لاساتذه القسم الافاضل
ياريت مذكره مراجعة ليلة الامتحان في مادة الاحياء للدور الثاني
اضمن بها النجاح ان شاء الله ..
( اللهم اجعله في ميزان حسناتكم )

إن شاء الله سأقوم بتنزيل مذكرة خلال يومين ولا تخاف وربنا معاك

اكرمك ربي استاذي

أعزك الله يا ابني ....
ولا تخاف أنا كلمت موجه أول أحياء بمدرسة العباسية الثانوية بنين بالاسكندرية ( صديقي الأستاذ محمد على )
وطلبت منه مراجعة ليلة الامتحان ( على فكرة امتحان الدور الأول كان منها بالنص )
ووافق ووعدني إنه هيجيبها لي بكرة وبمجرد ما يعطيها لي سأقوم بتنزيلها وهذا وعد مني لك أمام الله عزوجل
وبالنسبة للامتحان أنا عايزك تذاكر المذكرة دي زي اسمك وبإذن الرحمن لن يخرج عنها الامتحان
وبيننا اتصالات بعد ذلك بإذن الله

ان شاء الله بإذن الله
بالنسبه لإمتحان الدور الاول والله والله والله انا حالل اللي يديني 50 من 60 علي الاقل
و مفيش ماده كنت متخيل اني اجيب النص فيها حتي
انا فكرت اني اعيد السنه لكن خفت اللي حصل يحصل تاني و ايماني يقل و افكر في شئ يغضب الله
لن فكرت شويه لاقيت ان كده كده منظومة التعليم في مصر فاشله
و اللي بيغش هو اللي بيعدي و لك ان تتخيل اللي قدامي في اللجنه مش بيعرف يفرقي بين حرفي ( d - b )
و جايب 88% و هيدخل كليه
لكن الحمد لله علي كل شئ .. في الاول و في الاخر ده نصيب
و احب اشكر حضرتك مره تانيه و ان شاء الله تلاقيه في اولاد حضرتك و او اي حد بتحبه ان شاء الله

أعزك الله يا ابني الحبيب .......
اولا : بيني وبينك تصحيح الاحياء السنة دي كان أسوأ من السيئ
ثانيا : النجاح في الحياة لا يشترط بالنجاح في الثانوية العامة
ثالثا : كيف الحال إذا نجحت في الاحياء وجبت 30 من 60 فماذا ستفعل؟!!!!!
ألا تعلم أن الله قد يكون قد أخفى لك عنده الأفضل ....بالتأكيد فعلا ...

على فكرة الأستاذ محمد على قال لى أن هناك طلاب كثيرون ظُلموا في التصحيح
وأن الامتحان جاء صعبا عن المتوقع على الرغم من أن الامتحان كان موجود بالنص في مذكراته النهائية
ولكن كان طويل جدا وجاءت بعض الأسئلة تحتاج إلى إجابات طويلة وجاء نموذج الاجابة غير مرضي لمصلحة الطالب

فعلاً الامتحان كان صعب جداً لكن مش صعب علي اللي ذاكر
و انا ذاكرت والله .. لكن ده قضاء الله
انا هعمل تظلم ان شاء الله
لأثبت لنفسي اولاً .. و لوالدي ثانياَ .. و للناس أخيراً
اني ضحيه من ضحايا تصحيح هذه الماده
اما بالنسبه لموضوع " 30 من 60 " فهو للأسف لا مفر منه

استاذي كنت عايز استفسر عن حاجه
في امتحان الدور الثاني
مش باخد اكتر من 50% من الدرجه " 30 من 60 مثلاً "
مهما كانت درجتي الفعليه في الامتحان بشرط متنزلش عن النص ؟؟

لا يا ابني هذا الكلام غير صحيح بالمرة
بتأخذ درجتك الفعلية يعني حتى لو جبت 60 هتأخدها كامله

