بوكقرب قرب قرب قرب قرب
بوست الاسئله ....
1-مشكله النوم ..بيسرقنى وبنام كتير وبضيع وقت فيه كتيير

أولا ...اوعى تستنى تنام لما تتعب عالاخر ...لان جسمك كده هياخد راحه بزياده جدا جدا ....اوعى تتقل فالاكل بليل ..عشان مخك وجسمك هيتقلوا وهتنام ...نام من 11 ل4 الفجر وساعه او ساعتين بالنهار ....قول لماما صحينى بالعافيه بالميه ..قولها بنفس اللفظ صحينى عشان اذاكر وشاوف مستقبلى ..والحجه مش هتتوصى بعد الكلمتين دول ....حط المنبه أو الفون فى مكان بعيد عنك بحيث انه لما يرن لازم تقوم من السرير عشان توقفه ...صلى قبل ما تنام واتوضأ
قبل ما تروح فالنوم اقعد استغفر واذكر ربك بالحمد والتكبير والتسبيح ...
حاول مواعيد صحيانك يكون على ارتباطات عشان تلزم نفسك تقوم يعنى درس 6 الصبح فانت غصب عنك هتقوم 5 عالاقل ..النوم بيجيب نوم ..كل ما تنما اكتر احتياجك للنوم هيكتر اكتر .......ودى كلها طرق معتمده ومتجربه ..خصوصا الاذكار كتر منها اوى
_______________________
2-لازم ورقه وقلم فالمذاكره منا بحفظ وباذكر عادى من غيرهم

المخ له قدره معينه على ترتيب المعلومات ...فانت فيزيا مع رياضه مع عربى فى حاجات هتدخل فى بعضها ...الورقه والقم فايدتهم حاجتين
أ--بتعود ايدك عالحل بحيث لما تدخل الامتحان ايدك تكون واخده على كتابه الحل بسرعه فتقوم مش تضيع وقت داخل اللجنه كتيير
ب--اللى بتكتبه صعب تنساه وخصوصا لو هتكرره بحيث ان مثلا بتذاكر كلمات انجليزى او تعريف فيزيا ..فكرره كتير فانت كده ايدك هتاخد عليه وصعب تنساه لان ايدك ومخه اتعودوا على كتابه الحل وحفظه
طب كل المواد لازم بالورقه والقم ..طبعا لا مش لازم كل المواد ...حسب توهانك والمعلومات اللى بتدخل فى بعضها وبتوهك وبتلخبطك
طب شرط يكون خدى يتقرى ....طبعا لا مش شرط ..انت وخطك
ــــــــــــــــــــــــــــــــــــــــــــــ
3-بالنسبة بقي لجدول المذاكرة فانت قلت بعد الدرس اخد نص ساعة تقريباً اراجع فيها عالدرس و كذا مدرس قال كده .. انا بقي من المستحيل اني امسك كتاب بعد الحصة ؟ ولو مسكته ببقي مش مركزة و بضيع وقت و خلاص؟؟؟؟

امسكيه حتى لو عشر دقايق ثرايه بدون تركيز بس عينك تلمحه ...لما تيجى تذاكريه بعد كده عينك ومخك مش هيكون اول مره تعدى عليهم الحاجات دى ....وده هيسهل اكتر فالمذاكره
_____________________
4-عندى احباط وزهق اعمل ايه

من اكتر الاسئله اللى اتسألت ..علاج الاحباط حاجتين ..تقرب من ربنا اكتر ..تقرأ قرآن كتير تستغفر كتير ..تصلى الصلاه فى ميعادها تبعد عن الذنوب ...وده هخيلى ذهنك صافى ومتيقظ ورايق ونفسك هاديه انك تعمل الخطوه التانيه وهى انك تقعد عالكتاب وتحاول تبعد الاحباط والخوف بانك تذاكر اكتر
كل ما تبقى متمكن اكتر فالمواد كل ما الاحباط هيقل تدريجى ..والخوف هيتلاشى نهائيا ..بس اتسعن بالله وذاكر ..اصل الاخباط اصله اما عليك مواد متراكمه او علاقتك بالله وحشه فنفسك مسدوده ومخنوق ومش طايق حاجه دايما
____________________
5- ازاى اشجع نفسى بنفسى

طبعا الاستغفار ..الاستغفار ده اساسا كل حاجه حلوه ..حاول تقعد مع ناس دخلوا الكليه اللى نفسك فيها عشان تغير منهم وتذاكر وتجتهد ....لما تمل وتزهق حاول تغمض عينك وتتخيل نفسك مجبتش الكليه بتاعتك والله نفسك هتصعب عليك وهتدمع وتخاف ..تخيل اهلك لو لا قدر الله مجبتش مجموع ..هيصعبوا عليك دا غير البهدله اللى هتشوفها ياحلو
خليك طبيب نفسك ..لو اللى بيشجعك ده مات او انا مثلا امتعنت عن الفيس هتعمل ايه ؟ شجع نفسك بنفسك شوف احلامك اللى بنيتها عالكليه وحاول مش تضيعها ..خليك راجل وقد حلمك
ادعى ربنا ..كتييييير ..قوله يارب الاحباط يمشى والامل يملانى ..
ـــــــــــــــــــــــــــــــــــــــــ
6-اهلى بيحبطونى ودايما كلام يسد البدن

اهلك مش نيتهم احباطك بس مش عاوزينك تتغرى مش أكتر
نيتهم حلوه بس فعلهم مش على مزاجنا ..يبقى احنا نعاملهم على نياتهم ...ونبقى فاهمين انهم عاوزينا احسن ناس بس طريقته غلط معلش استحملى ..هما خايفين عليكى وعاوزينك احسن منهم
ــــــــــــــــــــــــــــــــــــــــ
7-معنديش اى دافع ولا نفس للمذاكره

لو عاجبك حالك ع كده كمل....انت عارف المشكله والحل ع فكره ...عارف ان الحل انك تقعد عالكتاب وتذاكر بس مش بتعمل كده ...اضغط ع نفسك ...قرب من ربنا أكتر وادعيه ...استغفر كتيررر ....شوف لو فى حاجه غلط بتعملها ابعد عنها
حاول تخلى فى هدف حواليك ملازمك ..هدف كبيير خليك طموح نفسك تكون حاجه
العالم مش هيفترك لو مش بقيت حاجه هتبقى مجرد انسان جه ومات وانتهى حاول تسيب بصمه ..حاول تعمر فالارض حاول تكون قدوه وحاول اهلك يفتخروا بيك
والله من اسباب دخولى الهندسه ان ولدتى يتقال لها يام البشمهندس
وولدى يتقال له يابو البشمهندس ....متعرفوش ماما لما حد يجى البيت ويقولها البشمهندس هنا ولا بره بتبقى هطير من الفرحه
اهلك وانت تستاهلوا الفرحه
ــــــــــــــــــــــــــــــــــــــــــــــــــ
8-لما بقعد عالكتاب بزهق بسرعه وبحس بزهق وخايف اكون بضيع نفسى كده

عشان تعالج حكايه الزهق دى اقعد عالكتاب فترات كتيير بس مش طويله ...يعنى اقعد ساعه وقوم ربع ساعه ...يعنى حاول تذاكر 4 ساعات يوميا ...ما عدا يوم الجمعه شد فيه عالاخر
اقعد عالكتاب ساعه وروق عن نفسك ربعايه او تلت ساعه وكده يعنى ....ده هيعالج الزهق خالص باذن الله ...بس اوعى فى وقت الفرفشه تروح تعمل ذنوب ..يبقى هتضيع المذاكره خالص
ـــــــــــــــــــــــــــــــــــــــــــــــــ
9-الطبيعي لطالب ثانوية عامة كام ساعة مذاكرة و ف المراجعات كام ساعة ؟

