مشاهدة النسخة كاملة : سؤال إلى كل طلاب ثانوية اسكندرية ( أرجوكم جاوبوا )
Designer.EnG 20-08-2008, 11:05 PM السلام عليكم ورحمة الله وبركاته
أولاً وقبل كل شئ أهنئكم باقتراب شهر رمضان الكريم
انا اسمى محمود من كفرالشيخ
وكنت عاوز اسأل ايه نظام المدرسة عندكم فى اسكندرية
انا عشت فيها قبل كده فترات كبيرة
وكنت عاوز إن شاء الله احول فى الثانوية العامة إلى اسكندرية
بحيث إن شاء الله أخش الجامعة بتاعتها
فممكن حد يقولى نظام الحضور والدراسة عندكم فى اسكندرية
:d:d
Dr.ahmed91 21-08-2008, 10:00 AM انا مش فاهم ياريت توضح اكتر
Designer.EnG 21-08-2008, 10:17 AM يعنى انا كنت عاوز ادخل جامعة الأسكندرية
فإن شاء الله هحول فى الثانوية العامة إلى الأسكندرية
بحيث أخذ الثانوية العامة من الأسكندرية
وأدخل جامعتها
فكنت عاوز أعرف نظام الدراسة فى مدارس الثانوية فى اسكندرية وايه نظام الحضور
لإنى دائما هبأه فى كفرالشيخ إن شاء الله مش هاجى إلا على الإمتحان
مش عارفة اذا كنت اقدر افيدك
بس هاقولك اللى اعرفه
فيه مدارس بتهتم جامد بالمواعيد والحضور والكلام ده
وفيه مدارس تانية مكبرين دماغهم على الاخر !!
عموما انت ممكن تحول لاى مدرسة وماتروحش
ولو خلصت ايام غيابك وماعملتش اعادة قيد هايحولوك منازل
( ايام الغياب بتكون 30 يوم منفصلين او 15 متصلين )
وبتاخد رقم جلوسك من الادارة التعليمية اللى انت تبعها
وبتمتحن ف اى مدرسة تبع الادارة دى
Designer.EnG 21-08-2008, 12:03 PM اصل انا فى كفرالشيخ مدرستى عسكرية وبيدققوا على الحضور حتى فى الثانوية العامة
فكنت عاوز اعرف
اسماء المدارس يعنى اللى الحضور فيها مش بيدققوا فيه
لو امكن يعنى
وشكراً لإهتمامك بالموضوع
Designer.EnG 21-08-2008, 02:09 PM يا ريت حد يجاوبنى
اصل انا فى كفرالشيخ مدرستى عسكرية وبيدققوا على الحضور حتى فى الثانوية العامة
فكنت عاوز اعرف
اسماء المدارس يعنى اللى الحضور فيها مش بيدققوا فيه
لو امكن يعنى
وشكراً لإهتمامك بالموضوع
لاء بجد مش هاقدر افيدك ف موضوع اسامى المدارس ده
بس زى ما قولت لحضرتك
ممكن تدخل اى مدرسة
ويحولوك منازل لما ايام غيابك تخلص
طبيب عالمى قادم 22-08-2008, 11:55 AM يا ريت حد يجاوبه
Designer.EnG 22-08-2008, 10:05 PM طب ممكن حد اسكندرانى جدع
يقولى امدارس اللى الحضور فيها ممطلوب اوى
Dr.ahmed91 23-08-2008, 09:30 AM طب ممكن حد اسكندرانى جدع
يقولى امدارس اللى الحضور فيها ممطلوب اوى
بص انا كنت في مدرسة عسكرية برضه
اسمها العباسية
ودي كانت بتبقى 6 و7 حصص
وكانوا بيدققوا جامد لان المدرسة دايما عليها متابعات وحاجات كده
ومدرسة مشهورة متفوقة
هيا اسمها العباسية
بس فيه مدرستين جنببنا كانوا تعبانين قوي ومحدش بيروح
زي شدوان والمشير احمد بدوي وعلي خاطر والمحمودية
Designer.EnG 23-08-2008, 10:38 AM جزاك الله خيراً
نعم العضو انت
