مشاهدة النسخة كاملة : حريق فى مجلس الشورى مستنين ايه تانى
Cray_Bird91 19-08-2008, 10:52 PM السلام عليكم ورحمة الله وبركاته
ايه يا جماعة ! حنفضل كدة لحد امتى!! مش حنقوم بقى
كفاية الاهمال والكسل اللى احنا فيه ده
مستنين ايه
عمارة فى اسكندرية وقعت فى الشتا اللى فات وحادث العبارة وحادثة مرسى مطروح
واهو دلوقتى حريق فى القاهرة فى مجلس الشورى
ونيجى نقول فى الاخر ده قدر
حرام بجد اللى بيحصل ده
والله لو كان فى ايدى حاجة او لو كنت مخلصة ثانوى وفى جامعة مكنتش سبت الحكومة ولا سبت الشعب فى حاله كدة
يا جماعة اعملوا حاجة بقى
كفاية كدة
حتستنوا ايه تانى
لما نحتل عسكريا!!!
بجد انا مش عارفة اعبر عن اللى بيحصل ده ازاى
كفاية كدة
مش عارفة حستنى ايه تانى
لو ملقتش حد قام فى البلد دى ومعملش حاجة عشان خاطر سجن او تعذيب
يبقى يستاهل يعيش مهين طول عمره
انا اسفة بجد لو كلامى فى حالة من التهجمية
بس ياريت تفهموا الكلام ده وتحسوا فعلا ان بلدكوا بتغرق
مش الاقى نص البلد بيسافر ويسيب البلد غرقانة
احنا عددنا اكتر بكثير من الحكومة والحاكم
ليه منتكلمش؟؟
مش احنا اللى اخترنا الحاكم؟
واحنا اللى رشحنا الحكومة؟؟
وسكتنا؟؟
بجد حرام
ربنا بيبعت لنا انذرات واحنا ولا احنا هنا
ساكتين
بنقول ده قدر ونسكت
خايفين من السجن والتعذيب والمستقبل
يبقى ربنا مش حيسامحنا ابدا
ولو حصل حاجة للبلد يبقى احنا السبب
سلام عليكم
COoL HEaRT 19-08-2008, 11:06 PM مش فاهمه انتى عوزانا نروح نعمل ايه نطفى الحريقه مثلا انا سمعت الخبر وكانت ردت فعلى غريبه اتصلت ببابا وبعد كده لما لقيته كويس قلت مكنش وزاره التربيه والتعليم تولع بالمره ...بس معلش يا مونلايف كان غيرك اشطر ..بس ممكن توضحى ايه اللى مزعلك فى موضوع الحريقه ده .. لو ع موضوع العباره كل الناس هاجت واكيد اهل الضحايا مضايقين اكتر منك بس بردو محصلش حاجه
Cray_Bird91 19-08-2008, 11:07 PM طيب اللى دخلوا وطلعوا دول
نفسي اعرف رد فعلهم ايه باللى بيحصل؟
مش ناوين يعملوا حاجة؟
basmala 19-08-2008, 11:12 PM هنعمل ايه يا مون لايف ...اظن ان احنا بنات ولا ايه ...؟؟
COoL HEaRT 19-08-2008, 11:28 PM هنعمل ايه يا مون لايف ...اظن ان احنا بنات ولا ايه ...؟؟
والله ماحكايه بنات ولا ولاد الموضوع مش بايدنا فى اى حاجه ..مونلايف بقلك حاولى تحطى تفاصيل الموضوع بتاع الحريقه لانى لسه مش عارفه كل حاجه عن الموضوع
CoMMaNdo 19-08-2008, 11:38 PM مش احنا اللى اخترنا الحاكم؟
واحنا اللى رشحنا الحكومة؟؟
اخترنا مين ؟
هوا حد بيختار حد
ما علينا
الاول كل الى بيحصل دا اهمال من كله
من اقل واحد لاكبر واحد شغال فى الدوله
ومننا برضه اكيد لاننا ساكتين على الى احنا فيه ومش بنغير من نفسينا او من البلد الى عايشين فيها
بس الحريق دا ممكن يكون مقصود واكيد كله عارف مين الى عمل الحريق دا
وشكلها كدا حريق القاهرة هيتكرر تانى
Cray_Bird91 19-08-2008, 11:43 PM مش فاهمه انتى عوزانا نروح نعمل ايه نطفى الحريقه مثلا انا سمعت الخبر وكانت ردت فعلى غريبه اتصلت ببابا وبعد كده لما لقيته كويس قلت مكنش وزاره التربيه والتعليم تولع بالمره ...بس معلش يا مونلايف كان غيرك اشطر ..بس ممكن توضحى ايه اللى مزعلك فى موضوع الحريقه ده .. لو ع موضوع العباره كل الناس هاجت واكيد اهل الضحايا مضايقين اكتر منك بس بردو محصلش حاجه
يا اخت بنوتة لو كنتى تفهمينى من الاول مكنتيش كتبتى كدة
صح اهالى العبارة كانوا متضايقين اكتر منى ومن اى حد
وفضلوا متمسكين بحقهم لحد اخر فرصة
بس احنا كنا فين؟؟؟
كنا بنلعب!! كنا نايمين!!!
