لحظة من فضلك ...انت لسة بتحب مصر ؟؟؟ [الأرشيف] - بوابة الثانوية العامة المصرية

ا/شريف حلمي

19-08-2008, 09:12 PM

سؤال يخطر بالي هل ما زلت احب مصر فوجد ان حب مصر لايشتري ولا يباع ولا يتعلم

ولككننا نحب مصر منذ ان ولادنا فهو حب فطري غريزي منذ ان وجد الانسان علي ارضها

بحبك يا مصر لكن نفسي يبعدوا عنك الحرامية

بحبك يا مصر لكن نفسي اشوف حالك عدل شوية

بحبك يا مصر لكن نفسي يلغو قانون المرور الجديد المعروف بقانون الحرامية

بحبك يا مصر لكن نفسي حال الرغيف المصري ينعدل شوية

بحبك يا مصر لكن نفسي حال المواطن يبقي كويس شوية

ياتراي يا مصر امتي نقول بنحب مصر من غير بحبك يا مصر لكن

منتظر الاراء والمشاراكات جاءنا البيان التالي

mfahmy

19-08-2008, 09:17 PM

ولله كلنا نفسنا نقول بنحبك يا مصر من غير لكن من غير حرميه ومنافقين ومن غير الى بيدعو حب مصر وهما بيسرقوه

memsh

20-08-2008, 01:34 AM

لا ما اعتقدش ان فى مره هاقول بحبك يا مصر من غير لانى اصلا مش بقولها خالص ههههههههههه
لكن خلاص ده بقه طابع واضح وصريح قى حياتنا اليوميه
مشكور على موضوعك ,,,,,,,,,,,,,

هند2006

20-08-2008, 01:47 AM

اشكرك عالموضوع الرائع
لا انا عندى امل وامل كبير اوى ان كلنا هنقول بحبك يامصر وبس
لكن الله اعلم الامل ده بعيد ولا قريب
انا يوم عندى امل ويوم لا

ا/شريف حلمي

20-08-2008, 01:24 PM

مرسي يا جماعة شكرا علي رائكم الجميلة وفعلا نفسنا كلنا نحب مصر من غير لكن جاءنا البيان التالي

د/ ماجدولين

20-08-2008, 07:26 PM

كل بلد فى الدنيا فيها الوحش والكويس:)
ومصر دى يا جماعة لازم نفهم أن حالها
ليس ألا نتيجة أفعالنا:mad:
وأن شاء الله مهما حصل هيفضل حب مصر جوة كل واحد فينا
لآن مصر.......هى النيل:)..........هى العراقة:)
هى حضارة 7000 سنة:)...........هى العبور وتحطيم اسرائيل:)
هى كسر شوكة المغول:)............هى الأنتصار على الصليبين:)
هى بابا وماما وجدو وتيتة:)
وأحنا من غير عناد كدة.....مصريين ولازم نحب بلدنا
لأن احنا مش لينا بلد غيرها
وأحنا بنحب مصر بحلوها ومرها:D
ودمتم محبين لمصر بدون لكن;)

ahmed2845

20-08-2008, 07:40 PM

والله انا نفسى احب مصر
بس للاسف مش عارف
مش طايقها ونفسى اولع فيها
بس مش عارف هروح فين لما تولع :) :cool: :)

ahmed2845

20-08-2008, 07:43 PM

والله انا نفسى احب مصر
بس للاسف مش عارف
مش طايقها ونفسى اولع فيها
بس مش عارف هروح فين لما اولعها :d :d

دودو دلوعة اليكس

20-08-2008, 07:47 PM

هاااااااااى والله انا مش عرفة اقول لك ايه بس انا بعد اللى شفته السنة دى فى الامتحانات وخصوصا ان انا كنت علمى رياضة ما اعتقدش ان انا ممكن اقول بحبك يا مصر بس مصر ملهاش زنب بس كله من الكلاب اللى مسكينها بس حنقول ايه غير حسبى الله ونعم الوكيل لانى امبارح والله كنت حعيط لانى ما دخلتش الهندسة اللى كنت حموت عليها وفى الاخر دخلت ايه تجارة يعنى اتساويت باللى ما كنش بيذاكر ومنفض بس مش عرفة اقول ايه غير حسبى الله ونعم الوكيل..........وميرسى ع التوبيك

