|
مشاهدة النسخة كاملة : ياريت يا اساتذة تفيدونى ضرورى بالله عليكم نادية نصار 07-09-2015, 01:47 PM هل من حق الموجة ان يقوم بندبى او نقلى من مدرستى بدون رغبتى وذلك لحجة انة مش لاقى حد يوافق انة يدخل المدرسة دى وانا الغلبانة اللى بوافق وبحجة ا ن المدرسة اللى انا فيها ابتدائى فمش مهمة اما اعدادى اهم هل من حقة ندبى او نقلى بدون رغبة ارجوا الاهتمام والرد وياريت تقلولى اية حقوقى Mr Refaat 07-09-2015, 07:30 PM اولا انتي مؤهلك الدراسي ايه ؟ - تخصص مادة التدريس ايه؟ = المسمي الوظيفي في امتحان الكادر كان ايه ؟ و المرحلة المسكنة عليها في امتحان الكادر كان ايه ؟ = هل انتي احدث أو اقدم واحدة في الادارة في تخصص التدريس؟ عند الاجابة علي هذه الاسئلة بالاعلي ثم السؤال التالي أقلك من حقه و لا له = هل كل المدرسين في الادارة في المرحلة الاعدادية في تخصص هذه المادة واخدين نصابهم من الحصص بالكامل؟ عند الرد أقلك بس الاهم من ذلك ما تمضيش علي جواب الانتداب نهائيا قبل ما تعرفي من حقه و لا له نادية نصار 09-09-2015, 12:20 PM اولا انتي مؤهلك الدراسي ايه ؟ - تخصص مادة التدريس ايه؟ = المسمي الوظيفي في امتحان الكادر كان ايه ؟ و المرحلة المسكنة عليها في امتحان الكادر كان ايه ؟ = هل انتي احدث أو اقدم واحدة في الادارة في تخصص التدريس؟ عند الاجابة علي هذه الاسئلة بالاعلي ثم السؤال التالي أقلك من حقه و لا له = هل كل المدرسين في الادارة في المرحلة الاعدادية في تخصص هذه المادة واخدين نصابهم من الحصص بالكامل؟ عند الرد أقلك بس الاهم من ذلك ما تمضيش علي جواب الانتداب نهائيا قبل ما تعرفي من حقه و لا له انا معينة اعدادى على الكادر ولكنة قام الان بنقل مدر س قديم معى فى المدرسة علشان اسيب اعدادى فوفقت بابتدائى بس دلوقتى عايز ينتدبنى لمدرسة الكل رافض دخولها وانا فى مدرسين احدث منى شغلين ومكملين ابتدائى ومش راضين وناس لها محسوبية وكدة فمش بيضغط عليهم وانا اللى بيضغط عليها وفى مدرسين اعدادى مش مكملين نصابهم فمكملين ابتدائى والمدرسين دول انا كنت مكانهم فى بعض السنين وكان ينتدبنى فى المدرسة دى ودلوقتى مش راضى ينتدبهم طب منا كنت مكانهم وكنت بانتدب Nasr Fouad 09-09-2015, 03:52 PM من حق الموجه انتدابك بدون رغبتك في حالة اذا كنت احدث مدرسة في المدرسة و تكون المدرسة المنتدبة ليها فيها عجز و يكون عندكم زيادة نادية نصار 09-09-2015, 04:49 PM من حق الموجه انتدابك بدون رغبتك في حالة اذا كنت احدث مدرسة في المدرسة و تكون المدرسة المنتدبة ليها فيها عجز و يكون عندكم زيادة انا ليا حصص فى مدرستى وزيادة كمان بس ابتدائى Mr Refaat 12-09-2015, 05:32 PM انتي لم تجيبي علي اسئلتي لكن من خلال ما فهمته من كلامك سأرد عليكي ببعض المعلومات و هي = أولا أنتي أخطأتي لما أنتدبتي من اعدادي الي ابتدائي و هذا لأنه في اعدادي فيه تخصص في مادة التدريس و ده بيعطيكي قوة في عدم قدرة الموجه علي نقلك أما في ابتدائي فعشان مفيش تخصص فكله بيدي اي حاجة و بسهولة بتتنقل أي مدرس 2- عشان الموجه ينتدب مدرس من اعدادي الي ابتدائي لازم يكون أحدث مدرس في الادارة كلها و كمان يكون في الابتدائي به عجز علي مستوي الادارة كلها ( الا اذا كان دي رغبة المدرس و هو اللي غاوز يعمل انتداب فما مفيش مشكلة ) 3- عشان أنقل مدرس من مدرسة الي مدرسة اخري في نفس المرحلة ابتدائي لازم يكون المدرس أحدث واحد في المدرسة و كمان لازم يكون في مدرسته به زيادة في المدرسين و في المدرسة الاخري بها عجز -------- اذا لم تنطبق ما ذكرته عليكي فتفعلي الأتي - لا توقعي علي جواب الانتداب و اشتكي في الشئون القانونية في الادارة و اذا لم تلغي انتدابك للمدرسة السيئةفاشتكي في النيابة الادارية - و أنا أفضل لو كان انتدبك الي الابتدائي بدون كتابة طلب منك عليه موافقتك فطالبي بالغء انتدابك من ابتدائي و ارجعي اعدادي طالما في تخصصك في اعدادي في عجز و المرحلة الابتدائية بها زيادة |