محدش سمعلهم سوى انه بيتابع الموضوع ويعيط والموضوع راح لحاله
الغرب نفسيهم لو حصل حاجة للبلد اللى جانبيهم مكانوش سابوا حد فى حاله
ارجوا يكون كلامى وصلك
_GUIDE_ 19-08-2008, 11:47 PM حريق فى القاهرة فى مجلس الشورى
عقبال مجلس الشعب والسادة النواب واعضاء الحكومة يكونه ساعاتها موجودين
ويكون السيد الرئيس على المنصة بيخطب
تقع النجفا فوق دماغه ويحصل ماس كهربائى الولعة تمسك فى جلبية يفضل يجرى فى المجلس والنار مسكه في
وو بيجرى النار تشبك فى باقى السادة الاعضاء
فى نفس اللحظة مسورة مياه شيرا تتكسر ويحصل فى مصر جفاف
ميلقوش نقطة مايه يطفهم بيا
بس
COoL HEaRT 19-08-2008, 11:54 PM يا اخت بنوتة لو كنتى تفهمينى من الاول مكنتيش كتبتى كدة
صح اهالى العبارة كانوا متضايقين اكتر منى ومن اى حد
وفضلوا متمسكين بحقهم لحد اخر فرصة
بس احنا كنا فين؟؟؟
كنا بنلعب!! كنا نايمين!!!
محدش سمعلهم سوى انه بيتابع الموضوع ويعيط والموضوع راح لحاله
الغرب نفسيهم لو حصل حاجة للبلد اللى جانبيهم مكانوش سابوا حد فى حاله
ارجوا يكون كلامى وصلك
يا حبيبه قلبى انا كلامى مش مقصود بيه اى حد انا لما قريت ردى تانى معجبنيش اوى;)
المهم زى منا قلتلك حطلنا تفاصيل موضوع الحريق ده
وبالنسبه لموضوع العباره ده فاحنا مكناش نايمين ولا بنلعب واحنا دى مقصدش بيها نفسي
اقصد ان ناس كتير كانت متفاعله مش عياط وده بس احنا شفنا الاعلام كان عمل ع الموضوع ايه
بس اديكى شفتى راى القضاء المصرى العادل..اللى برا المتهمين واللى راح ضحيه اهمالهم كتير من الابرياء اللى كان ذنبهم الوحيد انهم من البلد دى
وانتى كلامك وصلى والله انا مش غبيه بس محبش الاحلام بالرغم انه كان اسمى زمان ع ا المنتدى وكويس انه اتغير لان احلامنا مش مبنيه ع اواقع اصلاح وتعمير كلمه مش موجوده فى قاموس البلد دى
البلد ادمرت هيجى طبعا حد يقلى محنا السبب ..طيب منا عارفه :huh: وبعدين ..ايه اللى اتغير يعنى ..nothing
بقلك يا مونلايف متخديش الكلام ع نفسك او ع غيرك انا بتكلم اساسا وانا وصلت لدرجه من الاحباط مش ممكن تتخيليها :lol: ولسه بضحك بردو والصراحه احباطى مش بسبب الموضوع ده بسبب حجات كتير اوووى
مشكوره ع موضوعك وانا معاكى لغايه الاخر سلام دلوقتى عاوزه اروح اكل:p
COoL HEaRT 19-08-2008, 11:57 PM عقبال مجلس الشعب والسادة النواب واعضاء الحكومة يكونه ساعاتها موجودين
ويكون السيد الرئيس على المنصة بيخطب
تقع النجفا فوق دماغه ويحصل ماس كهربائى الولعة تمسك فى جلبية يفضل يجرى فى المجلس والنار مسكه في
وو بيجرى النار تشبك فى باقى السادة الاعضاء
فى نفس اللحظة مسورة مياه شيرا تتكسر ويحصل فى مصر جفاف
ميلقوش نقطة مايه يطفهم بيا
بس
امين يارب بس لما بابا يرجع بس:(:mad:
earth 20-08-2008, 12:26 AM اسمعوا بقى
بلا مجلس الشعب بلا الشورى و انا مالى :D
اللى صعبان عليا بجد المبنى الاثرى اللى ولع ده
يا جماعة ده عمره اكتر من 100 سنة من ايام الخديوى اسماعيل
مش حرام مبنى تحفة زي ده
محموقين على ايه :p
تصرفاتكم غريبة و ايه يعنى اما عمارة تقع و لا مجلس الشعب يولع ما يولع ولا حتى ناس تموت فى العبارة
دهاحنا ماشاء الله خمسة و خميسة بقينا 77 مليون
يعنى اللى جاى اكتر من اللى رايح
اهدوا كده و اللى محموق اوى ممكن يروح يطفى لان انا ما شفتش حد بيطفى الحريقة الا واحد بس بخرطوم اد خرطوم التكييف
و يا عينى الراجل ماكانش ملاحق كل ما يرش هنا و يروح ع الشباك التانى يلاقى الحريقة و لعت فى الشباك اللى لسه مطفيه
صعب عليا شقى والله
ولا الناس سمعت واحد بيقول للتانى تعالى يا زيكو يلا و شكل زيكو ماكانش عايز يمشى قاله يلا حنتفرج من فوق زى ماتكون الحريقة دى شعلة الاوليمبياد
اه نسيت لما شفت اتنين من المطافى طلعوا وقفوا على السطح و عمالين يشدوا فى الخرطوم تعبوا اوى المهم انى ماشفتش الخرطوم ده شغلوه ولا لا
و لا العربيات اللى راكنه و عمالين يشلوها بالونش