ا/شريف حلمي

21-08-2008, 09:47 PM

شكرا لكل الاعضاء الذين شاركوا في موضوع حب مصر وعلي مروركم الجميل وتعليقاتهم الاجمل

وننتظر المزيد من المشاركات جاءنا البيان التالي

the black rose

21-08-2008, 09:51 PM

هى المشكلة مش فى مصر
انا بحب مصر
بس فى ناس فيها مبحبهمش
احنا اللى عملنا فى مصر كدة
دى مصر دى ام الدنيا

ا/شريف حلمي

21-08-2008, 09:55 PM

هى المشكلة مش فى مصر
انا بحب مصر
بس فى ناس فيها مبحبهمش
احنا اللى عملنا فى مصر كدة
دى مصر دى ام الدنيا

فعلا انا اوافق الراي معكي تماما مصر هي مصر بحلوها ومرها بس الي موحشها الي حوليها والي بيخربوا فيها

ومرسي علي مرورك وتعليقك

طبيب عالمى قادم

21-08-2008, 09:59 PM

يا جماعة اللى بيحب مصر يجاهد فى سبيلها مش بالحرب طبعا ولكن [u]بنصرتها دينيا واجتماعيا واقتصاديا ونتمسك بدستورنا وهو القران الكريم[ان الله لا يغير ما بقوم حتى يغيروا ما بانفسهم/u]

ا/شريف حلمي

21-08-2008, 10:09 PM

يا جماعة اللى بيحب مصر يجاهد فى سبيلها مش بالحرب طبعا ولكن [u]بنصرتها دينيا واجتماعيا واقتصاديا ونتمسك بدستورنا وهو القران الكريم[ان الله لا يغير ما بقوم حتى يغيروا ما بانفسهم/u]

فعلا وانا اتفق معاك ان يجب ان نغير انفسنا وما في ضمائرنا حتي نرفع اسم مصر عاليا جاءنا البيان التالي

وفاء البحر

22-08-2008, 12:36 AM

مدام نفسنا نقول بنحبك يا مصر من غير لكن
يبقي احنا امل البلدي ويارب نعملها حاجه
بس مهما حصل بحبك يا مصر ومن غير لكن
:):):):):):):):):):):):):):):):):)

_ELDALY_

22-08-2008, 12:45 AM

ايوة يا عم بحب مصر وهفضل احبها

بس سوال ما المقصود

مصر المكان

ولا مصر باهلها

ولا مصر الزمان والتاريخ والحضارة

انا بحبهم كلهم

بس منهم لله بقى الحرامية اللى فيها

الحمد لله اللى فى ناس طيبيبن مصبرين الواحد عليهم

ZAHIMR

22-08-2008, 12:46 AM

انا بحب مصر بنص اهلها وبنص مكانها

حاجة غريبة صح

lamis11

22-08-2008, 01:09 AM

مفيش حد مبيحبش بلده لسبب في شخصها
الوصف الوحيد اللي أقدر أصفه لمصر هو إن مصر فعلا أم
كلنا بنسيبها وكلنا بنهجرها وبنزهق منها وكتير منا بيقرف منها
لكن بصراحة ياجماعة أنا عشت10سنين بره مصر عشت الدنيا بمتاعها
كان الحمدلله عندنا فلوس وشقة واسعة جدا وسلم العمارة من رخام
وكان عندنا نادي رياضي في السكن وكنا فرحنين ومبسوطين بسسس
لم نكن سعداء ..................... كنا كل ثانية بنحس بجفاء وكان المظهر سعيد
والجوهر حزين وكنت بدور على الشئ الناقص في حياتي على الرغم من صغر سني
وأقولها بكل مافي الكلمة من معنى لم أشعر بالسعادة يوما (عدا العمرة والحج طبعا) إلا في مصر
ولهذا فنحن كالسمك إذاخرجنا من مصر متنا جسدا ........فصرنا جسدا بلا روح
مصر الحبيبة نؤذيها فتعطينا ونؤلمها فتجود علينا بكرمها..........آه يامصر
ويكفينا أن رسول الله صلى الله عليه وسلم أثنى على رجال مصر نسبا وجندا............................فنحن أهل الذمة
نحن قوم أعزنا الله بالإسلام..........فإذا ابتغينا العزة بغيره ...........أذلنا الله.والله الموفق

