
دلوقتى
معظم الارض ايه؟
منهم من يقول
ان الله هو عيسى بن مريم
ومنهم من يقول
ان عيسى ابن الله
ومنهم من يقول
ان عزير ابن الله
طب مالناس دى عندها عقل
طب ليه مش بتقول زيى زيك
ان ربنا هو الواحد الاحد
الذى لم يلد ولم يولد
ولم يكن له كفوا احد؟
لان عقله
دخل ايه بردة يا اختى؟
دخل فى كلام محرف عن الله
يبقى اذن هل العقل قدر لواحدة
يعرف ان الله هو الواحد الاحد الفرد الصمد؟
لا طبعا
الدين
الى عرف العقل كدة
ولما العقل اشتغل كويس
فهم كدة
اقولك حاجة بسيطة
مافيه منتدى شغال دلوقتى
بيجيب كل كلامه من السنة
ودى عنواين موضوعاته
(المسلمون يتهمون الله بأنه
لا يعلم الغيب
ان الانسان غير مخير(القدر)
دلائل كذب نبوة محمد)
طب والى مش فاهم بقى الدين كويس
ودة الى لا حول ولا قوة الا بالله شفته من كل الى هانك
بيدخل المواضيع
مش بيعرف يرد
لي مش بيعرف؟
لانه فعلا
دخل الاسلام
لان اهله كدة
انما هل هو بحث
هل فكرتى فى يوم بجد
ليه عيسى مش ابن الله
ليه ربنا هو الى خلق كل شىء؟
عارفه
اسمعى بس محاضرات الشيخ احمد ديدات
يقف ادامهم
يخلهم مش عارفين ينطقوا بكلمة
ولا وايه كمان
مش بيجيب على فكرة كلام من القران
لا
كل كلامه من الانجيل والتوراة
يعنى الراجل دة
الى مات فى جنوب افريقيا
وهو شايل هم الدعوة
عرف
وبحث
مش فى دينا بس
لا
فى القران
وفى السنة
وفى الانجيل
والتوراة
يعنى فعلا بحث وفهم
عشان كدة عرف يرد
يعنى ايه من الاخر كل الكلام دة؟
الراجل اسلم اة
بس مش زينا زيه كدة
قال لا
هافهم كل حاجة
وبردة للاسف
انا عن نفسى
لو حد قالى ادخل ارد انا عليهم
اقوله لا
عارفه ليه
لانى شفت فعلا المسلمين وهما بيدخلوا
بيردوا ولما التانى بيجيبله حاجة من كتب البخارى ومسلم
وهو فعلا مش عارف هذة الاحاديث
يبقى فعلا هايرد ازاى؟
فبقوله
يا تتعلم علم المناظرات صح
يا تبعد عن الحاجات دى
لانها اكبر من نطاق عقلك
حاجة كمان واختم بيها
لو واحد ذكى جدا
ومش بيحب يتعلم ابدا
يبقى ايه؟
جاهل
طب تصرفاته
اغلبيتها هاتدل انه غبى
طب ازاى؟
لان اى نعم عقله اة موجود
انما فين العلم الى يشغل عقله كويس
عندك مثلا فى الموقع
احمد رضا
ما شاء الله عليه
ربنا يبارك فيه
دة انسان
ربنا اداله عقله
بس هل هو استغله زى الباقى
لا
هو استغله الاستغلال الامثل
ممكن يكون واحد ادامه
فى نفس امكانيات مخه بالملى كدة
بس مش يعرف يتناقش معاه
عارفه ليه
لان العلم
يرتقى بالعقول
يبقى اذن
احنا عرفنا ربنا
عن طريق دين الاسلام
وعن طريق القران
والسنة الصحيحة
ولو ماكنشى فعلا دول ادامى
عمرى ماكنت اقدر اعبد ربنا كما ينبغى
فى امان الله
The_Relativistic200 20-08-2008, 04:19 AM حضرتك أديت فى الموضوع اكتر منى:d
وبصراحة استفدت من ردود حضرتك اوى....
انا ما اعتقدتش اننا هنحتاج شرح كتير....انما احنا بنتعلم ...من بعض
متشكر اوى على مروركم يا جماعة
وبالاخص دكتور سعيد على اضافته الجميلة...:)
COoL HEaRT 20-08-2008, 04:35 AM مشكور يا دكتور سعيد بجد استفدنا ...بس لمعلوماتكو فى ناس اتلخبطت جامد .......بس الصراحه المناقشه بتعلم كتير بتاسف عن جهلى لو كنت قلت حاجه غلط وبالتوفيق للجميع
منى ذكى 20-08-2008, 04:37 AM انا كنت بقولها لماما انى اول مرة افهم معناهامن فترة قريبة خالص كنت فهماها حاجة تانية خالص بس هى قالتلى ان الكلام ده حرام لان سمعت شيوخ بيقولوا انه غلط بس هى مش كانت متذكرة غلط ليه كويس اننا استفادنا وشكرا لدكتور سعيد انه وضحلنا برضو
جزاكم الله خيراً على المناقشة الجميلة دى
بجد استفدت منها كتير
:)
earth 20-08-2008, 04:42 AM السلام عليكم و رحمة الله و بركاته
كلام حضراتكم على راسى و احترمه و اقدره
بس فيه سؤال
لما مثلا اجى اقنع ملحد بوجود الله
اقول :ربنا موجود
يقول:ازاى
اقول:اصل القران الكريم قال كذا و كذا
او
اقول:كا شئ فى الجنيا ربنا هو المسؤل عنه و مثلا ناخد المطر مثل (ابتدى اشرح المصر من ماء و الماء من كذا الخ )
يبقى ربنا عرفوه بالعقل
وانا اطن ان هذا هو المقصود بهدذة المقولة
وشكرا
الميسترو 20-08-2008, 04:47 AM يعنى ربنا عرفوه باستخدام العقل لان الناس كانت ببساطه ممكن تقول للرسول اللى ارسل انه كذاب وكل اللى عايزه انه يقبى صاحب شهره بينهم على اساس مبدا " خالف تعرف " يعنى لكن الناس لما استخدمت العقل فى التفكير عرفت انه معاه حق وان ربنا هو الاله يريت اللى يدخل يقرا الموضوع من اوله منعا لتكرار الكلام
The_Relativistic200 20-08-2008, 04:56 AM يعنى ربنا عرفوه باستخدام العقل لان الناس كانت ببساطه ممكن تقول للرسول اللى ارسل انه كذاب وكل اللى عايزه انه يقبى صاحب شهره بينهم على اساس مبدا " خالف تعرف " يعنى لكن الناس لما استخدمت العقل فى التفكير عرفت انه معاه حق وان ربنا هو الاله يريت اللى يدخل يقرا الموضوع من اوله منعا لتكرار الكلامطب ما ابو لهب و ابو جهل كانوا على علم بالكلام ده بهذا لكنهم كفروا......
