السلام عليكم
انا مقبل على الصف الثالث الثانوى
وانا اعيش فى جزيرة بعيدة الى حد ما على المدرسة يعنى ممكن اضيع ساعة ونصف على الاقل على المواصلات الى الدروس وساعة على المدرسة واجى من المدرسة الساعة واحدة وابدأ مذاكرة الساعة 2.5 واذهب الى الدروس الساعة سبعة واحيانا 8 وارجع عشرة كيف القى وقت ساعدونى

نصيحة متروحش المدرسة ولو موضوع العشر درجات بتوع الحضور ده صحيح وإعادة القيد اللى بألف جنيه دى
خلاص يبقى تحضر المدرسة يومين فى الأسبوع او ثلاثة بالكتير لكن متحضرش المدرسة طول الاسبوع عشان هتضيع وقت كتير واحنا محتاجين الوقت والتركيز
احنا عندنا مدير مدرستنا كان بيقول هيخلى 3 ثانوى نظام محاضرات مش حصص بحيث اى حد عاوز مادة معينة يجى فى يومها ساعتين ويروح
ممكن بردو تجمعوا طلاب المدرسة وتكلموا المدير عن الحكاية دى ممكن تسهلكوا العملية بدل نظام الحصص اللى من رأيي بيضيع الوقت والمجهود ومش بنطلع منه بفايدة
حتى كان فى أول سنة 2014 فى مسئولين من الوزارة أكدوا على تطبيق نظام المحاضرات للصف الثالث الثانوى بحيث يروحوا 8 ويخلصوا 12
http://www.youm7.com/story/2014/9/2/%D8%A7%D9%84%D8%AA%D8%B9%D9%84%D9%8A%D9%85--%D8%A7%D9%84%D8%B9%D9%85%D9%84-%D8%A8%D9%86%D8%B8%D8%A7%D9%85-%D8%A7%D9%84%D9%85%D8%AD%D8%A7%D8%B6%D8%B1%D8%A7%D 8%AA-%D9%84%D9%84%D8%B5%D9%81-%D8%A7%D9%84%D8%AB%D8%A7%D9%84%D8%AB-%D8%A7%D9%84%D8%AB%D8%A7%D9%86%D9%88%D9%89-%D9%88%D9%84%D8%A7-%D8%A5%D9%84%D8%BA%D8%A7%D8%A1/1846803#.VbONhNJViko

مع ذلك اهم حاجة متخليش حاجة تطغى على المذاكرة لو الحضور للمدرسة هيعطلك يبقى متروحش وتتعب نفسك
اما لو فى شرح يبقى روح فى اليوم اللى فى مدرسين بتفهم منهم وبتستفيد

معلش طولت
أرجو انى أكون أفدت :)
بالتوفيق لنا جميعا ^_^ :d

شكرا لكن نظام العشر درجات معتقدش انه حيقدروا يطبقوه لانه حيبقى فيه رشاوى ولعب ووسايط

مش بيطبق النظاام ده
وكل سنه بيطلع نفس الكلام ومحدش بيروح
انا منن الدفعه اللي قبلكوا ومفيش حاجه من دي بتحصل

أنا بقول فرضيا لكن فعلا هو مش هيطبق النظام ده لان هيبقى فيه ظلم بيِن لكن لو حصل الالف جنيه اعادة قيد فى ناس كتير قالولى نروح يومين فى الاسبوع بحيث منبقاش منقطعين وناس كتير خلصوا الثانوية قالوا الحضور المتقطع هو الحل لو اضطرينا

فكك من المدرسه , مفيش حضور اصلا
و نظم وقتك , خلى دروسك كلها ورا بعضها
عشان لما تخرج , تخرج مره واحده بس
و لو فيه فارق بين درسين , قضيه ف اى جامع و اقعد ذاكر
ربنا معاك ان شاء الله .
و بالتوفيق

طيب الافضل اخذ دروس بعد المدرسة ولا بالليل يعنى درس8 ودرس 9
مع العلم انى حاخذ فى اليوم الى حروح فيه المدرسة اربع وسائل مواصلات وسيلتين مدرسة و 2 دروس

طيب الافضل اخذ دروس بعد المدرسة ولا بالليل يعنى درس8 ودرس 9
مع العلم انى حاخذ فى اليوم الى حروح فيه المدرسة اربع وسائل مواصلات وسيلتين مدرسة و 2 دروس

والله انت ربنا يكون في عونك
للدرجه دي انت بعيد
علي العموم انا شايفه انك تاخد بعد المرسه وتروح تنام ساعتين
وتصحي تذااكر لحد متاخر
ومفيش مدرسه خاالص صدقني
متشيلش هم خالص من ناحيتها

طيب انا لم اطلع من المدرسة ببقى تعبان خالص يعنى بعتقد ان الدروس فى الليل افضل وممكن افكر انى اخدها منازل لو خلصت ايام الغياب ارجو المساعدة وهل نظام المنازل جيد ام سىء