السبق الصحفى ( اجتماع 20 اغسطس 2008 ) [الأرشيف] - بوابة الثانوية العامة المصرية

the black rose

20-08-2008, 04:37 PM

السلام عليكم و رحمة الله و بركاته
الان انقل لكم اخبار الاجتماع
ذهبت صباحا مع امى الى مقر المقابلة عند رمسيس امام مسجد الفتح
و صلت فى تمام الساعة ال10
و لم اجد احد :D
انتظرنا هناك حتى ما يقارب 11
و اتصلت باستاذ عصام بتاع تلات اربع مرات
و فى الاخر شوفت اسلام ( اخيرا ) و طبعا عرفته من الصور بتاعته ( اللى كانت فى الاجتماع السابق )
و كان معاه الاستاذ حسام ( فارس النت )
و شوية و جه الاستاذ اشرف ( عبقرينومان ) و اتنين معرفهمش بس هما مدرسين
و كمان شوية جه الاستاذ عصام ( صوت الحق ) و معاه الاستاذة رانيا
و كلمنا هدير ( فتاة الاسلام ) و جهاد ( الرهينة )
و طلع عينا عشان نعرف نلاقيهم :p
طبعا اسلام زى عادته ناااااقد انتقضنى شوية ما علينا ( فوتوا الحتة دى ) :p:p
و هدير و جهاد كانوا مكسوفين جدا و مش عايزين حد يعرف عضويتهم ( فضحتهم ) :D
ميس رانيا بقى انسانة بجد محترمة جدا و لها الشكر و التقدير و حبتها جدااااااا
و جه الاستاذ محمد سرور راجل محترم جدا
روحنا ركبنا المترو عشان ننزل الدقى ( استاذ عصام حاسبلنا ) كتر خيره
انسان جميل جدا و من احسن الشخصيات اللى ممكن تقابلها فى حياتك
المهم ركبنا المترو و نزلنا الدقى
كان فى المقدمة اسلام و استاذ عصام و استاذ حسام و استاذ اشرف و استاذ محمد سرور و اتنين تانى و الله مش فاكراهم
بعديهم ماما و الاستاذة رانيا
فى الاخر بقى انا و جهاد و هدير
انا و هدير خبطت كل واحدة عربية بس البت جهاد ناصحة كانت ماشية فى النص
شويه كدة و رجع بعدينا اسلام مع استاذ حسام و الاخ اسلام طمع فى الكنز اللى كان معانا ( انا فضيحة ) :p:p:p
المهم و اخيرا وصلنا لمقر الاجتماع ( مكتبة مبارك العامة )
و قفنا شوية نتشمس و بعدين جابولنا كراسى و بدا الاجتماع
بعد شوية ماما قالت اننا هنروح
طبعا الاستاذ اشرف مش هسيبنا نمشى من غير ما يعزمنا على حاجة فقام يشوف هجيب ايه
قمت بعديها انا و هدير و جهاد نمشى عشان الاخت جهاد تعبت من الاعدة
حضرتها كانت عايزة تعدل الطرحة اعدت بتاع نص ساعة تعديلها ( انا اتشليت ):eek:
و ميس رانيا ترن علينا و لا هى هنا
و اخيرنا اجبرناها عشان نرجع الاجتماع
الاستاذ اشرف كان جابلنا بيبسى و بسكويت ( فيه الخير ) :)
شربنا و كلنا و ماما قالت احنا تاخرنا يلا نمشى
مشيت مع ماما و جيت دلوقتى اهوه
لسة الاجتماع مخلصش
انا هستنى اسلام يجي يكمل
و لو كان فيه صور ينزلهالكوا :rolleyes:

اسفة عالاطالة

الاستاذ محمد سرور

20-08-2008, 04:58 PM

فى جزء مفقود يا شرين

الاستاذ عصام خالنا نمشى ثلث ساعة فى عز الشمس من محطة المترو لحد مكان الاجتماع

كانت حاجة تقطع الجزم :D:D:D:D:D:D

والمدرسين اللى كانوا معانا

الاستاذ سيد عثمان موجه عام الكيمياء .....ذو الشعر الابيض المنقط اسود ;);)
الاستاذ محمد الوردانى مشرف الجيولوجيا ...........ذو الشعر الاسود والهيبة :mad::mad:
الاستاذ محمد رضوان مشرف قسم علم النفس والفلسفة .....شخصية جميله جدا :D:D

وفى مفاجأة للجميع
صورة فارس النت اللى على الموقع ليس لها علاقه به خالص :p:p:pوحتشوفوا صور الاجتماع واحد تانى خالص

ملحوظة يا شرين :
انتقضنى .......تكتب بالدال ........(انتقدنى )
واحسرتاه على اللغة

msamido

20-08-2008, 04:59 PM

كان نفسى ابقى موجود بس انا دلوقتى اصلا فى الشغل واى مواعيد نهارى غير يوم الجمعه او السبت مش هينفع احضرها للاسف

Sherif Elkhodary

20-08-2008, 05:01 PM

يا بختك يا شيرين

بحسدك علشان روحتي

المهم قوليلي الاجتماع كان حلو

هههههههههههه

تعبتوا يا مستر محمد اكيد

و شفتي استاذ سيد و استاذ محمد و بقية المدرسين

يا بختك يا شيرين

ياريتني كنت معاكوا بس كان مينفعشي خالص

يالا في الاجتماع اللي جاي ان شاء الله

the black rose

20-08-2008, 05:14 PM

فى جزء مفقود يا شرين

الاستاذ عصام خالنا نمشى ثلث ساعة فى عز الشمس من محطة المترو لحد مكان الاجتماع
ما انا قولت ان فى عربيات خبطيتنا انا و هدير و بعدين دول اكتر من تلت ساعة
كانت حاجة تقطع الجزم :D:D:D:D:D:D

والمدرسين اللى كانوا معانا
[
الاستاذ سيد عثمان موجه عام الكيمياء .....ذو الشعر الابيض المنقط اسود ;);)
الاستاذ محمد الوردانى مشرف الجيولوجيا ...........ذو الشعر الاسود والهيبة :mad::mad:
الاستاذ محمد رضوان مشرف قسم علم النفس والفلسفة .....شخصية جميله جدا :D:D

شكرا للايضاح
وفى مفاجأة للجميع
صورة فارس النت اللى على الموقع ليس لها علاقه به خالص :p:p:pوحتشوفوا صور الاجتماع واحد تانى خالص
فعلا يا مسير

