جاية النهاردة تكلمينى فجأة ضميرك بقاله صوت
بعد اما كنتى بتجرحينى و قلبى بسببك كان بيموت
غريبة تكلمينى بكل رقة بقلب صافى و نفس راضية
ما اتعودتش كدة منك ذوق و رقة و نبرة هادية
و احنا اخوات يا حمادة طبعا مهما حصل و مهما كان
ما هو حمادة مش عيل و لا عمره شرف فى مرستان
عشان يصدق انه بعد ما كان خاين و ندل و بتاع بنات
جاية النهاردة اللى جرحته بتقوله احنا حقيقى اخوات
هو انت شايل منى لسه ده نفسى مش شايلة حاجة ليك
هو اللى جارح يا ناس بيشيل و اللى ظالمك يجيب الحق عليك ؟
انتى عايزة حاجة تانية من ذوقك ده و من كلامك
انتى عايزة تعيشى الحياة مع حد غيرى يشارك ايامك
طب و انا مالى و مال حياتك ليه تنافقى و تخدعينى
اللى عاوزة تقوليه قوليه بصراحة و عينك فى عينى
بلاش تلفى و تدورى زى ما طول عمرك عودتينى
كنتى عاوزة تعرفى انا ممكن اعمل ايه من بعدك
نسيتك ولا فى بالى حاجة و لا لسه فى قلبى وعدك
عاوزة تراضينى قبل ما اعمل حاجة ممكن تهدم حياتك
قولتى بذوق تداوى جراحى عشان تقتلى اللى فاتك
و تعيشى حب جديد سعيد و يمكن تكون كمان خطوبة
لكن كلامى يضرك أكيد فسكوتى عندك حاجة مطلوبة
يا ستى قلبى خلاص نسيكى و عقلى حتى مش فاضيلك
و برده هكون أصيل معاكى و لو وقعتى فى يوم هشيلك
أصلى عمرى ما هأذى واحدة كانت زمان ليا حبيبة
و ما يهمنيش دلوقتى انتى بعيدة عنى و لا قريبة
خلاص مبقتش تفرق مشاعرك ليا كاتبة جواها ايه
انا اللى يبيعنى فى يوم و يكدب عليا عمرى ما اندم عليه
و تانى مرة لما تكونى عاوزة حاجة من حمادة
تقولى من غير لف و دوران و لا اللف و الدوران ده عادة
عيشى حياتك و اشطبينى من دفاتر دنيتك
لا حبى يرجع و لا شوقى ينفع و لا عينى تدمع
ولا يهمنى انك تضحكى بعدى او اشوف دمعتك


انا مش عارف ايه ده
شخطبة لخبطة فضفضة مش عارف
هو كلام انا حسيته و قولت لازم اخواتى فى المنتدى يشاركونى فيه

انا مش عارف ايه ده
شخطبة لخبطة فضفضة مش عارف
هو كلام انا حسيته و قولت لازم اخواتى فى المنتدى يشاركونى فيه



مش مهم شخبطة ولا لخبطة مش مهم خالص
المهم انك قولت اللى حاسس بيه
وبجد احنا كمان حسينا بيه
وبصراحة مش عارفة اقول ايه
كل اللى ممكن اقوله ان ربنا معاك وقادر ينسيك كل حاجة
تقبل مرورى

انا مش عارف ايه ده
شخطبة لخبطة فضفضة مش عارف
هو كلام انا حسيته و قولت لازم اخواتى فى المنتدى يشاركونى فيه



مش مهم شخبطة ولا لخبطة مش مهم خالص
المهم انك قولت اللى حاسس بيه
وبجد احنا كمان حسينا بيه
وبصراحة مش عارفة اقول ايه
كل اللى ممكن اقوله ان ربنا معاك وقادر ينسيك كل حاجة
تقبل مرورى

ميرسى ليكى اوى اوى اوى

بس انا الحمد لله نسيت و الفضل بعد ربنا ليها هى بقسوتها نسيتنى احلى حب فى حياتى

بس انا حبيت افضفض معاكم على موقف حصل و كمان افهمها انى فاهم هى عاوزة ايه كويس اوى

و زى ما انتى كاتية هى فعلا " دنيا الأقنعة "

عاوزة تراضينى قبل ما اعمل حاجة ممكن تهدم حياتك
قولتى بذوق تداوى جراحى عشان تقتلى اللى فاتك
و تعيشى حب جديد سعيد و يمكن تكون كمان خطوبة
لكن كلامى يضرك أكيد فسكوتى عندك حاجة مطلوبة
يا ستى قلبى خلاص نسيكى و عقلى حتى مش فاضيلك
و برده هكون أصيل معاكى و لو وقعتى فى يوم هشيلك
أصلى عمرى ما هأذى واحدة كانت زمان ليا حبيبة
و ما يهمنيش دلوقتى انتى بعيدة عنى و لا قريبة

شكراا يا مان على الكلام الجميل
بجد موضوع رائع

الكلمات جميله اوي
تقبل مروري وربنا معاك

عاوزة تراضينى قبل ما اعمل حاجة ممكن تهدم حياتك
قولتى بذوق تداوى جراحى عشان تقتلى اللى فاتك