ولو قريت ردى اللى قبل اللى فات بالتحديد هتفهم كملاى او وجهة نظرى...
وابوس ايد اى حد :)
ان مش هدف الموضوع اننا نبقى اغبياء ولا اننا منفكرش ولا اننا ناخد الكلام على عمانا...
خلاصة الامر ان العقل مش كفاية مهما بلغ من علم.......
سلام عليكم :)
الميسترو 20-08-2008, 05:11 AM انا معاك ان العقل وحده عمره مكان كفايه لكن القران بيقول " وفى ذلك لايات لاولى الالباب " اولى الالباب اللى هم يعنى اصحاب العقول
وبالنسبه لابو لهب وابو جهل دول كان اهم حاجه عندهم التجاره اللى كانت هتخسر لو الناس اسلمت لان الناس كانت هتمتنع عن الحج وشراء الاصنام عشان كده عرضوا على النبى انهم يعبدوا الاصنام سنه ويعبدوا ربنا سنه لكن طبعا رفض وعلى فكره ابوسفيان مات مسلم
dr.saeed 20-08-2008, 05:15 AM لو سمحت اخى الميسترو
علاقة بسيطة
عقل بدون دين
يبقى عقل لا يعرف الله
عقل يؤمن بكتاب الله
يبقى عقل يعلم ان الله هو الواجد
طب مثلا
حيوان بلا عقل
كالاسود مثلا
يبقى ايه نظامه؟
يبقى
يؤمن بالله
ويسبح بحمده
بس الفرق
ان الحيوانات خلقت
وهى ليست مثلنا
يعنى مثلا
الهدهد هل له عقل؟
لا
طب لما شاف الملكة ورجالها بيسجدوا للشمس عمل ايه؟
اتكلم بلغة حزينة
{وَجَدتُّهَا وَقَوْمَهَا يَسْجُدُونَ لِلشَّمْسِ مِن دُونِ اللَّهِ وَزَيَّنَ لَهُمُ الشَّيْطَانُ أَعْمَالَهُمْ فَصَدَّهُمْ عَنِ السَّبِيلِ
يعنى الهدهد
ليس له عقل
بس عرف ربنا
اخى او اختى فى الله
earth
لما بتكلم عن الكلمة ذات نفسها
بقول الاصل والمصدر
بمعنى
انت هاتفهم الراجل الملحد دة ان ربنا هو الخالق
بس هاتفهمه بأيه
بالعقل
طب انت عرفت الله منين؟
بالدين
يبقى اذن
ايه الاصل فى معرفة الله
الدين والانبياء والرسل
مثال تانى حصل بالفعل
دلوقتى واحد قال لابو جهل
اخبرنى
أمحمد صادق؟
قال له
ايو جهل
ويحك
والله انه لصادق
يبقى اذن
ابو جهل عقله عارف ايه؟
عقله عارف ان محمد بن عبد الله صلى الله عليه وسلم
صادق
ولا شك فى ذلك
طب ماشى
هل هو لما عرف بعقله
ان النبى صلى الله عليه وسلم صادق عمل ايه؟
كفر بالاسلام
طب لما ربنا وصفه وصفه بأيه؟
قد نعلم إنه ليحزنك الذي يقولون فإنهم لا يكذبونك ولكن الظالمين بآيات الله يجحدون
يعنى العقل عارف ؟
ايوة عارف
طب امال ايه؟
القلب!
القلب جحد
عليه غشاوة
احنا على فكرة
مش بنتكلم على المقصود من المقولة نفسها
احنا بنسأل سؤال واضح
عشان نبقى واضحين
السؤال هو
هل ربنا عرفوه بالعقل ؟
اقولك انا ساعتها
اة
لا
تقولى يعنى ايه
اقولك يعنى العقل اة فهم الدين
بس لو ماكنشى فيه دين
ماكنشى العقل عرف ان الله هو الواحد الاحد
زى ما غيرك كتير
مؤمنين لحد الان
ان لله ولد
والى غيرك قال
يد الله مغلولة
طب ما دول عندهم عقل زينا زيهم
بس مش عندهم دين حق
يبقى العقل لواحدة
مايقدرشى يكتشف حاجة
طب اقولك مثال تانى بعيد شوية
انت عرفت الجن منين؟
ما تقوليش بالعقل
العقل هايعرف الجن منين؟
وازاى؟
عمرك شفت جن ادامك؟
لا
عمر جن جه ادامك رأيته رأى العين؟
لا
عمرك نزلت وادى زى ما القران قال
لاقيته مليان جن؟
لا بردة
أمال؟
عرفت الجن بأيه؟
عرفته عن طريق القران
طب لو واحد وقف وقال
مافيش حاجة اسمها شياطين وجن
ودى والعياذ بالله خرافات
يبقى ساعتها نقول لا الراجل ما قالشى حاجة غلط الراجل حكم عقله
هانقوله لا
الله قال ان فيه شياطين
وقال
ان فيه جن
اذن
هناك جن
واذن
هناك شياطين
طب مثلا الى من اذكى الناس
اليهود
عايزين يروحوا للنبى صلى الله عليه وسلم
يعرفوا بيقول كلام من دماغه ولا فعلا وحى
عملوا حاجة ذكية
راحوا قالوله
حدثنا عن الروح
طبعا
ان النبى صلى الله عليه وسلم
لاينطق عن الهوى
فأنتظر الوحى
فنزل قول الله تعالى
"ويسألونك عن الروح قل الروح من أمر ربى وما أوتيتم من العلم الا قليلا "
هاتلى عالم يثبت بعقله وجود الروح
مستحيل
مستحيل بمعنى الكلمة
تقولى ليه
لانك اوزن الميت قبل وبعد خروج الروح
لا يتغير فى وزنه
الا ملى جرامات
وهم وزن الهواء الذى كان بقفصه الصدرى
بلاش
راقب الميت
عشان يموت ايه الى بيحصل؟
روحه بتخرج ادامك
لا
الدماغ والقلب
بيتوقفوا عن العمل
يبقى مات
حاجة كمان
وياريت ترد عليها يا اخى الميسترو
اثتبلى بالعقل
ان هناك بعث
لا تستطيع
مهما فعلت
ان تثبت بعقلك
ان هناك يوم القيامة
وان هناك حساب فى القبر
الله!