يلا الحمدلله اننا رجعنا

Sherif Elkhodary

20-08-2008, 05:17 PM

يعني هو في الاصل احلي و لا ايه

the black rose

20-08-2008, 05:18 PM

كان نفسى ابقى موجود بس انا دلوقتى اصلا فى الشغل واى مواعيد نهارى غير يوم الجمعه او السبت مش هينفع احضرها للاسف

يلا خيرها فى غيرها :p

the black rose

20-08-2008, 05:19 PM

the black rose

20-08-2008, 05:23 PM

يعني هو في الاصل احلي و لا ايه

هتشوف بنفسك يا شريف :D

Sherif Elkhodary

20-08-2008, 05:27 PM

المهم يا شيرين طمنيني

في حد كان معاه كاميرا

the black rose

20-08-2008, 05:30 PM

انا مشيت قبليهم
بس استاذ محمد سرور بيقول انكوا هتشوفوا الصور
يعنى اكيد اتصورا
وفى مفاجأة للجميع
صورة فارس النت اللى على الموقع ليس لها علاقه به خالص وحتشوفوا صور الاجتماع واحد تانى خالص

the black rose

20-08-2008, 05:34 PM

ملحوظة يا شرين :
انتقضنى .......تكتب بالدال ........(انتقدنى )
واحسرتاه على اللغة

هههههههههه
غلطة مطبعية

الرهينه

20-08-2008, 05:56 PM

و هدير و جهاد كانوا مكسوفين جدا و مش عايزين حد يعرف عضويتهم ( فضحتهم ) :D

قمت بعديها انا و هدير و جهاد نمشى عشان الاخت جهاد تعبت من الاعدة
حضرتها كانت عايزة تعدل الطرحة اعدت بتاع نص ساعة تعديلها ( انا اتشليت ):eek:

:mad::mad:

انا مش رايحه معاكى فى حته تانى .. انتى فضيحه

بس والله رغم ان اليوم كان حر جدا ومشمس جدا جدا الا ان احسن حاجه اننا اتعرفنا على بعض اعضاء المنتدى

عن جد كلهم شخصيات رائعه وجديره بالاحترام

وخصوصا مستر عصام ومستر اشرف ومستر حسام ومستر محمد سرور ومستر محمد الدرديرى ومستر سيد عثمان ومستر محمد رضوان ومس رانيا وطنط مامة شيرين والبت شيرين لا:p

بس انتى مش جبتى حاجه من اللى اتناقشت ف الاجتماع عمتا هى مش محتاجه شرح كتير هو تقريبا كان الاجتماع كله عن الركن التعليمى:rolleyes: وبالتالى احنا كنا قاعدين ساكتين

ومشينا قبل ما يتكلموا فى باقى الاقسام:(

بس بجد بجد مستر عصام شخصيه اكثر من رائعه انا بعتبره الاب الروحى ليا واعتقد اعضاء المنتدى كلهم بيعتبروه كده

ممممممم مش عارفه نسيت حاجه ولا لا

بس لو افتكرت حاجه هقولها

:)

the black rose

20-08-2008, 06:40 PM

انا مش رايحه معاكى فى حته تانى .. انتى فضيحه

هههه احسن عشان انتى شلتينى

وخصوصا مستر عصام ومستر اشرف ومستر حسام ومستر محمد سرور ومستر محمد الدرديرى ومستر سيد عثمان ومستر محمد رضوان ومس رانيا وطنط مامة شيرين والبت شيرين لا
امال انتى كدة سيبتى مين انتى قولتيهم كلهم

بس انتى مش جبتى حاجه من اللى اتناقشت ف الاجتماع عمتا هى مش محتاجه شرح كتير هو تقريبا كان الاجتماع كله عن الركن التعليمى وبالتالى احنا كنا قاعدين ساكتين
عشان هما اللى لازم يلاحظوا التغير و اكيد هيعرفوا بعدين

بس التفاصيل اللى انا حاكتهما مش بتتعرف

Travel

20-08-2008, 06:52 PM

يلا خيرها فى غيرها :p

انا مش طايقة شكلك يا ندلة
وربنا انتى ندلة اوى

عمالة اقولها
محدش من البنات رايح
طاب انا هروح لوحدى؟
وهى تقولى مش هتروح
مش هتروح
عملتلى زى عقرب الساعة
مش هتروح

النهاردة وانا بكلمها
لاقيتها بتقولى انها بتلبس وخارجة

فين يا شيرى؟

رايحة الاجتماع
!!!!!!!!!
رد فعل اى بنى ادم طبيعى يعمل ايه؟

بجد
انتى ندلة يا شيرين

بس ياللا
انا هحضر بقى باذن الله الاجتماع القادم
فى
(قاعة المؤتمرات)
:D:D
ولا

(جامعة الدول العربية)
:D:D

the black rose

20-08-2008, 06:56 PM

انا مش طايقة شكلك يا ندلة
وربنا انتى ندلة اوى

عمالة اقولها
محدش من البنات رايح
طاب انا هروح لوحدى؟
وهى تقولى مش هتروح
مش هتروح
عملتلى زى عقرب الساعة
مش هتروح

النهاردة وانا بكلمها
لاقيتها بتقولى انها بتلبس وخارجة

فين يا شيرى؟

رايحة الاجتماع
!!!!!!!!!
رد فعل اى بنى ادم طبيعى يعمل ايه؟

بجد
انتى ندلة يا شيرين

بس ياللا
انا هحضر بقى باذن الله الاجتماع القادم
فى
(قاعة المؤتمرات)
:D:D
ولا

(جامعة الدول العربية)
:D:D

اقولها ايه دى بس
انا مقررتش غير امبارح و النت كان فاصل و محدش كان عارف انى رايحة
و كمان مكنتش اعرف ان حد من البنات جاى غير ميس رانيا
غير انى قعدت اتحايل عالاخت عشان تيجى
طب اعمل ايه تانى يعنى

Travel

20-08-2008, 07:30 PM

ما انتى عارفة
انى مش بعرف اركب مواصلات
وحطيتينى قدام الامر الواقع
وانا مش متعودة على كده
اروح اصحى بابا اقوله ايه؟
سلام انا خارجة رايحة مؤتمر الدول العربية
:D:D
ومعرفش انا همشى ازاى اصلا
ولا هعرفكوا ازاى اصلا

كنت هحط(وردة)
ولا اسال زى بتوع الميكروباص
:D:D

ياللا حصل خير
و غيرها فى غيرها

تتعوض باذن الله

ويارب يكون بفايدة
:):)