اول حاجه كان نفسى ارد اول واحده على موضوعك
بس يلا ملياش نصيب

تانى حاجه انت اكيد اقوى من اللى حصل يعنى اللى حصل مش هيقصر عليك
وان شاء الله ربنا يوفقك مع وحده احسن منها

شكراا يا مان على الكلام الجميل
بجد موضوع رائع

الاروع مرورك يا احمد باشا
ربنا ما يحرمنيش من تعليقاتك الجميلة

الكلمات جميله اوي
تقبل مروري وربنا معاك

ميرسى لمرورك الغالى ده و دعوتك الحلوة

عاوزة تراضينى قبل ما اعمل حاجة ممكن تهدم حياتك
قولتى بذوق تداوى جراحى عشان تقتلى اللى فاتك



اول حاجه كان نفسى ارد اول واحده على موضوعك
بس يلا ملياش نصيب

تانى حاجه انت اكيد اقوى من اللى حصل يعنى اللى حصل مش هيقصر عليك
وان شاء الله ربنا يوفقك مع وحده احسن منها





ميرسى يا كوكو على الرد الحلو و الكلام الجميل و الدعوة الحلوة
و ربنا يخليكى ليا و ميحرمنيش من دعواتكم كلكم

ربنا معاك يا بندق وتقدر تعدى اللى حصلك دة انا عارفة انه مش قليل وانه صعب بس عارفة ان بندق اقوى من كدة والحمدلله انك قرت تخرج اللى جواك عالورق اوعى تخبى حاجة جواك لانك هتتعب اوى خرج كل اللى جواك حتى لو انت متاكد ان محدش هيحس بيك
وزى ما انت قلت اللى يبيعك فى يوم عمرك ما تندم عليه
تقبل مرورى

ربنا معاك يا بندق وتقدر تعدى اللى حصلك دة انا عارفة انه مش قليل وانه صعب بس عارفة ان بندق اقوى من كدة والحمدلله انك قرت تخرج اللى جواك عالورق اوعى تخبى حاجة جواك لانك هتتعب اوى خرج كل اللى جواك حتى لو انت متاكد ان محدش هيحس بيك
وزى ما انت قلت اللى يبيعك فى يوم عمرك ما تندم عليه
تقبل مرورى

ميرسى على الكلام الحلو اوى ده يا زهرة

مش عارف بجد اقولك ايه

كلامك بيهون عليا كتير

و اوعدك انى هطلع كل اللى انا حاسه على الورق عشان ربنا مدينى القدرة دى

و لازم استخدمها

ميرسى تانى لمرورك

جميله يا بندق ودى العادى بتاعك
و احساسك وصل
و منظرين كل ماهو جديد

هايل يا بندق
تسلم ايدك يا غالى

جميله يا بندق ودى العادى بتاعك
و احساسك وصل
و منظرين كل ماهو جديد

ميرسى يا منة على ردك و مرورك اللى بيسعدنى

و مستنين جديدك انتى بقى يا فنانة

هايل يا بندق
تسلم ايدك يا غالى

ربنا يخليك يا درش يا رافع معنوياتى

كان حقي أعيش في امان , معاك ما عشتهوش
الحياة القاسية والخيانة , مر عمري ما نسيتوش
انت عارف عملت ايه زمان في قلبي ؟!
أيوة عارف .. كدبك عليك ما تصدقوش
ده الجرح زي النار .. و شيء ما يطفيهوش
النهاية ,
قصة رايحة وقصة جاية ..
و أهي دي الحياة ...

يمكن يكون ده ردها عليك
انا آسفة طبعا اني اقتحمت الموضوع وكتبت كده
الكلام ده اتكتب معايا ارتجاليا وانا بفكر في الرد
عموما زي ما قلتلك الحياة كده
ربنا معاك وياريت معاها كمان
ربنا يوفقكم انتم الاتنين

كان حقي أعيش في امان , معاك ما عشتهوش
الحياة القاسية والخيانة , مر عمري ما نسيتوش
انت عارف عملت ايه زمان في قلبي ؟!
أيوة عارف .. كدبك عليك ما تصدقوش
ده الجرح زي النار .. و شيء ما يطفيهوش
النهاية ,
قصة رايحة وقصة جاية ..
و أهي دي الحياة ...

يمكن يكون ده ردها عليك
انا آسفة طبعا اني اقتحمت الموضوع وكتبت كده
الكلام ده اتكتب معايا ارتجاليا وانا بفكر في الرد
عموما زي ما قلتلك الحياة كده
ربنا معاك وياريت معاها كمان
ربنا يوفقكم انتم الاتنين


الحقيقة مش عارف اقولك ايه و لا اسفة و لا حاجة انا عامل الموضوع عشان تشاركونى فيه

و فعلا ربنا يوفقها و انا بجد مش معنى كلامى انى مش بحترمها على العكس تماما

انا بعزها و بحترمها جدا بس معجبنيش موقف عملته فلقيت القلم بيكتب عنه

الحياة فعلا قصة رايحة و قصة جاية