امال ايه الى عرفك الكلام دة؟
ايه الى عرفك ان فيه حاجة اسمها عذاب ونعيم فى القبر؟
ايه الى عرفك ان الان توجد الجنة والنار؟
الدين
الذى ارتضاه الله لنا
خلاص كدة يا اخوة؟
مستنى الاراء برده
عشان لازم نقتنع
واشكر صاحب الموضوع
على الموضوع المفيد جدا
ماكان من سهو فمنى ومن الشيطان
اخوانى فى الله ارجوكم
الى يتكلم يتكلم بعلم
ابو جهل
الله وضح فى كتابه العزيز
سبب عدم ايمانه
يبقى احنا مش نقول كلام من دماغنا
ومهما عقلك اشتغل
ومهما كان عقلك على مستوى عالى من الذكاء
لو ربنا ماشرحشى صدرك للاسلام
عمرك ما هاتؤمن بالله
مهما كانت امكانيات عقلك
فى امان الله
dr.saeed 20-08-2008, 05:27 AM يعنى لكن الناس لما استخدمت العقل فى التفكير عرفت انه معاه حق
اذن
استخدمته
ولكن
لو ماكنشى بردة فيه دين
ماكنشى عقلها هو الى عرف ربنا لواحده
يبقى زى ما بنقول من اول ما فتحنا الموضوع
ربنا عرفوه
بالدين
والانبياء والرسل
انما العقل لواحده عرفك ربنا؟
لا
العقل عرفك ان فيه حاجة اسمها بعث ونشور؟
مستحيل
وكمان على فكرة
عمرك ما تقدر تتخيل البعث والنشور
بالرغم من وجود العقول
فى امان الله
the black rose 20-08-2008, 05:27 AM اعتقد ان الموضوع كدة جاب اخره
و ياريت يا جماعة ناخد بالنا اننا بنتكلم على ربنا
و اعتقد ان الاستاذ سعيد وضح كلام كتير
dr.saeed 20-08-2008, 05:54 AM حضرتك أديت فى الموضوع اكتر منى:d
وبصراحة استفدت من ردود حضرتك اوى....
انا ما اعتقدتش اننا هنحتاج شرح كتير....انما احنا بنتعلم ...من بعض
متشكر اوى على مروركم يا جماعة
وبالاخص دكتور سعيد على اضافته الجميلة...:)
بلاش كلمة حضرتك
انت اكبر منى فى السن
العفو اخى الفاضل والشكر لله وحده
مشكور يا دكتور سعيد بجد استفدنا ...بس لمعلوماتكو فى ناس اتلخبطت جامد .......بس الصراحه المناقشه بتعلم كتير بتاسف عن جهلى لو كنت قلت حاجه غلط وبالتوفيق للجميع
العفو يا اختى
عارف معلشى اصلى عاوز انام بس ملك اليمين باعتتلى عشان ادخل الموضوع
انا كنت بقولها لماما انى اول مرة افهم معناهامن فترة قريبة خالص كنت فهماها حاجة تانية خالص بس هى قالتلى ان الكلام ده حرام لان سمعت شيوخ بيقولوا انه غلط بس هى مش كانت متذكرة غلط ليه كويس اننا استفادنا وشكرا لدكتور سعيد انه وضحلنا برضو
كويس انك عارفه
والعفو
جزاكم الله خيراً على المناقشة الجميلة دى
بجد استفدت منها كتير
:)
الشكر لله اولا
والحمد لله ان ربنا جعل صاحب الموضوع سبب اننا نصحح هذا الفهم الراسخ فى العقول
اعتقد ان الموضوع كدة جاب اخره
و ياريت يا جماعة ناخد بالنا اننا بنتكلم على ربنا
و اعتقد ان الاستاذ سعيد وضح كلام كتير
اختى فى الله
احنا مرة انا والاخ زيزو
دخلنا مناقشة فى صلب الشرع
عن اتباع السنة المذكورة فى كتب الحديث ام لا
ولما الى كان داخل ادامنا نقل اية غلط
على طول زيزو عدل المشاركةوكتب السبب اخطاء لغوية
وفضل الموضوع فى الركن العام
واتقفل عشان قولنا احنا خلاص يا جماعة لسة شهر على الامتحانات
والحمد لله لما خلصنا اتفتح تانى
يعنى اقصد
مش عشان واحد او اتنين
يريدوا المجادلة
نقفل الموضوع
يبقى كدة
الناس مش استفادت حاجة
وشكرا جزيلا على فتح الموضوع مرة اخرى
فى امان الله
COoL HEaRT 20-08-2008, 06:00 AM اختى فى الله
احنا مرة انا والاخ زيزو
دخلنا مناقشة فى صلب الشرع
عن اتباع السنة المذكورة فى كتب الحديث ام لا
ولما الى كان داخل ادامنا نقل اية غلط
على طول زيزو عدل المشاركةوكتب السبب اخطاء لغوية
وفضل الموضوع فى الركن العام
واتقفل عشان قولنا احنا خلاص يا جماعة لسة شهر على الامتحانات
والحمد لله لما خلصنا اتفتح تانى
يعنى اقصد
مش عشان واحد او اتنين
يريدوا المجادلة
نقفل الموضوع
يبقى كدة
الناس مش استفادت حاجة
وشكرا جزيلا على فتح الموضوع مرة اخرى
فى امان الله
معلش يا دكتور سعيد احنا طلبنا نقفل الموضوع لان فى ناس اعرفهم قفلو الموضوع والمسائل داخله فى بعضها
يعنى هو مش هيتقفل بالمعنى اللفظى بس لو حد عاوز حاجه يبقى حد يفهمه بس كفايه كلام فى اللى اتقال لانه بدأ يتعاد ومش عاوزين حد يفهم غلط او يتلخبط ..بس وشكرا
dr.saeed 20-08-2008, 06:04 AM معلش يا دكتور سعيد احنا طلبنا نقفل الموضوع لان فى ناس اعرفهم قفلو الموضوع والمسائل داخله فى بعضها
يعنى هو مش هيتقفل بالمعنى اللفظى بس لو حد عاوز حاجه يبقى حد يفهمه بس كفايه كلام فى اللى اتقال لانه بدأ يتعاد ومش عاوزين حد يفهم غلط او يتلخبط ..بس وشكرا
ما ينفعشى يتقفل خلاص
طالما اتفتح للنقاش
يفضل مفتوح
حتى لو حد غلط
تحذفه مشاركته
انما واحد مش عاوز يفهم
نخلى الباقى مش يفهم ليه؟
يتقفل
يعنى يتراجع
يعنى انا بقالى ساعتين ونص بكتب ردود
عشان الموضوع يرجع ولا حد يشوفه
وعلى فكرة مافيش لخبطة ولا حاجة
خلاص الامور وضحت امام الجميع
فى امان الله
Hatem.HSK 20-08-2008, 06:55 AM اخي الدكتور سعيد المقولة بتقول : "ربنا عرفوه بالعقل" مش "ربنا عبدوه بالعقل" .. أظن ان الفرق واضح جدا لأن حضرتك محور كلامك كله على العبادة وان الواحد عمره ما كان هيعرف يعبد ربنا من غير رسل ولا دين وده طبعا 100% صحيح بس مالوش علاقة بالمقولة دي !!
