مشاهدة النسخة كاملة : هو انا اتجننت ولا ايه؟
bosy .. mostafa 21-08-2008, 05:09 PM بسم الله الرحمن الرحيم
السلام عليكم و رحمة الله و بركاته
انا بقى موضوعي النهارده مختلف شويه .. و جايز كمان يكون مكانه اجتماعيات طالب مش هنا كمان
تعرفوا فيه ناس كتير في حياتنا موودين (يعني ناس مزاجيه .. مزاجهم متقلب بمعنى آخر)
بس بقى انا كتير بسأل نفسي (هو انا اتجننت ولا ايه؟؟ :confused: )
هتقولوا لي ايه يا بوسي ليه بتسألي كده
اقولكم انا
يعني مثلاً اكون في فرح
رقص و هيصه و مبروك و لولولولولي و عريس و عروسه و ناس منفوشه :D
فجأه كده انا وبدون سابق إنذار ..
اسيب القاعه و اطلع بره و اقعد لوحدي و مش طايقه حد يكلمني ..
و انكد على اللي حواليا و ابوظ لهم اليوم .. :eek:
بلاش في فرح
في المصيف مثلاً .. حاجه حلوه اهي
بحر و رمله و هوا و آخر روقان ..
فجأه الاقيني عايزه اقعد لوحدي و مخنوقه و مش برد عالموبايل على حد ولا ليا دعوه بحد و انكد على اللي حواليا كلهم .. و على نفسي أولهم و ساعات الحاله بتوصل لإني بعيط :eek:
ليه و عشان ايه ولا ايه اللي حصل ؟؟؟ :eek: :confused::confused:ولا حد يسألني لإني مش ببقى عارفه ..
أسكت خالص و مش أكلم حد و لا ليا دعوه بحد .. زي ما يكون فيه مشكله حصلت او مصيبه وقعت فيها و مش راح اطلع منها بسهوله !!
و أي حد يكلمني بصده و ابقى مش طايقه نفسي حتى !!
و انزل اتمشى في الشارع لوحدي .. و اصحابي يحاولوا يكلموني بس محدش عارف يوصلي
و فجأه برضو تلاقيني مبسوطه اوي و آخر فرحه و هيصه
و اي حد يكلمني اقعد اضحك و اهزر معاه زي ما يكون فيه حلم حققته كنت بحلم بيه من زمااان
و مش ببقى عايزه أبطّل ضحك ..
لدرجة ان مره واحده صاحبتي لاحظت عليا الحكايه دي و قالت لي (أيه يا بوسي , هي الحاله جت ولا ايه ؟ قاعده تضحكي و اخر روقان .. امال ايه الإنقلاب اللي كنتِ فيه من شويه ده .. يا مجنووونه)
و بلاش اكمل لكم بقية الحوار .. خلينا نقف لحد مجنونه دي :D
أنا بقى نفسي اعرف ايه يعني ..
مره ابقى نكد و انكد عاللي حواليا كلهم و اسمع اغاني حزايني و سابني وراح و ضاقت بيك و حاجات كتيره
و ساعات بعيط من غير سبب ..
