مشاهدة النسخة كاملة : فضيحه ياساده : اتفلوا بالدخول يامصريين


كركركوكو
20-08-2008, 10:16 PM
السودان تكتسح مصر وديا برباعية نظيفة




بأربعة أهداف نظيفة، لقي المنتخب المصري خسارة ودية ثقيلة أمام نظيره السوداني في المباراة التي جرت بينهما في الخرطوم في إطار استعدادات المنتخبين لاستكمال تصفيات أفريقيا المؤهلة لكأس العالم بجنوب إفريقيا 2010.

أحرز أهداف السودان كل من محمود فتح الله مدافع مصر بالخطأ في مرماه في الدقيقة 36، ومدثر كاريكا هدفين في الدقيقتين 81 و92 واحمد عادل في الدقيقة 90.

وكاد اللقاء أن ينتهي بشكل مؤسف في أخره عندما اعتدي عمرو زكي مهاجم المنتخب المصري علي احد مدافعي السودان بدون كرة ولكن تدخل باقي اللاعبين في الوقت المناسب أنقذ الموقف.

بداية الشوط الأول جاءت متوسطة من الفريقين وسدد احمد حسام (ميدو) من مسافة قريبة في الدقيقة 18 ولكن كرته ذهبت فوق العارضة.

رد أصحاب الأرض عن طريق فيصل عجب في الدقيقة 24 عندما سدد المهاجم السوداني كرة ضعيفة من داخل منطقة الجزاء في أيدي الحارس المصري عصام الحضري.

ثم سدد بدوره هيثم طمبل كرة قريبة أيضا في الدقيقة 25 ولكنها مرت بجوار القائم، وبعدها مباشرة كاد عماد متعب أن يحرز هدف التقدم للفراعنة عندما تلقي تمريرة عرضية متقنة داخل منطقة الجزاء السودانية قابلها مهاجم النادي الأهلي براسية مرت بجوار القائم الأيمن بقليل.

وفي الدقيقة 37 أناب محمود فتح الله مدافع مصر عن جميع مهاجمي الفريقين عندما تمكن من احراز الهدف الأول في المباراة ولكن لمصلحة السودان بالخطأ في مرماه بعدما فشل في تشتيت الكرة من امام مرمي الحضري لتستقر في شباك الأخير.

بعد الهدف، كاد المنتخب السوداني ان يعزز تقدمه في مناسبتين قبل نهاية الشوط، الأول جاءت في الدقيقة 38 عندما سدد بدر الدين جلج كرة قوية ذهبت الي الشباك الخارجية لمرمي الحضري، والثاني في الدقيقة الأخيرة من الوقت بدل الضائع بكرة سددها سيف ميساوي ولكن الحضري كان لها بالمرصاد.

الشوط الثاني جاء اقل من سابقه كثيرا، فبعد نشاط سوداني في بدايته، اجري الجهازيين الفنيين العديد من التبديلات والتي كان من شانها ان تؤثر علي المستوي الفني في الملعب.

التغيرات لم تكن الشيء المميز الوحيد في الشوط الثاني، فالعصبية في الأداء غلبت علي بعض لاعبي الفريقين في أكثر من احتكاك وكان أبرزه تلك الذي حدث بين ميدو والمعز محجوب حارس السودان وكاد الأمر أن يتطور بينهما لولا تدخل العقلاء في الفريقين.

وفيما يبدو انه كان محاولة لكسر ملل الشوط، تخاذل عبدالمنصف في الإمساك بأحدي الكرات العرضية السودانية الضعيفة للغاية في الدقيقة 82 لتصل الكرة إلي كاريكا الذي لا يجد ادني صعوبة في وضع الكرة بالمرمي الخالي.

وفي اللحظات الاخيرة للقاء، تمكن المنتخب السوداني من رفع حصته التهيدفية الي اربعة اهداف بعدما تمكن من اضافة هدفين متتاليين، ففي الدقيقة 90 أضاف البديل احمد عادل الهدف الثالث من تسديدة متوسطة فشل منصف في التصدي اليها.

بعدها بدقيقتين، اضاف كاريكا الهدف الثاني له شخصيا والرابع لفريقه بعد انفراده بالمرمي المصري ليضع الكرة بسهولة من اسفل منصف.

أ/ عثمان ربيع
20-08-2008, 10:34 PM
مبروووووووك للسودان

الاستاذ محمد سرور
20-08-2008, 10:39 PM
عبد المنصف 3 اهداف اهداف

والحضرى هدف بالخطأ من المدافع ( نيران صديقه)

لا تعليق بعد ذلك

Dr.Nobel
20-08-2008, 11:18 PM
والله الماتش فكرني بفيلم العار

اول مرة تحصل في التاريخ ان السودان تكسبنا 4

العيب في اللاعيبة والمدير الفني الحج حسن

بيجامل الناس وعمل تشكيل فيه اللاعيبة كلهم من غير تكتيك خالص

سيد معوق كانت جبهته مفتوحة طول الماتش وعم حسن ولا فاهم حاجة

muhammad shehata
21-08-2008, 12:09 AM
يا راجل و خليتها فضيحة
يا ريت كل الفضايح في الكورة

eng.midosaid
21-08-2008, 12:12 AM
ارجوك ما تفكرنيش انا كان هيجلي شلل وانا بتفرج على الماتش

eng.midosaid
21-08-2008, 12:13 AM
ارجوك ما تفكرنيش انا كان هيجلي شلل وانا بتفرج على الماتش

أحمد2025
21-08-2008, 06:46 AM
ههههههههههههههههههههه
انا والله عمرى ما اقنعت ان شحاته ده مدرب
مع انه جايب لينا 2 كأس أمم افريقية