لا مبتتحسبش بالساعات بتتحسب انت ذاكرت واستعوبت الماده او لا
يعنى مثلا واحد زيى مخه ع قده بيذاكر الدرس فى 5 ساعات عاوز تقولى ذاكر 15 ساعه فاليوم
واحد تانى استيعابه بسرعه بينجز ويلم الدروس فى سرعه فده يقعد 4 ساعات كده
احسبها انت الدرس خلصته وانجزته ولميته كله أو لا
ـــــــــــــــــــــــــــــــــــــــــــــــــ
10-بحل فى كتاب الاقى نفسى كويس ...اجى احل فى كتاب تانى الاقى نفسى حمار

الحل انك تحل كتييييير وطول ما انت بتغلط حاول تحل اكتر ....
طول ما انت بتحل هتلاقى افكار كتير مختلفه هتزود بيها معلوماتك وتشوف طرق طرح الاسئله وبكده هيكون عندك خبره فالتعامل مع جميع نوعيات الاسئله
ــــــــــــــــــــــــــــــــــــــــــــــــ
11-بحبط بسرعه وبتشجع بسرعه واى كلمه بتاثر فيا

غلط فالحالتين .....لازم يكون عندك ثبات انفعالى ..توازن نفسى داخلى ...مش اى كلمه تاثر فيك ..حد قالك كلمه وحشه تحبطك ...انت مش سفنجه اى حاجه
تمتصها جاز على ميه على بنزين ...خليكى قوى ومتحكم فى عواطفك ومشاعرك ...ومش اى حد يقولك حاجه تشجعك برده اصل لو الشخص ده غاب عنك كده مش هتتتشجع ومش هتذاكر ...خلى تشجيعك من جواك ..واوعى تحبط ....مهما كان الكلام شديد ...لما حد يقولك كلمه وحشه فى مثل بلدى اسمه (ودن من طين وودن من عجين ) صدرله الطرشه بالبلدى خالص ..هى ناقص قرف
خليك راجل قوى وشخصيه قويه
متخليش اعصابك ونفسيتك ملك لحد يتحكم فيه بكلمه او كلمتين
لما حد يحبطك افتكرى انك فيوم هتوصل وهتبقى حاجه ....باذن الله بتوفيق ربنا وتعبك
ـــــــــــــــــــــــــــــــــــــــــــــ
12-بعمل حدول مذاكره ومش بمشى عليه وبزعل وبحبط اوى عشان مش بنفذه زى ما بكون عملاه

حاول تاخد سُنه التدرج ...يعنى اول جدول تعمله اعمله خفيف عشان تقدر تنفذه فتقوم تفرح ويتولد جواك سعاده وامل تقدر بيها تنفذ بها الجدول بتاع الاسبوع اللى بعده اللى هيكون اشد شويه من الخفيف بتاع الاسبوع الاول
عامل نفسك على انها طفله ....دلعها فالاول وبعدين شد عليها ..النفس بتزهق بسرعه ...لو نفذت الجدول هات هديه لنفسك شيكولاته ....
لو مش نفذت الجدول عاقب نفسك وخساره فيك اى حاجه :9
اعرف ناس لما كانت مش بتاكر كانت بتعاقب نفسها انها مش بتاكل
ابدأ واحده واحده واطلع السلم من اوله
ــــــــــــــــــــــــــــــــــــــــــ
13-يا بشمهندس كل الكلام اللي قولته مع اول نظره للكتب و المذاكرات بيتمسح

وهو حضرتك بتنسى مصرفوك من بابا ..بتنسى تاكل ..بتنسى تعكنن على ماما ..
طبعا لا عشان الاكل والفلوس حاجات مهمه متقدرش تستغنى عنهم ..برده كذلك انت لو خليت كليتك حلم حياتك وعرفت حجم الحلم ده مش هتقدر تنساه لحظه ولا تنسى الطريق اللى هيوصلك ليه ...وانت نايم او صاحى كل تفكيرك ازاى اوصل للكليه اللى بحبها ...كبر الحلم جواكى وعيشه فى تفكيرك فى افعالك فى تصرفاتك ...خلى كليتك قدام عينك علطول
ــــــــــــــــــــــــــــــــــــــــــ
14-انا عندي مشكله انا ممكن اقعد اذاكر كتيييير جدا ب 8 و 10 واحس اني في الاخر ما انجزتش حاجه خاااالص او ذاكرت بس مش المذاكره اللي هى يعنى ؟

طب ده شىء جميل كل ما انتى شايفه انك لسه لازم تذاكرى اكتر ده شىء جميل .....حاول بقا تستغل الشعور ده انه يخيلك تذاكر اكتر واكتر مش انك تخاف
و بالمناسبه مش بالساعات هى انت فهمت الدرس ولميته كله ولا لائه
لميته بقا فى ساعه 10 المهم انك تلمه واستيعاب الدروس بالشكل الممتاز هى دى المذاكره اللى توصلك لكليتك
ــــــــــــــــــــــــــــــــــــــــــ
15-كارهه المذاكره خالص ومليش نفس اذاكر اول ما امسك الكتاب اتخنثق والهى نفسي ب اى حاجه وفكرت اأجل السنه دى و بجد مش عارفه اعمل ايه

ظبطى علاقتك بربنا ...القرب من ربنا >> هيخليكى صافيه الذهن ونفسك مطمئنه وهاديه >> يعنى الزهق هيروح والاحباط هينتهى >>معنى كده ان دماغك هتبقى رايقه وفاضيه من الوش والقرف >> معنى كده انك لما تذاكرى هتستوعبى وهتحبى المذاكره ومش هتزهقى ^_^
حلو المنطقيه فالتفكير دى عجبتنى نفسى =d :p
ــــــــــــــــــــــــــــــــــــــــــ
16- انا عايزة التزم ف مذاكرتى وبس مش عايزة اتشتت واركز ازاى احقق هدفى وبس

كويس انك عارفه طريقك :)
عشان توصلى لطريقك ده ...القرب من ربنا جدا ...وبعدين تاخدى بالاسباب وتذاكرى
والقرب من ربنا بيحل موضوع التشت وصفاء الذهن (السؤال السابق ) :)
ـــــــــــــــــــــــــــــــــــــــ
17- الحاجات البذاكرها بنساها تاني اعمل اية

راجع علاقتك بربنا فإن العلم لا يجتمع مع الذنوب شوف ايه الذنوب اللى بتعملها وبطلها عشان مخك يبقا صافى ومش ينسى
طبعا كلا عارفين ابيات الامام الشافعى
شَكَوْتُ إلَى وَكِيعٍ سُوءَ حِفْظِي فَ...........أرْشَدَنِي إلَى تَرْكِ المعَاصي
وَأخْبَرَنِي بأَنَّ العِلْمَ نُورٌ......................... ونورُ الله لا يهدى لعاصي
وللعلم الاماما الشافعى شاف كعب إمراه مش بعضنا اللى بيعمل ذنوب اكبر واكبر
ربنا يهدينا جميعا :)
ـــــــــــــــــــــــــــــــــــــ
18-ببقى محدده حاجات احلها فى دماغى غير حاجه الدرس مع نفسى بس فى الاخر مش بلحق اعمل الى انا عاوزاه مع حاجات الدروس كلها فبيكوم عليه ومش بنجز برده