و مره تلاقيني فرحانه اوي و ماليه الدنيا ضحك و هزار و اسمع اغاني فرايحي بقى و الليله ليلتك يا معلم و حاجات من هذا القبيل
تفتكروا ده جنان ولا ايه .. :confused: ؟
:eek::eek::eek:
عايزه بجد الاقي حل قبل ما اللي حواليا يقولوا اني مجنونه فعلاً , و يسلموني للعباسيه :D
و ربنا مايرزقكم بحد موودي زي حالاتي .. كل دقيقه بحال
Shams AlhaQ 21-08-2008, 05:13 PM ع فكره اعتقد انها بتحصل لبعضنا
بس انتي اعملي كنترول ع نفسك
لانك ممكن تزعلي حد جامد وميكلمش معاكي تاني
ميرسي ليكي
تقبلي مروري
bosy .. mostafa 21-08-2008, 05:14 PM ع فكره اعتقد انها بتحصل لبعضنا
بس انتي اعملي كنترول ع نفسك
لانك ممكن تزعلي حد جامد وميكلمش معاكي تاني
ميرسي ليكي
تقبلي مروري
مهو المشكله دي حصلت قبل كده
بس هي فهمتني و عرفت انه كان غصب عني و بقت تستحملني
شكراً يا دين الحق
Cray_Bird91 21-08-2008, 05:18 PM عادى يا بوسى
بس اكيد انتى بتفتكرنى حاجة وحشة لقدر الله او افتكرتى حد كنتى عايشة معاه احلى ايامك وفجأة لقدر الله (يارب يكون كلامى غلط):rolleyes: افتكرتى
عادى:)
بتحصلى بس مش فى كل موقف
يعنى بحاول امسك نفسي واتكلم عادى وبعدين لما اوصل الاوضة او اى مكان تانى لوحدى ابقى اعيط زى ما انا عاوزة
بصى كل دى مداخل شيطانية متخليش ابليس يسيطر عليكى بالطريقة دى واستهدى بالله كدة وخليكى طبيعية:)
وربنا معاكى:)
بتحصل كتير اوى يابوسى
وبرضه مش عارفة ايه السبب
بس انتى حاولى تضغطى على نفسك شويه واتحملى الانقلاب المفاجى ده
ولما تحسى انك هتقلبيها نكد ممكن تدخلى اوضتك شويه لغاية ما تهدى
انا بعمل كده كتير
وربنا يشفيكى يا بوسى ما كنتى بعقلك يا حبيبتى:D
انا بهزر اوعى تزعلى
Arstorm 21-08-2008, 05:22 PM والله يا حبيبتى انا زيك بالظبط
عارفة والله نفس حكايتى بالظبط
انا جبت فى تانية ثانوى اهو مجموع عالى الحمد لله و مع ذلك من اول ما جبت المجموع والله مخنوقة من ساعتها قولت الحمد لله يارب انك رفعت راسى بس انا حاسة انى مخنوقة
و سافرت معاهم اليكس بالعافية و اتخانقت معاهم والله و طول السفر قافلة الموبايل و افتحه بالليل و صاحبتى بتكلمنى بعيط معاها طول المكالمة
و على فكرة انا فى الأغلب دايما متنكدة بس انا متأكدة ان ده تأثير الثانوية العامة عليا بس بجد دى مسئولية كبييييييييييييرة اوى من ساعتها ما دخلتها وناا حالى اتقلب و كلهم ملاحظين كده
لكن مش بفك الا مع قرايبى ومش هتصدنى عندهم الكبيرة فيهم 8 سنين و هما حوالى 7 بنات بقعد معاهم حوالى 3 ساعات بضحك لما اجيب اخرى دى الفترة الوحيدة اللى ببقا فيها مبسوطة و بس كده
وادينى اهو ايحة 3 ثانوى و حاسة انها هتجيب اخرى
شكرا ليكى يا قمر
و بجد شكرا على موضوعك لانه فتحلى الطريق انى افضفض لان عندى نفس المشكلة
bosy .. mostafa 21-08-2008, 05:31 PM بسم الله الرحمن الرحيم
Moonlife
عادى يا بوسى
بس اكيد انتى بتفتكرنى حاجة وحشة لقدر الله او افتكرتى حد كنتى عايشة معاه احلى ايامك وفجأة لقدر الله (يارب يكون كلامى غلط) افتكرتى
عادى
بتحصلى بس مش فى كل موقف
يعنى بحاول امسك نفسي واتكلم عادى وبعدين لما اوصل الاوضة او اى مكان تانى لوحدى ابقى اعيط زى ما انا عاوزة
بصى كل دى مداخل شيطانية متخليش ابليس يسيطر عليكى بالطريقة دى واستهدى بالله كدة وخليكى طبيعية
وربنا معاكى
اللي بتقوليه صح
يعني لما ببقى في فرح مثلاً كل الناس حواليا فرحانين و هي هي و هو هو و مبروك و عقبال البكاري و الكلام ده
مش عارفه بتضايق لييييييه .. بفتكر ساعتها كل حاجه منكده عليا من ثانويه عامه لصاحبتي اللي ماتت للي الطناش اللي واخداه من اللي بحبه الخ الخ ..