كلمة ربنا مش لازم معناها الله .. لا .. معاها الاله .. يعنى المقولة بتقول ان بالعقل الانسان عرف ان ليه رب .. مين الرب ده ؟؟ مش قضيتنا .. الرسل والانبياء هما اللي هيقولولك مين هو ربك وازاي تعبده .. كمان في حاجة .. القران مليء بالايات اللي تثبت ان الله هو الرب الوحيد الذي لا اله غيره .. اذا الله بيقنعك بانه هو ربك .. يعني الرسول -صلى الله عليه وسلم- ماجاش وقال الله هو ربكم ولازم تعبدوه وسكت .. انما جاب ما يثبت ده .. وكمان ايه لزمت بقى معجزات الرسل ؟؟ مش المعجزات دي ربنا اعطاها لانبياءه عشان الناس تقتنع وتؤمن ؟؟
بص حضرتك .. الكافر مالوش دعوة بتفاصيل دينك .. اهم حاجة انه يقتنع بيه -يعني بالعقل- وبعد كدة يبقى يتعلم الدين لما يعتنقه بالفعل .. كون بقى ابوجهل مايخشش الاسلام فا دي عشان حبه للدنيا انما هو عارف كويس جدا ان ده دين الحق وفقط بالعقل وبمعرفته ان النبي هو الصادق الأمين ..
الاعتراض الوحيد على المقولة دي : انك لما تيجي تقول لواحد قال الله وقال الرسول زي مثلا الاغاني حرام او الحجاب فرض يروح قايلك : ربنا عرفوه بالعقل .. يعني بالاقتناع .. وانا مش مقتنع بكلامك !!
في الحالة دي يبقى هو فهم المقولة غلط ..
وعامة .. انا مش بأيد المقولة دي ابدا و عمري ما استخدمتها لأن فيها شبهة .. والواحد بيبعد عن الشبهات على قد مايقدر ..
انا بس كنت عايز اتناقش عشان نوصل للرأي السليم .. ويارب تقنعني .. اهم حاجة تقنعني .. مش ربنا عرفوه بالعقل برضو ؟؟!!
:D:D
وجزاكم الله خيرا ...
Hatem.HSK 21-08-2008, 09:13 AM هو محدش رد ليه ؟؟!!
Travel 21-08-2008, 09:39 AM اممممممممم
انا ممكن اكون مع حاتم شوية
فعلا
لانى لاحظت ان فى فرق
بين
(ربنا عرفوه بالعقل)
و(ربنا عبدوه بالعقل)
عبدوه بالعقل
من الانبياء والرسل والملائكة
والمعجزات
كمان من تفكيرنا فى الملكوت
والقران والسنن والاحاديث
وكتييييييييير
مش من قليل
يعنى بالاقناع
ويمكن المقولة (ربنا عرفوه بالعقل)
تدل على عظمة الخالق
لما بنفكر فى تكوين الكون
البشر
الكائنات
كل حاجة
اكييد بنقول ان دى كلها عظمة ربنا
يمكن بنقول فيها العقل
علشان التميز والنبوغ
اللى اقصده
ان ممكن مثلا لما حد بيقول كده
(ربنا عرفوه بالعقل)
يعنى تدل على ان المناقشة (اى كانت المناقشة)
نهايتها معروفة
مش محتاجة
وبيتقال فيها
اثباتات
وانها مسالة مفروغ منها
ماشى
مناقشة مقلتش حاجة هيبقى فيها توضيح
بس
هتكون نهايتها معروفة
وبرضه هتكون
بالاقناع
ليا عودة باذن الله
dr.saeed 21-08-2008, 03:43 PM معلشى يا جماعة كنت غايب ليوم ونص كدة لظروف معينة
بس يا اخ حاتم اقولك حاجة
ماتقولنيش لو سمحت كلام انا مش قولته
انا عارف كويس جدا يعنى ايه رينا عرفوه بالعقل وكلمة ربنا عبدوه بالعقل
تقريبا حضرتك مش ملاحظ الفرق الكبيييييير بين المعرفة والعبادة فى الجملة ذات نفسها
ان شاء الله راجعلكم تانى
وياريت بس تقروا الكلام تانى وتركزوا فيه
بس توضيح بس للى قال اية اولى الالباب
ان ربنا قال فيه
الذين يذكرون الله قياما وقعودا وعلى جنوبهم ويتفكرون فى خلق السموات والارض
اى ان الذكر سبق التفكير
مش تقولى يعنى اصحاب العقل
طب مانا صاحب عقل
وانت صاحب عقل
بس اولى الالباب الى ربنا ذكرهم فى القران
حاجة تانية مش زيى مثلا
فى امان الله
الباحث عن الحقيقة 21-08-2008, 04:00 PM باختصار شديد : أننا نعرف الله سبحانه وتعالى عن طريق الرسل والأنبياء ...
وأما الاعتماد على العقل فى معرفة الله أدى إلى أناس أن يعبدوا البقر والأصنام و.......................
ولكن العقل نستخدمه فى معرفة أن هذا الرسول من عند الله أم هو دجال ...؟؟؟؟
وذلك عن طريق معجزاته وما أتى به من الله وأنه ليس متناقض و...........
ويجب أن نعرف ان رسولنا محمد صلى الله عليه ةسلم هو أخر الأنبياء والمرسلين ...
ولذلك لا نؤمن بأى مدعى بأنه رسول ولو عمل معجزات ...........
ومن يريد أن يتبع الإسلام فعليه أن يستخدم عقله فى إثبات أن القرآن هو من عند الله ( فلو كان من عند غير الله لوجدوا فيه اختلافاً كثيراً ) وسيثببت عقلاً ونقلاً أن هذا القرآن من عند الله وبعدها على الإنسان أن يستسلم لكلك ما جاء به القرآن ويعرف الله عن طريقه لا عن طريق العقل...............
وأخيراً مقولة أن الله عرفوه بالعق مقولة خاطئة مدمرة فالله عرفوه عن طريق الرسل والأنبياء .....................