عيدى تنظيم وقتك ...شوفى وقتك بيروح فين ..وانتى بتحلى من كذا كتاب فى اسئله بتبقا متكرره سيبك منها ركزى بس عالاسئله والافكار الجدديه عشان تنجزى :)
عندك البوست بتاع جدول المذاكره حاولى تركزى معاه ^_^
صلى الفجر وذاكرى من بعد الفجر وهتشوفى بركه مهوله هتنجزى فيها أشياء كتييييييييير :) ^_^
ـــــــــــــــــــــــــــــــــــــــــــ
19- الوقت ضيق اوى ازاى نرتب الوقت خصوصا مع الدروس يعنى يا دوب بنخلص حاجات الدروس ومفيش وقت لان احنا نحل حاجة زيادة عن الدروس ...اعمل ايه؟؟؟

عيدى تنظيم وقتك من تانى ^_^..قللى نومك زودى ساعات المذاكره
(أجابه السؤال السابق+ بوست جدول المذاكره ) ^_^
ـــــــــــــــــــــــــــــــــــــــــ
20-مفيش ددماغ للمذاكره ببقا عاوز انام وانفض

مفيش دماغ ليه ...شور مع ركعتين لله مع 100 استغفار مع دعوتين من بابا وماما يظبطوا الاداء ..متستتهونش بالحاجات دى ..الحاجات دى هى اللى بتبظط نفسيتك وتروقلك دماغك ..اعمل دماغ ربانى =d
ــــــــــــــــــــــــــــــــــــــــــــ
21-انا بتشتت لو ذاكرت من كذا كتاب او حتي ملزمه بس ده عدمه هيأثر ف حاجه لو اشتغلت يعني من حاجه واحده ؟؟

كلنا كده ع فكره ..بس ذاكرى من كتاب واحد وحلى فى كتب كتيير :)
ذاكرى الشرح من كتاب واحد ولى فى اكتر من كتاب عشان مش تتوهى :)
ــــــــــــــــــــــــــــــــــــــــــــ
22-مدمن فيس بيضيعلى وقت كتيير

عارف المشكله وتأثيرها ومش قادر تاخد قرار لحلها :3
خد الفيس كوسيله للمنفعه ...الفيس مش هيطير ..لو خلاص حبكت يعنى ادخل على جروبات علميه للدراسه تفيدك او شغل اليويتبو جمبك واتفرج على فيديوهات علميه خاصه بالدراسه ...والافضل تبقى راجل ومش تقعد خالص بس لو كنت راجل بقا =d
الاجابه دى مش موجهه لخص بعينه دى لكل الناس اللى بتشتكى من الفيس ^_^
ـــــــــــــــــــــــــــــــــــــــــــــــ
23-باخد دروس كتييير وبرجع مهدوده الحيل ومش قادره ومش طايقه امسك كتاب
نظمى وقتك كويس

اصحى من الفجر ..قللى نوم ...اتعبى ....حاولى تنجزى على قدر ما تقدرى ايام الجمعه والايام اللى مش فيها دروس كتيير
ــــــــــــــــــــــــــــــــــــــــــــــــــ ـ
24-بطء فالمذاكره باخد فالصفحه نص ساعه

مش مشكله المهم انك لما تقلب الصفحه مش ترجع لها تانى
المهم تستوعب كل الصفحه وتفهمها كويس بحيث مش ترجع تضيع وقت تانى فيها
وكل ما الوقتت هيزنقك انت هتسرع رتمك اكتر :)
ويوم عن يوم رتمك هيتسرع ويزيد تلقائى ^_^
ــــــــــــــــــــــــــــــــــــــــــــــــــ ــــــ
25-عاوز اسهر واضاعف مجهودى

مفيش مشكله تضاعف مجهودك وضاعف مجهودك تدريجى يعنى زود النهارده ساعه بكره ساعتين بعده 3 ساعات ..مش من 3 ساعات ل6 ساعات مره واحده كده يوم او يومين بالكتير وهتريح عالاخر ^_^بس لو سهرك هيجى على صحيانك من الفجر فبلاش افضل
لان الفجر فيه بركه والذهن بيبقا صافى ولسه فاضى من الذنوب والنفس مطمئنه :)
ــــــــــــــــــــــــــــــــــــــــــــــــــ ــــــــــ
26-العيد خلص ارجع ازاى اذاكر وانا اتعودت عالقعده والكسل

ارجع واحده واحده ...لغايه اول اسبوع بعد العيد وبعدين انطلق ..مش تشد على نفسك اول ما ترجع عشان مش تزهق اصل جسمك ومخك اتعودوا على الكسل والخمول والراحه :)
ــــــــــــــــــــــــــــــــــــــــــــــــــ ـ
27-بسرح وانا بذاكر

بتسرح ليه ياحج =d
الموزه مش وقتها خالص ..صحابى انا مالى ومالهم ..الكوره ...اهو المنتخب هيلعب النهارده وهيتعفر ....فالاغانى ...الاغانى حرام يبقى ليه بتسرح
علاج السرحان الاسغفار والدعاء والاذكار ....كل ما تسرح اوى قومى صلى ركعتين وقبل المذاكره خدك 100 استغفار كبدايه كده ..وحاول تعمل ريفرش كل ساعه او نص كده حسب ما تزهق ^_^
ـــــــــــــــــــــــــــــــــــــــــــــــــ
28- لسه فى امل لسه فى فرصه

اها ياعم لسه لسه فى امل بس انت اتعب وزود مجهودك شويه انت لسه يعنى فالاول ..حاول الوقت مش يسرقك ويضيع المذاكره
فى امل بس الامل ده متوقف على رجولتك ومذاكرتك بس كده :)
ــــــــــــــــــــــــــــــــــــــــــــــــ
29- أزاى أذاكر ؟

بص ياسيدى ..معاك ورقه وقلم رصاص ...الدرس اللى تخلصه تقيم نفسك فيه ...70 فالميه ..80 فالميه ..بحيث انك وقت المراجعه وانت بتراجعه تبقى عارف هو محتاج مراجعه قد ايه من الوقت ....المسائل بقا ...كل مساله تحلها تكتب فوقها فكرتها زى مثلا فالكهربيه تكتب مثلا فوقها او جمبها كده (عاوز v ..وبعدين اجيب r )..بالعاميه كدا عشان تبقا عارف الافكار بتاعت المسائل وترتبها فى مخك مش تحل وتحفظ وخلاص ...حاول ترتب المسائل افكار
الناس اللى كانت بتاخد الكتب والمذكرات بتاعتى كانت بتذاكر على كتاباتى يعنى المسأله اللى يلاقوا جمبها هايفه مش يبصوا لها ...صعبه يحلوها مرتين ...ممتعه يحلوها اكتر وكده فده وفر لهم وقت كتير ....انت وانت بتراجع هتحتاج كل دقيقه فحاول تبقى عارف انت هتعمل ايه وايه يتراجع اكتر من التانى وايه تعديه بسرعه بمجرد النظر وتكتب جمبها سهله هايفه او صعبه او محتاجه تركيز او محتاجه مراجعه ...تعلم عالمسأله بحيث وقت المراجعه توفر ليك وقت وتبقى عارف انت بتعمل ايه ^_^
معاك كشكول صغير أو نوته اكتب فيها نقط ضعفك فالمواد عشان تعالجها ...يعنى درس زى الكهربيه فى ناس مشكلتها توزيع التيار ..اكتب كده نقطه ضعفى توزيع التيار ....وافضل تحاول فيهم لوحدك او بمساعده حد ..ولما تعالج نقطه الضعف دى ابقى اشطب عليها :)

