DrMostafa2015
04-08-2015, 01:50 PM
بسم الله الرحمن الرحيم
بداية الكلام
انا موضوعي دة موضوع مختلف .. يعني مش ماشي مع اتجاه القسم نوع من السباحة عكس التيار .. بالتالي فالموضوع دة مش لكل الناس دة لناس معينة اللي هيتقبلوه .. موضوعي لولاد و بنات برنسات ليهم دماغ مستقلة و مازالوا محتفظين بقدرتهم على التفكير..موضوعي للموهوبين .. نفس فكرة السياسة في الوقت الحالي لو انت مع اتجاه هتبقى من جواك مستغرب جدا اللي على الناحية التانية ازاي شايف اللي انا بقوله ده غلط انت هتفكر كدة و انت بتقرا و انا بفكر كدة و انا بتخيلك و انت بتقرا و معترض .. بالتالي لو انت مش ناقص و شايف ان الكلام في مبدأ الطب دة مفيهوش تفاهم و ان دة الاساس و عايز تسمع كلام في صميم الدراسة بعيدا عن مرحلة الاختيار او كلمتين حلوين عن طب يطمنوك عن اختيارك اللي انت خدته او حد خدهولك ايا كان .. اقفل الموضوع ببساطة و خلاص هو في الاول و في الاخر رأي لا ادعي انه الصح المطلق و معنديش مشكلة ان المجموعة الصغيرة اللي في الكلية اللي لسة بتدخل ع المنتدى يكون عندهم رأي مخالف .. ممكن ميفهمش قصدي الا اتنين او تلاتة .. كدة يبقى خير و بركة و نعمة من ربنا .. لو قررت تقرا الموضوع للاخر اقراه عادي اعتقد مش هيبقى اول حاجة تقراها من النوع ده بس خلي بالك ان النية و انا بكتب لله و لينا و لخيرنا كلنا .و لانقاذ جواهر بيننا. و اعرف تماما ان دخولك طب او عدمه مش هيفرق معانا و هتفهم كدة و انت بتقرا الموضوع .. فخلي بالك ان انت قريت الموضوع بطريقة عشوائية انا معرفش مين هيقراه و لا فين في القاهرة في اسيوط في اسكندرية في السعودية و نازل مصر قريب .. معرفش انت قررت تقرا فمتنزلش للتعليقات و تقول كلام ممكن كمان شهرين بالظبط تحس انه كلام عيال و عايز تمسحه و مكسوف منه ..
نبدأ : اولا انت كتبت طب في التنسيق ليه ؟ بجد اسال نفسك بص للسقف كدة و فكر ..
عشان تعمل لنفسك اعتبار و تبقى دكتور فلان ؟ عشان في يوم ما تبقى غني ؟ عشان تبقى زي الدكتور اللي والدتك او اي حد قريبك بيروحله و بياخد 200 و 300 كشف ؟ و اياك تنكر ان حاجة زي دي جت على بالك .. اياك .. اياك .. عشان مفيش عروسة ترفضك ؟ طب نوع من رد الاعتبار لنفسك و عيلتك قدام حد ما ؟؟ عشان تبقى كويس قدام حد انت عايز ترتبط بيه ؟؟ الله اعلم فكر في النقط دي بهدوء و اتاكد .. كلامي للاتنين تلاتة اللى انا بكلمهم
طب انت بتحب طب اوي و نفسك فيه من و انت صغير خالص خالص.. طيب هل انت تعرفه ؟ :) شفته فين قبل كدة ؟ قابلته اتعاملت معاه ؟؟ مش كمريض كطالب و طبيب ؟ اعتقد لا .. بس اديتله حب و تعلق بدون معرفة .. يعني انا لو قلتلك في فلانة مثلا "مرجانة " مرجانة دي كل الناس بيقولوا عليها ادب و اخلاق و جمال و و و .المشكلة ان الناس اللي بيقولوا عليها كدة برضه ميعرفوهاش بس سمعوا عنها. دة كفاية انك "تكتب عليها" حالا ؟؟
اسال نفسك ليه ناس كتير في طب و حتى طلاب اولى السنة اللي فاتت هتلاقيهم بيقولوا طب طلع عكس ما كنا متوقعين .. و الناس الكبيرة بيقولوا شوف كذا و كذا بلاش طب .. طب الناس دي بتقول كدة ليه ؟ غيرانين منك ؟ متآمرين عليك ؟ .. و هم في طب و ماشيين و هيتخرجوا او اتخرجوا و بقوا "دكاترة" ..لا بس تقريبا اتجوزوا مرجانة على كلام الناس.