ahmed_20005

22-08-2008, 01:41 AM

انا والله ماطاااااايق حاجه اسمها مصر 5 سنين ان شاء الله واسافر منها

محمد.فوكس

22-08-2008, 04:30 AM

السلام عليكم..
طبعا البلد"مصر" مش ذنبها الفساد و الحال العوج ده..
هو الواحد بيكره اي مكان يلاقي فيه ظلم و ذل و فساد و سرقة.... الخ.
و اكيد مصر بالنسبالنا دلوقتي كده..
حتى الواحد فينا لما بيلاقي حد بيغلط في مصر بيقف قصداه لأن اكيد لازم ندافع عن اي حاجة ننتمي ليها .. و اذا كنا بندافع عنها فده عشان دي بلدنا و سمعتها من سمعتنا .. لكن للاسف اللي مش عايش في مصر ميعرفش ان معظم اللي بيشوفه عن مصر ده غالبية الشعب ملهمش دخل فيه و ان الناس العاديين حاجة تانية خالص غير اللي بيمثلوا واجهة مصر في وسائل الاعلام.
ممكن حد لما يشوف افلام معينة او مسلسلات يفتكرنا شعب فاسد .. احنا فينا فاسدين كتير و ساعات الظروف بتجبرنا اننا نفسد زيهم ..
لكن عامة الشعب المصري متدينين.. و اذا كان واحد مننا كره بلده في يوم فده لأنه بيحبها .. هو كرهها لأنه مش طايق يشوفها في الوضع ده .
و آسف على الكلام الطويل المكعبل ده..
سلام عليكم..

ahmed_20005

22-08-2008, 05:20 AM

SmSm Basha

22-08-2008, 01:32 PM

بحبك يا مصر ؟؟؟؟!! .......... دي كلمة مسمعتهاش من 5 سنين الا في الاغاني والمسلسلات ......... بصوا على وشوش الناس هتعرفوا اذا كانوا بيحبوا البلد وللا لا ........ بصوا على وشوش الناس وانتوا تعرفوا انهم مستنين اي فرصة يروحوا فيها اي حتة برة البلد ............ الناس اللي راحت اسرائيل دي ايه ؟؟؟!!! ....... مصريين و للا مش مصرييين ؟؟!!! ....... بس للاسف بلدهم مش عاملتهم على انهم بني ادمييين انما اليهود عاملهم كويس ....انا مش بقول كدا عشان ابررلهم ............ انا بس الشعب دا صعب عليا اللي يدرس تاريخ مصر يعرف ان الشعب المصري دا متبهدل من ايام الهكسوس والمغول والخملة الفرنسية و ...و.... و...... وللاسف لما جه عصر السلام و المان والانفتاح مازال الشعب متبهدل وغلبان .............

اسف على الاطالة و تقبل مروري وتحياتي

ا/شريف حلمي

23-08-2008, 07:15 PM

طبعا يا جماعة احب اشكر الاعضاء الي ساهموا في موضوع انت لسة بتحب مصر لانه موضوع شدني

فوجدنا فعلا ناس بتحبها والاغلبية كدة
بتحبها باهلة ومكانها وزمانها وحضارتها

بس في الحقيقة العيب مش في مصر

مصر دي ام الدنيا

بس العيب الحقيقي هو الحرامية الي حوليها والي عاوزين يخربوها ويدمروا حضارتها وتاريخها

ويسرقوا شبابها وافكارها مصر البلد الوحيدة التي زكرت في القران

ونلاحظ يا مصر انهو مهما اتسرق منك عمر مخيرك يقل جاءنا البيان التالي

ا/شريف حلمي

23-08-2008, 07:23 PM

طبعا يا جماعة في البداية احب اشكر كل الاعضاء الذين ساهموا وشاركوا والي مجرد حتي نظروا الي الموضوع من غير تعليق في موضوع انت لسة بتحب مصر