ــــــــــــــــــــــــــــــــــــــــــــــــــ ـــــــــــــــــــــ
30-الخلاصه =d

عندك البوست ده ..وبوست جدول المذاكره وفى بوستين بعديهم دول يانجم تحفظهم فالنوتس عندك عالفيس عشان كل ما تحتاج اجابه لحاجه تدخل عليهم
اوعى تعمدوا عليا انى احفزكم وانصحكم ...افرض انى مبقتش ادخل عالفيس
لازم تعتمد على نفسك كمحفز وكمشجع وكطبيب :)
بأكد كل مره ..علاقتك بربنا ..علاقتك بربنا ...لو ظبطها هتظبط كل الامور النفسيه زهق وملل واحباط ويأس وخوف وتوتر ...وهبفضل ليك المذاكره ..وربنا اكيد هيسرلك المذاكره عشان انت قريب منه بتصلى الصلاه فى ميعادها بتقول اذكار كتير بتبعد عن الذنوب :)
استعن بالله حق الاستعانه ^_^
لو لاحظتم كل أجاباتى فيها ظبط علاقتك بربنا ..أعتقد الرساله وصلت ^_^
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــ
قبل المذاكره 100 استغفار كده + ركعتين +5 ايات بس مش اكتر :)
لما تسرح استغفر ....ادعيه....:)

بالتوفيق ...دعواتكم ^_^
منقوووول للامانة :)

جزاكي الله كل خير يا دكتورة

تمام جزاكي الله كل خير
انا فعلا لازم قبل ما انام بصلي قيام الليل

جزاكي الله كل خير يا دكتورة

ربنا يخليكى وربنا يحقق الاسم ده :022yb4:

تمام جزاكي الله كل خير
انا فعلا لازم قبل ما انام بصلي قيام الليل


تمام ربنا معاك يامصطفى ويتقبل منك :d

كلام من ذهب حقيقي و محتاج شجاعة اكبر لتطبيقه في الواقع
ربنا معانا و يحققلنا اللي بنتمناه

كلام من ذهب حقيقي و محتاج شجاعة اكبر لتطبيقه في الواقع
ربنا معانا و يحققلنا اللي بنتمناه

شكرا ربنا يخليك واللهم ام يييييييييييييييين

بون سواريه
انت تايه ليه كدا ..حاسس ان الدنيا مكركبه فوق دماغك ليه بس
روق بس وركز معايا
انت هتصلى الفجر او بعد ركعتين ...وتستغفر 100مره ..بس بتركيز ..وبعدين هتجيب ورقه وقلم ..وهتمسك ماده ماده ..وقيم نفسك فيها ...واكتب ايه اللى واقع منك فيها ..وايه اللى خايف منه ...وهكذا
يعنى مثلا الرياضه...التفاضل درس المعدلات الزمنيه محتاج حل كتير عليه ..الاستاتيكا كويسه ...الديناميكا رخمه مثلا فى قانون نيوتن التالت ..وههكذا ..انت هتكتب كل ماده ببالتفصيل ..
انت مستهون بكلامى انا عارف وشايف ان ملهاش لزمه ...طب اسمع كلامى وطبقها ..انت لازم ترتب مخك قبل كل شىء ..لما ترتب مخك التهوان وحاله الكركبه هتروح وهتبقى عارف ايه خطواتك وتعمل ايه ..
احيانا بيكون الهم صغير بس عشان انت مش عارف تواجهه أزاى ومش مرتب خطواتك بتحس انه كبييير ومش هيتلم
اقعد مع نفسك ورتب دماغك ..ومش بس فالمذاكره ..لا خلى كل اسبوع ساعه مع نفسك لوحدك تشوف انت محتاج ايه ...وسجل فى ورق عشان مش تنسى وكل ما تخلص مطلوب اشطبه
بالتوفيق
منقووووووووول للامانة
ادعوولى :)

:dالله ينور

:dالله ينور

ثاااااااااااااااااانكس:av4056bb7jp3:

من اهم بوستات إيفينت السنة اللي فاتت
السلام عليكم
انا احمد نصر من فريق #‎Endless_Fantasy
من فريق الصفحة الهندسية
طالب 3 ثانوي سابقا ( مخلص امتحانات بقالي يومين (
علمي رياضه
حبيت احكيلكم تجربتي مع الثانوية عسي ان انفع الاخرين
بس قبلها هحكيلكم نصايحي للي داخل 3 ثانوي وبعدها اسيبكم مع القصة :
-ابدأ مذاكرة من اول السنة بشكل كويس , لان دي غلطة انا وقعت فيها , ولكن لا تضغط علي نفسك
- لازم تحصل علي قسط راحه يومي ومتجهدش نفسك متواصل , يعني ذاكر ساعه وافصل ربع وهذاكا , ومتحرمش نفسك من حاجه انت بتحبها . يعني اعمل الي نفسك فيه بس تكون مححدله وقت
يعني مثلا عايز تقعد علي النت متتخطاش ساعه او 2 في اليوم
- متعتمدش علي فكر واحد في المذاكرة او في الاسئلة , نوع
- سيبك من النت , عمره ما نفعك ومش هينفعك السنه دي الا لو هتحمل مذكرات وحاجات مفيده من عليه , اذا كان كده ماشي
- بتكره الحفظ ؟بتنسي كتير ؟ طبيعي تنسي , اي انسان بينسي ,
علشان كده لازم تراجع كتير وتحل اكتر
- مذاكرتك بالورقة والقلم للحتت الي بتنساها, اما الحتت التمام كفايه تسميع شفوي
- نظم وقت جيدا , وسيبك من الجداول المثالي الي بتعملها
ضع في اعتبارك الوقت الضائع والظروف ,, ولو مش هتقدر يبقا خليك في مهام
يعني تحدد مهام معينة وتعملها الاول قبل ما تفكر تعمل اي حاجه تانيه
-مذاكرتك متقلش عن 5-6 ساعات في اليوم
دول مش كتير علي فكرة
- قسم المواد بحيث تراجعها في اسبوع او اتنين وخلي الدورة تتكرر
-اعمل كشكول لكل مادة , وجمع فيه النقط الصعبة والاسئلة الصعبه
هيفديك كتير ايام الامتحانات للمراجعه عليه بسرعه بدل ما تضيع وقتك تدور علي الاسئلة
-لو حاسس ان مدرس المادة مش قوي او مش مريحك غيره , وبرضو لو من النوع الي بيوتر غيره
- غير بيئة المذاكرة كذا مرة للدرس الواحد
يعني مثلا ذاكرت درس معين اليوم في الصالة ,, لو هتراجع غدا او بعدها بكام يوم ذاكرة في البلكونة , في اي مكان اخر
دا مفيد لان عقلك كدع مش هيربط المعلومة بمكان معين وهتقدر تتذكرها في اي وقت
- لما تيجي تحل اثناء العام , حل كانك في امتحان علشان تتعود علي النظام , ومتتساهلش في الموضوع دا , وكمان لو افي اخطاء مدرسك يصححهالك
دي النصايح الي فاكرها دلوقت , ان نصائح مستقبليه هقولها ان شاء الله
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~ ~~~~~
اولا , انا كنت بسمع كذا واحد يقول ماتذاكرش اول باول من اول السنه علشان متزهقش
وبسمع في نفس ذات اللحظة ناس تقولي ذاكر من اول السنه لانك لو اجلت هتلاقي الحاجات كتير
انا الصراحه احترت
فقررت اعمل مكس ما بين الاتنين
قررت اني اذاكر وماذاكرش
الي هو ازاي يعني ؟
بسيطة ابتدي السنة بمستويات مذاكرة منخفضة ( 3-4 ساعات يومي ) وكل فترة ازيدها
انا بدأت دروس في شهر 9
اول 3 شهور , كنت مكتفي بمذاكرة الدروس للتسميع في الدرس وحل الواجبات
(انا منكر جدا لحتة الحفظ دي , بس دا الواقع ولابد منه)
وباكد علي الحل , ماتحلش من مصدر واحد ومتذاكرش برضو من مصدر واحد
وحل علي اد ما تقدر , كل ما تحل اكتر هتتعرف علي افكار اكتر وبالتالي المفاجئات هتقل
نرجع نكمل
كنا جينا لشهر 12 , قررت اعمل
time line اللي هيحصل في
ال 8 شهور القادمة
واعمل جدول مذاكرة و To Do Lists
لاني مش محتاج اشغل بالي بحاجه زي كده قبل الامتحانات
لان كل الوقت ما يقرب الوقت بيضيق اكتر ودا مش بمزاجنا
فعملتهم الحمد لله , واحب انوه انك لازم تضع في اعتبارك كل الاحتمالات
يعني متعملش جدول مثالي 100% انت نفسك لو الظروف ساعدتك مش هتمشي عليه
يعني متعملش جدول مفيهوش وقت ضائع , مفيهوش اوقات صلاة , مفيهوش راحه ليك
مهمل مواعيد نومك ,, الخ
لا
لازم تحط كل صغيرة وكبيرة في الحسبان
نرجع نكمل
من شهر 12 لاخر شهر 2
زودت ساعات المذاكرة من 4-3 في اليوم ل 5-6 في اليوم
متصدمش من الرقم دا كده صغير

