بشرى لكل معلمين مصـر

فى اجتماع الكونفرانس أكد المسئول أن نسبة النجاح فى امتحان الكادر سوف لا تقل عن 95 %

وذلك لحفظ ماء وجه الوزارة أمام الرأى العام والمحلى والدولى . وحفظ مكانة المدرس المتعاقد فى البلاد العربية .

أفلح إن صدق
مشكور على النقل

وهذا رايى من زمان

يا عم الكلام دا مش ممكن يكون معقول
لان من مصدر دار غرف الطبيخ الوزارى ان اكادر معمول اساسا علشان فلوس
الكادر ننقص منها وان نسبه النجاح لن تتعدى ال 30 %
والايام هتثبت
يارب اكون غلطان

هو احنا
خايفين من الامتحان ولا ايه علشان الوزير ولا مستشاره يقولوا كده المسألة مسالة مبدا
وبعدين ما مصير الذين ينتظروا الدرجة المالية خلال ايام انا مش فاهم كلام الوزير حد يكون فاهم يرد

بالنسبه لتعديل الدرجة بيتم حاليا فى الادارات

لا تعديل فى الإدارات

ربنا يستر ويعدى الكادر ده على خير علشان نخلص

بالنسب للدرجة المالية : فى اجتماع الفيديو كونفرنس 19/8/2008 أكد الدكتور المحاضر على أن الوزير قال : كل المعلمون يدخلون الامتحان ثم لو الدرجة وصلت المدارس قبل تاريخ السكين بعد النجاح غن شاء الله سيتم تعديل الدرجة ومن ثم يتم تغيير لمسمى الوظيفى تلقائياً ، أما إذا وصلت الدرجة بعد تاريخ التسكين فلا حاجة لها ولم تؤثر أو تغير المسمى ...

ربنا معانا جميعا

وهذا رايى من زمان حفاظا على كرسى الوزارة وحتى يهرب الوزير من الفخ الذى أوقعع نفه فيه دون أن يدرى وعليه ألا يسمع كلام مستشاريه مرة أخرى

شكرا للاستاز كدة طمنتى على النتيجة وفى انتظار التنسيق مثل ماهو فى الثانوية العامة

أفلح إن صدق

دا كلام يا عبد المعطي؟يبقى بيضحك علينا وعلى نفسه ؟؟أمال ازاي التصحيح بالكمبيوتر وورق اسكنر..ونتوقع النتيجة95% دا كلام فاضي وحتى لو طلعت كده معنى ذلك إن الوزارة معترفه بإن 5% من مدرسينها غير صالحين ..يعني اكتر من خمسين ألف معلم فاشلين قولهم داروا خيبتكم واسكتوا أحسن

بشرك الله بكل خير
على الرغم من إن أي مسئول يوم ما بيؤكد على شيء بيحصل...............
ربنا يعديها على خير
جزاك الله خيرا

المهم هو تحديد الحد الأدنى لدرجة الامتحان قبل الإمتحان وليس بعده

يا جماعة احنا مش صغيرين يضحك علينا النتيجة على قد الفلوس الموجودة لو حتى 30 % هيعلنوها 90 % وابقى تعالى عد وراهم تاني المسألة مسألة مبلغ هيتوزع على نسبة معينة

نسبة النجاح علة قد الفلوس التي لن تكفي اكثر من 30 % وبالنسبة للفضايح هيعلنها 95 % وابقى عد وراه كفاية كدب حرام عليكم اللعب باعصاب المعلمين اكثر من ذلك

نسبة النجاح علة قد الفلوس التي لن تكفي اكثر من 30 % وبالنسبة للفضايح هيعلنها 95 % وابقى عد وراه كفاية كدب حرام عليكم اللعب باعصاب المعلمين اكثر من ذلك

والله معاك حق فى اللى بتقوله هم يعنى لما ح يقولوا النتيجه 99% المهم يكون فيه حد ساقط علشان الكل يفتكر إنه من ضمن ال1% الساقطين هو إنتم عارفين كل المدرسين اللى فى مصر وياترى ح تعرفوا قد ايه نجحوا وقد ايه سقطوا ح يعملوا اللى هم عايزينه وبرضه يقولوا للرأى العام ان النتيجه 99% لنا الله وحسبى الله ونعم الوكيل