انا عايزك تفكر خارج الصندوق .. خليك برنس . فكر في نفسك الانسان اللي جواك دة انت مش رقم هتزود دكاترة عيلتك واحد او دكاترة مصر واحد انت انسان ليك قلب و مواهب و رغبة و ميل ... لقيته ؟ متعرفوش ؟ طب حاول تدور .. ملقيتوش ؟
كدة اسال نفسك هل انا واخد طب Backup ؟ خليك صريح مع نفسك
طب الحل .. انت شوف انت ايه ؟ ابدعت في ايه قبل كدة و لو كملت فيه هتبقى صاروخ محدش يقدر يوقفه .. اعتقد صاروخ في مجال ما احسن من عربية تمارس الطب كدة و خلاص .. احنا محتاجين صواريخ .. احنا اولى بابداعك من غياهب الظلمات . و الغيب و لو كنت كان .. انقل اسطورتك للواقع ..
طب مفيش و انا مش متميز في حاجة اوي بس نفسي في طب – و ده حال كثير من طلبة طب و الاطباء – يبقى اولا خلي النية صافية و لله بجد اشتغل على قلبك خرج الدنيا منه خليها لله و هي مهمة صعبة و ربنا يعينك .. ده محور كلامنا في حاجة انت ميالها ولا لا..
طب محتار و عايز تعرف طب او تختاره و انت عارفه .. طب خلي حد من زمايلك اللي في طب يمسك كتابه و يشرحلك منه شوية من كل ماده شوف مش هتقدر تستحمل ولا لا .. لا شوف انت شغوف بده ولا لا وقاعد متوتر و محتار . هههههههه انا فاكر في اول سكاشن اناتومي في الكلية كنت بسال نفسي ديما . هو انا مطالب بكل الكلام ده ؟ ازاي؟؟ و الاجابة كانت بالنعم .. و عادي و عدت و جبت امتياز في الاناتومي .
طب تعال ننقل لموضوع تاني .. احنا بندخل الكلية ليه اصلا ؟ انت متخيل ان انت لسة 18 سنة .. ان شاء الله نتمنى تعيش اضعاف عمرك بصحة و عافية .. بس طول الفترة دي انت هتفضل مكلف بفريضة الوقت اللي احنا فيه و هي خدمة الاسلام .. غير كدة دي حياتك برضه هل انت عايز تكملها كطبيب ولا في حاجة تانية اكتر متعة ليك .. المشكلة ان احنا في مأزق اجتماعي رهيب و عنصرية و طبقية احنا اللي عملناهم احنا ربطنا الكليات بالتفوق .. بالتالي بقى كل طلاب كذا حلوين و كل طلاب كذا وحشين .. تخيل لو حقوق – مثلا – بيقعد فيها مجموع 99 مع 85 كله ليه هدف معين عمرك ما كنت هتقدر تبص لكلية انها قمة و تانية انها لا .. احنا بقى مستقبلنا مادة للتشاوف و الفشخرة في العصر المادي اللي احنا عايشينه .. اهم حاجة الناس تعظمني و اضمن رزقي .. سبحان الله .. ربنا هو الرزاق .. و المتفوق اينما كان هو القمة و ليس بكليته "القمة " .
بص لو جيت تبص للمقاومة الفلسطينية هتلاقي منهم كتير اطباء مثال "الرنتيسي" رحمه الله اللي قاد حماس بعد الشيخ احمد ياسين و اغتيل رحمهما الله – خريج طب الاسكندرية بالمناسبة - . اللي عايز اقوله ان حماس لما يكون فيها قادة اطباء و السياسة و القراءة في موضوعهم حاجة جانبية بتخليهم مش مهرة سياسيا .. زي ما يكونوا بدل ما هم علماء طب يبقوا علماء سياسة و علم اجتماع و قيادة . ساعتها كانوا هيكونوا عايشين في شغفهم و مؤهلاتهم بتدعمهم و.. دي الفكرة و الله اعلم
" انما تحتاج هذه القضية الى اناس يضحون بامكانياتهم و مستقبلهم في سبيل خدمة الانسانية و اداء رسالتهم المقدسة و يعرضون نفوسهم و معايشهم و حظوظهم من الدنيا للخطر و الضيياع و تجارتهم و حرفهم و مكاسبهم للتلف و الكساد .. يخيبون امال ابائهم و اصدقائهم فيهم حتى يقولوا للواحد منهم كما قال قوم صالح " قالوا يا صالح قد كنت فينا مرجوا قبل هذا" " اقتباس من كتاب
احنا مش محتاجين كل العقول النضيفة دي كلها تبقى اطباء .. دي افة العالم العربي للاسف .. احنا عندنا اطباء كتير .. بس محتاجين ساسة مخلصين بدل ما كله بيفتي و خلاص, منظرين يرسموا الطريق اللي يتماشى مع متطلبات العصر , مؤرخين يكتبوا تاريخنا بدل ما اعداءنا هم اللي بيكتبوه ,علماء في العلوم و التكنولوجيا اللي هي سبب كبوتنا و انحدارنا و ذلنا على يد الغرب ,اجتماعيين ,ادباء يعيدوا للادب العربي رونقه و لك في كتاب "حكايات سيكوباتية " و الروايات اللي بتنزل اليومين دول خير مثال .