من اهم بوستات إيفينت السنة اللي فاتت
السلام عليكم
انا احمد نصر من فريق #‎endless_fantasy
من فريق الصفحة الهندسية
طالب 3 ثانوي سابقا ( مخلص امتحانات بقالي يومين (
علمي رياضه
حبيت احكيلكم تجربتي مع الثانوية عسي ان انفع الاخرين
بس قبلها هحكيلكم نصايحي للي داخل 3 ثانوي وبعدها اسيبكم مع القصة :
-ابدأ مذاكرة من اول السنة بشكل كويس , لان دي غلطة انا وقعت فيها , ولكن لا تضغط علي نفسك
- لازم تحصل علي قسط راحه يومي ومتجهدش نفسك متواصل , يعني ذاكر ساعه وافصل ربع وهذاكا , ومتحرمش نفسك من حاجه انت بتحبها . يعني اعمل الي نفسك فيه بس تكون مححدله وقت
يعني مثلا عايز تقعد علي النت متتخطاش ساعه او 2 في اليوم
- متعتمدش علي فكر واحد في المذاكرة او في الاسئلة , نوع
- سيبك من النت , عمره ما نفعك ومش هينفعك السنه دي الا لو هتحمل مذكرات وحاجات مفيده من عليه , اذا كان كده ماشي
- بتكره الحفظ ؟بتنسي كتير ؟ طبيعي تنسي , اي انسان بينسي ,
علشان كده لازم تراجع كتير وتحل اكتر
- مذاكرتك بالورقة والقلم للحتت الي بتنساها, اما الحتت التمام كفايه تسميع شفوي
- نظم وقت جيدا , وسيبك من الجداول المثالي الي بتعملها
ضع في اعتبارك الوقت الضائع والظروف ,, ولو مش هتقدر يبقا خليك في مهام
يعني تحدد مهام معينة وتعملها الاول قبل ما تفكر تعمل اي حاجه تانيه
-مذاكرتك متقلش عن 5-6 ساعات في اليوم
دول مش كتير علي فكرة
- قسم المواد بحيث تراجعها في اسبوع او اتنين وخلي الدورة تتكرر
-اعمل كشكول لكل مادة , وجمع فيه النقط الصعبة والاسئلة الصعبه
هيفديك كتير ايام الامتحانات للمراجعه عليه بسرعه بدل ما تضيع وقتك تدور علي الاسئلة
-لو حاسس ان مدرس المادة مش قوي او مش مريحك غيره , وبرضو لو من النوع الي بيوتر غيره
- غير بيئة المذاكرة كذا مرة للدرس الواحد
يعني مثلا ذاكرت درس معين اليوم في الصالة ,, لو هتراجع غدا او بعدها بكام يوم ذاكرة في البلكونة , في اي مكان اخر
دا مفيد لان عقلك كدع مش هيربط المعلومة بمكان معين وهتقدر تتذكرها في اي وقت
- لما تيجي تحل اثناء العام , حل كانك في امتحان علشان تتعود علي النظام , ومتتساهلش في الموضوع دا , وكمان لو افي اخطاء مدرسك يصححهالك
دي النصايح الي فاكرها دلوقت , ان نصائح مستقبليه هقولها ان شاء الله
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~ ~~~~~
اولا , انا كنت بسمع كذا واحد يقول ماتذاكرش اول باول من اول السنه علشان متزهقش
وبسمع في نفس ذات اللحظة ناس تقولي ذاكر من اول السنه لانك لو اجلت هتلاقي الحاجات كتير
انا الصراحه احترت
فقررت اعمل مكس ما بين الاتنين
قررت اني اذاكر وماذاكرش
الي هو ازاي يعني ؟
بسيطة ابتدي السنة بمستويات مذاكرة منخفضة ( 3-4 ساعات يومي ) وكل فترة ازيدها
انا بدأت دروس في شهر 9
اول 3 شهور , كنت مكتفي بمذاكرة الدروس للتسميع في الدرس وحل الواجبات
(انا منكر جدا لحتة الحفظ دي , بس دا الواقع ولابد منه)
وباكد علي الحل , ماتحلش من مصدر واحد ومتذاكرش برضو من مصدر واحد
وحل علي اد ما تقدر , كل ما تحل اكتر هتتعرف علي افكار اكتر وبالتالي المفاجئات هتقل
نرجع نكمل
كنا جينا لشهر 12 , قررت اعمل
time line اللي هيحصل في
ال 8 شهور القادمة
واعمل جدول مذاكرة و to do lists
لاني مش محتاج اشغل بالي بحاجه زي كده قبل الامتحانات
لان كل الوقت ما يقرب الوقت بيضيق اكتر ودا مش بمزاجنا
فعملتهم الحمد لله , واحب انوه انك لازم تضع في اعتبارك كل الاحتمالات
يعني متعملش جدول مثالي 100% انت نفسك لو الظروف ساعدتك مش هتمشي عليه
يعني متعملش جدول مفيهوش وقت ضائع , مفيهوش اوقات صلاة , مفيهوش راحه ليك
مهمل مواعيد نومك ,, الخ
لا
لازم تحط كل صغيرة وكبيرة في الحسبان
نرجع نكمل
من شهر 12 لاخر شهر 2
زودت ساعات المذاكرة من 4-3 في اليوم ل 5-6 في اليوم
متصدمش من الرقم دا كده صغير