MohammeD el_SadaT

20-08-2008, 07:57 PM

آه وحسرتاه
والله كان نفسى أجى بس تقولو إيه بقه حكم القوى
غصب عنى
يلا خيرها فى غيرها
وعلى الله بس ميرجعوش بخف حنين كالعاده
لو رجعو بيه
أنا عاوز الفرده اليمين أصلى معايا الشمال من المره اللى فاتت
هههههههههههههههه

تم تثبيت الموضوع
عشان اللى مشفش يشوف واللى مسمعش يسمع
وى إنتظار الحج إسلام
عشان يكلمنا بشىء من التفصيل كمان شويه
عن مضمون الإجتماع

* dr.sara*

20-08-2008, 09:32 PM

يا ريت نعرف وصلتوا لايه فى الاجتماع ونشوف الصور

..Just Stop

20-08-2008, 09:57 PM

يا ريت نعرف وصلتوا لايه فى الاجتماع ونشوف الصور

هو دا الكلام

وصلنا للايه
ياريت ميكونش زى الاجتماع اللى فات

مشفناش حاجة منه خالص

عموما خلينا وراكو اما نشوف

مس رانيا حسن

20-08-2008, 09:59 PM

السلام عليكم ورحمه الله وبركاته
كيف حالكم جميعا
اتمنى ان تكونوا فى احسن حال
فى البدايه احييك شيرين على تعليقك الجميل
فى الحقيقه قد سعدت جدا فى هذا الاجتماع
لانى احسست فيه انى وسط اسرتى وبيتى الثانى
فابى استاذ عصام قد قابلنا فى المحطه وانتظرنى
ثم ركبنا بعدها المترو وذهبنا لنقابل باقى الجروب
سعدت بمقابله الاستاذ الفاضل استاذ الاجيال
أ/ سيد عثمان
وايضا الاستاذ الفاضل محمد الوردانى
والاستاذ الكريم أ/ محمد سرور
والاخ الفاضل أ/ حسام فارس النت
والاستاذ اشرف
والزميل الفاضل أ/ محمد رضوان
والاخ الكريم اسلام المرشد
وسعدت جدا بمقابله اخوتى الاعزاء شيرن
وجهاد وهدير والاخت الفاضله والده شيرين
بعدها توجنا الى مكتبه مبارك العامه
وقمنا بمناقشه امور عده منها ما يخص الغرف الصوتيه
وما يستجد من تغيرات تحسن من خدماتها لصالح الطلاب
بالاضافه الى ما يتعلق بمجله المنتدى
وقام استاذ عصام بطرح فكرة لانشاء قسم جديد
سيقوم باخباركم عنه وبصراحه فكرة رائعه وستنال اعجابكم باذن الله
فى النهايه اتمنى ان تنفذ افكارنا بصورتها الكامله حتى نصل بمنتدانا
الى احسن حال
اتمنى للجميع التوفيق
فى امان الله

the black rose

21-08-2008, 12:19 AM

the black rose

21-08-2008, 12:25 AM

هو دا الكلام

وصلنا للايه
ياريت ميكونش زى الاجتماع اللى فات

مشفناش حاجة منه خالص

عموما خلينا وراكو اما نشوف

ان اشاء الله يا استاذ محمود
هتشوف افكار تعجبك باذن الله
و فعلا فى قسم اقترحه استاذ عصام جميل جدا
و هيسهل حاجات كتير

سيد سعد غباغبي

21-08-2008, 12:33 AM

ان شاء الله الموقع للامام دايما بجهود كل المخلصين والجنود المجهولين اللي فيه الذين يقدمون كل الخير بنفس وهمة عالية
وان شاء الله يقدم الاجتماع كل خير

سيد سعد غباغبي

21-08-2008, 12:44 AM

كان نفسي اكون معاكم بس انا عرفت متأخر

فيفا

21-08-2008, 01:28 AM

يا جماعة صلحوا السيرفر الاول:D
وبعدين ابقوا روحوا الاجتماع
انا بهزر طبعا:p
ربنا يوفقكم يا رب ويكون بفايده

COoL HEaRT

21-08-2008, 03:48 AM

يارب ان شاء الله يكون بفايده وبكره هنبقى نعرف ايه اللى حصل هناك ...مستنينكو

***star***

21-08-2008, 06:58 AM

ايه ياجماعه الحلاوه دي ...والنبي انا لو كنت اعرف كنت جيت غلاسه بقي

amr_2010

21-08-2008, 07:57 AM

والله كان نفسي اجي وكنت ناوي
بس انا روحت ملاهي مائيه في 6 اكتوبر ومكنش ينفع اجي
انشاء الله اجي الاجتماع الجي بس ياريت يبقي قبل رمضان
بس انتو دخلتو مكتبة مبارك ازاي دي لازم يكون معاك كرنيه بتاع المكتبه
بس بصراحه المكتبه دي جامده جد

** ضي القمر **

21-08-2008, 08:40 AM

ماشاء الله
واضح انه كان اجتماع حلو
ويارب يكون بفايدة يارب
شرين
تعليقك تحفة
ودمك زى العسل

Rien

21-08-2008, 08:41 AM

شكله كان يوم جميل جدا
يا ريت كنت اقدر اكون معاكم بجد
:rolleyes:
بس انتو دخلتو مكتبة مبارك ازاي دي لازم يكون معاك كرنيه بتاع المكتبه
بس بصراحه المكتبه دي جامده جد
اعضاء منتدى الثانوية يروحوا المكان اللى عايزينه
:D

عاشقـــ الانمى ـــة

21-08-2008, 11:16 AM

هى دى المفاجاة ال انتِ بتقولى عليها يا هدير
هو انتِ فاكرة انى فرحانة

the black rose

21-08-2008, 05:13 PM

ماشاء الله
واضح انه كان اجتماع حلو
ويارب يكون بفايدة يارب
شرين
تعليقك تحفة
ودمك زى العسل