ولقيت يا جماعة ان مصر هي فعلا ام الدينا

با اهلها وناسها بجدعانها وشهامتها

مصر يا جماعة العيب مش فيها
بس العيب في الحرامية الي حوليها مصر الحضارة والتاريخ وانا مبقولش شعارات ولا اي كلام

دة كلام علمي في الي عاوزين يهدموا حضارتنا ويسرقوا افكارنا وتاريخنا ولو حكمت يسرقوا ارضنا

يكفيني يا مصر ان اسمك في القران

وانتي الي مهما خدنا منك عمر مخيرك يقل بالعكس بيزيد جاءنا البيان التالي

ا/شريف حلمي

23-08-2008, 07:24 PM

حفيد الفراعنه

24-08-2008, 12:56 AM

اولا مصر هيا مصر الفراعنه هيا مصر محمد علي هيا مصر مبارك البلد جميله من ايام الفراعنه والعيب فينا مش الحكام هما هيعملوا ايه ولا ايه بس العيب فينا احنا اللي مش عاوزين نشتغل ونتعب واخدين عالراحه انا سالت قبل كدا ان كنت عاوز تبقي رئيس او وزير محدش عاوز امال مين اللي هيدير البلد وبعدين احنا ارحم بكتير من زمان ايام الحرب والانجليز و مين من شباب 2008 المصري يقدر يشيل سلاح ويدافع عن ارضه ايه دا احنا مستنيين البنات هما اللي يخدمونا وفي الخر نقول البلد لازم نساعد الحكومه عشان تقدر تساعدنا اكيد هنبقي حاجه تانيه خالص وافتكرو مصر ايام صلاح الدين كنا اغني من اوروبا لان كان فيه مصريين بجد دلوقتي وانت ماشي يترمي الزباله في الشارع

Tawfeek Yahia

24-08-2008, 01:47 AM

ايوا طبعا بحبها .....بس ماسكها شويه حراميه

ا/شريف حلمي

25-08-2008, 06:18 PM

طبعا مصر ام الدينا فيكفي فخرا لم لم اكن مصريا لوددت ان اكون مصريا

ا/شريف حلمي

04-09-2008, 01:39 AM

وننتظر المزيد من التعليق والاراء في حبكم لمصر

zolaa

04-09-2008, 01:47 AM

ا/شريف حلمي

04-09-2008, 02:57 AM

نا بعشق مصر

انا بحبها كوطن

ومش بفكر فى الواطنين

مصر بالنسبه ليا ارض ومكان لقيت فيه اكل وشرب وبيت مش ناس عاملونى

انا بحب مصر لكن مقلتش بحب اولادها

بحبك ياامى بحبك يامصر

يكفينى فخرا انى بنتك
يكفينى انى مصريه

طبعا يكفي كل انسان انة مصري من اب وام مصري

وشكرا علي تعليقك الجميل علي الموضوع وننتظر المزيد

ا/شريف حلمي

13-12-2008, 03:16 PM

ومنتظر باقي اراء الاعضاء في حب مصر

هنا الفقي

13-12-2008, 03:43 PM

ياااااااااه ابعدوا عنها سنة
شهر
اقعدوا لوحدكو
دوروا على شعبيتكم اللي متعودين عليها ف مصر والله ما هتلاقو زيها
والله مانا عارفة على ايه بعشقها بس اهو كده وخلاص

ا/شريف حلمي

13-12-2008, 03:46 PM

ياااااااااه ابعدوا عنها سنة
شهر
اقعدوا لوحدكو
دوروا على شعبيتكم اللي متعودين عليها ف مصر والله ما هتلاقو زيها
والله مانا عارفة على ايه بعشقها بس اهو كده وخلاص

والله عندك حق حب مصر حب غريزي وعمرنا مهنحس بيها الي مبنبعد عنها ونحس بقيمتها

وشكرا علي مرورك وتعليقك وننتظر المزيد

سـهيـلـة

13-12-2008, 07:03 PM

انا عايزة اقول ان مفيش شخص على وجه الكون ديه مش بيحب بلده مهما حصل يعنى الواحد بيبقى مثلا مش عاجبه الوضع بس لو سافر مثلا بيبقى ليه حنين جامد لبلده
واكيد انا بحب مصر
تقبل رايى