فين التكملة لو سمحتي ؟ :);)

فين التكملة لو سمحتي ؟ :);)

كان نظامي في الفترة دي
اني الاول اعمل كل الواجبات الي عليا
وبعدها المذاكرة للدروس المطلوب مني وبعدها بقا المذاكرة العامة للدروس
وملحوظة انا نظام مذاكرتي جميع المواد كل يوم
في البعض بيفضل كل مادة في يوم بس انا شايف انه مش حلو النظام دا
والحمد لله كنت مخلص المنهج في جميع الدروس علي شهر 2
في شهر 2 حسيت ان الوقت فعلا بقا ضيق ولازم الواحد يجتهد اكتر من كده
* ساعتها علي فكرة اخدت اجازة من الفريق ومبقتش اكتب
فقررت تغيير الجداول كلها
بقت المذاكر في اليوم 7 ساعات ثابته يومي من ساعه ما اصحي 7 ل 2-4 الظهر متواصل
براجع كل المواد عدا العربي والانجليزي مرة كل اسبوع
العربي والانجليزي مرة كل 2-3 اسابيع
وبقية اليوم ضايع في الدروس والراحه وغيره
وفضلت علي كده لاخر شهر 4
دخلنا في الجد بقا وكل المدرسين بقوا يضغطوا علي الواحد والمراجعات كترت
من شهر 5 لاول 6 كنت تقريبا براجع كل مادة كل اسبوع
يعني خلال اسبوع بكون مراجع كل المواد ( المنهج صغير علي فكرة عدا العربي والانجليزي
العربي كنت بخلصه كل اسبوعين
وجا شهر 6 بقا
شهر الامتحانات
النظام الي كنت ماشي عليه هو مراجع المادة كلها في الايام المتاحه قبل الامتحانات ولو في اكتر من يوم كنت براجع المواد الي في اخر الجدول علشان ما تتنسيش
كنت بصحي من النوم 6 ل 10 بالليل منشغل في المادة
مراجعهاش بس , لا وراجع الاسئلة الصعبة الي مجمعها , اراجع علي الاجزاء الصعبه اكتر من مرة
اذاكر المنهج من كذا كتاب لو متاح
وبس
وبعد التجربة دي , اقدر اقول ان الي قالي ذاكر من اول السنه هو كان صاحب
الراي الاصوب
ودي نصايح مني لكل مادة (من مواد علمي رياضه والشعبه العامة )
عربي : مراجعه كل اسبوعين او 3 - حل امتحان كل 3 ايام - حل قطعة نحوية يوميا ( كتاب الامتحان في العربي كويس فيه 100 قطعه ) - النصوص الحفظ سمعهم كل اسبوع
رياضيات : حل كتير ,, كتير جدا لتجميع اكبر كم افكار وجمع الماسئل الي تقف في كشكول وقسمه لكل فرع
فيزياء : مراجعه دوري - حل مسائل كتير
انجليزي : متكتفيش عمرك بالمنهج , وعمر الجرامر ما كان اساس الانجليزي لان في ناس بتهتم بالجرامر اوي
وتنسي حفظ كلمات , انا بنبه تاني , علي الاقل احفظ 4-5 كلمات جداد كل يوم ( غير الدروس الاساسية طبعا )
فرنساوي : اهتم بالمواضيع كويس ( اتدرب عليها بالكتابة ) لان دا هيساعدك في الجرامر كمان
كيمياء :دي بقا هيبقا عندك عضوية ومحتاجة شغل جامد والمسائل وكده , لازم تحل كتير
وشغلك فيها كله بالورقة والقلم
المواد الاخري التي لا تضاف للمجموع :اقرأها مره كل اسبوعين 3
طريقة مراجعتي :
بشوف عدد الدروس ( مع اعتبار ان لو درسين صغيرين متتاليين بعتبرهم واحد )
واقسمهم علي عدد الايام المطلوبة الناتج دا هو عدد الدروس الي لازم تذاكره في اليوم
وكنت بعمل كل جزء علي حدي
يعني ايه ؟
يعني مثلا لو عايز اراجع العربي في 3 اسابيع
بقسم عدد النصوص ( 10 مثلا علي 21 -عدد الايام - ) يبقا كل يومين نص واحد
ادخل علي القراءة (6 مثلا ) يبقا كل 3 ايام موضوع قراءة
وهاكذا
واعمل جدول اوفق فيه الاجزاء دي بحيث لو في يوم فيه كتير انقل منه ليوم تاني وهاكذل لباقي المواد
المراجعه ذات نفسها ,, الاجزاء الصعبه او المحتاجة لحفظ شديد او دقه في الحفظ باسمعها بالورقة والقلم
ولاجزاء الي بغلط فيها بعلم عليها علشان ءأكد عليها في المراجعة التالية
اما الاجزاء الي لا تحتاج لحفظ ضقيق ,, مواضيع القراءة مثلا , بقرءهاعادي وبعدين اشوف الاسئلة ولو شاكك في سؤال ارجع للدرس اشوفه

شكرا جزيلا وبحاول فعلا اطبق الكلام ده بطريقتى ^^

البوست ده مخصص ليكم بس
حاولت ارتب افكارى على شكل اسئلة و تقديرا لوقتك البوست هياخد حوالى من 5 لـ 10 دقايق
- محتاج ايه علشان اكون طالب علمى رياضة صح ؟
لازم يكون معندكش مشاكل مع الرياضة يعنى بينك وبين الرياضة حالة حب وسلام ‏‎grin‎‏ رمز تعبيري
- اذاكر الرياضة ازاى ؟
الفهم اولا لأى قانون ومسألة و الحل الكتير
فيه نوعين من المسائل :
مسائل مباشرة و معروفة و دى المطلوب منك فيها انك تكون شبه مبرمج على خطوات حلها يعنى لسة مش هتفكر هتحلها ازاى و المفروض دى تاخد منك اقل وقت ممكن
و مسائل غير مباشرة او فكرتها جديدة ودى لازم تفكر فيها بأسلوب جديد لكن بنفس قوانيك و من كتر التدريب و الحل عليها هتبقى بالنسبالك سهلة
- هل فيه طريقة اتأكد بيها من النهايات ؟
اه فيه قاعدة اسمها قاعدة لوبيتال بتخليك تحل النهايات بالإشتقاق تقدر تستعملها فى اسئلة الإختيارات واكمل وتقدر تتأكد بيها من اى مسألة نهايات
ابحث على اليوتيوب شرحها موجود و هتفهمها فى 10 دقايق
- هل فيه طريقة اتأكد بيها من الإشتقاق ؟
اه فيه وطريقة مهمة كمان
تقدر تشوف الطريقة فى البوست دة : https://goo.gl/A2KlmK وهو موجود على جروب غرناطة للدفعة القديمة ( انضم للجروب الأول )
- هل فيه طريقة اتأكد بيها من حل مسائل الجذور التكعيبية للواحد الصحيح ؟
اه فيه طريقة ظريفة فى البوست دة : https://goo.gl/0JWpqc على جروب غرناطة القديم برضو
- اذاكر منين ؟
المذاكرة من مذكرة المدرس + ( كتاب المعاصر وكتاب المدرسة ) امثلة محلولة
-احل منين ؟
من الكتب الخارجية أنا بفضل كتاب 100 % لأنه بيجمع افكار متدرجة وافكار متميزة ومسائل كتاب المدرسة و دليل التقويم مشكلته ان فيه بعض الحلول الخطأ واللى ممكن تكون اتعدلت فى النسخة الجديدة لكن هوا كتاب ممتاز
اما لامى كتاب من ايام الملك خوفو مبيتجددش صراحة
- هل امتحانات الرياضة بتيجى صعبة و اسئلة من كوكب المريخ؟
مفيش الكلام دة
حوالى اكتر من نص الإمتحان بيكون من كتاب المدرسة ولو مش مصدق شوف امتحانات السنة اللى فاتت
و بالتالى انت لازم تكون عارف اسئلة كتاب المدرسة والأمثلة المحلولة فيه كويس جدا هتيجى بالأرقام صدقنى وهتحلها فى دقيقة ‏‎grin‎‏ رمز تعبيري
لكن الإمتحان لازم يجى فيه فكرة جديدة لكن غالبا بتكتشف انها سهلة بعد شوية تفكير
- ايه اللى بيميزنى فى امتحان الرياضة ؟؟
امتحان الرياضة 5 اسئلة بتختار منهم 4 فى ساعتين بس
لازم تكون سريع فى الحل فدرب نفسك من دلوقتى على سرعة حل المسائل النمطية المعروفة علشان متاخدش منك وقت فى الإمتحان وتسيب الوقت للمسائل الصعبة او الأفكار الجديدة
هدية اخيرة : بإذن الله هنزل بعد فترة شرح قاعدة لوبيتال اللى قولتلكو عليها على جروب غرناطة أكاديمي ومعاها هدية قنبلة عبارة عن 6 صفحات فيهم كل قوانين ونظريات الرياضة من أولى ابتدائى لحد تالته ثانوى وهتنفعك جدا جدا
دمتم بود