مشكورة يا قمر عالرد الجميل ده

CoMMaNdo

21-08-2008, 05:21 PM

طب يا شيرين مفيش صور للاجتماع ولا ايه زى المرة الى فاتت
وكنا عايزين نعرف معاد الاجتماع التانى امتى ان شاء الله

abdau2010

21-08-2008, 06:42 PM

للامام دايما

الافعا

21-08-2008, 06:49 PM

اين الصور بتاع الاجتماع
وكل سنه وانتم طيبين

_GUIDE_

21-08-2008, 07:16 PM

اممم
انا لسه صاحى بجد مفيش احلى من النوم بعد مشوار المشى الطويل ده :rolleyes:
ما علينا
بس بجد كان الاجتماع جميل
وشوفت ناس كتير الاستاذ سيد عثمان والاستاذ محمد الوردانى والاستاذ محمد سرور
وطبعا الاستاذ حسام لو انه كان تعبان جدا وانا كمان
وفضلت انا وهو نبلبع فى حبوب الصداع :D طول ما احنا قاعدين
واحلى حاجة لما تهت انا والاستاذ حسام واحنا رايحين لشرين
نص ساعة
نزلنا فى محطة غلط وقعدنا نلف فى المترو على بال ما طلعنا للمكان الصح
الصور معايا
على فكرة فى صور كتير صورتها من غير ما يخده بالهم
يعنى مشاهد طبيعية
هنزلها قريب
بس اعرف الريدر ده راح فين :rolleyes:
وفى النهاية
الاستاذ محمد سرور والاستاذ محمد الوردانى مشيو مع بعض
والاستاذ محمد رضوان هو كمان استاذن
وانا مشيت مع
الاستاذ حسام والاستاذ عصام والاستاذ اشرف والاستاذ سيد عثمان والاستاذة رانيا
وركبنا المترو
والاستاذ اشرف نزل فى محطة غلط :p
وبعدين الاستاذ عصام نزل فى المظلات
وفضل انا والاستاذ حسام والاستاذ محمد رضوان والاستاذة رانيا
ونزلنا فى كلية الزراعه وودعنا الاستاذ محمد
وبعيدن ركبنا انا والاستاذ حسام والاستاذة رانيا
ونزلنا فى موقف عبود
وبعدين الاستاذ حسام ركب السوبر جيت
وانا والاستاذة رانيا ركبنا عربية تانية
وانا نزلت قبلها
طبعا واحد ناصح ياسالنى عن الصور
هقوله لما القى الريدير :D
بس بجد كان يوم جميل
وكانت الشمس اجمل

الاستاذ محمد سرور

21-08-2008, 07:26 PM

اممم

انا لسه صاحى بجد مفيش احلى من النوم بعد مشوار المشى الطويل ده :rolleyes:
ما علينا
بس بجد كان الاجتماع جميل
وشوفت ناس كتير الاستاذ سيد عثمان والاستاذ محمد الوردانى والاستاذ محمد سرور
وطبعا الاستاذ حسام لو انه كان تعبان جدا وانا كمان
وفضلت انا وهو نبلبع فى حبوب الصداع :D طول ما احنا قاعدين
واحلى حاجة لما تهت انا والاستاذ حسام واحنا رايحين لشرين
نص ساعة
نزلنا فى محطة غلط وقعدنا نلف فى المترو على بال ما طلعنا للمكان الصح
الصور معايا
على فكرة فى صور كتير صورتها من غير ما يخده بالهم
يعنى مشاهد طبيعية
هنزلها قريب
بس اعرف الريدر ده راح فين :rolleyes:
وفى النهاية
الاستاذ محمد سرور والاستاذ محمدرضوان مشيو مع بعض
والاستاذ محمد الوردانى هو كمان استاذن
وانا مشيت مع
الاستاذ حسام والاستاذ عصام والاستاذ اشرف والاستاذ سيد عثمان والاستاذة رانيا
وركبنا المترو
والاستاذ اشرف نزل فى محطة غلط :p
وبعدين الاستاذ عصام نزل فى المظلات
وفضل انا والاستاذ حسام والاستاذ سيد عثمان والاستاذة رانيا
ونزلنا فى كلية الزراعه وودعنا الاستاذ سيد
وبعيدن ركبنا انا والاستاذ حسام والاستاذة رانيا
ونزلنا فى موقف عبود
وبعدين الاستاذ حسام ركب السوبر جيت
وانا والاستاذة رانيا ركبنا عربية تانية
وانا نزلت قبلها
طبعا واحد ناصح ياسالنى عن الصور
هقوله لما القى الريدير :D
بس بجد كان يوم جميل
وكانت الشمس اجمل

معلش اللخبطة فى الاسماء كانت من اثر الشمس

الاسطورة

21-08-2008, 07:28 PM

أيوة كل ده حلو بس عايزين نعرف ايه اللى حصل
ايه اللى اتفقتوا عليه
وكده يعنى

ومنتظرين الريدر ......:p

محمد كامل فوده

21-08-2008, 07:33 PM

طيب يارجاله عاوزين نشوف الصور والمقترحات اللي توصلتوا ليها ،

_GUIDE_

21-08-2008, 07:34 PM

أيوة كل ده حلو بس عايزين نعرف ايه اللى حصل
ايه اللى اتفقتوا عليه
وكده يعنى

ومنتظرين الريدر ......:p

اتفاقنا على ايه يعنى
هو كان نصيب الاسد للقسم التعليمى
وتطوير المنتدى
الكلام عن المنتدى محتاج اسبوع مش يوم

هيكون فيه اجتماع تانى ان شاء الله :rolleyes:

معلش اللخبطة فى الاسماء كانت من اثر الشمس

اعمل ايه 40 % من اسماء الرجالة فى مصر محمد

dr.zomba

21-08-2008, 07:46 PM

يعني اهم حاجه تكونوا عرفتوا توصلوا لمحطه كلية الزراعه( فاكر يا اسلام ) :p

ايه دا وركبتوا لحد عبود كمان دا انا واسلام مشينا لحد لما افتكرنا اننا تهنا

لا بس واضح انه ماشاء الله كان يوم جميل

المره الجايه ان شاء الله اكون معاكوا بس حاولوا تستنوني بقي بالله عليكو:(

مستنين الصور يا عم اسلام ولو ملقتش الريدر يا سيدي طلع من تحت البلاطه واشتري واحد جديد ما احنا عارفين اللي فيها:D

Travel

21-08-2008, 08:04 PM

كنت هجى معاكوا
بس يالا

الاجتماع الجاى بقى
باذن الله فى
(قاعة المؤتمرات)
:D:D

the black rose

21-08-2008, 08:18 PM

اممم
انا لسه صاحى بجد مفيش احلى من النوم بعد مشوار المشى الطويل ده
اصل انت كسلان دى ميس رانيا جت الموقع امبارح و كلنا دخلنا عادى

واحلى حاجة لما تهت انا والاستاذ حسام واحنا رايحين لشرين
نص ساعة
ده انا اتشليت و كان ماشى من قدامى ولا يعرف

