السلام عليكم ورحمة الله وبركاته

احييكم جميعا

واعتذر عن دخولي القليل جدا لقسم الكيمياء الصف الاول هنا

ولكن ذلك يرجع لعدة اسباب جلها اسباب تعقد وتزعل وتقهر الواحد

1- تقسيم الكيمياء الي ترمين ترم اول - نرم تاني

وهي تقسيمه ليس لها معني لان الكتاب كله سيدرس في نصف السنه الاول او نصف السنه التاني

اذن المفروض المنهج كله ترم واحد فقط

2 - طالب الصف الاول الثانوي هذا بياخد درس كيمياء صح والمدرسه هي التي تضع الامتحان او الاداره
وصدقوني يا اخوه الطالب مش يهمه ده ال بنعمله قوي

لكن اذا الاستاذ بتاعه قاله الكيمياء احياء هيصدقه ويسمع كلامه بس لانه المدرس ماسك الولد من رقيته

3 - وهي الاهم

الشرح بقي في الغرفه الصوتية هيبقي ازاي

هنشرح الكيمياء دي طبعا كلها في نص السنه الاول

طيب و الولاد ال واخدينها في نص السنه التاني هيعملوا ايه

طبعا هنشرحها تاني في نص السنه التاني كلها برضو
مش كده ولا ايه

طاب والله دا كلام

طيب مش مشكله دي

4- طالب اولي ثانوي ده عايز معلومه بسيطه قوووووووووي خاصة ان الكتاب زي الزفت قووووووووي في كتير من مواضيعه

خد مثال

تفسير عمليه الذوبان

اتحدي ان طالب فهمها كما هو مقصود في الكتاب
رغم انها مهمه جدا لكن كانت عايزه اكتر توضيح شويه

طيب احنا بقي هنشرح للولد وكمان شرح الدرس وكمان المدرسه ازاي وانتو عارفين ال بيحصل

5- المفروض يحصل ايه بقي الحل

1- يتم شرح المنهج شرح مبسط داخل الغرفه دون التوسع لانه مش طالب شهاده

2 - حل كم من الاسئله التقليديه

3 - عدم ترك اساسيات الكيمياء

6 - نضع شروح يعني مذكراتنا هنا والاسئله ودا شئ جميل رائع لكن هل تخيلوا ان الولد الصغير ده هيقدر ياخد كل المذكرات دي ويستفيد من كل مدرس من ابداعاته

كبيره دي علي الولد صح وخاصة ان المواد كتير عليه والوقت ضيق

7 - هناك يا اخواني بقي الاهم وهم طلبة ثالثه ثانوي ال معاهم كيمياء ودي مشكله لانهم هنا ضاع حقهم

وانا اطالب بحقهم في الشرح والابداع داخل الغرفه الصوتيه ان شاء الله

وفي قسم كيمياء الثانويه بتاعهم

8 - هناك الاهم جدا وهي

الثانويه الازهريه اكثر من 300 الف طالب اين حقهم يا اهل الكيمياء في الشرح

داخل الغرفه الصوتيه وغيرها

9 - الحل الا نضحك علي انفسنا

ان مش بطالب اننا نسي اولي ثانوي لا

لكن طيب ما اولي كانت معنا من سنين كنتوا فين كلكم

احنا مش عايزين نضيع ثالثه ثانوي والثانويه الاوهريه علي حساب اوولي ثانوي وانتو عارفين ال بيحصل في المدارس


10 - عايز اعرف بقي والله بجد ايه حكاية تقسيم صفحة الكيمياء الي_( الترم الاول -الترم الثاني)

11 - ثم اطالبكم بالنقاشات بيننا لكي نستفيد من بعضنا البعض

كنت اتمني ان نمسك كتاب الكيمياء للثانويه نقطه نقطه ونفسره مع بعض

دي مش مشكله ادينا مع بعض

12 - نعلمون انني احيكم جميعا واقدركم جميعا

لكن هذا رائي ارجو ان تتقبلوه فان كان خطا فمني والشيطان

وان كان صحيحا فمن الله جل وعلا

والسلام عليكم

اخوكم //// عاطف

الله المستعان

وربنا يعين كل معلم يريد الأصلأح

كلامك صح يا دكتور عاطف وانا عن نفسي مش هشرح الا لطالب ثانوية عامة بس او ازهر تانية او ثالثة اما منهج اولي ثانوي حتي لو الطالب قرأه هيفهمه لوحده فحرام نضيع وقت ونركز بس علي الثانوية العامة ونمسك الكتاب نقطه نقطه
وانا لو محدرتش اجتماع يوم الجمعه يا دكتور عاطف يا ريت تقول للمسؤل اني هشرح للثانوية العامة فقط وده هيبين الابداع فعلا وهنفيد اكتر