لا يا جماعة الناس تعبت قدروا بقى :mad:
*مشاركتى على سبيل الفكاهه عد الجزء الخاص ب المينى الاثرى و زعلى عليه*
COoL HEaRT 20-08-2008, 01:15 AM اسمعوا بقى
بلا مجلس الشعب بلا الشورى و انا مالى :D
اللى صعبان عليا بجد المبنى الاثرى اللى ولع ده
يا جماعة ده عمره اكتر من 100 سنة من ايام الخديوى اسماعيل
مش حرام مبنى تحفة زي ده
محموقين على ايه :p
تصرفاتكم غريبة و ايه يعنى اما عمارة تقع و لا مجلس الشعب يولع ما يولع ولا حتى ناس تموت فى العبارة
دهاحنا ماشاء الله خمسة و خميسة بقينا 77 مليون
يعنى اللى جاى اكتر من اللى رايح
اهدوا كده و اللى محموق اوى ممكن يروح يطفى لان انا ما شفتش حد بيطفى الحريقة الا واحد بس بخرطوم اد خرطوم التكييف
و يا عينى الراجل ماكانش ملاحق كل ما يرش هنا و يروح ع الشباك التانى يلاقى الحريقة و لعت فى الشباك اللى لسه مطفيه
صعب عليا شقى والله
ولا الناس سمعت واحد بيقول للتانى تعالى يا زيكو يلا و شكل زيكو ماكانش عايز يمشى قاله يلا حنتفرج من فوق زى ماتكون الحريقة دى شعلة الاوليمبياد
اه نسيت لما شفت اتنين من المطافى طلعوا وقفوا على السطح و عمالين يشدوا فى الخرطوم تعبوا اوى المهم انى ماشفتش الخرطوم ده شغلوه ولا لا
و لا العربيات اللى راكنه و عمالين يشلوها بالونش
لا يا جماعة الناس تعبت قدروا بقى :mad:
*مشاركتى على سبيل الفكاهه عد الجزء الخاص ب المينى الاثرى و زعلى عليه*
هههههههههه ودى وجه نظر انسانه مصريه كل اللى صعب عليها خرطوم المطافى والمبنى الاثرى ;)
والله احسن حاجه فى الانسان المصرى روحه الحلوه لو عملوا فيه ايه برضو بيضحك
المهم ده اللى انا عرفت اوصله قلت اجيبه ..لأان المنتدى كان معلق وحالته وحشه:
نقل خمسة اشخاص الى المستشفى الثلاثاء اثر تنشقهم دخانا ناتجا من حريق اندلع في مبنى مجلس الشورى المصري بحسب ما افاد مسؤول في الاجهزة الامنية.
وقال هذا المسؤول لوكالة فرانس برس "تم نقل خمسة اشخاص الى مستشفى قريب بعد تنشقهم دخانا".
وذكرت القناة الاولى في التلفزيون المصري ان سيارات اطفاء واسعاف توجهت الى المكان لاخماد الحريق مرجحة ان يكون ناتجا من احتكاك كهربائي.
وافاد شهود ان سحابة سوداء كبيرة غطت المبنى الواقع في وسط القاهرة والذي يجاور العديد من الوزارات والمباني الادارية.
واغلقت كل الطرق المؤدية الى المبنى افساحا في المجال امام عمل اجهزة الاسعاف.
وتخضع منطقة الحريق عادة لتدابير امنية كثيفة وهي تجاور الجامعة الاميركية في القاهرة والعديد من السفارات خصوصا سفارتي الولايات المتحدة وبريطانيا.
وطبعا لازم اعلق ;) طبعا واخدين بالنا من موضوع عربيه المطافى والاسعاف واللى اكيد وصلو بعد الهنا بسنه
انهى اسعاف ده يلااا .........بس والله احساسى ان الموضوع مش هينتهى ع كده:o ربنا يسهل
earth 20-08-2008, 01:35 AM :Dهههههههههه ودى وجه نظر انسانه مصريه كل اللى صعب عليها خرطوم المطافى والمبنى الاثرى ;)
والله احسن حاجه فى الانسان المصرى روحه الحلوه لو عملوا فيه ايه برضو بيضحك
المهم ده اللى انا عرفت اوصله قلت اجيبه ..لأان المنتدى كان معلق وحالته وحشه:
نقل خمسة اشخاص الى المستشفى الثلاثاء اثر تنشقهم دخانا ناتجا من حريق اندلع في مبنى مجلس الشورى المصري بحسب ما افاد مسؤول في الاجهزة الامنية.
وقال هذا المسؤول لوكالة فرانس برس "تم نقل خمسة اشخاص الى مستشفى قريب بعد تنشقهم دخانا".
وذكرت القناة الاولى في التلفزيون المصري ان سيارات اطفاء واسعاف توجهت الى المكان لاخماد الحريق مرجحة ان يكون ناتجا من احتكاك كهربائي.
وافاد شهود ان سحابة سوداء كبيرة غطت المبنى الواقع في وسط القاهرة والذي يجاور العديد من الوزارات والمباني الادارية.
واغلقت كل الطرق المؤدية الى المبنى افساحا في المجال امام عمل اجهزة الاسعاف.
وتخضع منطقة الحريق عادة لتدابير امنية كثيفة وهي تجاور الجامعة الاميركية في القاهرة والعديد من السفارات خصوصا سفارتي الولايات المتحدة وبريطانيا.