على فكرة فى صور كتير صورتها من غير ما يخده بالهم
يعنى مشاهد طبيعية

يا رب تلاقى الريدر

عاشقـــ الانمى ـــة

21-08-2008, 08:20 PM

اصل انت كسلان دى ميس رانيا جت الموقع امبارح و كلنا دخلنا عادى

ده انا اتشليت و كان ماشى من قدامى ولا يعرف

يا لهوز يا اسلام
يا رب متلاقيش الريدر
احلى حاجة فى الموضوع ان ميس رانيا جات
ياريتنى كنت من القاهرة
كنت جيت وشفتها:confused:
يابختكوا:cool:

sweety girl

21-08-2008, 08:34 PM

يا بختيكو يا بختيكو

بس فى سؤال

ليه مثلا مش بتروحو جنينه زى الازهر بارك

اهو هيبقى الجو احلى ومناظر اموره

على العموم يارب يا اسلام تلاقى الريدر

the black rose

21-08-2008, 08:55 PM

احلى حاجة فى الموضوع ان ميس رانيا جات
ياريتنى كنت من القاهرة
كنت جيت وشفتها:confused:
يابختكوا:cool:

طب ما ميس رانيا من المنصورة و جت
انتى اللى بتتلككى

the black rose

21-08-2008, 08:57 PM

يا بختيكو يا بختيكو

بس فى سؤال

ليه مثلا مش بتروحو جنينه زى الازهر بارك

اهو هيبقى الجو احلى ومناظر اموره

على العموم يارب يا اسلام تلاقى الريدر

ما احنا كنا قاعدين فى الجنينة بتاعت المكتبة

مس رانيا حسن

21-08-2008, 09:41 PM

احلى حاجة فى الموضوع ان ميس رانيا جات
ياريتنى كنت من القاهرة
كنت جيت وشفتها:confused:
يابختكوا:cool:

انا كنت اتمنى اشوفك يا حنون بجد
انتى وكل بنات المنتدى
عموما اشكركى يا جميل على كلامك الطيب
فى امان الله

عاشقـــ الانمى ـــة

21-08-2008, 09:49 PM

طب ما ميس رانيا من المنصورة و جت
انتى اللى بتتلككى
يا بنتى انا اخرى اروح على اول الشارع بتاعنا:rolleyes:
حلو كده فضحت نفسى اهو:D

_GUIDE_

21-08-2008, 10:06 PM

مش لقى ريدر :D
شكلى كده هضطر اشترى واحد
عمتا هانت فاضل على اول الشهر 9 ايام :rolleyes:

Cray_Bird91

21-08-2008, 10:19 PM

مش لقى ريدر :D
شكلى كده هضطر اشترى واحد
عمتا هانت فاضل على اول الشهر 9 ايام :rolleyes:

حاول تدور على الريدر تانى :rolleyes:

رمضان حيكون جه والناس حتبقى مشغولة:rolleyes:

رحلة حلوة ان شاء الله:)

المهم يكون الاجتماع وصل بفايدة تفيدنا وتفيد المنتدى

الرهينه

21-08-2008, 10:19 PM

مش لقى ريدر :D
شكلى كده هضطر اشترى واحد
عمتا هانت فاضل على اول الشهر 9 ايام :rolleyes:

انت شكلك دمياطى

والصور مش هتنزل ولا على اول السنه الجايه:D

أسيل رزق

21-08-2008, 10:46 PM

انت شكلك دمياطى

ماتخلنيش أخسرك يا جيجو :mad:

::::::::::::::::::

حمد الله على السلامة :)

و يا رب يكون الاجتماع جه بفايدة

بس نورتوا القاهرة ;)

الرهينه

21-08-2008, 11:08 PM

ماتخلنيش أخسرك يا جيجو :mad:

::::::::::::::::::

انا من دمياط على فكره :D

dr.saeed

22-08-2008, 12:06 AM

انا دخلت الموضوع من اوله وشايف حوارات كتير فعلا
ولكن لغاية دلوقتى ما شفتش المحور ذات نفسه

فى امان الله

COoL HEaRT

22-08-2008, 12:27 AM

ولا حد شافه احنا عاوزين واقع ملموس محسوس ...قولو ايه اللى حصل ؟؟عبال ميلاقو الريدر ...

الجويرية

22-08-2008, 12:31 AM

يارب تكونى انبسطوا فى الاجتماع
وعقبال باقى الاجتماعات

_GUIDE_

22-08-2008, 12:38 AM

انا دخلت الموضوع من اوله وشايف حوارات كتير فعلا
ولكن لغاية دلوقتى ما شفتش المحور ذات نفسه

فى امان الله

تقدر تقول كده ياسعيد
ان معظم القاء ومعظم الكلام
كان بخصوص القسم التعليمى وتطويره
وازاى المنتدى يستقل ماديا
ويقدر يصرف على نفسه
اصل بينى وبينك انا كنت كل شوية امسك الجرنان واقراء حظك اليوم :D

فنكوشه المنكوشه

22-08-2008, 12:42 AM

هو انتوا كل ما تروحوا اجتماع تتوهوا في النص :D
مفيش تركيز ابدا
والتوهان التالي :Dاصدي يعني الاجتماع التالي هيبقي فين :D
اوعي حد يقول المنصوره :p

MohammeD el_SadaT

22-08-2008, 01:01 AM

دا انا وبقرأ الموضوع تهت يلا ما علينا فى إنتظار الصور ويابنى لو مش لاقى الريردر أبعتلك واحد ولا حتى أبعتلك فلوسه يا جلده ماتنزل يابنى تشحت واحد لو مستخسر تشتريه

