السلام عليكم
ازيك يا دكتور انا اسمي الاء في تالتة ثانوي السنة دي ان شاء الله ازاي اقفل الاحياء ان شاء الله واذاكرها ازاي وممكن حضرتك تتابع معايا السنة دي ربنا يكرمك يااارب
عليكم السلام ورحمة الله وبركاته .....
الحمد لله بخير طالما أنكم بخير .....
مادة الاحياء مادة مهمة جدا وليس معنى ذلك التركيز عليها فقط وإنما التركيز على كل المواد
وبإذن الله ليس من الصعب على أي أحد أنه يجيب الدرجة النهائية في الاحياء
وللعلم يا آلاء أنتى وزملاؤك كفء لهذا
فلا تقلقي .... هو ليس أمرا مستحيلا ....
هذا الموضوع مختلف تماما حيث أن 30% من الأسئلة بعيدا عن الكتاب المدرسي ( يعني أسئلة تعتمد على الفهم والاستنباط ) يعني مستوى الفهم هيكون عالي السنة دي
وهذا شئ يبشربالخير .........
بالنسبة لمذاكرة الأحياء ......
مذاكرة الأحياء لها قواعد هامة ..... وعلى فكرة دي قواعد لكل المواد
أن تكون في مكان هادئ بعيدا عن الازعاج
لا تذاكري وانتي جوعانة ...... عشان التركيز ( تأكلي أولا جيدا ثم تشرعي في المذاكرة )
شرب العصائر الطبيعية ( وليس المياه الغازية ) لتقوية تركيزك
حاولي أن تكون حياتك هي المذاكرة لا يشوبها شائبة
لا تبدأي في المذاكرة أول السنة بقوة ..... لأنك هتيجي في الآخر وهتلاقي نفسك مش قادرة تكمّلي
تغيير وضع المذاكرة من الجلوس إلى الوقوف إلى المشي وهذا يساعد على تثبيت المعلومة
المحافظة على الصلاة في اوقاتها والحفاظ على ارضاء الوالدين
مذاكرة الأحياء تكون بالورقة والقلم
أعرف ان الكتابة شئ ممل لكنها تساعد على تثبيت المعلومة
وضعي في اعتبارك أن الفهم قبل الحفظ
يعني لو قابلتني عبارة أحللها وأفهمها وبعد كده أحفظها
الحفظ يكون بالتكرار
بالنسبة للرسومات ليس من الضروي رسمها زي ما يكون رسام هو اللي رسمها
أهم حاجة أنها تكون واضحة وكاملة البيانات
ولازم تذاكري المحاضرة في نفس يومها
ولما يجي ميعاد المحاضرة اللي بعدها اذاكرها تاني وهكذا عشان تثبت المعلومة
أما بالنسبة لمتابعتي ليكي ...
هذا ليس طلبا .. وإنما أمرا يستلزم عليّ فعله
هذا شرف كبير لي
وأرجوك أنا أن تعطيني هذا الشرف
ولذلك أرجو منك متابعة محاضراتي وتشوفي المعلومة اللي انتي مش فاهمها وتكتبيه في رسالة خاصة واجابة واجب المحاضرة واكتبيه في رسالة خاصة وأنا هشوفه وأصححه ليكي وأي حاجة عايزها أنا تحت آمرك
انتي يا آلاء ابنتي وهذا شرف لي
وأنا معاكي طول السنة ومع زملائك
وربنا معانا كلنا
الله الموفق ... وهو نعم المولى ونعم النصير