والسلام عليكم ورحمة الله وبركاته
msamido 21-08-2008, 04:28 PM الأول بس عايز اوضح انى لم أقرأ جميع الردود لطولها ولانى دلوقتى مفيش عندى صبر اقرأ كل حاجه
ثانيا دى الردود اللى انا عايز اعلق عليها
تحية خاصة لمساميدو عشان بقالى كتير ما لمحتوش:d
:)
شكرا خاص ليك يا خالد ومعلش بقى الجيش كان واخدنى من الدنيا كلها
ياللهوووووووووووووووى
هو دة الى انا خايفة منه
ياجماعة اقسم بالله هتتحسبوا عالكلام الى انتوا قلتوه دة
مش عارفين اسكتوا
من قال لا اعلم فقد افتى
عقل اية الى عرفنا بيه ربنا
امال فين الرسل والانبياء
فين القرآن والانجيل والتوراة
اية بقى فى اية عقل اية الى بتتكلموا عنه
ياريت ياجماعة متدخلوش فى الامور دية
والله عمالين تغلطوا والعداد عمال يعد
نشكرك لغيرتك على الدين بس احنا مش بنفتى فى احكام دينية احنا بنتناقش فى معلومة فى النهاية بنوصل للصح وبنقتنع بيه كلنا علشان لو حد عنده معلومه غلط يبقى اتصححت وخدنا ثواب كلنا مش بنجادل ولا حاجه
السلام عليكم ورحمة الله وبركاته
انا مش هاتكلم عن رأيى
انا هاقول حاجات سمعتها من علماء بخصوص هذا الموضوع
هاتلى اسماء العلماء دى وقالوا الكلام ده امته علشان بس بقى فى ناس كتير دلوقتى بنقول عليهم علماء وهم ولا حول ولا قوة إلا بالله
ثانيا ما كان من اجتهاد العلماء فهو يؤخذ ويرد لانهم مش معصومين من الخطأ أما ما كان فيه حكم ثابت فلا جدال فيه
ربنا عرفوه بالعقل
الاجابة
لا
إجابتى أنا
أه
عارف ليه ؟؟
لان أصلا مش معنى الجملة دى اننا عرفنا ربنا هو الله الواحد القهار ولكن هى معناها ان الناس عرفت إن فى إله ورب وخالق للكون ازاى بالعقل ومش بس العقل الإنسان بفطرته أصلا عارف إن فى إله. هنكمل فى النقطة دى تانى متقلقش
ربنا عرفوه
بالدين
والانبياء والرسل
عرفنا الله الواحد وأوامر الدين بالانبياء والرسل والوحى الإلهى ليهم بس مش ده معنى الجملة بردوه معنى الجمله هو إننا عرفنا ان هناك رب للكون فى ناس بقى بغبائهم تخيلوا ان الرب ده صنم أو شمس أو قمر مش ده الهدف من الجملة دى
اولا
لو ماكنشى الانبياء والرسل جم
كنا عرفنا ربنا ازاى؟
مثال بسيط وانت يا دكتور سعيد قولت فى رد من ردودك انك بترد الحاجات لاصلها خلينا نشوف قصة سيدنا ابراهيم ونردها لاصلها فى البداية
سيدنا ابراهيم عليه السلام كان ابن لآذر اللى هو كان صانع اصنام اصلا وكانت الناس دى بتقول إن فى آلهه وفى رب " وليس الله الواحد الاحد " صح ؟
سيدنا ابراهيم بقى بعقله وبفطرته النقية الطاهرة حاسس ان الموضوع غلط وعقله رافض يتقبل فكرة ان اله هذا الكون هو صنم ابوه بيصنعه بايده ومن هنا بدأ يفكر ويدور لأ لازم فى إله تانى ولازم فى حد بيسير الدنيا دى كلها وبدأت قصته مع الكوكب ثم القمر ثم الشمس ثم ربنا هداه لذاته الإلهيه
يبقى لو ردينا الموضوع لأصله هنجد إيه ان العقل هو اللى قال لسيدنا ابراهيم ان فى ربنا للكون ده لكنه لم يتعرف على ذاته الإلهية سوى بالوحى والهدى من الله " رجعنا للعقل صح "
مثال أخر نروح للفراعنه المصريين القدماء الناس دى ليه كل حياتها كانت ألهه وكل حاجه بتحصل بيردوها للآله فلان أو الآله فلان لان عقلهم بيقول ان لازم يكون فى للكون ده آله محدودية عقلهم مقدرتش توصلهم للذات الإلهية ومفيش اصلا اي عقل بشري يقدر يوصل بنفسه للذات الآلهية ولكن كان اقتناعهم بوجود آله للكون اقتناع كامل مفيش شك فيه
يبقى الناس دى بينطبق عليهم مقولة " ربنا عرفوه بالعقل " وليس المقصود ابدا هو الله الواحد
يعنى لما سيدنا محمد نزل بالرسالة
كان الرد ايه على طول
اننا وجدنا ابائنا واجدادنا للاصنام عاكفون
طب يعنى هل هما كدة شغلوا عقلهم؟
ما اختلفوش فى وجود رب للكون ولكن اختلفوا فى كينونة هذا الآله وهذا الرب وهنا جه دور الفطرة السليمة والهداية الإلهية علشان ربنا يهدى من هدى ويضل من أضل بس فى النهاية كان الاتفاق على ان فى إله للكون وبردوه ربنا عرفوه بالعقل
ولا اتبعوا حاجات وخلاص
مثال تانى
ممكن واحد نصرانى يكلمك
ماتعرفشى ترد عليه
حتى لو شغلت عقلك
ويقولك كلام كتير
بردة مش تعرف ترد عليه
طب ليه؟
مش عندنا عقل؟
طب ليه مش بنعرف نرد؟
لاننا ما عرفناش الدين كويس
كان بيسألنى فى ذاتية الله سبحانه وتعالى ؟؟
لأ طبعا لأنه اصلا لو سألنى فى كده مفيش اى حد يعرف يرد لان ذاتية الله سبحانه وتعالى خارج حدود وخارج قدرة العقل البشرى أو أى شئ اخر لكنه بيكلمنى فى ايه فى احكام دين فى اختلافات بين الاسلام والمسيحية فى افتكاسات هما بيفتكسوها ويطلعوها شبهات فى الدين. لو انا بقى مش عالم كويس بأمور الدين مش هقدر ارد بس بالفطرة انا وهو عارفين ان فى إله ورب للكون سواء بقى احنا اتبعنا الله الواحد الأحد وهما اتبعوا الثالوث او اخرون
بس بالعقل كلنا عرفنا ان فى رب للكون
مش موضوع عقل ولا فهم
ولو كان الموضوع بالعقل
وماكنشى الانبياء جم
ولا حد كان هايعرف حاجة
ينى فرعون قال ايه لسيدنا موسى
وكذلك بنى اسرائيل
قالوله
لو انت عاوزنا نؤمن بربك
خلاص
خلينا نشوفه
طب هل الناس دول