في واحد زميلكم من اوائل الجمهورية اللي هو جتله علوم القاهرة و مقدم في جامعة زويل بصراحة انا قلبي كان بيرقص من الفرحة ان في حد برنس بالشكل ده .. و كنت مبسوط جدا من كلامه و دماغه و انا بقلب في صفحته على الفيس ..
طب تعال نتكلم في اخر فكرة انا عايز اتكلم فيها و هي بتوع طب شايفين الدنيا ازاي .. هاخدك كام سنة لقدام لما تبقى طالب طب مخضرم .. اولا بالنسبة لمصر فالحال في المستشفيات يرثى له و في تعليم الطبيب تعليم يرثى له .. ادخل بس على صفحة عشان لو جه ميتفاجئش هتشوف حجات مش غريبة .. معظمنا عاوز يهرب و يسافر برة مصر – اللي كنا من كام سنة عايزين نعالج الفقرا ببلاش – عشان منبقاش مشاركين في لمنظومة اللي بتعذب المريض و بتهين ادميته بالطريقة دي . و بتهين الطبيب برضه شوف كام خبر انت قريته عن دكتور استقبال اتضرب بمطواه و لا اتضرب على دماغه بحديدة و مات بكسر في قاع الجمجمة عشان مرافقين المريض غضبانين! و بشهادة الاطباء موضوع انك تتشتم في الاستقبال دة حاجة طبيعية الدكاترة ولاد */#$%# اللي هنا .. عادي جدا. و ده سببه الاعلام اللي بيصور الطبيب انه جشع و مهمل . ربنا يكون في عوننا بجد و ربنا يكون في عون المريض الغلبان .
لما تروح الكلية هتلاقي "منهم" عدد كبير بيفكر يعمل معادلة امريكية عشان يسافر امريكا .. اولها اساعد الفقرا و اخرها اروح امريكا عشان احترام ادميتي و ادمية المرضى ..و هتلاقي كتير بيتعلم الماني عشان يسافر المانيا بعد الكلية .. و هتلاقي ناس قاعدة بتذاكر اوي و تحقد على بعضها عشان يتعينوا في الجامعة و يكتبوا ع العيادة استاذ فلان ..و اللي طالع دلوقتي ان دكاترة الجامعة بيسيبوها و يسافروا عشان يتعلموا احسن!..و ناس هتخلص و تروح تجيب فلوس من الخليج يعيش و يا عالم يرجع مصر ولا يفضل هناك طول عمره .. محدش يسمع عنه حتي في طبق اليوم .. صفوة عقولنا :)
قلتلي انت داخل طب ليه ؟؟؟!!!
انا خلصت كلامي .. انا عملت مقدمة طويلة في الاول عشان اللحظة دي .. لو سمحت انت قريت الكلام عجبك و بدات تفكر في نفسك بعيدا عن اي مؤثر خارجي تمام .. الكلام مش عاجبك عادي طبعا و انا مسلم بكدة من الاول لكن بالله عليك بلاش تقولي كلام يخليني قاعد اقول في نفسي "بتوع ثانوي دول عيال و انا غلطان اني تعبت نفسي معاهم " لاني مجرب قبل كدة .. انا عندي حجات اهم افكر فيها ..انا مرحب بأي كلام و اي نقاش من اي حد .. لكن بعتذر لو مرديتش على كل الكلام انا هختار الكلام اللي ارد عليه . و انا مش عايز ردود قد ما انا عايز ناس تبعتلي ع الخاص انها بدات تفكر بجد و تاخد قرارها على علم و بينة سواء ناحية طب او في اي اتجاه .