الاستاذ محمد سرور

22-08-2008, 01:19 AM

بنود الاجتماع تم تنفيذ بعضها وفى الطريق لتنفيذ الباقى باذن الله

1-انشاء قسم للغات
2-انشاء قسم تعارف يكون به موضوع لكل اعضاء محافظة للتواصل بين الاعضاء والمدرسين من ابناء المحافظة الواحدة
3- وضع التصور النهائى للمجلة التعليمية وكيفية تنظيمها
4-عمل اختبارات اسبوعية فى كل قسم وعلى ضوئها سيتم عمل مسابقة اوائل الطلبه
5- فكرة ربط الموقع مع احدى القنوات الفضائية من خلال برنامج معين على هذه القناة يشترك فيه اوائل الطلبه
6- تكريم الطلاب فى كل محافظة من خلا الموقع داخل المدارس الخاصة بهم
7- توضيح دور الاشراف والموجه العام على الموقع
8- وضع بعض الاقتراحات لفتح اعتمادات ماليه للموقع (افكار تدخل فلوس للموقع لتطويره)
9- شراء غرفة صوتيه ملك للموقع وليست مأجرة وستكون بها امكانيات افضل باذن الله
10- تنظيم العمل داخل الغرف الصوتيه لخدمة الطلاب
11- تغير نظام الدخول الى الغرف الصوتيه بحيث يكون متاح للاعضاء فقط على الموقع وليس لاى شخص من خارج الموقع
12-توفير مدرسين لغات لطلاب اللغات وانا والحمد لله مدرس لغات واصطدت 2 مدرسين math معايا
13-تعين مشرف عام على القسم الدينى حاصل على دكتوراة فى احد علوم الدين لا اذكره تحديدا حتى يضع حدا لما يحدث من اراء متضاربه بين بعض الاعضاء فى امور الدين بدون علم
14-
15-
الباقى متروك للادارة تضع ما تشاء من تجديدات
اخر مفاجأة فى الاجتماع
هو قسم خاص لولى الامر يتناقشوا فيه فى مشاكل اولادهم التعليمية
ووضع مقترحاتهم
للوصول بابنائنا الطلاب لارقى مستوى تعليمى
يعنى حتبقى قاعد على الكمبيوتر وبابا او ماما قاعدين جنبك
علشان يدخلوا معاك على الموقع:D:D:D:D:D
ومفاجأة الاشراف على هذا القسم عند شيرين 2010:rolleyes::rolleyes::rolleyes:

dr.saeed

22-08-2008, 01:59 AM

تقدر تقول كده ياسعيد
ان معظم القاء ومعظم الكلام
كان بخصوص القسم التعليمى وتطويره
وازاى المنتدى يستقل ماديا
ويقدر يصرف على نفسه
اصل بينى وبينك انا كنت كل شوية امسك الجرنان واقراء حظك اليوم :d

:d:d:d:d:d
اوكيه

_GUIDE_

22-08-2008, 05:22 AM

اخيرا جبت ريدر :D

فى شوية صور متخدوش عليها
لانها اتصورت بدون محد من الاستاذو ياخد باله
بشكل عفوى يعنى

http://img242.imageshack.us/img242/3493/image099et4.jpg
صورة للاستاذ سيد عثمان فى المنتصف وجنبه الاستاذ محمد الوردانى بيلعبه فى الموبيلات :D وطبعا الاستاذ اشرف مشغول فى ازازة المايه

http://img261.imageshack.us/img261/5208/image100zg7.jpg
الحاج عصام وهو ماسك السيجارة :D
وجنبه الاستاذ محمد الوردانى والاستاذ حسام بالبدلة (شخصية جميلة اوى على فكرة)

http://img245.imageshack.us/img245/7389/image101fa2.jpg
زى ما انتوا شايفين الاستاذ اشرف بيشرح وكلنا منتبهين ليه ;)

http://img242.imageshack.us/img242/820/image102xg1.jpgالاستاذ محمد سرور وجنبه الاستاذ اشرف (على فكرة عجبنى اوى تفكير الاستاذ محمد سرور)

http://img84.imageshack.us/img84/9759/image103on7.jpg

الاستاذ سيد عثمان والاستاذ محمد الوردانى

http://img294.imageshack.us/img294/1852/image104tn8.jpg
الحاج عصام اخد باله انى بصور رمه السيجارة ومسك فى الاستاذ حسام :D

http://img181.imageshack.us/img181/4813/image105xy2.jpg
الاستاذ عصام وجنبه الاستاذ محمد رضوان

http://img254.imageshack.us/img254/4671/image107do1.jpg
الاستاذ محمد سرور وجنبه الاستاذ اشرف وعلامات التفكير وضحه على الاستاذ محمد سرور ومتخيل لسان حاله بيقول (ياترى مين وراهم ):rolleyes:
فى بئا 3 صور باظوه فى التحميض
وطبعا المشرفات مينفعش يتصوره
واحد ذكى يسالنى ويقولى انتا فين يا عم اسلام ؟
اقوله انا اللى كنت بصور ياخويا:D
بس بجد كان يوم جميل

Travel

22-08-2008, 07:19 AM

بلاش نصب

قلنا كلوا هيتصور

ماشى على الحركات

كان نفسى اشوف الباقى
مس رانيا وشيرى وجيجو وهدير

(انت اتشافت قبل كده):D

ياللا
نستنى للاجتماع الجاى
برضه يكون فى القاهرة

حمدلله على السلامة
:):)

صوت الحق

22-08-2008, 08:00 AM

أنت بتصور من غير ما تقول كنت استعد اسرح شعرى كده واخليه على جنب يابنى ماشى
والله كان يوم جميل فعلا والاجمل لقاء الاخوه مع بعض لكى نطبق فعلا ما نقولة اننا اسرة واحدة باذن الله اغلب المقترحات التى تناقشنا فيها كانت للقسم التعليمى مثل ما قال الاستاذ محمد سرور والباقى سوف ينفذ لكى يكون واقع لا كلام فقط وسوف يشعر بها كل اعضاء المنتدى بعد الانتهاء من طوفان الكادر لانه هو المسبب هذه المشكلة للمنتدى لان الضغط كله على جزء واحد فقط من قاعدة البيانات لكن الحمد لله كنا بالامس 1078 والمنتدى شغال كويس جدا لان العدد كان متوزع على اقسام المنتدى
باذن الله الاجتماع القادم فى نادى المعلمين ببنها وده مفيش مشى خالص امام محطة القطار على الكورنيش مباشر وكمان هيكون كاميرة فيديو موجوده باذن الله ومصور محترف هيكون موجود مش مصوراتى بيصور من غير ما نعرف ماشى يا عم اسلام

CoMMaNdo

22-08-2008, 09:40 AM

http://img245.imageshack.us/img245/7389/image101fa2.jpg
زى ما انتوا شايفين الاستاذ اشرف بيشرح وكلنا منتبهين ليه ;) ه
ههههههههههههههههههه
ماسكين الموبيلات ومنتبهين :P :P
بس بصراحه اكيد كان يوم جميل جدا
يبختكو والله
وشكرا يا اسلام على الصور

the black rose

22-08-2008, 09:54 AM

هههههههههههههه
جميلة الصور يا اسلام
احسن حاجة انهم مش واخدين بالهم
فكرتنى باليوم ده

و شكرا استاذ محمد عالتوضيح

الاستاذ محمد سرور

22-08-2008, 10:46 AM

اخيرا جبت ريدر :D

فى شوية صور متخدوش عليها
لانها اتصورت بدون محد من الاستاذو ياخد باله
بشكل عفوى يعنى

