يا جماعة منطقة شمال الجيزة شغالة تأنيث وجوابات النقل للمدرسين الموجودين بهذه المنطقة شغالة على قدم وساق مثل فتيات العمرانية والقدس وعبدالعزيز وغيره .فيه حد عنده حل ؟ الناس سنها معدى الخمسين بصراحة حرام اللي بيحصل ده.

التانيث على قدر الامكان فقط لان عدد الاناث اقل من عدد الذكور

لا مدير المنطقة قال لو شفت راجل في معهد فتيات هاحول الموجه المسؤول للتحقيق.

فى منطقة المنصورة وكيل الوزارة هو المنشور ( تعليماته بالسان فقط ) والقطاعات شغالة الله ينور قال أيه تأنيث الفتيات وعماليين ينقلوا ويندبوا فى المدرسين يوم ويومين وثلاثة من معهد إلى معهد أخر ( أصل السبت عندنا عمل والترية والتعليم عندهم أجازه أصله شغال بقانونه الشخصى أصل البلد فوضى مش قانون عمل ) مع العلم اللى حصل كله عملية تغير المدرسين مكان مدرسين فقط مش موضوع تأنيث هو ده تطوير الأزهر والمدرس يجرى على السكك أصل المواصلات رخيصه والبلد فاضيه ومفيش زحمه والمرتب ياه بالدولار ( عجبى عليك يا بلد ( أزهر ) )

أتحدى مدير منطقه المنصوره ان كان عمل تأنيث لمعهد واحد فى السنبلاوين مدرسى العربى والشرعى مازالو فى معاهد الفتايات منذ عشر سنوات شوف الإحصاء لمعاهد السنبلاوين وانت تعرف كلامى صح ولا

قطاع منية النصر ادهى وامر فلن تجد مدرسا يعرف الاخر فى المعهد المنتدب اليه والذى (لبص)القطاع وجعله فى اسفل السافلين من حيث تشريد الامنين سواء فى الفتيات او فى البنين هو توجيه اللغة العربية

جنوب الجيزه مفيش اي حاجه

بصراحه أنا مع قرار التأنيث ولكن تطبيق القرار بالطريقه سوف يؤدى للفشل لان الموجهين بيطبقوه ليس باقتناع ولكنه بطريقة تنفيذ الاوامر وعندما يقع الموجه فى الخطأ لا يجد ورقه مكتوبه من وكيل الوزاره تثبت انه أخذ الامر منه ويقول عن الموجه انه المخطأ ......لاانه فى حالة تطبيق القوانين الكل يتنصل من مسؤليته