بس بحاول برضو اني امسك نفسي
بس ساعات مش بقدر و اقلبها مندبه :D
شكراً للمرور
==
بتحصل كتير اوى يابوسى
وبرضه مش عارفة ايه السبب
بس انتى حاولى تضغطى على نفسك شويه واتحملى الانقلاب المفاجى ده
ولما تحسى انك هتقلبيها نكد ممكن تدخلى اوضتك شويه لغاية ما تهدى
انا بعمل كده كتير
وربنا يشفيكى يا بوسى ما كنتى بعقلك يا حبيبتى
انا بهزر اوعى تزعلى
مانا هتجنن و اعرف السبب اييييييه
بجد انا فعلاً عقلي شكله بيودع و كله بسبب ثانويه عامه :D
ميرسي يا عثل لمرورك
==
والله يا حبيبتى انا زيك بالظبط
عارفة والله نفس حكايتى بالظبط
انا جبت فى تانية ثانوى اهو مجموع عالى الحمد لله و مع ذلك من اول ما جبت المجموع والله مخنوقة من ساعتها قولت الحمد لله يارب انك رفعت راسى بس انا حاسة انى مخنوقة
و سافرت معاهم اليكس بالعافية و اتخانقت معاهم والله و طول السفر قافلة الموبايل و افتحه بالليل و صاحبتى بتكلمنى بعيط معاها طول المكالمة
و على فكرة انا فى الأغلب دايما متنكدة بس انا متأكدة ان ده تأثير الثانوية العامة عليا بس بجد دى مسئولية كبييييييييييييرة اوى من ساعتها ما دخلتها وناا حالى اتقلب و كلهم ملاحظين كده
لكن مش بفك الا مع قرايبى ومش هتصدنى عندهم الكبيرة فيهم 8 سنين و هما حوالى 7 بنات بقعد معاهم حوالى 3 ساعات بضحك لما اجيب اخرى دى الفترة الوحيدة اللى ببقا فيها مبسوطة و بس كده
وادينى اهو ايحة 3 ثانوى و حاسة انها هتجيب اخرى
شكرا ليكى يا قمر
و بجد شكرا على موضوعك لانه فتحلى الطريق انى افضفض لان عندى نفس المشكلة
انتِ زيي بالظبط
انا جبت مجموع برضو و بالرغم من كده إلا اني متضايقه و بقول لا كنت عايزه اكتر من كده و بعدين اقول لالا انا لازم احمد ربنا .. و لإن شكرتم لأزيدنكم ..
انا برضو لما بتضايق و اكون في بيتنا و على اوضتي عدل
انما لو بره البيت .. مشكله بقى هههههههه
شكراً للمرور
SENDRILLA 21-08-2008, 05:35 PM حبيبتي متقلقيش اوي كده
انتي لا اتجننتي ولا حاجه
معلش ناو مستعجله لازم اخرج
هدخل مره تانيه ارد علي مشكلتك
وياريت المشرفين ينقلوه لاجتماعيات طالب
SENDRILLA 21-08-2008, 05:36 PM حبيبتي متقلقيش اوي كده
انتي لا اتجننتي ولا حاجه
معلش ناو مستعجله لازم اخرج
هدخل مره تانيه ارد علي مشكلتك
وياريت المشرفين ينقلوه لاجتماعيات طالب
!!!دمعة حزن!!! 21-08-2008, 06:48 PM ههههههههههههههههههه
عادى يابوسى
والله يابنتى الحكايه ده بتحصلى كتيررررررررررررررر
وماما دايما تقولى هى الحاله جت
ولو حصلت معايا وانا مع اصحابى بفضل ساكته عشان مجرحش حد
وهما عرفين انا لما بضايق ممكن اجرح اى حد ومبرحمش اللى قدامى
بالنسبه للضحك
لما بضحك بضحك بالهبل لدرجه انى بحس انى اتجننت
عشان بضحك من غير سبب
بجد بحاول اسال نفسى ايه سبب الضحك والعياط ده
مش بلاقى اجابه
يلا ربنا يهدى لاحسن حاسه انى اتجننت خلالالالالالالالالالالاص
Golden Eagle 21-08-2008, 07:42 PM بصراحه أنا مش فاهم حاجه
أنا هاقرا الموضوع تاني و تالت لغاية ما أفهمه
بس كل اللي أقدر أقوله ربنا يعينك علي أنك تكوني أحسن من دلوقتي
memsh 21-08-2008, 08:53 PM اولا احب اشكرك يا بوسى على التوبيك الرائع ده لان زى ما بيحصل معاكى بيحصل معانــــا كلنا والله مش انتى بس
بصى بوسى فى اوقاات كتير اوى الانسان بيبقى فى مود مش بيهيأله انو يفرح او انو يتفاعل مع اللى حواليه احيانا يعنى ده اللى بيحصل .........
