#اعرف_عن_العلاج_الطبيعى
#Physical_Therapy

#الجزئية_الأولى

" علاج طبيعى Vs روماتيزم و تأهيل Vs تربية رياضية "

1- احنا اتكلمنا عن العلاج الطبيعى و شغله و تخصصاته فى ال3 مواضيع الى فاتوا ..

العلاج الطبيعى مجال كامل ليه وسائل علاج زى العلاج اليدوى و التمارين العلاجية و العلاج الكهربى و العلاج المائى .. ليه اقسام زى العظام - الأعصاب - الأطفال - الباطنة و الجهاز التنفسى و المسنين - الجراحة و الحروق و مشاكل زراعة و استئصال الأعضاء - نساء و توليد ... غير بقى التخصص فى الطب الرياضى و اصابات الملاعب غير اتكلمنا على دبلومات التغذية و كدا ..

2- #الروماتيزم_و_التأهيل ؟! دا مجرد #قسم من كلية الطب البشرى .. على عكس #العلاج_الطبيعى مجال كامل زيه زى الطب البشرى و الأسنان و الصيدلة ..

القسم دا غالبا أقل قسم أو من أقل الأقسام فى المجاميع فى الطب البشرى يعنى بيدخله أقل ناس فى المجاميع .. هو تخصص مش محدد المعالم و بيتغير اسمه كتير مرة يقولك الطب الطبيعى .. مرة روماتيزم و تأهيل .. مرة طب طبيعى و روماتيزم و تأهيل .. غير ان التأهيل دى غلط أساسا كلمة تأهيل بمعنى ان الشخص يستعيد الوظائف الى فقدها و دا مبيحصلش فى القسم دا لأنه مجرد وصف ادوية عادى لكن هما بياخدوا المسمى دا زى حجة كدا يعنى ..

كل مجال الطب الطبيعى دا المفروض انه يختص ب (( أمراض الروماتيزم و المناعة .. عن طريق تشخيص حالة و وصف دواء بس لا أكثر ولا أقل ))

فلازم نفرق بين مجال العلاج الطبيعى Physical Therapy .. فى أقسام و تخصصات كتير ..
و بين قسم الروماتيزم و التأهيل .. مجرد قسم من الطب البشرى ..

3- #تربية_رياضية : التربية الرياضية مش من حقه انه #يتعامل_مع_مرضى دى مخالفة قانونية ولا من حق يفتح مركز علاج طبيعى .. كل دا عقابه سجن و غرامة لكن مجال التربية الرياضية ملوش علاقة بقريب او بعيد بالعلاج الطبيعى .. فى ليه اقسام التربية الرياضية و كدا لكن ملوش دعوة بمجال العلاج الطبيعى ..

.................

الأشخاص الى من حقهم بس يستعملوا وسائل العلاج الطبيعى هما خريجى كليات العلاج الطبيعى .. و عشان الناس تعرف خريج العلاج الطبيعى واخد لقب دكتور بحكم محكمة .. دا الى جرى عليه العرف ان خريجى الكليات الطبية يتقالهم يا دكاترة لكن الحقيقة ان لقب دكتور بييجى بعد الدكتوراه الفلسفية PhD .. و لقب الاخصائى بيكون بعد الماجستير Master .. و دا على بشرى او علاج .. أو يعنى لو خريج العلاج الطبيعى قعد 5 سنين بعد التخرج ..

.................

#قوانين_المهنة_للتأكيد :-

1- المادة الأولى : الى يحق ليه ممارسة العلاج الطبيعى فقط خريجى كليات العلاج الطبيعى فى مصر سواء الحكومية أو الخاصة و هنزل كل الكليات فى مصر ..

2- المادة السادسة : لا يجوز لغير المقيدين بسجل أخصائى العلاج الطبيعى انشاء مركز خاص لمزاولة المهنة .. ويشترط لانشاء المركز الحصول على ترخيص بذلك من مديرية الشئون الصحية التى يقع فى دائرتها المركز ..

((علاج طبيعى فقط ))

...................

#ليه_الروماتيزم_و_التأهيل_بيعمل_مشاكل_مع_العلاج_ال طبيعى ؟!

