السلام عليكم و رحمة الله و بركاته


بسم الله الرحمن الرحيم


كنت عايز أخد رأيكم في الموضوع ده و ياريت كمان أي حد فلسطيني يدخل يوضح لينا زيادة

ايه اللي بيحصل ده ؟؟

باختصار :

في منتدي من المنتديات كلمني منها واحد فلسطيني 15 ~ 16 سنة

المهم بقينا أصدقاء أو حتي زمايل في المنتدي

المهم أنا كنت فرحان أني أعرف واحد فلسطيني عن قرب

فمرة سألته أنت منين بالظبط في فلسطين قالي في الضفة في منطقة كده مش فاكر اسمها

المهم انا عرفت ان المنطقة دي علي حدود الضفة بالظبط قلتله علي كده بتشوف اليهود علي طوول

قالي اه بيجيوا عندنا كل يوم بالعربيات <==== مقلش عشان ايه ؟؟

المهم قالي دوول حلوين اوووي <=== انا لما سمعت الكلمة دي بجد فضلت قاعد ساكت مش برد و هو قاعد يتكلم

قالي دوول منظميين جدا علي غير الشعب الفلسطيني و كمان شكلهم حلو و نضاف

انا يمكن تقريبا من اليوم ده محاولتش أني اكلمه تاني بعد اللي قاله ده

يعني احنا في مصر و الدول العربية لما يحصل هناك حاجة نخرج مظاهرات و اللي يتسجن و اللي يعتقل

و زعلانين اووي عشان شعب فلسطين

وهم بيرحبوا بيهم

يا ريت حد يقولي رأيه ؟؟

ده ممكن يكون بني ادم غريب و دي وجهة نظره هو بس ؟

ولا يمكن الجيل كله اللي اتولد في ايام الاحتلال و عايش فيها لغاية دلوقتي

قدر يتعايش مع اسرائيل

و اللي بنشوفه في التلفزيون دووول الناس بتووع زمان اللي عاصروا لاحتلال من الاول و بس

يعني معني كده أن كمان 15 او 20 سنة

مش هيبقي في الكلام ده

الجيل الجديد بتاع فلسطين هيتعايش مع محتله !! :eek:

ملحوظة :

في مرة حكي لي علي موقف انه طلع يقاوم و يكسر العربيات بالطوب و الكلام ده انا قلت بقي عنده وطنية :eek:

بس كانوا بيلعبوا هو و ابن عمه :lol:

لا طبعا عمرنا مانتعايش مع عدونا
هقول لحضرتك ع حاجة
دلوقتى لما كانوا الانجليز فى مصر او عامة اى استعمار فى اى بلد بيبقى زى ما معظم الشعب بيقاوم بيبقى فى ناس بتسنفيد من كده يعنى ناس تستشهد و ناس تبيع اخوانهم و بلدهم و ارضهم فالله اعلم بالشخص ده انا مااعرفهوش بس اللى اعرفه ان استحالة نتعايش مع اللى خد ارضنا و عمال يدبحنا و يقتلنا ........مش ممكن
ممكن نتعود ع ان كل لحظة طفل يتيتم .. ان شاب يستشهد..ان زوجة تترمل ..ان ام تفقد نور عينها و حبيب قلبها اللى هو ابنها
انما اننا نتعود ع بيع ارضنا او اننا نتعود ع الذلا
لا و الف لا كمان
ممكن مش قادرين نتصرف صح
او مش عارفين نرجع بلدنا بس ان واحد نسى انهم اعداءه و انهم مغتصبين حقه مش معنى ده ان كلنا نسينا

لا طبعا عمرنا مانتعايش مع عدونا
هقول لحضرتك ع حاجة
دلوقتى لما كانوا الانجليز فى مصر او عامة اى استعمار فى اى بلد بيبقى زى ما معظم الشعب بيقاوم بيبقى فى ناس بتسنفيد من كده يعنى ناس تستشهد و ناس تبيع اخوانهم و بلدهم و ارضهم فالله اعلم بالشخص ده انا مااعرفهوش بس اللى اعرفه ان استحالة نتعايش مع اللى خد ارضنا و عمال يدبحنا و يقتلنا ........مش ممكن
ممكن نتعود ع ان كل لحظة طفل يتيتم .. ان شاب يستشهد..ان زوجة تترمل ..ان ام تفقد نور عينها و حبيب قلبها اللى هو ابنها
انما اننا نتعود ع بيع ارضنا او اننا نتعود ع الذلا
لا و الف لا كمان
ممكن مش قادرين نتصرف صح
او مش عارفين نرجع بلدنا بس ان واحد نسى انهم اعداءه و انهم مغتصبين حقه مش معنى ده ان كلنا نسينا

معاكي حق في الكلام اللي قلتيه

لغاية دلوقتي مفيش اي انسان عربي نسي أنهم أعداء


بس ربنا يشهد اني مش ببالغ في كلمة من اللي قلتها

و الموقف استفزني مش أكتر

بس ربنا يشهد اني مش ببالغ في كلمة من اللي قلتها

و الموقف استفزني مش أكتر

انا فاهمة و الله
انا ماقصدتش اى حاجة و الله و ماقصدتش اوجه لك اى كلمة و ربنا يعلم
بس يمكن انا قلت رايى عامة
معلش يمكن قلت حاجة ضايقتك :(
متاسفة

موضوع رائع وكويس انك طرحته انا شايفه ان مش ممكن الواحد يتكيف معاهم بردو بالرغم انى حاسه انه هيحصل فى فتره بس اكيد هنفوق بعدها ........... انا لهاجى تانى بس ياريت يكون فى تفاعل

بص يا محمد هو مش بيبقى اسمه تعايش من المعنى اللي احنا فاهمينه اللي هو الحب والولاء وكده لأ خالص ده بيبقى مجرد امر واقع ومفروض عليهم لا زعلهم هيرجع الارض ولا ولائهم هيزود حاجه بس هم اتعودوا ع الوضع ده ومفيش فايده من اللي هيعملوه لا هينقص ولا هيزود ... واكيد الولد اللي كلمك ده وطني بس زهق ومل من الشعارات اللي مفيش منها فايده ..او ممكن يكون فري شويه .. الله اعلم .. يا ريت يكون المعنى وصل ...
ودي مجرد وجهة نظر !!!