وطبعا لازم اعلق ;) طبعا واخدين بالنا من موضوع عربيه المطافى والاسعاف واللى اكيد وصلو بعد الهنا بسنه
انهى اسعاف ده يلااا .........بس والله احساسى ان الموضوع مش هينتهى ع كده:o ربنا يسهل
ههههههههههههههههههههههههههههههههه
شوفى انا متاكده ان الخمسة اللى انتى بتقولى عليهم دول اختنقوا كانوا واقفين بيتفرجوا زى زيكو تمام وواقفين يتفرجوا بكل بلاهه زى الاخ ده كده :D
Travel 20-08-2008, 09:46 AM عقبال مجلس الشعب والسادة النواب واعضاء الحكومة يكونه ساعاتها موجودين
ويكون السيد الرئيس على المنصة بيخطب
تقع النجفا فوق دماغه ويحصل ماس كهربائى الولعة تمسك فى جلبية يفضل يجرى فى المجلس والنار مسكه في
وو بيجرى النار تشبك فى باقى السادة الاعضاء
فى نفس اللحظة مسورة مياه شيرا تتكسر ويحصل فى مصر جفاف
ميلقوش نقطة مايه يطفهم بيا
بس
منفسكش فى حاجة تانية تقولها بالمرة
يعنى يقوعوا فى بلاعة متتفتحش تان
وتنفجر وهما موجودين جواها
:D:D
Sherif Elkhodary 20-08-2008, 10:32 AM مكنتش وزارة التربية و التعليم تولع بالمرة
بس يالا نصيبهم
و انا عاوز اسالك سؤال يا مون لايف
انتي عاوزانا احنا كرجالة نعل ايه مثلا
نروح نطفي الحريقة معاهم
لو كان اهمال يبقي منهم او تقصير فمنهم بارده
يبقي هما اللي هيتحملوه
و بعد كام يوم هيقولوا ماس كهربي
شكرا و تم غلق القضية
هي دي اخرتها
يالا بالشفا
طماطم22 20-08-2008, 10:33 AM والله عادى مافيش فى ايدينا غير اننا نستنى لحد ما يشب حريق فى مجلس الشعب والنواب واخيراا الشعب هههههههه والله فعلااا هم يضحك وهم يبكى حسبناا الله ونعم الوكيل
أحمد عبد الرحيم سعد 20-08-2008, 10:52 AM الحمد لله كلكم بتحبوا المجلسين والريس متقال والوزراء ما عدا أنا
msamido 20-08-2008, 11:46 AM السلام عليكم ورحمة الله وبركاته
ايه يا جماعة ! حنفضل كدة لحد امتى!! مش حنقوم بقى
كفاية الاهمال والكسل اللى احنا فيه ده
مستنين ايه
مستنين فرصة سفر
عمارة فى اسكندرية وقعت فى الشتا اللى فات
وايه يعنى الرياح بتبقى شديدة فى اسكندرية فى الشتا
مش مسئولية مقاول ولا مهندس منفذ ولا رقابة ولا صاحب ملك ولا اي حاجه من دى
وحادث العبارة
مش دى بتاعة 98 ؟؟ ولعت فى البحر وملقوش ميه يطفوها ايه يعنى بتحصل فى احسن العبارات ومش مشكلة انها مستهلكة ولا كانت خرده واضربلها تصريح ونزلت ولا حاجه وممدوح اسماعيل هيعمل ايه يعنى الراجل غلبان ووراه كوم لحم بيجرو عليهم ده حتى من كتر الجرى فى مصر سابها وراح يجرى فى باريس
وحادثة مرسى مطروح
مسمعتش عنها اصلى نايم بقالى خمس شهور
واهو دلوقتى حريق فى القاهرة فى مجلس الشورى
عقبال مجلس الشعب
انا معرفش تفاصيل عن الموضوع بس ايه يعنى عايزه تقولى ان فى حد كان السبب ورا الحريقة ده مستحيل يا بنتى ده مبنى مهم جدا للدولة وكل الناس مقدره قيمته واي حد فى الشارع لو سألتيه من اصغر عيل لاقدم راجل هيقولك الدور التاريخى اللى بيقوم بيه مجلس الشورى فى البلد
ونيجى نقول فى الاخر ده قدر
اعترضو بقى
حرام بجد اللى بيحصل ده
مش هقدر افتى فى الموضوع ده
والله لو كان فى ايدى حاجة او لو كنت مخلصة ثانوى وفى جامعة مكنتش سبت الحكومة ولا سبت الشعب فى حاله كدة
كنتى هتعملى ايه يعنى ؟؟
احنا مخلصين جامعه كمان قوليلنا نعمل ايه واحنا مانسيبش الحكومة ولا الشعب فى حالة كده
يا جماعة اعملوا حاجة بقى
هقوم اعمل نسكافية بحليب دلوقتى
كفاية كدة
كفاية ايه ؟؟ نسكافية ولا حليب ؟؟
لو مش حلو هعمل شاى
حتستنوا ايه تانى
فرصة سفر تانية غير الفرصة الاولانية الفرص كتير بس اللى يسافر
لما نحتل عسكريا!!!