ENJOY YOUR HOLIDAY :rolleyes:
بداية الكلام
انا موضوعي دة موضوع مختلف .. يعني مش ماشي مع اتجاه القسم نوع من السباحة عكس التيار .. بالتالي فالموضوع دة مش لكل الناس دة لناس معينة اللي هيتقبلوه .. موضوعي لولاد و بنات برنسات ليهم دماغ مستقلة و مازالوا محتفظين بقدرتهم على التفكير..موضوعي للموهوبين .. نفس فكرة السياسة في الوقت الحالي لو انت مع اتجاه هتبقى من جواك مستغرب جدا اللي على الناحية التانية ازاي شايف اللي انا بقوله ده غلط انت هتفكر كدة و انت بتقرا و انا بفكر كدة و انا بتخيلك و انت بتقرا و معترض .. بالتالي لو انت مش ناقص و شايف ان الكلام في مبدأ الطب دة مفيهوش تفاهم و ان دة الاساس و عايز تسمع كلام في صميم الدراسة بعيدا عن مرحلة الاختيار او كلمتين حلوين عن طب يطمنوك عن اختيارك اللي انت خدته او حد خدهولك ايا كان .. اقفل الموضوع ببساطة و خلاص هو في الاول و في الاخر رأي لا ادعي انه الصح المطلق و معنديش مشكلة ان المجموعة الصغيرة اللي في الكلية اللي لسة بتدخل ع المنتدى يكون عندهم رأي مخالف .. ممكن ميفهمش قصدي الا اتنين او تلاتة .. كدة يبقى خير و بركة و نعمة من ربنا .. لو قررت تقرا الموضوع للاخر اقراه عادي اعتقد مش هيبقى اول حاجة تقراها من النوع ده بس خلي بالك ان النية و انا بكتب لله و لينا و لخيرنا كلنا .و لانقاذ جواهر بيننا. و اعرف تماما ان دخولك طب او عدمه مش هيفرق معانا و هتفهم كدة و انت بتقرا الموضوع .. فخلي بالك ان انت قريت الموضوع بطريقة عشوائية انا معرفش مين هيقراه و لا فين في القاهرة في اسيوط في اسكندرية في السعودية و نازل مصر قريب .. معرفش انت قررت تقرا فمتنزلش للتعليقات و تقول كلام ممكن كمان شهرين بالظبط تحس انه كلام عيال و عايز تمسحه و مكسوف منه ..
نبدأ : اولا انت كتبت طب في التنسيق ليه ؟ بجد اسال نفسك بص للسقف كدة و فكر ..
عشان تعمل لنفسك اعتبار و تبقى دكتور فلان ؟ عشان في يوم ما تبقى غني ؟ عشان تبقى زي الدكتور اللي والدتك او اي حد قريبك بيروحله و بياخد 200 و 300 كشف ؟ و اياك تنكر ان حاجة زي دي جت على بالك .. اياك .. اياك .. عشان مفيش عروسة ترفضك ؟ طب نوع من رد الاعتبار لنفسك و عيلتك قدام حد ما ؟؟ عشان تبقى كويس قدام حد انت عايز ترتبط بيه ؟؟ الله اعلم فكر في النقط دي بهدوء و اتاكد .. كلامي للاتنين تلاتة اللى انا بكلمهم
طب انت بتحب طب اوي و نفسك فيه من و انت صغير خالص خالص.. طيب هل انت تعرفه ؟ :) شفته فين قبل كدة ؟ قابلته اتعاملت معاه ؟؟ مش كمريض كطالب و طبيب ؟ اعتقد لا .. بس اديتله حب و تعلق بدون معرفة .. يعني انا لو قلتلك في فلانة مثلا "مرجانة " مرجانة دي كل الناس بيقولوا عليها ادب و اخلاق و جمال و و و .المشكلة ان الناس اللي بيقولوا عليها كدة برضه ميعرفوهاش بس سمعوا عنها. دة كفاية انك "تكتب عليها" حالا ؟؟
اسال نفسك ليه ناس كتير في طب و حتى طلاب اولى السنة اللي فاتت هتلاقيهم بيقولوا طب طلع عكس ما كنا متوقعين .. و الناس الكبيرة بيقولوا شوف كذا و كذا بلاش طب .. طب الناس دي بتقول كدة ليه ؟ غيرانين منك ؟ متآمرين عليك ؟ .. و هم في طب و ماشيين و هيتخرجوا او اتخرجوا و بقوا "دكاترة" ..لا بس تقريبا اتجوزوا مرجانة على كلام الناس.