السلام عليكم 😃
عايزة اكلمكم عن مادة اللغة العربية 😃
اولا كنت شايفاها اكتر مادة مش بتحتاج مجهود كبير عشان تجيب درجات حلوة فيها 😃
اامادة دى محتاجة انك تاخد الدرس وتروح تذاكره وتحل عليه وهتبقي تماااااام جدااا 👍
النصوص محتاجة تذااكر البلاغة كوويس وتفهمها مش تحفظهاا وتطبق ده فالنص اللى عليك .. انا كنت بكتب النص فورقة خارجية واكتب فوق الكلام معناه واكتب بقي الاستعارات والكنايات وهكذاا بتسهل جداا 😃
والنحوو محتاج تفهم القاعدة كويس اوووى وتحل عليه وتشوف السنين اللى فاتت امتحاناتها وتدرب نفسك عليها 😃😉
والقراءة وقصة طه حسين 😂 محتاجين قراءة كويسة بتأنى كدة وتحل عليها وهتبقي سهلة جدا 😃
والادب ده متحفظهووش وبس لاااااازم تفهمه كمان وتربط المدارس ببعضها وكل مدرسة تشوف النص بتاعها وتطبق عليه 👍
ويااارب تكون مادة سهلة عليكوا وتجيبوا الدرجة النهائية فيهااا 😄وباقى المواد 😃
وشكرا

السلام عليكم :)
اسمعوا يا ابنائي
انا في الاول كنت مخضوضه كده وخايفه من كل اللي كنت بسمعه عن سجن الثانويه العامه وكاننا داخلين حرب ‏iي بجد والله الموضوع ابسط من كده بكتير
انا كنت حاطه قواعد لنفسي من بدايه السنه والحمدلله فضلت ماشيه عليها وربنا كرمني الحمدلله
بصوا بقا اولا لازم يكون عندك يقين ميه في الميه ان ربنا كاتبلك كليتك من قبل ماتدخل ثانوي اصلا والقدر موجود بس ييتصارع بقي مع الدعاء ‏
واليقين ده بقي مش معناه انك تكسل وخلاص بقا ما ربنا كاتبلي عنده انا هروح فين لا اهم حاجه لازم تعمل اللي عليك وبضمير ‏ وتاخذ بالاسباب وبعدها اهم خطوه انك تتوكل علي الله
خلاص انا هعمل اللي عليا ومش هقصر ان شاءالله وهتوكل علي الله يبقي انت كده تحط في بطنك بطيخه صيفي ‏:d
انا بجد عن تجربه السنه الي فاتت كنت واثقه في الله بطريقه غير عاديه ومتاكده وماعنديش شك خالص ان ربنا هيفرحني وتعبي مش هيضيع كل ما يبقى عندك ثقه في الله وتبقى متعشم في ربنا وتظن خير تاكد ان ربنا مش هيخذلك ابدا
نيجي بقا للدروس المدرس لازم تكون بتفهم منه كويس جدا هو اللي عليه انه يفهمك وانت طيب ليك 80 في المبه من الموضوع كله لانه اعد معاك ساعتين فهمك وكله تمام انت بقا تروح تذاكر وتخلص حاجتك والاهم انك اوعي تركن درس وتقول بعدين هتلاقي بعد كده وراك ميه حاجه ومش هتعرف تلمهم
وممكن تاخد درسين في اليوم مثلا ويبقى عندك يومين مثلا فاضين تقعد فيهم تركز اكتر في البيت انا عن نفسي كنت بعمل كده وكانت فكره ناجحه جدا وكنت بنجز كتير اوي في اليوم الفاضي
نيجي بقا للاكل ‏طبعا ممكن تاكل في الشارع كتير ده العادي بس نصيحه خليك في الاكل المفيد اللي في البيت عشان صحتك ومايجيش مثلا حد يتعب بسبب اكل بره ويقعد لاقدر الله فتره مايذاكرش ويضيع عليه دروس
وطبعاً اولا واخيرا رضا للوالدين اوعي تزعل مامتك وباباك وخصوصاً ايام الامتحانات ‏‎ طبعا المفروض علي طول بس رضاهم ربنا هيرضي عنك ويدعولك ودعوتهم تكون مستجابه ان شاءالله ‏
في بقا مقوله بتقول ان النجاح مش بتوصله بالاسانسير لا بتاخذ خطوه السلالم خطوه خطوه يعني لازم تتعب عشان توصل لهدفك ودايما خلي حلمك ادامك وشجع انت نفسك انك هتقدر توصل بعون الله لهدفك وماتقلقوش خالص زي ماقولتلكم وهنزلكم بوست تاني بقا عن المواد وايه المواد الرخمه اوي في مذاكرتها وازاي تذكرها وكده ولو اي حد عايز اي حاجه ممكن يقولي وان شاء الله احاول اساعده وبالمناسبه انا كنت علمي علوم ولغات لو حد عايز يسال عن المواد والمدرسين وحاليا في كليه صيدلة ويارب اكون قدرت افيدكم

هو الموضوع وحش ولا ايه:(:blush: :(

استمرى الموضوع ممتاااااز ومشجع جدااا ^_^

استمرى الموضوع ممتاااااز ومشجع جدااا ^_^

اصل محدش بيرد عليا :blush::blush::bosyht9:

الموضوع ممتاز جدا .. ربنا يبارك في حضرتك و يجعله في ميزان حسناتك ، انا باخد الكلام كوبي علي التليفون و ابص عليه كل شوية و اتشجع ،
ربنا معانا:)

الموضوع ممتاز جدا .. ربنا يبارك في حضرتك و يجعله في ميزان حسناتك ، انا باخد الكلام كوبي علي التليفون و ابص عليه كل شوية و اتشجع ،
ربنا معانا:)