صورة للاستاذ سيد عثمان فى المنتصف وجنبه الاستاذ محمد الوردانى بيلعبه فى الموبيلات :D وطبعا الاستاذ اشرف مشغول فى ازازة المايه

على فكرة هما كانوا بيكتبوا رقم الموبايل بتاعى وكل واحد كان بيرن فى نفس الوقت على علشان اسجله
بس يا اسلام مش كدة الصورة دى مخالفة لقوانين الموقع ( علشان رقم الموبايل ) :D:D:D:D

الجويرية

22-08-2008, 12:05 PM

الله بجد صور جميلة
عقبال كل اجتماع ان شاء الله
احسن من اللى قبله
والاستفادة اكبر

Rien

22-08-2008, 12:30 PM

طبعا واحد ناصح ياسالنى عن الصور
هقوله لما القى الريدير :D

واحد ذكى يسالنى ويقولى انتا فين يا عم اسلام ؟
اقوله انا اللى كنت بصور ياخويا:D

احلى حاجة
انك بتعمل حساب الناس اللى زىى
:D
---
شكرا يا اسلام على الصور
ومستر محمد على التوضيح
وشيرين على الموضوع
بالتوفيق ،
:)

أحمد2025

22-08-2008, 12:39 PM

هو الواحد مش عايش فى الدنيا ولا ايه
بس بجد هقول ايه
بجد ارفع القبعة اليكم

Dr.diamond

22-08-2008, 01:09 PM

حلوه اوى الصور دى
بس كان نفسى اشوف الباقيين
مش مشكله بقى نشوفهم الاجتماع الجاى

عاطف خليفة

22-08-2008, 01:17 PM

اعملوا فقط لله

يا ناس حرام عليكم كفايه كلام

بس فيه سؤال محيرني

ليه المنتدي ده نجح يعني وصل لل هوا فيه اوعو تنسوا الاسباب دي واي تغيير للاسباب دي مش عارف مكن يحصل ايه

يا رب

امتي --- امتي

dr.saeed

22-08-2008, 02:51 PM

اعملوا فقط لله

يا ناس حرام عليكم كفايه كلام

بس فيه سؤال محيرني

ليه المنتدي ده نجح يعني وصل لل هوا فيه اوعو تنسوا الاسباب دي واي تغيير للاسباب دي مش عارف مكن يحصل ايه

يا رب

امتي --- امتي

صراحة مش فاهم حاجة
زى ما انتوا شايفين الاستاذ اشرف بيشرح وكلنا منتبهين ليه
فعلا فعلا:D:D
الانتباه لما بيزداد عن حد معين بيعمل مشاكل بردة:D
بس مش استاذ حسام كان حاطط صورته قبل كدة؟
انت عملت ايه فى صورته لما حمضت يا اسلام:rolleyes:
فى امان الله

..Just Stop

22-08-2008, 03:34 PM

اقتراحات طبعا جميلة

اهدافها جامدة بردو

واخيرا شوفنا اساتذتنا الجمال

ربنا يباركلكو يا رب:D

:::::::::::::::::::::::::::::::::::

ياريت الاجتماع اللى جاى يبقا فى المنصورة
علشان نقدر نيجى

dr.saeed

22-08-2008, 03:42 PM

طب ما نتقابل احنا يا محمود وخلاص
والاسطورة على فكرة بردة قريب هقابله
ما تيجى معانا؟

محمد كامل فوده

22-08-2008, 03:46 PM

بجد الصور جميله بس موش كفايه ياريت لو فيه كمان صور عشان نتعرف اكثر عليكم اكثر واكثر

..Just Stop

22-08-2008, 03:50 PM

طب ما نتقابل احنا يا محمود وخلاص
والاسطورة على فكرة بردة قريب هقابله
ما تيجى معانا؟
والله فكرة جامدة يا سعيد

قوللى امتا وفين
وشوف مين كمان قريب من المنصورة يجى معانا
::::::::::::::::::::::::::::
بس انا عند طلبى بردو ياريت الاجتماع اللى جاى يبقا فى المنصورة

LA STELLA

22-08-2008, 03:58 PM

dr.saeed

22-08-2008, 03:59 PM

قوللى امتا وفين
وشوف مين كمان قريب من المنصورة يجى معانا
::::::::::::::::::::::::::::

يا راجل دة معظم المنتدى من المنصورة اصلا
ايه رأيك نستأذن بقى كدة الادارة ونشوف احنا بردة نتقابل مع بعض
الى يقدر من المشرفين والاداريين وكدة؟
مش لازم يكون كل الادارة موجودة
ها ايه رأيك؟
نبتدى فى الاعلان؟

dr.saeed

22-08-2008, 04:01 PM

انا عندى اقتراح احسن يرضى جميع الاطراف

شوفوا محافظات مصر عددها كام
( عدوا انتم بقى شوفوهم وصلوا كام - اصلهم كل مدى بيزيدوا لوحدهم)

واعملوا عدد اجتماعات بعدد محافظات مصر
كل مرة فى محافظة شكل
انا اصلا متفق مع كام عضو على الكلام دة
وجارى التنفيذ

dr.saeed

22-08-2008, 04:02 PM

عدد الأعضاء الحاليين الذين يشاهدون محتوى هذا الموضوع : 7 ( 7 عضو و 0 ضيوف )
dr.saeed, أرق ملاك, مسيو عادل الحلو, Bugs Bunny, اسيل رزق, hkk-happy, Mahmoud_taha

شايفه يا هبة:rolleyes:
لميتى انتى البلد كدة:D

..Just Stop

22-08-2008, 04:06 PM

ياريت الاجتماع اللى جاى يبقا فى المنصورة

انا عندى اقتراح احسن يرضى جميع الاطراف

شوفوا محافظات مصر عددها كام
( عدوا انتم بقى شوفوهم وصلوا كام - اصلهم كل مدى بيزيدوا لوحدهم)

واعملوا عدد اجتماعات بعدد محافظات مصر
كل مرة فى محافظة شكل
:D

ههههههههههههه
حلوة الفكرة دى يا هبة
انا سمعت ان محافظات مصر بقت اربعون محافظة وشلرعين
عموما هنشوف الحكاية دى:D

::::::::::::::::::::::::::::

يا راجل دة معظم المنتدى من المنصورة اصلا
ايه رأيك نستأذن بقى كدة الادارة ونشوف احنا بردة نتقابل مع بعض
الى يقدر من المشرفين والاداريين وكدة؟
مش لازم يكون كل الادارة موجودة
ها ايه رأيك؟
نبتدى فى الاعلان؟