الحمد لله خلصت جيش وساعتها بردوه هسيبهالم
بجد انا مش عارفة اعبر عن اللى بيحصل ده ازاى
هم يضحك وهم يبكى ده افضل تعبير ممكن تعبرى بيه
كفاية كدة
انتى ضمن حركة كفاية ولا ايه ؟؟
لو كده اعتبروا مشاركتى دى مش موجودة
مش عارفة حستنى ايه تانى
استنى فرصة سفر معانا
لو ملقتش حد قام فى البلد دى ومعملش حاجة عشان خاطر سجن او تعذيب
يبقى يستاهل يعيش مهين طول عمره
أو يستاهل يعيش فى مكان تانى
انا اسفة بجد لو كلامى فى حالة من التهجمية
لا لا براحتك خالص لازم تقولى اللى جواكى انتى فى بلد حرة مستقلة ديموقراطية
" الاستقلال التام أو الموت الزوؤام"
بس ياريت تفهموا الكلام ده وتحسوا فعلا ان بلدكوا بتغرق
بتغرق ده فعل مضارع مستمر ؟؟؟
انتى عايشة سنة كام ؟؟
انتى مش شايف المية ولا ايه ؟؟
انتى فاكره اننا ماشين على الأرض دلوقتى ؟؟
احنا ماشيين تحت الميه
يا بنتى البلد غرقانه من زماااااااااااااااااااااااااااااان
مش الاقى نص البلد بيسافر ويسيب البلد غرقانة
ايوه كده رجعتى لفعل الماضى التام
" وقفة مصرية"
نحكم عقلنا نهاجر كلنا
"وقفة مصرية"
نحكم عقلنا مفيش جواز كلنا
" وقفة مصرية "
نحكم عقلنا مش هيتبقى مننا
"وقفة مصري"
نحكم عقلنا نسيبهالم كلنا
احنا عددنا اكتر بكثير من الحكومة والحاكم
شكلك ضعيفه فى الحساب
ليه منتكلمش؟؟
هو فى اكتر من الكلام فى البلد دى
مش احنا اللى اخترنا الحاكم؟
ولا عمرى شوفته انا اطلع الاقيه موجود
واحنا اللى رشحنا الحكومة؟؟
لمعلوماتك السياسية البحتة الحاكم هو اللى بيشكل الحكومة
وسكتنا؟؟
بنتكلم والله " مجرد كلام"
بجد حرام
هنفتى تانى ؟؟
ربنا بيبعت لنا انذرات واحنا ولا احنا هنا
مش عارف قصدك هو اخر حاجه بتاعة مجلس الشورى دى كانت انذار
اصلى مكنتش هنا "واحنا ولا احنا هنا "
ساكتين
بنقول ده قدر ونسكت
مش قولنا ده قدر ؟؟
يبقى اتكلمنا مش ساكتين اهوه
خايفين من السجن والتعذيب والمستقبل
هو فى سجون فى البلد ؟؟ انا اول مره اسمع الحكاية دى ؟؟
يبقى ربنا مش حيسامحنا ابدا
ولو حصل حاجة للبلد يبقى احنا السبب
والله ما عملت حاجه ؟؟
انا برئ ئ ئ ؟
سلام عليكم
وعليكم السلام ورحمة الله وبركاته
اتفضل يا عرب
هى دى مصر يا عبله
ياريت تطلعى اللى جواكى كده دايما علشان لو معملتيش كده هيجيلك يوم تطقى تموتى " بعيد الشر"
!!!دمعة حزن!!! 20-08-2008, 12:29 PM هى دى مصر يا عبله
ياريت تطلعى اللى جواكى كده دايما علشان لو معملتيش كده هيجيلك يوم تطقى تموتى " بعيد الشر"
عجبنى تعليق حضرتك جدا
انا من رايئ لازم الواحد يبقى بااااااااارد فى البلد اللى احنا عايشين فيها
بدل مايجرلنا حاجه
ستروف 20-08-2008, 02:11 PM السلام عليكم ورحمة الله وبركاته
يا جماعة الموضوع مش موضوع مبنى بيتحرق او عبارة بتولع ومحدش ياخد باله من اى حاجه الموضوع اكبر من كده بكتير مصر بتضيع حاجه ورا حاجه وبدون ماناخد بالنا لاى حاجة لاننا وبصراحه جدا احنا كل واحد فينا يفضل يقول وانا يعنى اللى هصلح البلد البلد لو خربت يبقى بادينا مش بليب حد تانى
msamido 20-08-2008, 03:01 PM السلام عليكم ورحمة الله وبركاته
يا جماعة الموضوع مش موضوع مبنى بيتحرق او عبارة بتولع ومحدش ياخد باله من اى حاجه الموضوع اكبر من كده بكتير مصر بتضيع حاجه ورا حاجه وبدون ماناخد بالنا لاى حاجة لاننا وبصراحه جدا احنا كل واحد فينا يفضل يقول وانا يعنى اللى هصلح البلد البلد لو خربت يبقى بادينا مش بليب حد تانى
خلاص احنا السبب واحنا الغلطانين فى الموضوع ده كله
وانا اصلا اللى حرقت مجلس الشورى امبارح
وغلطان ومستعد اصلح غلطتى
بس قولى اعمل ايـــــــــــــــــــــــــــــــــــــــــه ؟
.
.
Cray_Bird91 20-08-2008, 07:40 PM مشكورين يا جماعة على الردود العجيبة
مادى هى الروح المصرية فى وقت الزنقة
صح اهم حاجة البرود
مش هو ده المطلوب:mad:
والله ممكن يكون اللى احنا فيه ده بسبب دعوة المظلومين اللى كثروا فى البلد
حاليا ممكن نكتم اللى فى نفسينا بس اللى بعد كدة مش حنعرف نستحمل وحننفجر
امتى يجى اليوم ده:rolleyes:
حاسة ان اول ما احنا نحضر جنازة مبارك (ربنا يديله الصحة والعافية) حنلاقى اختنا الولايات المتحدة واختها الست
اسرائيل مخبطة علينا الباب عشان تواسينا:D
ربنا يستر
خلى الشعب نايم
لسة بدرى على المعاد
ربنا يستر:mad:
Cray_Bird91 20-08-2008, 07:47 PM هى دى مصر يا عبله
ياريت تطلعى اللى جواكى كده دايما علشان لو معملتيش كده هيجيلك يوم تطقى تموتى " بعيد الشر"
عبلة مين!!