لو ماكنشى سيدنا موسى جالهم
كانوا عرفوا ربنا بالعقل بردة؟
حاجة كمان
الاديان الى قبلك
او قصدى
التحريف الى قبلك
الى قال ان سيدنا عيسى ابن قال
والى قال عيسى هو الله
والى قال عزير ابن الله
طب ما دول كانوا عندهم عقل
ويمكن كان منهم علماء
عادى
عالم اة وكل حاجة
بس ما امنشى بكتاب منزل من عند الله
فأكيد هاتشوف منه حاجات غريبة
يعنى من الاخر
برأى كثير جدا من العلماء
ربنا عرفوه
بالدين
والانبياء والرسل
ربنا " الله الواحد الاحد " طبعا عرفوه بالدين والوحى والهداية من الله سبحانه وتعالى ولكن مكنش ده مفهوم المقوله نفسها
حاجة تانية
سيدنا ابراهيم
فعلا شاف وشاف
طب لو ماكنشى الوحى جاله
كان هايعرف ربنا منين؟
هو عارف ان فى ربنا بس مش عارف يوصل لذاتية الله
عشان كدة بقول
ربنا عرفوه
بالدين
والانبياء
والرسل
اما العقل
لو شغلته كويس
هاتعرف فعلا
صدق محمد صلى الله عليه وسلم
هاتعرف فعلا ان الله هو خالق الكون
ودة الى انت متعود تقوله من صغرك
اة
ربنا الى خلق كل حاجة
طب لو ماكنشى مثلا اهلى مسلمين
كنت قولت ايه؟
كنت هاقول زيهم
لانهم بردوا كانوا هايقنعونى
عشان كدة النبى صلى الله عليه وسلم قال فيما معناه
يولد الانسان على افطرة
اى على الاسلام
فابواه
بنصرانه
او يمجسانه
يعنى والدك ووالدتك
هما بقى الى هايجيبوك من صغرك
ايوة يا حبيبى
دينك هو كذا
ورسولك هو كذا
ودة غلط
ودة غلط
وللاسف
الى من المسلمين
مش بيتعمق فى الدين كويس
مش بيعرف ابدا يرد على غيره
لانه ولا عرف ربنا بالدين
ولا حتى شغل عقله فى دينه
يعنى
الدين هو الاساس
بس فى النهاية بيحاولوا يقولولك ايه ؟؟
ان الكون له رب ؟؟
لانهم ميقدروش يقنعوك بغير كده لان عقلك مهما كان ذكى او غبى يعرف بالفطرة ان هناك إله ورب
اسف ان كان كلامى غير مرتب
بس حاجة اخيره
علماء الفلسفة والمنطق
الكافرين
مخهم ما شاء الله
عالى جدا
تقعد معاهم
فى اى موضوع
انسى انك تغلبهم
تيجى تقوله مين الى خلق الكون
يقولك لا احد
لا أحد دى مش كلام عقول الناس دى ده مبيحصلش الناس دى عارفه ان لازم يكون فى حد خلق الدنيا دى وناس لان ربنا أضلهم بدأوا يدوروا فى نظريات التطور ويدرسوا فيها طيب ليه هما بيعملوا كل ده لانهم بعقلهم عرفوا وايقنوا ان لازم يكون فى حد خلق الدنيا دى والكون ده كله بس مش قادرين يوصلوا لفكرة الذات الإلهية فبدأوا يدورا فى حاجه تانيه
يبقى هنا عرف يعمل هو بقى حاجة بمخه؟
لا طبعا
ماكان من سهو فمنى ومن الشيطان
فى امان الله
اللهم لا تؤاخذنا بما جهلنا وبما أخطأنا أو نسينا
السلام عليكم و رحمة الله و بركاته
كلام حضراتكم على راسى و احترمه و اقدره
بس فيه سؤال
لما مثلا اجى اقنع ملحد بوجود الله
اقول :ربنا موجود
يقول:ازاى
اقول:اصل القران الكريم قال كذا و كذا
بالظبط لان ده حد مش مؤمن اصلا بالقرآن الكريم ازاى اقوله القرآن قال كذا وكذا والرسول قال كذا وكذا وهو مش مؤمن اصلا بالقرآن ولا بالرسول
او
اقول:كا شئ فى الجنيا ربنا هو المسؤل عنه و مثلا ناخد المطر مثل (ابتدى اشرح المصر من ماء و الماء من كذا الخ )
يبقى ربنا عرفوه بالعقل
وانا اطن ان هذا هو المقصود بهدذة المقولة
وشكرا
عجبنى جدا الرد ده وحبيت اضيفله الجزء الصغير بتاعى ده
شكرا ليك يا خالد وليك يا دكتور سعيد ولكل من شارك
dr.saeed 21-08-2008, 05:17 PM هاتلى اسماء العلماء دى وقالوا الكلام ده امته علشان بس بقى فى ناس كتير دلوقتى بنقول عليهم علماء وهم ولا حول ولا قوة إلا بالله
ثانيا ما كان من اجتهاد العلماء فهو يؤخذ ويرد لانهم مش معصومين من الخطأ أما ما كان فيه حكم ثابت فلا جدال فيه
اعتقد انى قولتهم فى وسط الكلام
قولت سمعتها من الشيخ محمد حسان والشيخ محمد حسين يعقوب
ولما انا اتكلم واقول دة عالم ولا لا لازم اكون علمى اعلم منه او انقل كلام منقول من عالم مثله عليه ولا يكون لى حق الاعتراض بعلمى المتواضع عنه
تانى متقلقش
مافيش اصلا داعى انى اقلق
وطبعا الانسان عارف ان فيه اله للكون
بس فى اعتقادهم انها اكتر من اله زى ما قال ربنا
ما اتخذ الله من ولد وما كان معه من إله، إذن لذهب كل إله بما خلق، ولعلا بعضهم على بعض، سبحان الله عما يصفون)
ودة طبعا الى هما كانوا معتقدينه بعقلهم
والمقصود
ان دلوقتى لو بعقلنا فقط مش نقدر نعرف الى الدين عرفه لينا
كلمة ربنا عرفوه بالعقل
لا
ربنا عرفوه بالدين
وفيه كتير من الملحدين عقولهم فاذة
ومهما اقنعت فيهم عمرهم ما يقتنعوا
ده الهدف من الجملة دى
الجملة دى مش قران ولا سنة عشان يكون ليها اكتر من تفسير
الجملة معناها واضح جدا
احنا بنقول
ربنا
اى الله
هما بعقلهم الغريب اعتقدوا ان الاله صنم او شمس او الخ
يبقى اذن عقلهم لواحده مش هو الى عرفهم حقيقة المولى
وبدليل سيدنا ابراهيم
ماهو بردة شغل عقله عشان يحدد من اله الكون
بس احتار بشكل كبير
ونشوف كلام حضرتك استاذ قبانى فى قصة سيدنا ابراهيم
سيدنا ابراهيم بقى بعقله وبفطرته النقية الطاهرة حاسس ان الموضوع غلط وعقله رافض يتقبل فكرة ان اله هذا الكون هو صنم ابوه بيصنعه بايده ومن هنا بدأ يفكر ويدور لأ لازم فى إله تانى ولازم فى حد بيسير الدنيا دى كلها وبدأت قصته مع الكوكب ثم القمر ثم الشمس ثم ربنا هداه لذاته الإلهيه
