إحْنا الغلابة المصريينْ

وانتم شلة منتفعينْ

شلة بينْ بعضهم متفقين

اتفقوا علينا في مجلس الأمينْ

بيناقشوا أمورنا .. واحْنا مش عارفينْ

اتفقوا علينا وهما مجتمعينْ

يفضلوا يلفُّوا الطاحونة .. ونفضل مطحونينْ

قاعدين يتفنَّنوا في وضع القوانينْ

قوانينْ تحمي مينْ من مينْ

لا طواري ولا طينْ

انفجر يا بركان المصريينْ

اوعى تظلم ولاَّ تهينْ

اعزروني .. يمكن يكونْ كلامي عجين في عجينْ

أهو ينفع في يومْ .. مفيش فيه قمح ولا طحينْ

أيام عجاف جايَّةْ .. مش هيعيش إلاَّ المنتفعينْ

واحْنا هنعيش على خطة خمسيَّة

لحد ما تتمِّ الخمسة وعشرينْ

ونعيد الكَرَّة من تاني .. ولاحْنا مش عارفينْ

مش عارفينْ إحْنا مينْ

ونرجع نقول آدي احْنا صابرينْ

خمسة وراء خمسة .. وهما متمكنيينْ

هَمُّهُمْ الكراسي عليها محافظينْ

وفي رغد المعيشة عايشينْ

أما الغلابة المصريينْ

تكفيهم البصلة .. واهُمْ عايشينْ

المهم يفضلوا شغَّالينْ

gameel gedan.....fekr siasi ra2i3 fe sorat sokhria

جميل اوي يااااااااا .....

مش عارف اقول يا ايه ياريت تقولنا اسمك الحقيقي

شكرا جدا لمروركم
انا اسمى الحقيقى اسماعيل

اوكي يا اسماعيل

شكرا للموضوع

منور المنتدى يا سمعة

ومشكور على الموضوع الجميل دة

المنتدى منور باعضاءه المتميزين
انا لسه يادوب
شكرا ليك

تسلم ايدك يا بشمهندس اسماعيل