بس لو كان زى ما نتى بتقولى فى كل مره يعنى يبقى اكيد فى حاجه فى حياتك مدايقاكى ودايما بطارد ك حتى فى فرحك ، دى بقه محتاجه منك وقفه لانك تشوفى ايه الحاجه دى اللى مديقاكى وشاغله بالك وفكرك دايما ومخليكى فى وضع حزن وآلام ...........
ميرسى والرجـــــــــــاء تقبل مرورى ورأى ........
ahmed2845 21-08-2008, 09:48 PM اللى بيحصلك ده امر طبيعى و بيحصل لكل الناس
مفيش حد ثابت على حالة
وكل الناس بتتغير امزجتها من الفرح للحزن ومن الحزن للفرح
ده امر طبيعى
بس انتى مزوداها شوية
the black rose 21-08-2008, 09:58 PM لا انتى متجننتيش يا بوسى
فى ناس كتير كدة بتبقى طبيعة مزاجية
و اوقات بحس انى كدة
شكرا عالموضوع
Dr.ahmed91 21-08-2008, 10:13 PM طبعا كلنا عارفين ان مرحلة الثانوية والجامعة
هي ما يسمى بمرحلة المراهقة وطبعا
بيحدث فيها تغيرات عقلية وجسمية وتأثر
بالجهاز العصبي والهرموني وانا كطالب احياء
درست هذا الموضوع
ده طبعا بجانب الضغوط الشديدة المتعلقة بامتحانات الثانوية
ونتيجتها واثارها برضه
الى جانب طبعا سبب وهو وسوسة الشيطان فلازم نستعيذ بالله
يعني لما الناس فرحانه تزعليهم وتنكدي عليهم وبعد كده انتي نفسك تزعلي
والعكس
وده مش عند بس لكن عند معظم اللي في المرحلة دي وبتختلف بنسب متفاوتة
حسب الراحة النفسية والتعاملات الأسرية والطبيعة الايمانية
يعني البيئة المحيطة بالانسان
كلمه حب 22-08-2008, 12:16 AM أقولك على حاجه يابوسى انتى ممكن يكون الموضوع فعلامضايقك ومضايق ناس حواليكى بس اكيد ده بيحصل لسبب
معين جواكى وانتى بس اللى تعرفيه وممكن اوى كمان ماتكونيش عايزة
تواجهى نفسك بيه ومتقلقيش ده بيحصلنا كلنا عادى يعنى بس بدرجات بقى تختلف من شخص والتانى
مش مجنونه ولا حاجه ماتخافيش ولو ان الجنان ده ألذ حاجه فى الدنيا يابنتى المجانين فى نعيم بجد
وأوقات كتير بتحسى انك نفسك تبقى مجنونه ومش بتفكرى فى حاجه وعايشه اليوم بكل تفاصيله وجنونه
بس اللى عندك ده انتى بس اللى تقدرى تفهميه علشان تعالجيه لو مضايقك كده .
