يا جماعة والله العظيم منهج الفلسفة والمنطق ده كارثة ومهزلة واستخفاف بعقولنا الكتاب مليان أخطاء كتيرة أنا مش عارف لية محدش عاوز يتحرك ويعمل حاجة قبل فوات الاوان أخطاء علمية وهجائية وكلام غير منطقى وترتيب خاطئ للأفكار وسرد للمعلومات وحشو ذائد عن اللازم .
الموضوع بسيط جدا لازم المسئولين عن المادة يتحركوا ويمنعوا نزول هذا الكتاب قبل بداية العام الدراسى وإقرار كتاب العام السابق والله منهج شيق ومرتب أنا راضى زمتكم فى حد يلغى موضوعات الفلسفة مثل الحرية والعقد الاجتماعى وفلسفة الاخلاق ويقرر منهج زى ده ولا حد يلغى موضوعات المنطق الشيقة واللى فيها مجال للطالب للتفكير ويقرر منهج مترجم ترجمة حرفية بحيث لاتعطى معنى للجملة زى ده .

لو تم إقرار هذا المنهج أوعدكم بنسبة رسوب عالية فى مادة الفلسفة والمنطق هذا العام
ومرة أخرى أقدم شكرى وأحترامى للسادة المسئولين عن مادة علم النفس والاجتماع لتمسكم بالمنهج رغم بعض المحاولات لتغييره .
لابد من التدخل والتحرك السريع للمسئولين والسيد مستشار مادة الفلسفة قبل فوات الأوان .
وياريت أعرف رأيكم مع أحترامى لجميع الآراء .

أ / أحمد سالم
مدرس المواد الفلسفية بالاسكندرية

انا أتفق معك قلبا وقالبا موضوعات المنهج جميلة بس فعلا صياغتها زى الزفت ومليان حشو وأخطاء علمية والمسئولين ودن من طين وودن من عجين ولا حياة لمن تنادى واحنا نفسنا المدرسين المنهج بالنسبة لينا مشكلة اما الطلبة الله يكون فى عين أبوهم

فعلا أتفق المنهج فيه رغي كثير ، ومحتاج تعديل أو حذف أجزاء منه رغم أن الموضوعات شيقة .. لكن طريقة العرض والسرد فيها إسهاب بالإضافة إلى الأخطاء العلمية وشكرا

أوجزت فأنجزت يا أستاذ احمد ، لكن اختلف معك فى مسألة نسبة الرسوب ، لأن منهج الأى كلام أى كلام فيه يمشى

يعنى المطلوب نعمل ايه:bosyht9:

مافيش أحسن من الفضفضة بينا وبين بَعضُنَا لكن اللى الوزاره عايزاه حيحصل