يبقى لو ردينا الموضوع لأصله هنجد إيه ان العقل هو اللى قال لسيدنا ابراهيم ان فى ربنا للكون ده لكنه لم يتعرف على ذاته الإلهية سوى بالوحى والهدى من الله " رجعنا للعقل صح "
اعتقد فيه تناقض غريب فى الكلام دة
حضرتك قولت عقله قاله ان فيه اله عظيم لهذا الكون الكبير واكيد مش الصنم الى بيتكسر هو الاله العظيم دة
معاك فى دى
حضرتك قولت
انه طبعا فكر مين بالظبط الاله لهذا الكون
وطبعا (عقله)لم يسطيع ان يعرف ان الله هو خالق هذا الكون
عشان كدة حضرتك ذكرت الجملة دى
لكنه لم يتعرف على ذاته الإلهية سوى بالوحى والهدى من الله
ودة الى انا بقول عليه لما ذكرت قصة سيدنا ابراهيم
مش عقل سيدنا ابراهيم هو الى عرفه ان الله هو خالق هذا الكون
وانما الوحى هو الى عرفه _بالذات الالهيه
اظن كلام حضرتك واضح
يبقى العقل اى نعم قاله مش الصنم هو الاله
بس الى عرف سيدنا ابراهيم فعليا الذات الالهيه هى
سوى بالوحى والهدى من الله
كان ممكن اقف عند الجملة دى فقط
بس نكمل مع حضرتك لان حضرتك استاذى واكيد بتعلم من حضرتك كتير
ومفيش اصلا اي عقل بشري يقدر يوصل بنفسه للذات الآلهية
بردة مع حضرتك فى الجملة دى
يبقى اذن بردة
يبقى الناس دى بينطبق عليهم مقولة " ربنا عرفوه بالعقل " وليس المقصود ابدا هو الله الواحد
اكيد هاكون مع حضرتك فى جملة هنا
انا والاخ الى فتح الموضوع بنتكلم عن حاجة معينة
الله عرفوه بالدين
الله
انا مش بتكلم عن حاجة تانية
بس بردة اكيد حضرتك عارف حاجة
الفراعنة مثلا لما جالهم سيدنا موسى
هل على طول امنوا بالله رب العلمين؟
مش مفروض انهم مشغلين مخهم وعارفين كويس انهم مستنين يعرفوا مين هو الاله لهذا الكون؟
بس بردوا لم يؤمنوا بالله
طب ليه؟
لانهم ما امنوش بالدين
يبقى اذن عقلهم بردة ماعرفهمشى مين هو الاله
ودة الى قاله فرعون
قال للناس: "أنا ربكم الأعلى"، "ما علمت لكم من إله غيري"
يبقى اذن بالرغم من ان عقلهم فكر كتير فى التعرف على الذات الالهية
الى انهم لم يتوصلوا الى ان الله هو الخالق البارىء
يبقى بردة زى ما قولت
بس انا اخليها على الفراعنة
(الفراعنة ماعرفوش ربنا بالعقل)
اظن واضحة هذة الجملة
وانا بقصد
الله
مش بقصد غير كدة
ما اختلفوش فى وجود رب للكون ولكن اختلفوا فى كينونة هذا الآله وهذا الرب وهنا جه دور الفطرة السليمة والهداية الإلهية علشان ربنا يهدى من هدى ويضل من أضل بس فى النهاية كان الاتفاق على ان فى إله للكون وبردوه ربنا عرفوه بالعقل
اختلف فى اخر جملة
اولا قريش مش عرفت بالعقل ولا حاجة
بالعكس
هما الى اتقالهم من صغرهم فضلوا مقتنعين بيه
هو ان للكون اكثر من اله
وفضلوا بردة يجادلوا على كدة
يعنى هما شغلوا عقلهم
بدليل هذة الاية القرانية
( بل نتبع ما ألفينا عليه آباءنا ) ومن هنا فإن الله رد عليهم ( أولو كان آباؤهم لا يعقلون شيئا ولا يهتدون )
يعنى الى هما عملوه
اتباع للاباء
وليس للعقل
لان مافيش عقل يقول ان الاصنام دى ليها حتى ولو متر مربع من الكرة الارضية
بس بالعقل كلنا عرفنا ان فى رب للكون
والعقل بردة يقول ان الله ليس له ولد
بس هما بردة مش اتبعوا عقلهم
هما اتبعوا الكتب المحرفة
هو عارف ان فى ربنا بس مش عارف يوصل لذاتية الله
زى ما قلت لحضرتك تانى وتالت
انا بتكلم عن الله
دلوقتى لما حد فينا بيقول ربنا
يبقى قصده على الله
لان ليس لنا رب سواه
يبقى انا مش هاحرف المقولة واقول المقصود بيها حاجة تانية
لانى زى ما قلت انها ليست فى كتاب منزل او وحى يوحى
يعنى هى من عقول البشر
فى نظريات التطور
نظرية التطور اصبح لها شواهد علمية كبيرة جدا خاصة فى علم التكنولوجيا الحيوية وايضا فى المادة الوراثية Dna
لكن انا كلامى زى ما بقول بردة عن (الله)
msamido 21-08-2008, 11:18 PM خلاص يا سيدى يبقى ما اختلفناش
الكلمة من صنع البشر يعنى تحتمل اي حاجه وتختلف حسب اللى بيقولها ان كان بيقولها وبيقصد المعنى اللى انت اشرت إليه يبقى انت كلامك 100% صح ولو كان يقصد المعنى اللى انا اشرت اليه يبقى انا مقتنع ان كلامى 100% صج بردوه
شكرا ليك يا دكتور وشكرا ليك يا خالد لطرح الموضوع
.
.
Hatem.HSK 21-08-2008, 11:26 PM اظن حضرتك مردتش على كلامي يا دكتور سعيد .. وانا قريت كلامك كويس جدا و مقولتش حاجة عليك من دماغي !!
dr.saeed 21-08-2008, 11:43 PM خلاص يا سيدى يبقى ما اختلفناش
الكلمة من صنع البشر يعنى تحتمل اي حاجه وتختلف حسب اللى بيقولها ان كان بيقولها وبيقصد المعنى اللى انت اشرت إليه يبقى انت كلامك 100% صح ولو كان يقصد المعنى اللى انا اشرت اليه يبقى انا مقتنع ان كلامى 100% صج بردوه
شكرا ليك يا دكتور وشكرا ليك يا خالد لطرح الموضوع
زى ما قولت
اكيد هستفاد لما اناقش حضرتك
بس معلشى
هو حضرتك تقصد بالظبط المعنى ايه؟
اظن حضرتك مردتش على كلامي يا دكتور سعيد .. وانا قريت كلامك كويس جدا و مقولتش حاجة عليك من دماغي !!