انا عايزك تفكر خارج الصندوق .. خليك برنس . فكر في نفسك الانسان اللي جواك دة انت مش رقم هتزود دكاترة عيلتك واحد او دكاترة مصر واحد انت انسان ليك قلب و مواهب و رغبة و ميل ... لقيته ؟ متعرفوش ؟ طب حاول تدور .. ملقيتوش ؟
كدة اسال نفسك هل انا واخد طب Backup ؟ خليك صريح مع نفسك
طب الحل .. انت شوف انت ايه ؟ ابدعت في ايه قبل كدة و لو كملت فيه هتبقى صاروخ محدش يقدر يوقفه .. اعتقد صاروخ في مجال ما احسن من عربية تمارس الطب كدة و خلاص .. احنا محتاجين صواريخ .. احنا اولى بابداعك من غياهب الظلمات . و الغيب و لو كنت كان .. انقل اسطورتك للواقع ..
طب مفيش و انا مش متميز في حاجة اوي بس نفسي في طب – و ده حال كثير من طلبة طب و الاطباء – يبقى اولا خلي النية صافية و لله بجد اشتغل على قلبك خرج الدنيا منه خليها لله و هي مهمة صعبة و ربنا يعينك .. ده محور كلامنا في حاجة انت ميالها ولا لا..
طب محتار و عايز تعرف طب او تختاره و انت عارفه .. طب خلي حد من زمايلك اللي في طب يمسك كتابه و يشرحلك منه شوية من كل ماده شوف مش هتقدر تستحمل ولا لا .. لا شوف انت شغوف بده ولا لا وقاعد متوتر و محتار . هههههههه انا فاكر في اول سكاشن اناتومي في الكلية كنت بسال نفسي ديما . هو انا مطالب بكل الكلام ده ؟ ازاي؟؟ و الاجابة كانت بالنعم .. و عادي و عدت و جبت امتياز في الاناتومي .
طب تعال ننقل لموضوع تاني .. احنا بندخل الكلية ليه اصلا ؟ انت متخيل ان انت لسة 18 سنة .. ان شاء الله نتمنى تعيش اضعاف عمرك بصحة و عافية .. بس طول الفترة دي انت هتفضل مكلف بفريضة الوقت اللي احنا فيه و هي خدمة الاسلام .. غير كدة دي حياتك برضه هل انت عايز تكملها كطبيب ولا في حاجة تانية اكتر متعة ليك .. المشكلة ان احنا في مأزق اجتماعي رهيب و عنصرية و طبقية احنا اللي عملناهم احنا ربطنا الكليات بالتفوق .. بالتالي بقى كل طلاب كذا حلوين و كل طلاب كذا وحشين .. تخيل لو حقوق – مثلا – بيقعد فيها مجموع 99 مع 85 كله ليه هدف معين عمرك ما كنت هتقدر تبص لكلية انها قمة و تانية انها لا .. احنا بقى مستقبلنا مادة للتشاوف و الفشخرة في العصر المادي اللي احنا عايشينه .. اهم حاجة الناس تعظمني و اضمن رزقي .. سبحان الله .. ربنا هو الرزاق .. و المتفوق اينما كان هو القمة و ليس بكليته "القمة " .
بص لو جيت تبص للمقاومة الفلسطينية هتلاقي منهم كتير اطباء مثال "الرنتيسي" رحمه الله اللي قاد حماس بعد الشيخ احمد ياسين و اغتيل رحمهما الله – خريج طب الاسكندرية بالمناسبة - . اللي عايز اقوله ان حماس لما يكون فيها قادة اطباء و السياسة و القراءة في موضوعهم حاجة جانبية بتخليهم مش مهرة سياسيا .. زي ما يكونوا بدل ما هم علماء طب يبقوا علماء سياسة و علم اجتماع و قيادة . ساعتها كانوا هيكونوا عايشين في شغفهم و مؤهلاتهم بتدعمهم و.. دي الفكرة و الله اعلم
" انما تحتاج هذه القضية الى اناس يضحون بامكانياتهم و مستقبلهم في سبيل خدمة الانسانية و اداء رسالتهم المقدسة و يعرضون نفوسهم و معايشهم و حظوظهم من الدنيا للخطر و الضيياع و تجارتهم و حرفهم و مكاسبهم للتلف و الكساد .. يخيبون امال ابائهم و اصدقائهم فيهم حتى يقولوا للواحد منهم كما قال قوم صالح " قالوا يا صالح قد كنت فينا مرجوا قبل هذا" " اقتباس من كتاب
احنا مش محتاجين كل العقول النضيفة دي كلها تبقى اطباء .. دي افة العالم العربي للاسف .. احنا عندنا اطباء كتير .. بس محتاجين ساسة مخلصين بدل ما كله بيفتي و خلاص, منظرين يرسموا الطريق اللي يتماشى مع متطلبات العصر , مؤرخين يكتبوا تاريخنا بدل ما اعداءنا هم اللي بيكتبوه ,علماء في العلوم و التكنولوجيا اللي هي سبب كبوتنا و انحدارنا و ذلنا على يد الغرب ,اجتماعيين ,ادباء يعيدوا للادب العربي رونقه و لك في كتاب "حكايات سيكوباتية " و الروايات اللي بتنزل اليومين دول خير مثال .