اييييه !
ازاي ؟!
حضرتك متأكد ؟

طبعا يا ابني

ياريت يا استاذي تتأكد
في ناس معايا مأجله ماده واحده للعام القادم علي اساس تاخد درجتها الفعليه السنه الجايه
لو كلام حضرتك صح انا اقولهم يمكن يغيروا رأيهم
ارجوك يا استاذي تتأكد

حاضر يا ابني الغالي

ربنا يكرمك يا استاذي الغالي و يُكثر من أمثالك يارب

ده لو كلامك صح
هيبقي مجموعي 389.5
يعني ممكن الحق صيدله اقاليم
اقسم بالله يومها اجيلك البيت و تبقي اول واحد يفرح معايا :d

للآسف كلامك مظبوط وصدمت لأنه لم يسبق لي تصحيح دور ثان
وتأكدت من هذا الكلام من خلال مكالمة تليفونية بالأستاذ محمد علي
سامحني يا ابني كان نفسي أقول لك ما يسعدك
ولكن هأطلب منك طلب بحكم إنك زي ابني
لو ابني مكانك كنت هقول له يأجل للعام القادم حتى يأخذ درجته الفعلية
أنا بجد مسرور بك وكنت أتمني لو كنت انت ابني بجد
كل اللي عايزه منك إنك تفكر في كلامي كويس أوي وانتظر الرد
وأخيرا أكرر اعتذراي لأنه لم يسبق لي أن تعرضت لهذا الموقف ولكني سمعت هذا الكلام من طالب ما كان عندي في المدرسة اللي أنا بشتغل فيها ولكني لم أعطي له بال ......
إذا أردت النجاح فاسعى سعيا يوصلك لأكثر من النجاح الذي تتمناه .......... سامحني يا ابني

ربنا يخليك يا استاذي الفاضل
انت بالفعل ابُ لي
و الحمد لله والله انا راضي بقضاء الله
لكن فيه حاجه
اولاً : فيه فرق بين اللي مأجلها بمزاجه علشان يقدر يعدل العام التالي
و بين اللي بالفعل حل في الماده و لكن كان قضاء الله اقوي
يبدو في الثانيه ان الله تعالي يُخفي امراً افضل ان شاء الله
..
ثانيا : انا بالفعل كنت علي وشك اني اقول بالتأجيل
و قررتها بيني و بين نفسي و خلاص بقي انا قاعد السنه دي
لكن نصحني بعض اهل العلم و نصحني والدي بإعادة التفكير
ملقتش افضل من صلاة الاستخاره .. و جائني الرد الحمد لله بألا اقوم بتأجيلهم للعام التالي
و نظرت للجانب المشرق و لاقيت اني ممكن ادخل اكتر من 7 كليات اخري
و انا حلمي الثاني الذي كنت اتطلع له بعد ( دكتور صيدلي )
هو ان اصبح ( وكيل نيابه ) " كلية الحقوق "
و عرفت انها بتاخد بحد أدني من المرحله الثالثه سنوياً ( 50% )
فعرفت ان ربنا ممكن يكون شايلي حاجه احسن .. لكن بيقولي اصبر شويه :)
في النهايه انا اسف للإطاله
و لكن الشكر لك من كل قلبي يا ( ابي ) ^_^

إن شاء المولى عزوجل
بين يدي مذكرات الأحياء النهائية للثانوية العامة
سأقوم برفعها على الانترنت

ربنا يخليك استاذي الفاضل
انا حقيقة عاجز عن الشكر :)

أنا آسف يا ابني على التأخير
بحاول ارفع المذكرة على الانترنت
والكمبيوتر بطئ جدا
فلا تقلق

المراجعة النهائية عبارة عن 9 مذكرات
1ـ مذكرة الدعامة والحركة
2ـ مذكرة طرق التكاثر في الكائنات الحية
3ـ مذكرة التكاثر في النباتات الزهرية
4ـ مذكرة التكاثر في الانسان
5ـ مذكرة الوراثة فصل أول
6ـ مذكرة وراثة فصل ثاني
7ـ مذكرة وراثة فصل ثالث
8ـ مذكرة dna فصل اول
9ـ مذكرة dna فصل ثاني

في انتظارها ان شاء الله ^_^