انتظر الرد يا باشا
dr.saeed 21-08-2008, 11:50 PM اخي الدكتور سعيد المقولة بتقول : "ربنا عرفوه بالعقل" مش "ربنا عبدوه بالعقل" .. أظن ان الفرق واضح جدا لأن حضرتك محور كلامك كله على العبادة وان الواحد عمره ما كان هيعرف يعبد ربنا من غير رسل ولا دين وده طبعا 100% صحيح بس مالوش علاقة بالمقولة دي !!
كلمة ربنا مش لازم معناها الله .. لا .. معاها الاله .. يعنى المقولة بتقول ان بالعقل الانسان عرف ان ليه رب .. مين الرب ده ؟؟ مش قضيتنا .. الرسل والانبياء هما اللي هيقولولك مين هو ربك وازاي تعبده .. كمان في حاجة .. القران مليء بالايات اللي تثبت ان الله هو الرب الوحيد الذي لا اله غيره .. اذا الله بيقنعك بانه هو ربك .. يعني الرسول -صلى الله عليه وسلم- ماجاش وقال الله هو ربكم ولازم تعبدوه وسكت .. انما جاب ما يثبت ده .. وكمان ايه لزمت بقى معجزات الرسل ؟؟ مش المعجزات دي ربنا اعطاها لانبياءه عشان الناس تقتنع وتؤمن ؟؟
بص حضرتك .. الكافر مالوش دعوة بتفاصيل دينك .. اهم حاجة انه يقتنع بيه -يعني بالعقل- وبعد كدة يبقى يتعلم الدين لما يعتنقه بالفعل .. كون بقى ابوجهل مايخشش الاسلام فا دي عشان حبه للدنيا انما هو عارف كويس جدا ان ده دين الحق وفقط بالعقل وبمعرفته ان النبي هو الصادق الأمين ..
الاعتراض الوحيد على المقولة دي : انك لما تيجي تقول لواحد قال الله وقال الرسول زي مثلا الاغاني حرام او الحجاب فرض يروح قايلك : ربنا عرفوه بالعقل .. يعني بالاقتناع .. وانا مش مقتنع بكلامك !!
في الحالة دي يبقى هو فهم المقولة غلط ..
وعامة .. انا مش بأيد المقولة دي ابدا و عمري ما استخدمتها لأن فيها شبهة .. والواحد بيبعد عن الشبهات على قد مايقدر ..
انا بس كنت عايز اتناقش عشان نوصل للرأي السليم .. ويارب تقنعني .. اهم حاجة تقنعني .. مش ربنا عرفوه بالعقل برضو ؟؟!!
وجزاكم الله خيرا ...
الجواب ببساطة على حضرتك فى مناقشتى مع الاستاذ قبانى
فى امان الله
Hatem.HSK 22-08-2008, 12:01 AM الجواب ببساطة على حضرتك فى مناقشتى مع الاستاذ قبانى
فى امان الله
هو ده الرد !! .. طيب تمام اوي يا دكتور ..
في امان الله ...
dr.saeed 22-08-2008, 12:09 AM كلمة ربنا مش لازم معناها الله .. لا .. معاها الاله .. يعنى المقولة بتقول ان بالعقل الانسان عرف ان ليه رب .. مين الرب ده ؟؟ مش قضيتنا .. الرسل والانبياء هما اللي هيقولولك مين هو ربك وازاي تعبده
ما دة الى اتفقنا عليه
ان الكلمة مش تنفع اننا نقولها على (الله)
انما لو المعنى معمم يبقى حاجة تانية:rolleyes:
هو يعنى كتابة وخلاص:D
فى امان الله
msamido 22-08-2008, 12:12 AM كلام حاتم اللى حضرتك اقتبسته فى اخرر ررد هو بالظبط اللى انا المعنى اللى انا اقصده
شكرا ليك
Tawfeek Yahia 22-08-2008, 12:12 AM يعني المعني الاخير ان المفروض تاخد اي موضوع بعقلك وتوصل للحل عن طريق تفكيرك ...بس خلي بالك ان
في حالتين مينفعش فيهم تمشي الامور بدماغك
1- الأمور الدينيه دي مفيش فيها لا عقل ولا هزار ومتسألش ليه ؟ لان في حاجات لحد النهارده ملهاش
تفسير ودا من حكمة ربنا يعني متعملش زي نوال السعداوي المتخلفه اللي بتقول ربنا عرفوه بالعقل وتقولك
لازم الراجل يتساوي بالست في الميراث وكأنها لم تسمع الايه الكريمه " للذكر مثل حظ الانثيين"
2- لما تكون معلش احمق او غبي ومش هتقدر توصل للصح بعقلك وطبعا مفيش اي انسان بيقول علي
نفسه غبي كل واحد فينا فاكر نفسه عمر المختار في الذكاء ...
وموضوع جميل وشكرا ويا ريت اكون اتكلمت كلام مفيد
msamido 22-08-2008, 12:15 AM بالظبط كل ما فيه حكم دينى ثابت فى قرآن أو سنه مفيش حاجه بقى اسمها بالعقل ولو كان الحكم بالعقل لكان المسح على باطن الخف أولى من ظاهرة
شكراااااااااااا واضفت فعلا
Hatem.HSK 22-08-2008, 12:42 AM بالظبط كل ما فيه حكم دينى ثابت فى قرآن أو سنه مفيش حاجه بقى اسمها بالعقل ولو كان الحكم بالعقل لكان المسح على باطن الخف أولى من ظاهرة
شكراااااااااااا واضفت فعلا
صح فعلا وده اللي انا قولته بالظبط ...
الاعتراض الوحيد على المقولة دي : انك لما تيجي تقول لواحد قال الله وقال الرسول زي مثلا الاغاني حرام او الحجاب فرض يروح قايلك : ربنا عرفوه بالعقل .. يعني بالاقتناع .. وانا مش مقتنع بكلامك !!
في الحالة دي يبقى هو فهم المقولة غلط ..
وعلى فكرة يا دكتور انا مش بقول ان حضرتك تكتب رد وخلاص انا كنت عايز اتناقش وكان لسة عندي كلام اقوله بس يبدو ان حضرتك خلاص زهقت ..
في امان الله
dr.saeed 22-08-2008, 02:06 AM وكان لسة عندي كلام اقوله بس يبدو ان حضرتك خلاص زهقت ..
اوك يا باشا
انا مستنى مناقشتك كاملة مافيش مشاكل
وكل حاجة نتكلم فيها بأذن الله
فى الانتظار
|