ا/شريف حلمي

13-12-2008, 10:10 PM

انا عايزة اقول ان مفيش شخص على وجه الكون ديه مش بيحب بلده مهما حصل يعنى الواحد بيبقى مثلا مش عاجبه الوضع بس لو سافر مثلا بيبقى ليه حنين جامد لبلده
واكيد انا بحب مصر
تقبل رايى

شكرا علي مرورك وتعليقك ودايما حب مصر في القلب وننتظر اراء اعضائنا الاحباب اعضاء بوابة الثانوةي العامة الكرام

فوزي الحديدي

13-12-2008, 11:29 PM

طبعا بحبها واحبها
اما الحرامية فده شيء أساسي حتى الواحد ما عاد يستطيع العيش بدونهم
هههههههههههههههههههه

Last Fantasy

13-12-2008, 11:32 PM

ا/شريف حلمي

14-12-2008, 03:59 PM

يا جماعه إحنا بنحب مصر إسما ولكن ليس كيانا يعني أي واحد تسأله إذا كان بيحب مصر فأكيد يقولك اه لو سألتو بقي إنتا سعيد إنك في مصر حيرد أكيد ويقول لا وأكبر دليل إن حلم أي شاب يتخرج إنه يسافر بره

هي حكاية الحب اسم دي ممكن بس علشان انت مش لاقي فيها الي يناسبك من احلامك وطموحات ولكن لو ضحكت ليكي هتحبها وممكن تتمسك بيها اما حكاية الشاب لما يتخرج فمصر كلها بتعمل كدة اصلا من كبير لضغير في الهجرة والعمل في الخارج

وشكرا علي مرورك وننتظر باقي اراء الاعضاء في حب مصر لدي اعضاء المنتدي

ا/شريف حلمي

16-12-2008, 08:43 PM

طبعا بحبها واحبها
اما الحرامية فده شيء أساسي حتى الواحد ما عاد يستطيع العيش بدونهم
هههههههههههههههههههه

فعلا منا ذكرت قبل كدة ان مصر ان البلد الوحيد الي مهما تاخد منها ومهما اتسرق منها عمر مخيرها بيقل ابدا

وشكرا علي مرورك وتعليقك جاءنا البيان التالي

احمد نور

16-12-2008, 11:59 PM

السلام عليكم ورحمة الله وبركاته

بعد أن قرأت الموضوع كاملا

وقرأت ردود كل الاعضاء

أقولها وبكل فخر

أنا أحب مصر

مصر هي انا وانت

أمي وأبي

اخي وأختي

اهلي وناسي

زملائي واصدقائي

هي الاف الجنود الذين استشهدوا من أجلها

أخوتي

مصر ليست مجلس الشعب او الشورى

أو الحزب الوطني او حزب معارض

ليست مجرد اهرامات وآثار فرعونية

ليست مجرد أهلي وزمالك

وطني أكبر من ذلك

انا معكم أن هناك فساد و أخطاء كثيرة

ولكن كم عددهم مقارنة بـ 80 مليون مصري

ولكل من يريد أن يترك البلد ويفخر بأنه سيتركها وكأنما سيخرج منها الى جنة الله في الارض

الباب مفتوح .. اذهب وارتمي في احضان الغرباء

ولا تنسى ان تقول لهم مصر كلها حرامية

ده شعب بيمشيش الا بالكرباج

ده انا كرهت مصر

والقي بالمزيد والمزيد من السموم في اذانهم

ولكن تذكر انك أنت الوحيد الخاسر :)

في النهاية اشكر من طرح الموضوع ومن كان يفخر بحبه لوطنة

واحب أن اقول الاختلاف في الرأي لا يفسد للود قضية

تحيتي واحترامي للجميع

Last Fantasy

17-12-2008, 01:04 AM

يا عم حبستطهالك أكتر إنتا لما تيجي تحب واحده لمؤاخذه لقيتها سود شوية وبتتكلم فلاحي مثلا ومنظرها وحش وشكلها همجي هل حتحبها حب إنك تستني معاها بس مش معني كده ان لو واحد عاكس البنت الوحشة دي مش حدافع عنها ياريت يكون المثال واضح

ا/شريف حلمي

17-12-2008, 11:56 AM