في واحد زميلكم من اوائل الجمهورية اللي هو جتله علوم القاهرة و مقدم في جامعة زويل بصراحة انا قلبي كان بيرقص من الفرحة ان في حد برنس بالشكل ده .. و كنت مبسوط جدا من كلامه و دماغه و انا بقلب في صفحته على الفيس ..
طب تعال نتكلم في اخر فكرة انا عايز اتكلم فيها و هي بتوع طب شايفين الدنيا ازاي .. هاخدك كام سنة لقدام لما تبقى طالب طب مخضرم .. اولا بالنسبة لمصر فالحال في المستشفيات يرثى له و في تعليم الطبيب تعليم يرثى له .. ادخل بس على صفحة عشان لو جه ميتفاجئش هتشوف حجات مش غريبة .. معظمنا عاوز يهرب و يسافر برة مصر – اللي كنا من كام سنة عايزين نعالج الفقرا ببلاش – عشان منبقاش مشاركين في لمنظومة اللي بتعذب المريض و بتهين ادميته بالطريقة دي . و بتهين الطبيب برضه شوف كام خبر انت قريته عن دكتور استقبال اتضرب بمطواه و لا اتضرب على دماغه بحديدة و مات بكسر في قاع الجمجمة عشان مرافقين المريض غضبانين! و بشهادة الاطباء موضوع انك تتشتم في الاستقبال دة حاجة طبيعية الدكاترة ولاد */#$%# اللي هنا .. عادي جدا. و ده سببه الاعلام اللي بيصور الطبيب انه جشع و مهمل . ربنا يكون في عوننا بجد و ربنا يكون في عون المريض الغلبان .
لما تروح الكلية هتلاقي "منهم" عدد كبير بيفكر يعمل معادلة امريكية عشان يسافر امريكا .. اولها اساعد الفقرا و اخرها اروح امريكا عشان احترام ادميتي و ادمية المرضى ..و هتلاقي كتير بيتعلم الماني عشان يسافر المانيا بعد الكلية .. و هتلاقي ناس قاعدة بتذاكر اوي و تحقد على بعضها عشان يتعينوا في الجامعة و يكتبوا ع العيادة استاذ فلان ..و اللي طالع دلوقتي ان دكاترة الجامعة بيسيبوها و يسافروا عشان يتعلموا احسن!..و ناس هتخلص و تروح تجيب فلوس من الخليج يعيش و يا عالم يرجع مصر ولا يفضل هناك طول عمره .. محدش يسمع عنه حتي في طبق اليوم .. صفوة عقولنا :)
قلتلي انت داخل طب ليه ؟؟؟!!!
انا خلصت كلامي .. انا عملت مقدمة طويلة في الاول عشان اللحظة دي .. لو سمحت انت قريت الكلام عجبك و بدات تفكر في نفسك بعيدا عن اي مؤثر خارجي تمام .. الكلام مش عاجبك عادي طبعا و انا مسلم بكدة من الاول لكن بالله عليك بلاش تقولي كلام يخليني قاعد اقول في نفسي "بتوع ثانوي دول عيال و انا غلطان اني تعبت نفسي معاهم " لاني مجرب قبل كدة .. انا عندي حجات اهم افكر فيها ..انا مرحب بأي كلام و اي نقاش من اي حد .. لكن بعتذر لو مرديتش على كل الكلام انا هختار الكلام اللي ارد عليه . و انا مش عايز ردود قد ما انا عايز ناس تبعتلي ع الخاص انها بدات تفكر بجد و تاخد قرارها على علم و بينة سواء ناحية طب او في اي اتجاه .
ENJOY YOUR HOLIDAY :rolleyes: