ايه الفرق بين كلية علةم صحية تطبيقية اللى تم فتحها السنة اللى فاتت وبين كلية علوم وايه الافضل فيهم

#منقوووووووووووول

العلوم الصحية التطبيقية أو العلوم الطبية التطبيقية ، الكلية دي أول مرة تفتح حكومي ف مصر كانت السنة اللي فاتت (الدفعة اللي فيها دلوقتي داخلة تانية) وفتحت ف جامعة بني سويف بس مدخلتش التنسيق عشان ملحقتهوش وكان التنسيق بتاعها داخلي ، الكلية السنة اللي فاتت علي حسب التقديمات خدت 95% لعلمي علوم و 85% لعلمي رياضة ، السنة دي ان شاء الله هتدخل التنسيق و تنسيقها احتمال كبير ميقلش عن السنة اللي فاتت أو يزيد حاجة بسيطة.

الكلية بتدرس فيها اربع سنين + سنة امتياز ، أول سنة بتبقي general و السنة التانية بتبقي تخصص ... الكلية فيها كذا قسم (تخدير ، تحاليل ، أشعة ، تغذية ، إدارة طبية أو إحصا) دي الأقسام المتاحة دلوقتي و في اقسام تانية هتفتح ان شاء الله خلال السنين الجية.

المسمي الوظيفي بعد التخرج هيبقي ان شاء الله "أخصائي" ، بعد سنة الامتياز ان شاء الله هيبقي في تكليف.

الكلية فتحت في المنوفية السنة دي و تقريبا هتفتح ف اكتر من جامعة بس انا معنديش معلومة اكيدة علي الكلام ده ... عامة الكلية كويسة ومستقبلها كويس و مجموعها كويس ، كتير بيبقي جايب من 94% ل 96% اللي هو من الاخر مجموع يحير ممكن يبقي ليه نصيب ف الكلية دي ، انا واحد من الناس كنت جايب 95% كنت متسوح بس قدري ونصيبي اني ابقي من أول دفعة ف الكلية دي.