%medo%
21-08-2008, 11:04 AM
بجد كان ماتش يشل
مش عارف عبد المنصف كان بيعمل ايه فى الملعب
الحمد لله ان احنا شلنا اربعة بس
دا الماتش لو كان طول شويه كنا زمنا شلنا اكتر
مش عارف مصر هتعمل ايه مع الكونغو
هنشيل اربعة بردو
شكلنا كدا مفيش كاس عالم المرة دى كمان

SENDRILLA
21-08-2008, 11:07 AM
والله من كلامكو حمدت ربنا اني محصلليش القرف قصدي الشرف واتفرجت ع الماتش
ياللا حصل خير
متزعلوش نفسكو يا شباب
خيرها في غيرها
بس كنت اتمني ان الخساره تكون من منتخب غيره يعني
عشان بس منتكسفش واحنا بنقول خسرنا

Rien
21-08-2008, 11:31 AM
مبروك يا جماعة والله انهم 4 بس
الحمد لله نمت بدرى
:D
والله الماتش فكرني بفيلم العار

:D:D:D

الضوء الشارد
21-08-2008, 11:57 AM
ياجماعة حسن شحاتة غلك وعمل تشكيل غريب ......... بيلعب ب4 4 2 واحنا مابنلعبش بيها ............. وأبو تريكة مش جاهز خالص وماينفعش يلعب بيه .......... وأحمد حسن قاءد المنتخب بيلعبه باك يمين رغم أنه كان ممكن يضم بركات وهو الأساسى فى 2006 ....... واللى أنا مش فاهمه ........ ميدو كان بيلعب ايه ........... كان بيلعب هاف شمال حاجة غريبة أول مرة يلعب كده......... لأ وطينها اكتر ونزل عبد المنصف ......... ولا الأخ فتح الله ملك ضربات الرأس((((((كان لسه مدحت شلبى بيقول عليه كده )))))))) للأسف نشن فى مرمانا أحنا ......... وسيد معوض اللذى لم يجد معاونة من أى حد فى الملعب .......... فلم يرجع هو كمان للتغطية ............. وفى النهاية حسبى الله ونعم الوكيل فى اللى رايحين عشان ياخدوا ال35 عربية وقضحونا

%medo%
21-08-2008, 12:03 PM
وفى النهاية حسبى الله ونعم الوكيل فى اللى رايحين عشان ياخدوا ال35 عربية وقضحونا

والله فضيحة راحين لدارفور الناس اللى مش لاقيه تاكل ولا تشرب
بدل ما يساعدوهم لا ايه راحوا ياخدوا 35 عربيه منهم
مش عارف والله ايه الفكر دا
دى حاجة تكسف والله عيــــــــــــــــــــــب

الضوء الشارد
21-08-2008, 12:21 PM
والله فضيحة راحين لدارفور الناس اللى مش لاقيه تاكل ولا تشرب
بدل ما يساعدوهم لا ايه راحوا ياخدوا 35 عربيه منهم
مش عارف والله ايه الفكر دا
دى حاجة تكسف والله عيــــــــــــــــــــــب

والله العيب مش فيهم العيب على الرءيس بتاع السودان اللى ادالهم العربيات بدل مايساعد بيها بلده....... وبعدين خلاص احنا اتعرفنا من ايام احتفال الأمارات والعلبة اللى خدوها

كركركوكو
21-08-2008, 02:39 PM
والله العيب مش فيهم العيب على الرءيس بتاع السودان اللى ادالهم العربيات بدل مايساعد بيها بلده....... وبعدين خلاص احنا اتعرفنا من ايام احتفال الأمارات والعلبة اللى خدوها


هههههههههههه

عربيات

وانا اقول ايه الطعاطف بتاع الاعبين ده

ونخسر اربعه

طيب والله نعمل فريق للثانويه العامه

ونروح السودان

ونخسر خمسه حتي

وناخد موتوسكل

هههههههههههههههه

عظيمه يامصر

جواد عوض
21-08-2008, 02:47 PM
هو احنا ياابنى فاضيين للكورة احنا عندنا مذاكرة للكادر

الضوء الشارد
21-08-2008, 05:00 PM
هو احنا ياابنى فاضيين للكورة احنا عندنا مذاكرة للكادر

ربنا يوفقك ولو ان شكلكوا هيبقى وحش لو مانجحتوش ههههههه ........ بس والله دى مهزلة

الافعا
21-08-2008, 06:30 PM
مهزله
حسبنا الله ونعم الوكيل

الافعا
21-08-2008, 06:31 PM
مهزله
حسبنا الله ونعم الوكيل

الضوء الشارد
21-08-2008, 06:37 PM
مهزله
حسبنا الله ونعم الوكيل

فى مين بالظبط

الافعا
21-08-2008, 06:51 PM
في مين في المتخب المصري ياعم
وفي مبارك
وفي كل الدوله دي

الضوء الشارد
21-08-2008, 07:00 PM
في مين في المتخب المصري ياعم
وفي مبارك
وفي كل الدوله دي
ياعم براحة أحسن نتسجن

مروه
21-08-2008, 07:15 PM
الحمد لله انى مش متابعه كوره
علشان مصرفش فلوسى على الدكاتره

Mohamed_MA
21-08-2008, 11:29 PM
دي فضيحة ازاي مصر يخسر من السودان ازاي دا مصر كانت بتكسبهم بال6
حرام على منتخب مصر والله حراااااااااااااااااااااااااااااااااااااااااااااام

الاسطورة
22-08-2008, 04:17 AM
المنتخب كان جميل جدآ
هو ده بطل افريقيا مرتين متتاليتين فعلآ
ونعم الكورة
وتحية خاصة لمحمود فتح الله نجم خط الدفاع(المتألق فى ضربات الرأس ):p
وتحية كمان لاوسة النجم