مشاهدة النسخة كاملة : ارجو المساعده
ياسمين تليمه 21-07-2015, 10:24 PM السلام عليكم ورحمه الله وبركاته
انا جبت 96.6 وملحقتش مرحله اولى لان التنسيق عالى جدا
وبكده مش هقدر ادخل طب او اسنان او صيدله او علاج طبيعى
يعنى الكليات اللى بحبها :) الحمد لله على كل حال
وبالتالى بدور على كليه قريبه من علوم اقدر استمتع بدراستها
وبرضو يكون شغلها كويس قولت علوم
قالو انها صعبه جدا جدا وفى الاخر بتطلع مدرسين ولو فلحتى فيها مش بيشغلوا بنات
فهل ده صحيح ؟
طيب ناس بتقولى تجاره انجلش وليها مستقبل وكليه السن ومعرفش ايه ؟
اعمل ايه ؟ مش عارفه اخد قرار بصراحه ..
ممكن حد يساعدنى !!.؟ :(
طيب اعمل تظلم ولا ايه !؟
* محب الرسول * 22-07-2015, 07:38 AM علاج طبيعي بتبقي مرحلة تانيه وانتي هتلحقيها بنسبة كبيرة ان شاء الله
وعلي فكرة علوم مش صعبة ولا حاجة انا في علوم كلية عادية جدا بس امتحاناتها كتير ولو بتحضري كل المحاضرات وترجعي تبصي فيها هتجيبي امتياز و حكاية الشغل احنا عندنا 2/3 من المعيدين بنات و شغل الكلية برا مجاله واسع جدا و مش هيفرق ولد ولا بنت اهم حاجه التفوق والاصرار
ربنا يوفقك
ياسمين تليمه 22-07-2015, 03:23 PM محب الرسول
ربنا يطمنك
اشكرك جدا على الرد . يارب الحق علاج طبيعى بس لو ملحقتش انا بجد حبيت كليه علوم والحمد لله
وربنا يكتبلى فيها التوفيق . واشكرك مره تانيه على الرد
عبد المقصود مصطفى 22-07-2015, 07:44 PM هيا كدا ممكن كلية علوم تاخد كحد ادنى من كام؟؟؟
rudfa 22-07-2015, 09:04 PM هيا كدا ممكن كلية علوم تاخد كحد ادنى من كام؟؟؟
يعني مابين 91% و 93%
ياسمين تليمه 22-07-2015, 09:55 PM بس اهم حاجه بس حد يقولى انها مبطلعش مدرسين علشان الموضوع ده مضايقنى والله
انا ممكن اتعب فيها واعمل اللى عليا بس متبقاش زى تربيه .
* محب الرسول * 23-07-2015, 10:31 AM ان شاء الله انتي خلاص علاج طبيعي وهستني تفكريني بعد نتيجة التنسيق والله علوم مجالها واسع جدا ( شركات الادوية ، مجال التحاليل ، مراكز البحوث ، هيئات الطاقه ، مصانع الاسمده واي مصنع فيه كيميا ، مجال الاجنة واطفال الانابيب وغيرهم بس حسب كل قسم ) التدريس ده للي مش عاوز يحاول
عبد المقصود مصطفى 23-07-2015, 10:53 AM ان شاء الله انتي خلاص علاج طبيعي وهستني تفكريني بعد نتيجة التنسيق والله علوم مجالها واسع جدا ( شركات الادوية ، مجال التحاليل ، مراكز البحوث ، هيئات الطاقه ، مصانع الاسمده واي مصنع فيه كيميا ، مجال الاجنة واطفال الانابيب وغيرهم بس حسب كل قسم ) التدريس ده للي مش عاوز يحاول
ازاى ييعنى يعنى كل الاقسام بتؤدى اننا نطلع مدرسين؟؟
عبد المقصود مصطفى 23-07-2015, 10:55 AM طب وبالنسبة للقسم اللى هوا اسمه كيميا حيوى دا بياخد من كام عادة ؟؟؟
* محب الرسول * 23-07-2015, 11:05 AM بص انا في علوم القاهرة الاقسام بتبقي من سنة تانية بتنسيق زي الثانوية كده كيميا حيوي بيقبل من جيد جدا حوالي 77%(في سنة اولي يعني)
عبد المقصود مصطفى 23-07-2015, 11:26 AM فى الجامعة اللى انا هداخلها ان شاء الله بيقولوا الاقسام من سنة اولى مش 3
