السلام عليكم ورحمة الله وبركاته
كم هي الحياة مليئة بالافراح والاحزان وكم هو حال الانسان في فرحة وحزنة

نجد بالغالب عند الفرح تعلو الابتسامة محيا الشخص ويكون بغاية السعادة

ويعبر عن فرحة بحركاتة وتصرفاتة ومزاجة عند الحديث فتبوح لنا تعابيرة بما لم يتحدث عنة معة الخ...



لكن عند الحزن يختلف الحل والحال وهذا محال
البعض قد يكتم مايحزنة بداخلة والبعض الاخر قد يتحدث بكل مايجول بخاطرة الى صديق

والبعض يبقى شارد الذهن والتفكير....



أنتم عندما تصابون بالحزن من امر ما كيف تكون طبيعتكم؟

تتحدث بما في داخلك لصديقك.اخوك.قريبك الخ...

أم تفضل الكتمان خوفاً على الغير أن يدخل في هم معك؟؟؟؟؟؟

ما أجمل موضوعاتك يا أبو حميد
أما أنا فالحزن مملكتى
والأفراح تنسانى
تعرف أرد أقولك إيه

فرحه.......يعنى إيه إحساسها
دمعه.......أيوا عارف ناسها
أنا اللى عشت كتير بتألم
ولا حد سائل فيا
ولما الجرح ذاد وعلم
كتير إسيوا عليا
وصوتى
بالأهاتى بيغنى
وقلبى بالدموع يسألنى
مــــــــــــــــــــــين
اللى يشفى همى
من كل الجروح


دع الفرح لأهل الفرح
ودعنى وحزنى وألامى

حلو اوى موضوعك ده

انا عن نفسى عمرى ما شفت حاجة تفرحنى ف حياتى دى

انا عايشه مآسى كتير اوى

ومحدش يقدر يتحملها ولا حتى يعيشها

انا ف الاول كنت بحكى لصحابى اللى قريبين منى اوى

بعد كدا لقيت ان مفيش حل حد لقاه ليا

فبطلت اقولهم على اى حاجة بتزعلنى بعد كدا

من ناحية مشغلهومش عليا

ومن ناحية تانية ان مشاكلى ملهاش حل

وهما بيبقوا فاهمين انى متضايقه طول الوقت

ومش قادرين يعملولى حاجة

يعنى تقدر تقول انى عايشه ف دوامة ومش لقيالها حل

انا بيجى عليا اوقات كتير اعد اعيط بليل

بس بصراحه لما بيفيض بيا بجد ومستحملش

بحكى لانتيمتى عشان لما بحكى هى بتهون عليا شويه

بس ميرسى كتير على موضوعك الجامد ده

انت بقى بتكتم حزنك ولا بتقوله للى قريب منك؟؟؟!!

موضوعاتك جميلة جدا

جزاك الله كل خير

انا كل مااقول الدنيا هتبدأ هتضحكلى
الاقيها بتضحك على سزاجتى
وبتقولى مش هخليكى تفرحى

ان شاء الله هيجى يوم واقاوم حزنى

بالنسبه للسؤال فى بعض الاحيان باضطر الى عدم كتمان الحزن

انا بكتم حزنة لأن مفيش حد بيفهمنى
ومفيش حد بيحب يسمع منى
انا مليش حد قريب منى
لا قرايب ولا اصحاب

بس اول ما احس ان اللى قدامى متقبل كلامى وبيسمعنى بحكيله على كل حاجه حتى لو معرفوش
انا مفتقده ناس كتير اووووى


شكرا يا احمد علة موضوعك
بجد موضوعاتك اكتر من رائعه
مشكله مواضيعك بس انها بتقلب عليا المواجع

تقبل مرورى

اولا بشكركم على مروركم بموضوعاتى

انا بقى بضر الى كتمان الحزن فى قلبى لان مفيش حد بيحس بيا

ولو ليا صديق مهما كانت انى بثق فيه بيكلمه وهو فى عالم تانى خالص بيرد عليا رد عادى جدا

لذلك بضر الى كتمان الحزن وهو ده فعلا الى بيتعبنى

اولا احب اشكرك على الموضوع انا بقى مش بشتكى لاى حد طول عمرى كده كتومه
على الرغم من ان كل صديقاتى بيجوا يحكولى همومهم واتعودت ان اكتر حد ممكن يحس بيا هو انا واكتر حاجه
تمسح دمعتى هى ايدى وعلى العلم انى مشاكلى لا تحصى وفى بعض الاوقات ببقى
محتاجه حد يسمعنى بس مش لاقياه ودى اكبر مشكله عندى وكنت فاكرة ان فى شخص معين
ممكن يكون فعلا اللى اتسند عليه واحكيله بس للاسف كان اختيار خاطئ
عموما انا تأقلمت على وضع الوحده والسكوت والصمت موضوعك فوق الممتاز استاذ احمد

بسم الله الرحمن الرحيم
انا بلجأ لكتمان حزني لإني بصراحه لو قعدت اقول لكل واحد انا زهقانه و طفشانه من كذا
هو ذات نفسه راح يطفش مني
لإن كل واحد و فيه اللي مكفيه ..
مش ناقصه آجي انا و ازود عليه أحزانه
انا بروح لربنا و اقوله على كل اللي مضايقني .. من طأطأ لسلام عليكم و ساعات فصدي دايماً بيكون صوتي عالي كأني بكلم حد قاعد معايا ..
حتى يوم لما آجي احكي لحد مش بدخل في تفاصيل .. يادوب اللي بقوله بيكون نقطه في بحر
بس برتاح اوي لما اول لما اخلص دعائي و مناجاتي لربنا
شكراً للموضوع

اشكركم على المرور العطر بمواضيغى يا رب تكون حازت على اعجابكم

بداية بشكرك ع الموضوع الجميل ده

انا من الناس اللي بتكتم حزنها

لكن لو اعتبرت اني لازم ارد ع السؤال اللي هو لماذا نضطر لكتمان حزننا ؟ فممكن اقولك ولماذا نضطر للبوح بحزننا ؟؟ معتقدش في سبب مقنع

بسب اكيد فى سبب لان الكتمان فى بعض الاحيان يؤدى الى مضاعفات سيئة