Hatem.HSK 24-08-2008, 10:23 AM بص انا كنت في مدرسة عسكرية برضه
اسمها العباسية
ودي كانت بتبقى 6 و7 حصص
وكانوا بيدققوا جامد لان المدرسة دايما عليها متابعات وحاجات كده
ومدرسة مشهورة متفوقة
هيا اسمها العباسية
بس فيه مدرستين جنببنا كانوا تعبانين قوي ومحدش بيروح
زي شدوان والمشير احمد بدوي وعلي خاطر والمحمودية
قشطة عليك ياأحمد ان شاء الله حد من المشير او على خاطر يخش و يقرا الكلام ده .. و عينك مش هتشوف الا النور :p:p
عايز اقولك يا سنور كام معلومة كدا عن المدارس اللي بيقولك عليها احمد :
اولا : انا برضو كنت في العباسية و منصحكش ابدا ابدا تخشها لأنهم مقرفين اوي في حكاية العسكرية دي و كفاية عليك فصيح مشرف مادة العسكرية ( للعلم بالشيء برضو .. فصيح ده عبارة عن كائن فضائي غريب الشكل .. عنده تضخم بلوظي في بطنه .. ويعاني من كثرة العقد اللي في مخه !! )
ثانيا : المدرسة متفوقة بالطلبة بتوعها .. انما كشرح من المدرسين و الكلام ده .. انسى .. كله شغال دروس وانت كمان هتقضيها دروس فمدرسين المدرسة للاسف مش هتبصلهم ..
يعني من الاخر سيبك من المدرسة دي ..
ثالثا : باقي المدارس اللي قال عليهم احمد الطلبة اللي فيهم وحشين جدا و بيئة فعلا مش كويسة .. الا من رحم ربي .. فا برضو منصحكش بيهم .. ميزتهم الوحيدة ان الغياب و الحضور و الحاجات دي عندهم ميتشالش همها ..
رابعا : كل المدارس دي في ادارة وسط فقط .. يعني ممكن مكانها اصلا ميكونش مناسب بالنسبالك ..
بس كدة هو ده اللي كنت عايز اقولهولك ..
شد حيلك .. وبالتوفيق ..
أخوك : حاتم سعد
Designer.EnG 24-08-2008, 11:31 PM جزاك الله خيراً يا أخى حاتم
فعلا انت فدتنى كتيير بالمعلومات اللى انت قولتها
بس انا كنت عاوز مدرسة نوع ما متهتمش بالغياب وتكون كويسة عشان انا طبعاً من كفرالشيخ وإن شاء الله
هيكون دراستى كلها فى كفرالشيخ يعنى دروسى وإن شاء الله مش هاجى إلا فين وفين
amal 7alaby 25-08-2008, 10:47 PM مدرسة جمال عبد الناصر دى برضه عسكرية
وبيدققوا فى الغياب جامد
Designer.EnG 26-08-2008, 03:03 PM هو كل مش لازم مدرسة عسكرية
اظن مفيش مدرسة عسكرية مش بيدققوا على الغياب فيها صح ولا ايه
يا ريت اللى عنده معلومات تانية ميبخلش عليا بيها :)
بس انا كنت عاوز مدرسة نوع ما متهتمش بالغياب وتكون كويسة
على حد علمى
مفيش مدرسة كويسة مش بتهتم بالغياب
:D
بالتوفيق
Designer.EnG 30-08-2008, 11:32 PM يعنى ايه رأيكم فى إنى احول
؟؟؟
moamen811 02-09-2008, 05:05 PM belnesba lel 3abbasya ana kont feeha(w rabena taab 3laya w da5el el gam3a el sanady 3obalak) bs makontesh barou7 3'er youm youmen fi el 2sbou3 w ma7aslsh ay 7aga ...ama belnesba lel madars el bayeza 5ales 3la 7d 3lmy 3ndak tare2 2bn zyad fi smou7a w 3ndak el nasrya
belnesba lly lessa fi el 3abbasya salamy le fasee7 da lw lessa maraga3sh lel kawkab beta3o
|