دى مش مصر
مصر كانت الازهر والازهر كان مصر
دلوقتى مصر بقت مسرح بتتلعب عليها الاحداث وبتشهد جرائم
وفى يوم القيامة
كل اللى باعها وسابها
حتشهد عليه والايادى حتشهد
وربنا هو المطلع وهو اللى حيحكم بالعدل
تعليق حضرتك غريب:mellow:
حناول لحضرتك الولاعة بس مش عشا مصر
عشان حضرتك:D
Travel 21-08-2008, 06:51 AM مشكورين يا جماعة على الردود العجيبة
مادى هى الروح المصرية فى وقت الزنقة
صح اهم حاجة البرود
مش هو ده المطلوب:mad:
والله ممكن يكون اللى احنا فيه ده بسبب دعوة المظلومين اللى كثروا فى البلد
حاليا ممكن نكتم اللى فى نفسينا بس اللى بعد كدة مش حنعرف نستحمل وحننفجر
امتى يجى اليوم ده:rolleyes:
حاسة ان اول ما احنا نحضر جنازة مبارك (ربنا يديله الصحة والعافية) حنلاقى اختنا الولايات المتحدة واختها الست
اسرائيل مخبطة علينا الباب عشان تواسينا:D
ربنا يستر
خلى الشعب نايم
لسة بدرى على المعاد
ربنا يستر:mad:
معلش يعنى يا ندى
يعنى المبنى ولع
نجيب المية ونروح نطفيه احنا يعنى ولا ايه؟
ولا نعمل زى (كونان)وندور مين السبب فى الحريق
على العادة يعنى هيقولوا ماس كهربى
مش بعيد يقولوا
فار عبر (خط المشاة):D:D
واتكهرب قام عامل ماس ولع الدنيا كلها
عادى يعنى
وبعدين محسسانى ان الحرب خلاص
والثورة بكرة احنا القادة بتوعها
اقولك
احنا نعمل خطة 2 4 4
زى خطة الاهلى
:D:D
والله حسستنينى انى لسه عايشة ايام الثورة
(الله يرحمها ويحسن اليها)
ربنا يخليكى للوطن والشعب
:):)
msamido 21-08-2008, 09:48 AM عبلة مين!!
دى جمله فى فيلم مش فاكر فيلم ايه
دى مش مصر
مصر كانت الازهر والازهر كان مصر
كان فعل ماضى بس هى دى مصر الحاضر
دلوقتى مصر بقت مسرح بتتلعب عليها الاحداث وبتشهد جرائم
وما الدنيا الا مسرح كبير " الاخ يوسف وهبى "
وفى يوم القيامة
كل اللى باعها وسابها
حتشهد عليه والايادى حتشهد
وربنا هو المطلع وهو اللى حيحكم بالعدل
خلاص يعنى هنشيل ذنب البلد ؟؟
ومصر هتشهد يوم القيامة ؟؟
انا اول مرة اسمع الحكاية دى انا سمعت عن تشهد عليهم ارجلهم وايديهم والسنتهم وكل جوارحهم والأماكن اللى عملوا فيها معصية والاماكن اللى عملوا فيها الخير تقصدى ان مصر من ضمن الاماكن اللى عملنا فيها معصية ؟؟
اي معصية تخص مصر عملناها ؟؟
ومتقوليش سكوتنا
تعليق حضرتك غريب:mellow:
تعليقى على الموضوع ولا توقيعى الشخصى
حناول لحضرتك الولاعة بس مش عشان مصر
عشان حضرتك:D
ربنا يخليكى وربنا يقدرنى يارب واردلك الخدمة العظيمة دى فى يوم من الايام واساعدك انا بنفسى :D
على فكرة يا ندى " مش ده اسمك ؟"
كل المشاعر اللى جواكى ناحية البلد دى جوانا بردوه ويمكن اكتر شوية بس الفرق انك بتتكلمى لمجرد الكلام ولما سألتك نعمل ايه ما جاوبتيش على سؤالى وعلى فكره احنا اتكلمنا كتييييييييييييييييييييير اوى زيك كده بس لقينا الكلام مفيش منه فايدة وصدقينى انا معجب جدا بحماسك وحبك للبلد ومش بحاول احبطك بردودى انا بس بحاول احطك فى الواقع وعايز انقلك من مرحلة الكلام لمرحلة الفعل وهتلاقى ان مرحلة الفعل فى طور السكون حالياً وزى انتى ما قولتى خلينا نستنى يوم الإنفجار العالمى ولو أنى اشك فى قربه ..
طولت عليكى ؟؟
مش مهم
msamido 21-08-2008, 09:52 AM وعلى فكرة توقيعى الشخصى ده من زماااااااان يعنى من قبل حريق مجلس الشورى بكتييير ويمكن قبل حريق القاهرة التاريخى كمان
ronyy 21-08-2008, 09:54 AM لا اله الا الله
بجد ده اهمال فظيع
شكرا على الموضوع
Cray_Bird91 21-08-2008, 10:08 AM معلش يعنى يا ندى
يعنى المبنى ولع
نجيب المية ونروح نطفيه احنا يعنى ولا ايه؟
ولا نعمل زى (كونان)وندور مين السبب فى الحريق
على العادة يعنى هيقولوا ماس كهربى
مش بعيد يقولوا
فار عبر (خط المشاة):D:D
واتكهرب قام عامل ماس ولع الدنيا كلها
عادى يعنى
وبعدين محسسانى ان الحرب خلاص
والثورة بكرة احنا القادة بتوعها
اقولك
احنا نعمل خطة 2 4 4
زى خطة الاهلى
:D:D
والله حسستنينى انى لسه عايشة ايام الثورة
(الله يرحمها ويحسن اليها)
ربنا يخليكى للوطن والشعب
:):)
يا اختى مووون
الحكاية مش حكاية مبيى واتحرق واننا لازم نروح ونطفى الحريق
لاء
الحكاية اننا واقفين كدة
احنا عندنا فى اسكندرية والله العظيم بشوف مناظر كأنى قاعدة فى غابة
الازالة اللى بتيجى كل يوم والتانى عشان تاخد البضاعة اللى مترصصة على الرصيف وفى الشوارع والناس تهرب ويقبضوا على البياعين
والتشرد زاد بنسبة كبيرة جدا
وحاجات كثير كانت متراكمة ولسة بتتراكم
شكرا يا زينب على مشاركتك ويخليكى للشعب والوطن :)
Cray_Bird91 21-08-2008, 10:15 AM على فكرة يا ندى " مش ده اسمك ؟"
كل المشاعر اللى جواكى ناحية البلد دى جوانا بردوه ويمكن اكتر شوية بس الفرق انك بتتكلمى لمجرد الكلام ولما سألتك نعمل ايه ما جاوبتيش على سؤالى وعلى فكره احنا اتكلمنا كتييييييييييييييييييييير اوى زيك كده بس لقينا الكلام مفيش منه فايدة وصدقينى انا معجب جدا بحماسك وحبك للبلد ومش بحاول احبطك بردودى انا بس بحاول احطك فى الواقع وعايز انقلك من مرحلة الكلام لمرحلة الفعل وهتلاقى ان مرحلة الفعل فى طور السكون حالياً وزى انتى ما قولتى خلينا نستنى يوم الإنفجار العالمى ولو أنى اشك فى قربه ..