الروماتيزم و التأهيل رغم انهم لم يدرسوا اى شىء بخصوص العلاج الطبيعى الى احنا بندرس فيه على مدار 6 سنين فى الكلية غير DPT و الماجستير و الدكتوراه .. عايزين يدخلوا فى شغلنا لأن شغلنا مربح و لأنهم من الآخر مش لاقيين معنى لتخصصهم هو اساسا يعتبر تخصص مندثر عالميا الروماتيزم و التأهيل ..

و #المادة_الثامنة من قرار وزير الصحة رقم ( 150 ) لسنة 1986 باللائحة التنفيذية للقانون (3) لسنة 1985 فى شأن تنظيم مزاولة مهنة العلاج الطبيعى بتقول : على المرخص له بمزاولة المهنة أن يضع برنامج العلاج الطبيعى و يحدد أساليب العلاج وطرق تنفيذه .. بناءا على تشخيص الدكتور البشرى و ان يكون فى اتصال دائم بينك و بين الطبيب ( قبل DPT ) ..

يعنى انت من حقك قانونيا انك بتحط برنامج العلاج الى هو وسائل العلاج و مدة الجلسة و عدد الجلسات الى ما يسمى ب Working diagnosis .. بس الشرط ان الحالة تكون متحولة من الطبيب المعالج لكن محدش من حقه يدخل فى شغلك ولا يشرف عليك نهائى ..

---- #الخلاصة : الى من حقهم يفتحوا مراكز علاج طبيعى بس هما خريجى العلاج الطبيعى و الى من حقهم بس انهم يستخدموا وسائل العلاج الطبيعى .. و سواء الروماتيزم و التأهيل او التربية الرياضية ملهومش حق فى دا ..

.....................

#الجزئية_الثانية

" التمارين العلاج و العلاج اليدوى Vs التمارين الرياضية "

1- التمارين #الرياضية ما هى الا التمارينات الى بتتعمل فى الجيم الى خاصة بزيادة القوة و بناء العضلات او تمرينات لزيادة التحمل و تسخين اللاعبين و ما الى ذلك الحاجات المعروفة الى بتتعمل فى الجيم و الأندية ..

2- #التمارين_العلاجية_و_العلاج_اليدوى : الفرق هنا #الأساس_العلمى ان دول قايمين على العلوم الطبية و العلاجية زى علم التشريح و علم الميكانيكا و علم الحركة و الفسيولوجى و الأمراض و التمارين العلاجية و غيرها ..

و دول بنستعملهم #لعلاج_المرضى سواء مشاكل العظام أو الأعصاب او التأهيل او غيره الى اتكلمنا عليهم قبل كدا مع وسائل تانية زى العلاج الكهربى و الأجهزة و العلاج المائى .. يبقى الفرق كبير جدا بين انك تعمل حركة معينة بدون أساس علمى و انك تعملها على أساس علمى طبى و علاجى ..

..........

#قبل_ما_تروح_لدكتور_اتأكد ؟!

1- #خريج_العلاج_الطبيعى : بيكون مكتوب دكتور كذا اخصائى العلاج الطبيعى .. و بيكون كليات العلاج الطبيعى الى موجودة فى الصورة تحت دى بالاضافة لأحدث كلية الى هى كلية العلاج الطبيعى جامعة جنوب الوادى بقنا ..

2- #اخصائى_روماتيزم_و_تأهيل : بيكون مكتوب دكتور كذا اخصائى و الروماتيزم و التأهيل ممكن تلاقيه كاتب تأهيل مع ان زى ما قلنا دا اصلا ملوش معنى .. و بيكون خريج كلية الطب البشرى .. و مش من حقه يفتح مركز علاج طبيعى .. دا تبلغ عنه عشان يعاقب بحبس و غرامة ..

3- #خريج_تربية_رياضية : دا بتلاقيه مكتبوب انه خريج تربية رياضية مش من حقه يتعامل مع مرضى و لو لقيت كدا برده بلغ عنه لأنه برده هيعاقب بحبس و غرامة ..

...........

فى جهود أخيرة ا كلية العلاج الطبيعى هتكون 7 سنين زى الطب البشرى بس هتتخرج من كليتنا حاصل على الدكتوراه المهنية فى العلاج الطبيعى Entry Level DPT .. و ان شاء الله دائما مهنتنا من تقدم لتقدم باذن الله ..

#اعرف_عن_العلاج_الطبيعى
#علاج_طبيعى_و_افتخر

http://www.thanwya.com/vb/showthread.php?t=657359