فبيقولوا حسب نسبة الثانوية بتاعتى
يعنى عادة بتاخد من كام يعنى؟
* محب الرسول * 23-07-2015, 11:35 AM انا قولت من سنة 2 مش 3 بس باقي الكليات بتاخد من مجموع المواد العلميه يعني الاحياء و الكيميا وهكذا بس معرفش بنسبة كام الحقيقه
عبد المقصود مصطفى 23-07-2015, 11:38 AM انا عايز اهم حاجة اعرف نسبة القسم دى بتتحدد بايه
اذا كنا بيختاروا الاقسام من اولى
* محب الرسول * 23-07-2015, 11:41 AM بدرجتك في الاحياء والكيميا بس هسألك حد من علوم غير القاهرة
عبد المقصود مصطفى 23-07-2015, 11:43 AM طب يا ريت لو سمحتى اسالى لانى قلقان جدا
فى ناس بتقول بتاخد بنسبة وسعات بتوصل النسبة اللى هياخد منها ل 95 ؟
rudfa 23-07-2015, 12:08 PM طب يا ريت لو سمحتى اسالى لانى قلقان جدا
فى ناس بتقول بتاخد بنسبة وسعات بتوصل النسبة اللى هياخد منها ل 95 ؟
يا أخ محب رسول ... تقريبا الأخ عبدالمقصود بيتكلم عن كلية علوم المنصورة اللي انا فيها :d:d .. النظام عندنا مختلف عن جامعة القاهرة أو اسكندرية
عامة في علوم المنصورة فعلا الأقسام بتبقي من سنة أولي وبتبقي بتنسيق علي حسب مجموعك في الثانوية العامة
وملهاش أي علاقة بدرجاتك في الأحياء أو الكيمياء اطلاقا .. المهم المجموع العام
كيمياء حيوي كان واخد السنة اللي فاتت من 390.5 أي 95% تقريبا :blush:
عبد المقصود مصطفى 23-07-2015, 12:11 PM طب ازاى وعلوم المنصورة واخدة من اقل من 95 مش فاهم بيحسبوها ازاى دى
rudfa 23-07-2015, 12:22 PM ما أنا عارف علوم المنصورة واخدة السنة اللي فاتت من 93.5% يعني ده الحد الأدني فيه طلبة كانوا داخلين الكلية السنة اللي فاتت ب 96% .. وبعدين لو ملحقتش القسم السنة دي ممكن تحول له السنة اللي جاية .. من غير ما تشتال مواد كمان .. بس بإستثناء قسم كيمياء حيوي وكيمياء اسبيشال .. لإن القسمين دول لو ملحقتهمش في أول سنة بيكون صعب جدا تحولهم بعد كده .. بس عامة مفيش قسم أحسن من تاني من ناحية فرص العمل بعد التخرج .. فرص الأقسام إلي حد ما متساوية .. المهم إن دراسة القسم تكون متناسبة مع عقليتك وطريقة تفكيرك مش اكتر .. وانت هتلاقيها ماشية معاك حلاوة بعد كده .. ده تنسيق السنة اللي فاتت اللي انا كنت فيها .. عامة بتمنالك التوفيق .. ولو عايز أي مساعدة انا في الخدمة علي طول
http://www14.0zz0.com/2015/07/23/13/351614917.jpg
عبد المقصود مصطفى 23-07-2015, 12:29 PM متشكر جدا
بس كدا بصراحة مينفعش طب لو ملقوش العدد اللى عايزينه ممكن تاخد درجة اقل ؟
aalaaabdelhamed 23-07-2015, 01:15 PM متشكر جدا
بس كدا بصراحة مينفعش طب لو ملقوش العدد اللى عايزينه ممكن تاخد درجة اقل ؟
جبت كام واخبار النتيجة ايه
rudfa 23-07-2015, 01:43 PM متشكر جدا
بس كدا بصراحة مينفعش طب لو ملقوش العدد اللى عايزينه ممكن تاخد درجة اقل ؟
أيوه أكييد طبعا .. تنسيق الأقسام ده زي العرض والطلب كده وكل سنة بيتغير
بس أوعي تكون مفكر إن كيميا حيوي أحسن قسم في الكلية وان أي قسم غيره يبقي ملوش لزمة .. هو مش أحسن بكتيير عن بقية الأقسام واوعي حد يخدعك ويفهمك غير كده
|