صح الكلام

ابتدى الاعلان
ويبقا اجتماع مصغر ونتناقش احنا بردو
مش لازم الادارة كلها يعنى
لبتدى الاعلان ونا معاك يا سعيد

Dr.diamond

22-08-2008, 04:06 PM

واعملوا عدد اجتماعات بعدد محافظات مصر
كل مرة فى محافظة شكل
:D

لما تبقوا توصلوا اسكندريه ابقوا قولوا

دى حتى فرصه كويسه تصيفوا قبل ما الصيف يخلص:D

dr.saeed

22-08-2008, 04:16 PM

مش لازم الادارة كلها يعنى
لبتدى الاعلان ونا معاك يا سعيد

نخليها الخميس الجاى ونتجمع عند جامعة المنصورة؟
بس انا هاعلن فين بالظب
عموما هاستنى الاسطورة عشان نتفق
فى امان الله

LA STELLA

22-08-2008, 04:18 PM

شايفه يا هبة:rolleyes:
لميتى انتى البلد كدة:D

ههههه
الموضوع اصلا واصل 4 صفحات من قبل اما اشرف فيه

لما تبقوا توصلوا اسكندريه ابقوا قولوا

دى حتى فرصه كويسه تصيفوا قبل ما الصيف يخلص:D
ياريت تعزمينى :D
======

انا سمعت ان محافظات مصر بقت اربعون محافظة وشلرعين
عموما هنشوف الحكاية دى:D

مش عارفة بقى
بس طبقا لكلام كتب المدارس فهم كانوا تقريبا 26
بعد اعلان حلوان و6 اكتوبر
بقوا 28
( عمالين بيقسموا فى القاهرة وهى اصلا الواحد يمشى خطوة شمال هيلاقى نفسه قليوبية خطوة يمين بقى جيزة - قال من كبر مساحتها اوى )

..Just Stop

22-08-2008, 04:30 PM

نخليها الخميس الجاى ونتجمع عند جامعة المنصورة؟
بس انا هاعلن فين بالظب
عموما هاستنى الاسطورة عشان نتفق
فى امان الله
اوكى الخميس الخميس

بس اتفقو بسرعة

CoMMaNdo

22-08-2008, 06:10 PM

بدام فى المنصورة انا معاك يا سعيد حدد المكان الووقت وقول

عاشقـــ الانمى ـــة

22-08-2008, 07:23 PM

wafa2y

22-08-2008, 10:34 PM

هههههههههههههه
و شكرا علي الصور
وطببعا شعار اللي بيتفرجوا
ولسه.... ولسه ...و لسه
:d:d:d:d:d:d:d:d:d
و في ناس كتييييييييير هتتشاف في الكلية
:d:d:d:d:d:d

احمد رضا

24-08-2008, 06:03 PM

اعملوا فقط لله

يا ناس حرام عليكم كفايه كلام

بس فيه سؤال محيرني

ليه المنتدي ده نجح يعني وصل لل هوا فيه اوعو تنسوا الاسباب دي واي تغيير للاسباب دي مش عارف مكن يحصل ايه

يا رب

امتي --- امتي

وحضرتك شايف فين الشرك اللي اشركوه بالله
عشان تقولهم اعملوا فقط لله يا استاذي الفاضل
:)
" ولو كنت فظا ً غليظ القلب لانفضوا من حولك "
أولم تسمع ؟
(ادع الى سبيل ربك بالحكمة والموعظة الحسنة وجادلهم بالتي هي احسن "
:)
صدق ربىّ العظيم

فلنفترض جدلا ً ان سبيل ربنا اللي حضرتك بتدعو إليه
يبقي مش دي الوسيلة اللي ممكن تدعي بيها
وإن كانت الوسيلة صحيحه
فإذن هيبقي فيه نتيجه منطقيه
ان ده مش طريق ربنا
:)

ارجو تقبل تذكرتي يا استاذي الفاضل
الدعوه بهذي الطريقه غير صحيحه في إسلامنا وديننا الحنيف
وصحتها تعتمد علي كثره النصائح التي قُدمت
يعني في الحالات الأخيرة
مش اول النصيحه يبقي كدا
انا زي ابن حضرتك بردو
:)

روميو

24-08-2008, 06:52 PM

انا غبت فترة عن المنتدى بس بجد حاسس ان فيه تعاون من كل الاعضاء وبجد المشرفين والاداريين ابتدوا اول خطوة فى الطريق الصحيح لتحسين المنتدى والنهوض بيه بس ده كان اجتماع على نطاق ضيق وهو خطوة ايجابية جدا بس نتمنى انه يكون فى اجتماع قريب لعدد كبير من الاعضاء والمشرفين مع بعض ويكون اجتماع واسع النطاق يكون فيه الاعضاء والمشرفين والاداريين بحيث نستمع لكل وجهات النظر وبجد لو ده حصل حنلاقى المنتدى اتغير للاحسن وحتحصل نهضة كبيرة اوى اوى بس ياريت الادارة تفكر فى الاقتراح ده ويكون قريب يعنى فى العيد مثلا او اى وقت الادارة تحدده

..Just Stop

24-08-2008, 08:29 PM

نا غبت فترة عن المنتدى بس بجد حاسس ان فيه تعاون من كل الاعضاء وبجد المشرفين والاداريين ابتدوا اول خطوة فى الطريق الصحيح لتحسين المنتدى والنهوض بيه بس ده كان اجتماع على نطاق ضيق وهو خطوة ايجابية جدا بس نتمنى انه يكون فى اجتماع قريب لعدد كبير من الاعضاء والمشرفين مع بعض ويكون اجتماع واسع النطاق يكون فيه الاعضاء والمشرفين والاداريين بحيث نستمع لكل وجهات النظر وبجد لو ده حصل حنلاقى المنتدى اتغير للاحسن وحتحصل نهضة كبيرة اوى اوى بس ياريت الادارة تفكر فى الاقتراح ده ويكون قريب يعنى فى العيد مثلا او اى وقت الادارة تحدده

ادعى بس وقول يارب
لة الخطوات الايجابية مجاش وقتها
الخطوة الايجابية
اننا ننفذ الاقتراحات اللى حضراتهم قالوها
مش كل يوم اجتماعات ومناقشات
وبعد كدا نلاقى سراب ادامنا

ربنا يوفق الجميع

مقولتوش مين هيجى معانا المنصورة