السلام عليكم الحكايه وما فيها ابنى عنده 4سنين نويت اقدمله فى المعهد النموذجى زيه زى اخواته واحد فى تالته وواحد فى تانيه والاتنين فى معهد واحد وعايزه اقدم لاخوهم معاهم المهم رايحين جاييين عالمعهد من شهر 6الرد يكون لسه بدرى ماخدناش ملفات ومره من ضمن المرات الرد كان تعالو بعد امتحانات الدور التانى روحنا مفيش المهم روحنا يوم 22/7قالوا خلاص استكفينا والباب اتقفل جن جنونى مصدقتش ازاااااى فى قانون بيكون باب التقديم اتقفل قبل الدراسه بشعرين وامبارح روحنا لشيخ المعهد ده تانى اسال الله ان يخذله كما خذلنا قلتله انت هتضيع الواد الولد مستوفى للشروط يا مولانا ومفيش حاجه اسمها باب التقديم قفل انا هصعد الموضوع رد عليه والله لو جيبتيلى شيخ الازهر نفسه ما هدخله العدد كامل قلتله اخواته هنا وده لم شمل اسره قاللى قفلنا قلتله طب انا مدرسه بالازهر وابوهم كذلك ولينا احقيه مرضيش الله لا يخذلكم قولولى اعمل ايه عايزه ادخل ابنى كى جى ون نموذجى اعمل اييييه اصعد الموضوع ازااااى ارحووووكم فى قانون بيقفل باب التقديم بدرى اتعامل ازاى مع شيخ المعهد المتعنت ده

روحي النطقة التابع لها المعهد ، وقابلي مدير المنطقة واعرضي الموضوع وان شاء الله تلاقوا حل

طب حضرتك شايفةانه معاه حق

قابلي مدير التعليم النموذجي في منطقتك ولو محلش الموضوع خاطبي مدير التعليم النموذجي بقطاع المعاهد الازهرية وان شاء الله محلولة

على ما اظن حسب ما استاذ سعيد دايما يرد الامور دي تحل بالتفاهم وليس بالتهديد وتطبيق لوائح القانون
استعينوا بالله وحاولوا مرة تانية بالكلام الهادي بالواسطة لو عارفين اي مدرس في المعهد يعرف يتعامل ازاي مع الشيخ وربنا يوفقكم

يسر الله أمركم
إن شاء الله تعالى محلولة بس المحاولة الأول بالطرق الودية ، كما قالت الأخت بنت الأزهر

والله حاجة تحزن.مش عارف ايه اخرة التخلف اللى احنا عايشين فيه ده.كل واحد قاعد على كرسى كانه خلاص صاحب المكان.وفى الاخر انا متاكد لو واحد بس معرفة او واسطة ممكن يحل الموضوع بالتلفون.مفيش فايدة.لله الامر.

والله فعلا هو ميتحلش الا بالواسطه وانا معنديش
وانا عارفه الشيخ ده واخد ناس مش مطابقين للشروط اتكلمنا معاه برده بالهداوه وحسبى الله

هناك بعض الامور لم تحسنى التصرف فيها
فموعد التقديم من منتصف شهر 6 حتى نهايه شهر 7 وانتظرتى كل هذه الفترة وبعد غلق التنسيق
تحدثتى كان يجب عليكى التحدث منذ فترة حتى ادلك على الحل الصحيح
دائما وابدا احاول ان احل امورى بالحسنى ولكن اذا وجدت تعنت اصل بالامور الى مفتى الجمهوريه
المهم حتى تعلمى القانون فى موضوع التنسيق
يجب على شيخ المعهد قبول جميع التقديمات المستوفاه السن ثم يقوم بعمل تنسيق للجميع من السن الاكبر
حتى يصل الى اقل سن حتى يستوفى العدد المطلوب لديه
وكان يجب عليكى فى حاله رفضه استلام ورق ابنك الذهاب للمنطقه لكى تلزمه بقبول الاوراق
فالمعهد ليس ملك له يفعل فيه مايشاء
حاليا انتى فى موقف ضعف لانتهاء موعد التقديم وهناك حل واحد
ان تطلبى من شيخ المعهد وضع نجلك فى نسبه ال 10% لمن لهم اخوات فى المعهد وهذه النسبه تكون خارج التنسيق
فاذا كان فى المعهد فصلان فكثافتهم تكون 90 طالب وفى هذه الحاله من حق شيخ المعهد قبول عدد 9 طلاب فوق الكثافه
وحقيقى انا بندهش من شيخ معهد لايساعد زميل او زميله معه فى نفس العمل فالدنيا دواره ومن احتاجه اليوم
سوف يحتاجنى غدا فجميع طوائف المجتمع تساعد بعضها البعض
واذا اصر شيخ المعهد على عدم قبول ابنك ليس امامك غير كتابه مذكرة والذهاب الى المنطقه وكتابه كل ماحدث بالضبط
ولاتخرجى قبل ان تاخذى تاشيرة بعمل استثناء للموعد وقبول نجلك فى نسبه ال 10% لمن له اخوة
وفقك الله

بعد ما عرضه الاستاذ سعيد من حلول ولم تصلى الى نتيجة اعلمى اخيتى ان الازهر اليوم ليس مغنما ولكن لابد ان تتبعى اخطاء هذا الضال المضل وترهقيه بالشكاوى الصحيحة للنيابة الادارية والمنطقة والمشيخة حتى يقضى الله فيه امرا ويخرجه من هذا المكان بالجزاءات بلا ظلم فانت على حق ولا تتركى له تجاوزا الا بشكوى ومذكرة
حسبنا وحسبك الله ونعم الوكيل فوضى امرك الله مع كل اجراء تتخذيه اعانك الله اختاه