فنكوشه المنكوشه 22-08-2008, 12:57 AM لا اطمني ليه عقلك فيه حته سليمه :D
علي فكره انا زيك بالظبط يمكن اكتر
انا ممكن اكون مخنوقه فوق ما تتخيلي واعده بضحك ولا في دماغي او عامله انه ولا في دماغي :p
هي بتبقي شخصيه الانسان كدا ممكن تكوني انطوائيه متحبيش التجمعات الكبيره زي حالاتي
ممكن تكوني مبتحبيش الافراح مثلا
وممكن تكوني هوائيه
وناس كتير زي وزيك
يعني انا ممكن شهر اعد من غير ما اكل اي حاجه يعني حاجات تعيش بس
وفي يوم تاني تلاقيني باكل اكل غير عادي :D
عيشي حياتك :D
MohammeD el_SadaT 22-08-2008, 01:50 AM لاء متقلقيش مش إنتى لوحدك كده
مش عارف أقول كلنا ولا اتكلم عن نفسى بس جد فعلاً ده بيحصل معايا حرفياً
بس أنا عكسك أنا عارف إيه السبب
و
السبب إننى إتعودت على الحزن وبقيت بخاف أفرح زياده عشان لما أرجع تانى لحزنى ميبقاش صعب عليا
أنا طول عمرى بدعى دعوه وحده
يارب إن كانت الدموع هى مصيرى الوحيد فلا تدع أحد يضحكنى
فى عز فرحتى بحس بحزنى طالع يقولى متفرحش زياده يا أستاذ المكد لسه جاى
بجد
أنا خلاص إتعودت مفرحش زياده وخدت الحزن صديق ليا مرفقنى فى كل حاجه
h_m_y_2010 22-08-2008, 04:44 AM ده المنتدي كلوا طلع نس الحاجة
ربنا يكملكوا بعلقوا ويشفيكوا
the black rose 22-08-2008, 01:48 PM اعتقد ان الموضوع ده شبه ده
http://www.thanwya.com/vb/showthread.php?t=16595
عارفة يا بوسى
لو ده اوقات بيحصلك
ف انا بقى حياتى كلها كدة !!
:rolleyes:
SmSm Basha 22-08-2008, 02:44 PM يعني مثلاً اكون في فرح
رقص و هيصه و مبروك و لولولولولي و عريس و عروسه و ناس منفوشه :D
فجأه كده انا وبدون سابق إنذار ..
اسيب القاعه و اطلع بره و اقعد لوحدي و مش طايقه حد يكلمني ..
و انكد على اللي حواليا و ابوظ لهم اليوم .. :eek:
بلاش في فرح
في المصيف مثلاً .. حاجه حلوه اهي
بحر و رمله و هوا و آخر روقان ..
فجأه الاقيني عايزه اقعد لوحدي و مخنوقه و مش برد عالموبايل على حد ولا ليا دعوه بحد و انكد على اللي حواليا كلهم .. و على نفسي أولهم و ساعات الحاله بتوصل لإني بعيط :eek:
ليه و عشان ايه ولا ايه اللي حصل ؟؟؟ :eek: :confused::confused:ولا حد يسألني لإني مش ببقى عارفه ..
و فجأه برضو تلاقيني مبسوطه اوي و آخر فرحه و هيصه
و اي حد يكلمني اقعد اضحك و اهزر معاه زي ما يكون فيه حلم حققته كنت بحلم بيه من زمااان
و مش ببقى عايزه أبطّل ضحك ..
أنا بقى نفسي اعرف ايه يعني ..
مره ابقى نكد و انكد عاللي حواليا كلهم و اسمع اغاني حزايني و سابني وراح و ضاقت بيك و حاجات كتيره
و ساعات بعيط من غير سبب ..