طولت عليكى ؟؟
مش مهم
مش عارفة والله ارد على كلام حضرتك
ممكن اكون فعلا بحلم كثير انى نفسي اشوف البلد دى زى زمان
بس والله اللى بيصعب عليا الناس الكويسة اللى لسة فيها الخير جواها ونفسها تعمل حاجة والحكومة تعذبها باسلوبها الوحشى ده
يكفى يوم الاضراب
بجد حسيت ان اهل المحلة هم اجدع ناس
وصبروا وشوفت المنظر
وبقيت المدن مستخبية ورا الشيش وخايفة تنزل
وزى ما قلت لترافيل حاجات كثير متراكمة ولسة بتتراكم
لا والله حضرتك مطولتش ولا حاجة
نورت الموضوع بالولاعة:D
تتشرف فى اى وقت:)
Cray_Bird91 21-08-2008, 10:19 AM وعلى فكرة توقيعى الشخصى ده من زماااااااان يعنى من قبل حريق مجلس الشورى بكتييير ويمكن قبل حريق القاهرة التاريخى كمان
يبقى حضرتك كنت ناوى تولع فى مصر قبل ما تولع فى اسرائيل:huh:
بس نصيحة بلاش والنبي عشان من حلف بغير الله فقد كفر:)
Cray_Bird91 21-08-2008, 10:22 AM لا اله الا الله
محمد رسول الله
بجد ده اهمال فظيع
قصدك على الحكومة ولا الحربق ولا النظام فى مصر ولا ايه؟؟
شكرا على الموضوع
على ايه قريب حتكونى معايا فى المعتقل:)
msamido 21-08-2008, 11:00 AM مش عارفة والله ارد على كلام حضرتك
ممكن اكون فعلا بحلم كثير انى نفسي اشوف البلد دى زى زمان
بس والله اللى بيصعب عليا الناس الكويسة اللى لسة فيها الخير جواها ونفسها تعمل حاجة والحكومة تعذبها باسلوبها الوحشى ده
يكفى يوم الاضراب
بجد حسيت ان اهل المحلة هم اجدع ناس
وصبروا وشوفت المنظر
وبقيت المدن مستخبية ورا الشيش وخايفة تنزل
وزى ما قلت لترافيل حاجات كثير متراكمة ولسة بتتراكم
لا والله حضرتك مطولتش ولا حاجة
نورت الموضوع بالولاعة:D
تتشرف فى اى وقت:)
اللى حصل فى المحلة يا ندى ده كان سورى يعنى قلة ادب ووقاحة وشعب جاهل ومتخلف أولا اضراب المحلة كان معمول مخصوص علشان عمال شركة الغزل وعمال شركة الغزل من أول لحظة قالوا احنا معملناش اضراب ولا حاجه واحنا موجودين فى شغلنا
لو شفتى بجد اللى حصل فى المحلة مكنتيش قولتى كده لان اللى حصل هو مجرد تدمير وتخريب لمصالح ناس ملهاش ذنب وملهاش اي علاقة بالحكومة لما يكسروا محلات الناس ويولعوا فى عربياتهم تبقى دى جدعنة
اقولك على حاجه احنا اصلا شعب لا يملك ثقافة الإضراب..
يبقى حضرتك كنت ناوى تولع فى مصر قبل ما تولع فى اسرائيل:huh:
لو بإيدى أولع فى الاتنين مع بعض فى نفس ذات الوقت
بس نصيحة بلاش والنبي عشان من حلف بغير الله فقد كفر:)
حاضر انا كنت ناوى اغيرها بس كذا مره بنسى
على ايه قريب حتكونى معايا فى المعتقل:)
ياريت تحجزولى مكان فى المعتقل الرجالى اللى جنبكم
Cray_Bird91 21-08-2008, 11:15 AM [/CENTER]
اللى حصل فى المحلة يا ندى ده كان سورى يعنى قلة ادب ووقاحة وشعب جاهل ومتخلف أولا اضراب المحلة كان معمول مخصوص علشان عمال شركة الغزل وعمال شركة الغزل من أول لحظة قالوا احنا معملناش اضراب ولا حاجه واحنا موجودين فى شغلنا
لو شفتى بجد اللى حصل فى المحلة مكنتيش قولتى كده لان اللى حصل هو مجرد تدمير وتخريب لمصالح ناس ملهاش ذنب وملهاش اي علاقة بالحكومة لما يكسروا محلات الناس ويولعوا فى عربياتهم تبقى دى جدعنة
اقولك على حاجه احنا اصلا شعب لا يملك ثقافة الإضراب..
