بنـــسمع كتير فى الثانويه العـامه عن سوء الأحوال النفسيه لطلاب كتــيره ... طيب .. ده عااادى
انمـا فى ناس كتيره كمان الحـاله النفسيه بيبقى لامرسى لهـا ...!!!
والى بيغمـى عليهم فى ألامتحــان ....
والأسوء بقى ... ان فى نـاس بتفكر فى الأنتحار ... وفى ناس بالفـعل بتنـتحر ....
الى عايز أقوله ببسـاطه ...
ان مش الثـانويه العامه الى هـتحييك او تــموتك ...
الثانويه العامه مجرد فرصــه من ضمن فرص كتيييره هتجـيلك فى حيـاتك ....
من نهـايه العـالم والله ياجمـاعه ....!!!
بس الى فعلاً حط الضـغط ده ع الولاد همـا الأهـالى ....
وكمان فى أهالى بتحط الضغط ده مش من جانب مصلحه ابنهم او كده ...
لا عشان يبقى جاب أكتر من ابن عمه .. او بنت خالتهـا !!
انا بتكلم كده من واقع ناس قدامى مش كليـات قمه ... بس قدروا يستغلوا موهبتهم
او الحاجه الى شايفين فيها نفسهم كويسين ... وبيجيبوا احسن من الى بيجيبوا كليات القمه
هى الفكره كلهااا .. ان مش معنى دخلت طب او هندسه يبقى اتحطت المعلقه الدهب فى بقك
ومش معنى انك دخلت كليه تانيه غير قمه .. ان أتحكم عليك بالفشـل
ولا الأولانيه صح .. ولا التانيه صح ...!!
الفكره كلها ان فرص الأولانيه اكبر من فرص التانيه ..
بس التانيه بمجهوده وموهبته يقدر يعدى ويعدى الاولانيه بكتيير ..!!
الخلاصه .. عود نفسك انك بعد كده مستقبلاً ان شاء الله لو كان فى ثانويه عامه ايـاك تضغط ولادك وأياك تحسسهم ان دى نهايه العالم وان لو مدخلوش كليه حلوه يبقى انتهوا وتحسسهم انهم خذلوك
لانى زى ما قولتلك الحياه مليانه فرص
ع فكره انا واحد عمر ما اهلى ضغطوا عليـا .. بالعكس خالص .. والحمدلله جبت الكليه الى انا عاوزها بسهوله جداا
... معلش طولت كتييير اووى

طلب أخير بعد أذنكوا طبعـا .. دى قناتى ع اليوتيوب ... وبنزل عليها معلومات وكده ..
ممكن تدعمونى بالأشتراك .. بعد أذنكوا طبعا

https://www.youtube.com/channel/UCDfmHOuytqxpHis5xcjJDlg

لو سمحت يا باشمهندس كنت عاوزة استفسر عن حاجة من حضرتك
أنا دلوقتى كنت جايبة درجات تقريبا نهائية الا كسر بسيط فى الرياضة والنهائية فى الميكانيكا تانية ثانوى وبحب الرياضة بس مش عارفة كله بيقولى علوم أضمن والكلام ده وأنا مش حاسة ان علمى علوم فى إبداع وتفكير وكده
ومن شهر كده قريت عن البرمجة ولغات البرمجة وعجبتنى فكرتها اوى ^_^ رغم انى معرفش عنها حاجة غير اساميها وبس زى لغة السى بلس وال html وقريت عن وظائف software developer وحبيت الموضوع ودخل دماغى ... بس مشكلتى انى مش عاوزة اتهور فى القرار واكون دخلت حاجة وانا مش عارفة ايه اللى هقابله ..
خصوصا ان فى اوقات كنت بقول عاوزة طب وشوية اسنان وبعدين عجبتنى حكاية البروجرامينج والهندسة بردو قريت عنها وعجبنى شغلها ..
تنصحنى بإيه أنا حيرانة أوى بين علمى رياضة ولا علوم وانا حاليا مسجلة علمى علوم فى المدرسة
وياريت تقولى نصيحة بردو لمذاكرة الرياضة وكده :D
وكمان ماما بتقوللى انتى حاطة فى دماغك برمجة يعنى حاسبات ومعلومات يعنى انتى مش ناوية تذاكرى!!! رغم انى بفضل الله كل سنة الاولى على مدرستى لكن هى اتقلبت السنادى وتقعد تقوللى انتى انسانة مترددة وجاية تغيرى القسم فى اخر اسبوع ؟ :(
وعاوزة اعرف كمان لو فى قسم فى هندسة بتاخد دبلومة مثلا وتبقى مبرمج ؟؟
عشان هى مقتنعة انى قلت برمجة يبقى انا مش هذاكر وعاوزة أأنتخ مثلا ...
ومعلش طلب أخير لو حضرتك تعرف فى أى إمكانية ان حد يدخل اى كلية ليها علاقة بالبرمجة من علمى علوم ولا مينفعش ؟
وآسفة على الإطالة

انا شايف ان المبرمج ده من اكتر الوظايف الى مضمونه والى لو عندك موهبه بجد هتـعدى جامد .. لان مجالتها واسعه جدا .. ومطلوبه ف كل مـكان ...
بالنسبالى شايف ان فرص عملهـا اقوى بكتييييييييييير من علوم .... دى النقطه الأولى
النقطه التانيه .. كليه حاسبات ومعلومات صعبه ولو انت كاره لغات البرمجه عمرك ماتقدر تمشى فيها الكليه كلها عباره عن اكواد والكليه كلها عاوزه مزاكره .. لانك لو كنت مش فاهم وبقيت عاادى هتتركن جنب اخواتك ..
بخصوص كليه الهندسه ففيها قسم حاسبات وده من اجمل الاقسـام بس فكرته انه بيدرس الهارد ويير ومكوناته اكتر مع دراسه قليله للسوفت ويير ... ده عكس حاسبات ومعلومات طبـعا .. الاتنين حلووين وبيكملوا بعض ومطلوبين ف كل مكان
مهندس الحاسبات .. المبرمج .. مطلوب ف كـل مكان ... وانا شايف انها احسن من علوم بكتيير
بس علوم اريح حبتين تلاته ف الدراسه وكمان ف الشغل
المبرمج حياته كلها عباره عن كتابه اكواد
انا مشتغرب ازاى البرمجه انتخه .. دى عقده ناس كتيييييير .. ماعلينا
من قسم حاسبات ف كليه الهندسه بتدرس الهارد ويير مع شويه من السوفتويير .. انت ساعتها ممكن تتعلم السوفتويير الباقيه وتبقى برنس جمعت بين الهارد ويير والسووت ويير ..
ع عكس انك متقدرش ف الحاسبات تدرس الهارد ويير
ولغات البرمجه ممكن تتعلمها مع نفسك ع فكره
وموجده ع النت ...وقسم حاسبات مناسب للبنات جدااا
عندنا ف هندسه اغلب البنات حاسبات واتصلات وعماره
بس عاوزه الصراحه من الاخر
لغات البرمجه وكليه حاسبات او كليه هندسه مشوار طووويل ومليان بالكورسات
هو ممتع بس طوويل
لو عاوزه ترتاحى فعلوم افضل بكتيير
بالنسبه لكليات خاصه بالسوفتويير من علمى علوم .. معنديش اى فكره .. ف افتكر كان ف حاجه اسمها علوم كمبيوتر
ممكن تدور عليها ع جوجل عشان انا معنديش اى فكره عنها =d

بس البرمجه ممتعه جدااا ... وشغلها ف كل مكااان وبرواتب عاليه