و مره تلاقيني فرحانه اوي و ماليه الدنيا ضحك و هزار و اسمع اغاني فرايحي بقى و الليله ليلتك يا معلم و حاجات من هذا القبيل
تفتكروا ده جنان ولا ايه .. :confused: ؟
:eek::eek::eek:
عايزه بجد الاقي حل قبل ما اللي حواليا يقولوا اني مجنونه فعلاً , و يسلموني للعباسيه :D
هههههههه
عادي جدا يا بوسي انا حياتي كلها كدا .......انا حاسس انهم عايزين يولعوا فيا في البيت ......... في الاوقات اللي المفروض اني ابقى مبسووووووووط و هموت من الفرحة ابقى مضايق و في اوقات تانية اشعر بالفرحة والسرور بدون اي سبب او داعي و لما بتجيلي حالة الهزار دي كل واحد يقولي مالك في ايه ........ كانوا بيقولولي كلمه كدا بدل موودي ........... اه ....... انت بغزالة ...........ههههههه كاني مركب غزالة في ديلي (قال يعني عندي ديييل):D:D .........ههههههههه ............ اسف على الاطالة و شكرا ليكي على الموضوع ....... و تقبلي مروري
bosy .. mostafa 23-08-2008, 12:35 PM بسم الله الرحمن الرحيم
بجد فرحت اوي بالردود دي .. مع اني زعلانه هههههههه << بطلي رخامه بقى يا بوسي
سندريلا
شكراً يا جميل لردك و لمرورك
==
كوكو
مش لوحدك اتجننتي
واضح ان الدنيا كلها اتجننت مش لوحدي الحمد لله
يعني بجد الحاله دي عند ناس كتيره؟؟
انا فاكراها لوحدي والله
يعني لما اضحك تلاقيني بضحك بشكل هستيري لدرجة ان اللي يشوفني يقول بوسي مش راح تخلص ضحك في يومها ده
و لما اعيط .. بعيط برضو بشكل هستيري لدرجة ان اللي يشوفني يقول بوسي عايشه في حالة نكد
وربي كنت مره بعيط اوووووي في اوضتي و كان الكلام ده قبل الإمتحانات بشهر بس مش كنت بعيط عشان الإمتحانات .. ولا اعرف اصلاً كنت بعيط ليه .. المهم فأخويا دخل عليا و بيضحك و قالي (يا بوسي .. لا تبكي إن الإمتحان سهل) والله وقتها بطلت عياط و قعدت اضحك على طريقته .. مش بزمتكم هبل ! :D
شكراً للمرور الجميل ده
==
الصقر الذهبي
لما تفهم الموضوع قولي .. :)
و شكراً لمرورك
==
مشمش
مهو انا اللي مجنني انه مافيش حاجه بتنغض عليا حياتي او قارفاني في عيشتي مثلاً
عندي اهلي و اصحابي بيحبوني .. يعني مش مكروهه بين الناس
و متفوقه الحمد لله في دراستي ..
طيب فين المشكله ولا حد يسألني
شكلي بعمل مشكله من مافيش .. يعني بعمل من الحبه قبه
==
احمد
شويه !!
شوية مين بس .. ده قول شويتين تلاته سبعه وعشرين شويه !!
مش بقولك هو انا اتجننت ولا ايه؟ :D
شكراً لمرورك
==
شيرين
شكراً يا قمر لمرورك الجميل و تعقيبك :)
==
دكتور احمد
انا برضو برجح ان الحاله دي ان التغيرات اللي بيصاب بيها الإنسان في مرحلة المراهقه
خصوصاً في الحاله النفسيه بيبقى كل يوم بحال قصدي كل ثانيه سوري
كل يوم دي طويله شويه :D
عموماً يا أحمد شكراً و جايز جايز يكون تفسيرك صح
بس الحاله دي عندي من يوم ما وعيت عالدنيا !!
==
كلمة حب
يا عسل برضو صدقيني بدور على حاجه قارفاني يمكن هي السبب
إني ألاقي .. أبداً .. نهائي .. إطلاقاً ..
مش بقولك بعمل من الحبه قبه :D
و فعلاً انا ساعات بعيش اليوم بكل جنوني و ببقى مجنونه بكل ما تحمل الكلمه من معاني
شكراً للمرور يا قمر
==
ساره
انا فعلاً مش بحب التجمعات الكبيره
يعني لما اجي اخرج مع اصحابي اخرج مع واحده بس !