بصراحة ممكن يكون كلام حضرتك صح لانى بعيدة عن المحلة
بس معتقدش ان اهل المحلة حيخربوا بلدهم وينهبوا بيوتهم
يوم لما شوفت الاخبار لقيت الحكومة والعساكر بتضرب فى الناس والشباب وحرايق فى كل مكان والناس كانت
بتدافع عن نفسيها قدام الحكومة
ولما سمعت ان فى ناس بتولع فى عربياتهم معتقدين ان الحكومة حتديلهم حقهم
بس حصل العكس
ماهو كل حاجة بقت بالضرب دلوقتى
واقرب مثال بشوفه قدام عينى الازالة
لما يكون فى ناس عاوزة تكسب بالحلال والحكومة مش مخصصة مكان للناس دى يبقى ملهامش غير الرصيف والكشك
حيعملوا ايه غير كدة
والعساكر جاية وتاخد البضاعة بالعنف وتقبض على البياعين والباقى بيهربوا
يبقى ساعتها الناس حتتصرف ازاى؟
ياريت تحجزولى مكان فى المعتقل الرجالى اللى جنبكم
المكان محجوز لحضرتك تتشرف وتنور المعتقل:)
msamido 21-08-2008, 11:24 AM الاخبار دى شكلك شوفتيها على الجزيرة
اللى حصل فى البداية إن كان فى تهديد منتشر فى المحلة إن اللى هيفتح محله ومش هينفذ الإضراب فى اليوم ده هيكسروا ليه المحل وفعلا اللى فتح كسروا محله ومش بس كده المحل وكام عربية جنبه فوق البيعه
الحكومة دخلت لما لقت الموضوع فيه عنف وشغب وطبعا هات يا ضرب فى الشعب بداعى وبدون والشعب بيرد ومش بدافع عن الحكومة على فكرة دى حكومة تيييييييييييييييييييييييييييييت _ صفارة لما بيكون فى ألفاظ خارجة _
بس فى النهاية مفيش اي مبرر للمحلات اللى اتكسرت والعربيات اللى اتحرقت
وزى ما قولتلك احنا شعب لا يملك ثقافة الإضراب والاعتصام
أما اللى بيحصل فى اسكندرية وفى كل مكان من البلدية اللى بتنزل تلم بضائع الناس وتقفل عليهم اكل عيشهم ده موضوع تانى وليه ابعاد تانيه اعتقد مش مكانه هنا لو تحبى تناقشيه نعمله موضوع خاص
شكرا ليكى والمكان منور بوجودك :)
Cray_Bird91 21-08-2008, 11:35 AM الاخبار دى شكلك شوفتيها على الجزيرة
اللى حصل فى البداية إن كان فى تهديد منتشر فى المحلة إن اللى هيفتح محله ومش هينفذ الإضراب فى اليوم ده هيكسروا ليه المحل وفعلا اللى فتح كسروا محله ومش بس كده المحل وكام عربية جنبه فوق البيعه
الحكومة دخلت لما لقت الموضوع فيه عنف وشغب وطبعا هات يا ضرب فى الشعب بداعى وبدون والشعب بيرد ومش بدافع عن الحكومة على فكرة دى حكومة تيييييييييييييييييييييييييييييت _ صفارة لما بيكون فى ألفاظ خارجة _
بس فى النهاية مفيش اي مبرر للمحلات اللى اتكسرت والعربيات اللى اتحرقت
وزى ما قولتلك احنا شعب لا يملك ثقافة الإضراب والاعتصام
أما اللى بيحصل فى اسكندرية وفى كل مكان من البلدية اللى بتنزل تلم بضائع الناس وتقفل عليهم اكل عيشهم ده موضوع تانى وليه ابعاد تانيه اعتقد مش مكانه هنا لو تحبى تناقشيه نعمله موضوع خاص
شكرا ليكى والمكان منور بوجودك :)
لو الحكومة مكانش اتدخلت برضه الضرب كان حيستمر
شكرا لرأى حضرتك وضحت حاجات كثير:)
اما موضوع الازالة انا كنت بضرب المثل باللى حصل فى المحلة واللى بيحصل من الكوارث اللى بتحصل فى مصر
لان ده بشوفه قدام عينى وعرفت ان الحكومة معندهاش رحمة بالناس حتى لو كانوا وحشين
ان شاء الله موضوع الازالة واللى بيحصل فى مصر ده ليه نقاش تانى لو حضرتك عاوز تناقش فيه
شكرا لرد وتعليق حضرتك اتشرفت ونورت الخناقة عقبال المعتقل:)
طبيب عالمى قادم 21-08-2008, 11:57 PM مشكوووووووووووووووووور جدا
mena1990 22-08-2008, 03:16 PM انا استغربت جدا للردود اللى انت كتبنها هو انا مش هنكر انى فرحانه فيهم بس زعلانه على مصر
مش ذنبها ان بيحكمها مافيا كل همهم الفلوس ياريت قبل ما نرد نعرف ان مصر دى مهما كانت وطنا وان الانسان من غير وطن
مالوش لازمه ولازم نعرف انهم كل شويه بيحروقوها مرة الاوبرا ومرة مجلس الشورى ومرة وزارة الصحه
حرام البلد معدش فيها حاجه واللى خلاهم يحروقوا مجلس الشورى هيخليهم يبعوها هى كمان والغريبه ان الشعب
واقف يسقف ويهتف المفروض يكون عندنا شويه انتماء ليها على كده لو حصلت حرب ولا حاجه الكل هيقول
انا مالى يارب نفوق من الغيبوبه دى
اذا كان الكلام من فضه
فالسكوت من دهب
هذا هو شعار مصر الجديد
هههههههههههههههههههههه
كفايه علينا الكلام
هنقوم نعمل حاجه
ازاااااااااااااااااااااااى
ده لو حد عمل اى حاجه
يبقى انت اكيد مش فى مصر
مشكوره على احساسك بالمسؤليه اتجاه بلدنا
|