الوزير بنفسه قال إن نسبة النجاح منظر تكون ما بين 60 إلى 70 في المائة فهذا الكلام 95 في المائة غير صحيح والله أعلم هذا مجرد تخدير لأعصاب المعلمين مثل الكذب بأن امتحان الثانوية سوف يكون سهلا ثم يأتي صعبا جدا وإذا كان عجبكوا

النجاح فى الكادر لبس صعب ولكن المشكلة فى التسكين

نسبة النجاح علة قد الفلوس التي لن تكفي اكثر من 30 % وبالنسبة للفضايح هيعلنها 95 % وابقى عد وراه كفاية كدب حرام عليكم اللعب باعصاب المعلمين اكثر من ذلك

طبعا الكلام دا صحيح ميه ميه
زى النكده ان امريكا كانت محتاره فى الانتخابات بتاعتها فاستعانو بخبرا فى الانتخابات من مصر وعملوا انتخابات رئاسه ونجح الرئيس مبارك بنسبه 99.9 %

انا اعتقد ان النتيجة على كد الفلوس

بكرة الأيام هتثبت
وافلح ان صدق
ولو انه كلام يدينهم قبل ما يبشرنا
التصحيح الألكترونى هيتلعب فيه ولا الأمتحان هيكون فوضى يا ترى
ولا هى مجرد دعايه وضحك على الناس
كله عبط وهبل واحنا اكيد واخدين بالنا
الميزانية معموله وانتهى الموضوع
وقف للمعلم اوعوا تنسونى
حسبنا الله ونعم الوكيل

ات غداً لنلظريه قريب

قرار وزارة التربية والتعليم


نهيــب بالمديريــات ا و الادارات التعليميــة سرعة الانتهاء من تسجيل الدرجات المــاليــة الجديدة لسنة 2008 على قاعدة البيانات المركزية من خلال استمارة المدرسة- الموظف على شبكة الانترنــت و ذلك بعد صدور قرار لجان شئون العاملين بالترقية مباشرةً
و تم ارسل فاكس لكل المديريات والتعليمية بذلك

كلة كلام وخلاص

ارجو من الاخوة الافاضل ان يتذكروا دائماً انهم اساتذة وعليهم احترام هذه الاستاذية جيداً .الاخطاء اللغوية الملاحظة فى تعليقاتكم بالغة الفداحة واحنا مش ناقصين شماتة . الزميل الفاضل مش عارف الفرق بين حرفى الزين والذال وكتب الاستاذ ... الاستاز .. وهذا عيب مشين ربما يتم قبول الاخطاء النحوية نظراً لصعوبتها انما الاخطاء الاملائية .. ... النتيجة لن تقل عن 95% لعدة اسباب ان هناك عدد كبير من الزملاء بعد حصولهم على ارقام الجلوس منهم من اضرب عن اداء الامتحان داخل اللجان ومنهم من انقطع عن الذهاب اصلاً ولم يذهب الى اللجنة هذا بالاضافة الى باقى الزملاء الذين اعتذروا خوفاً من تسكينهم على الدرجة الحالية لهم فى حين انه بعد ايام قلائل سوف تتم ترقيتهم على الدرجة الاعلى وبالتالى تسكينهم على الدرجة السابقة لمدة خمس سنوات . بالاضافة الى ذلك لابد من حفظ ماء وجه المدرس المصرى المشهود له بالكفاءة فى الدول العربية . والسؤال الم يكن اجدر بهذه الملايين التى تم انفاقها على هذه ((المكدرة)) وبالطبع تم التحايل على اضعافها لتدخل جيوب البهوات السحرية بانفاقها على تدريب اعضاء هيئة التدريس على اى شئ الباشا الوزير عاوز يطبقه وكافة الافكار النيرة للسادة المستشارين . على اعتبار ان احنا مليناش اى رأى فى هذا الموضوع . احنا بس نطيع اوامر اسيادنا وبس . وكل كادر وانتم طيبين