ماحبش اننا نكون اكتر من اتنين .. مش عارفه مش بحس اني فرحانه
بحس اني لوحدي و كأن محدش جنبي
نفس الكلام في الأفراح .. مش بحبها و لا بحب الدوشه
بحب اكون قاعده في اي مكان هادي .. مش بحب الهيصه و لولولي و الحاجات دي كلها
و كل البنات في الأفراح بلاقيهم يطلعوا يرقصوا مع العروسه انا بكتفي اني اتفرج من بعيد
او اقف اسقف وخلاص .. ده غير كده الرقص حرام ... مش ناقصه ذنوب بقى :rolleyes:
في حكاية الأكل انا زيك تماماً .. ساعات بحس اني جايه من الصومال و اول مره اشوف اكل و آكل بإفترا
و ساعات بحس اني مش عايزه آكل اصلاً و عندي هم الأكل ده زي هم المذاكره كده :D
شكراً يا جميل لمرورك الجميل
==
محمد السادات
على فكره انا برضو بخاف افرح
يوم لما بلاقيني فرحانه في يوم ببقى خايفه اوي اوي .. بخاف بعد الفرحه دي اتصدم في اي حد او اتصدم في الفرحه نفسها و ده غالباً اللي بيحصل
شكراً ليك للمرور
==
h_m_y_2010
يعني حضرتك اللي مش نفس الحكايه ولا حاجه؟؟ :confused:
لا تعليق
==
منى
يا حبيبتي هو انا قلت اوقات
ده دايماً
ميرسي يا عسل للمرور
==
سمسم باشا
انا بيقولوا عليا موديه و ساعات مقلوبه هههههههه
محسسني اني صوره مش عارفه ليه :D:D
حاسه ان اللي حواليا عايزين يخلصوا مني !!
شكراً ليك و لمرورك
bosy .. mostafa 23-08-2008, 01:45 PM حد يشوف لي حل في الصفحه دي بجد
ايه حكاية الصفحه البيضا دي
بتشجع الزمالك ولا ايه
انا دمي اتحرق وفار و شاط كمان
bosy .. mostafa 23-08-2008, 04:05 PM هو انا الردود بتاعتي بتتاكل ولا ايه؟؟
ahmed2845 23-08-2008, 10:05 PM لاء متقلقيش مش إنتى لوحدك كده
مش عارف أقول كلنا ولا اتكلم عن نفسى بس جد فعلاً ده بيحصل معايا حرفياً
بس أنا عكسك أنا عارف إيه السبب
و
السبب إننى إتعودت على الحزن وبقيت بخاف أفرح زياده عشان لما أرجع تانى لحزنى ميبقاش صعب عليا
أنا طول عمرى بدعى دعوه وحده
يارب إن كانت الدموع هى مصيرى الوحيد فلا تدع أحد يضحكنى
فى عز فرحتى بحس بحزنى طالع يقولى متفرحش زياده يا أستاذ المكد لسه جاى
بجد
أنا خلاص إتعودت مفرحش زياده وخدت الحزن صديق ليا مرفقنى فى كل حاجه
والله العظيم يا مان انا زيك بالظبط
بخاف افرح عشان لما بفرح لازم تجيلى مصيبة ترجعنى للحزن تانى
عمرى ما فرحت فى حاجة الا وانتهت بحزن
انا كنت فاكر نفسى انا الوحيد اللى كده بس طلع فى ناس زى اهو
h_m_y_2010 23-08-2008, 10:40 PM دا أنا اللي مبتدعة الموضوع بس محدش يزعل أنا كنت بهزر
على فكره
انا برضه زيك
وعارف احنا ليه كده
وعارف انتى ليه كده
عموما هو ده طبيعى
لانك مراهقه
ده رايي
ويارب يكون مقنع
bosy .. mostafa 24-08-2008, 05:42 PM هي فعلاً ظاهره من ظواهر مرحلة المراهقه
ربنا يعدي فترة الجنان دي على خييييييير
Dr|shereen 26-08-2008, 12:54 PM ولله يا بوسى انا كده بالظبط بزعل فى اوقات المفروض مزعلش فيها وافرح فى اوقات المفروض مفرحش فيها وكمان فى البيت بيسمونى المعقدة وصحابى بيقولوا عليا كئيبة معرفش لبه بس دة اكيد من اثار الثانوية يارب نعدى منها على خير ونحقق احلامنا
**تسابيح** 27-08-2008, 08:59 PM بصي بقي ياجميل
دا حالة طبيعة جدا وبتحصل
لناس كثير بيبقي المودا بتعهم
كدا بس اهم حاجه انك تلاقي حد
يفهم عشان يقدر يخرجك من
اللي بتكوني فيه انا فعلا بيحصل
لي كدا بس لما يكون فيه
حد قريب مني بتغير 800درجة
حولي تقربي من الناس وتعيشي
حياتك
يالا دا انا كمان كنت بحسب اني طبيعيه
تطلعت بردو ا مجنونه
هههههههههههههههههههه
|