ربنا يخليك :028ja7: انا هكمل عشان الكلام الحلو ده :022yb4:

الصراحة الموضوع شيق :d

الصراحة الموضوع شيق :d


يعنى اكمل
ربنا يخليك

الفيزيا قصة كفاح !
طيب ..
اسمع يا ابني ‏‎
معاناتك في الفيزيا ده شئ طبيعي هتلاقيه في اي حد في ثانوية او كان في ثانوية ‏‎
يعني المشكلة انها تقريباً من ارخم واطول المواد اللي ممكن تقابلك
"طيب اعمل ايه يعني علشان ابقى كويس فيها ؟"
اولاً كده ذاكر بالورقة والقلم !
حوار انك تحفظ من غير ورقة وقلم علشان تخلص بسرعة ف ده بيخليك تنسى بسرعة برضه -.-
لكن مذاكرتك بالورقة والقلم بتخلي حفظك للكلام اسهل
ثانياً ذاكر بصوت مسموع ‏‎
لأنك كده وانت بتذاكر هتبقى بتكتب وبتقرأ وبتسمع وبتشوف اللي بتكتبه وده برضه هيثبت الحاجة اللي بتحفظها اكتر ‏‎
ثالثاً الحاجة اللي تلاقيها اخدت مجهود منك حط تحتيها خط علشان يوم ما تيجي تراجع تبقى عارف انها مهمه و تراجعها كويس ‏‎
رابعاً سهل الأمور لنفسك .. انت واحد دخل علمي يعني دماغه توزن بلد .. فهم نفسك بالراحه ماتحفظش طول ما انت مش فاهم .. افهم الأول هتلاقيك حفظت ! ‏
خامساً .. بعد ما تخلص مذاكره الفيزيا بالذات حل كتيييير .. ابوس ايدك حل كتير .. بالله عليك حل كتير ‏‎
بلاش تعمل الغلطة اللي غلطتها .. انت كويس وهتحل كتير أنا عارفة ‏
سادساً كل فتره راجع ع اللي فات وحل عليه تاني علشان ماتجيش في الاخر وتلاقي نفسك ناسيه ‏‎
واخيراً أنا عارفة ان الفيزيا مشكلة ناس كتير بس حاولوا تفهموها صدقوني هتلاقوا الموضوع اسهل بكتير أنا السنه اللي فاتت كنت مكانكوا وكنت متأكده اني هنقص ولا 10 درجات فيها وفي الأخر مانقصتش غير درجتين ونص وده بالنسبه ليا شئ عظيم
قوم ذاكر .. حلمك باقيله كام شهر :wub::wub::wub:

الثانويه العامه
إزاى ادير السنه دى
ــــــــــــــــــــــــــــــــــــــ
أولا هنقسم الثانويه 6 مراحل
1- من بدايه الدراسه (أو الدروس ) لحد 15/11
2- 15/11 لحد بدايه اجازه نص السنه
3-اجازه نص السنه
4-بدايه الترم التانى لحد 15/4
5- 15/4 لحد 1/5
6- 1/5 لحد الامتحانات
ــــــــــــــــــــــــــــــــــــــ
المرحله الاول ...لحد نص 11
طبعا للاسف عدى منها فتره ....بس ملحوقه ...المطلوب منك ليوم 15/11
انك متكنش أخدت حاجه ووقعت منك ..تكون ذاكرت كل اللى اخدته لحد 15/11
لو حاجه واقعه منك حاول تلمها لسه قدامك شهر أو ...اوعى حاجه تفوتك عشان مش تأثر عليك بعد كده فى بقيه المراحل
دى أخطر مرحله ...بأكد تانى لم كلل اللى اخدته فيها عشان مش تحتاس بعد كده
___________________
المرحله التانيه ..من 16/11 لحد بدايه اجازه نص السنه
دى هتعمل فيها حاجتين ....هتراجع عالقديم ...وتذاكر الجديد باستمرار
والمراجعه يعنى (تراجعه مذاكره خفيفه وحل كتيييييييير )
مراجعه يعنى هضيع وقت تانى فى مذاكرته ....لا مش هتضيع وقت ما هو انت لو مذاكره صح مش هيحتاج غير قرايه
يبقى مراجعه عالمرحله الاول +مذاكره المرحله التانيه
ـــــــــــــــــــــــــــــــــــــــــ
المرحله التالته....اجازه نص السنه
دى فيها هتطحن نفسك حل عالترم الاول كله ....طبعا هتحل أكتر عالمرحله التانيه عشام المرحله الاولى انت اساسا شغال فيها حل بقالك شهرين ومراجعه ...
طبعا الدروس هتكون شغاله ..بس معلش المجهود لازم يزيد
والتعب بتاعك هيقل كتيير لانك متعود عالمذاكره وكده فيعنى بقت حاجه طبيعيه
وطبعا المذاكره عالجددي اللى بتاخده مستمره
____________________
المرحله الرابعه....بدايه الترم التانى لحد 15\4
دى هتهتم فيها باللى أخدته من بدايه اجازه نص السنه لغايه نص 4 لان مفروض الترم الاول انت مذاكره وبتحل عليه وراجعته وشغال حل فيه
الترم التانى بقا هنا هتحل عليك كتييير عشان مبقاش فى وقت كتير تراجع عليه
يبقى انت شغال حل عالترم الاول + الترم التانى مذاكره ومراجعه وحل
وكل مرحله لها جدول وحاجات هنتكلم فيها لما يجى كل مرحله
مش تستعجلوا ...
____________________
المرحله الخماسه 15/4 لحد 1/5
دى هتجيب فيها كل اللى وقع منك طول السنه وخصوصا الترم التانى
يعنى 15 يوم هتلم فيهم كل حاجه
هيكفوا ؟ اها هيكفوا بس لو انت ماشى من الاول فى كل المراحل صح
_____________________
المرحله السادسه من 1/5 لحد الامتحانات
دى مرحله المراجعه وحل الامتحانات
ودى لها شرح بس لما نيجى لها
___________________________________
كل اللى يهمنى اول مرحله دلوقتى لحد نص 11 مفيش حاجه تقع منك حاول تبقى ملم بكل حاجه
مذاكره باستمرار متابعه علطول
كل مرحله عن التانيه نومك فيها هيقل+مذاكرتك فيها هيزيد+ خوفك (لو بتاذكر وبتسمع كلامى هيقل ..انما لو مش مهتم فخوفك فيها هيزيد وهتقلب بتوتر ورعب وكوابيس ) يتبععععععععععععععععععععععععععععععععععععع

السلام عليكم
ــــــــــــــــــــــــــــــــــــــــــــــــــ ـــــــ
1- كنت قولت ليكم قبل كده انك معاك لغايه نص 11 (15/11 ) عشان تظبط اللى أخدته كله لغايه نص 11 ...وهنا ياوحش قدامك حوالى 20 يوم بالظبط تلحق تلم فيهم كل اللى واقع منك ...يعنى يوم 11/15 مش عاوز يكون فى حاجه واقعه منك فى كل المواد ....فالمرحله دى وبدايه من النهارده ....مذاكرتك متقلش عن 8 ساعات ...3 سااعات للجددي اللى بتاخده فالدروس ...5 ساعات للقديم اللى واقع منك ....بعد 10 ايام بالظبط من النهارده ...هتلاقى ان الجديد اللى اخدته النهارده اصبح قديم وانت بتراجع عليه واللى فاتك كله جايبه مظبوط ...ده لو انت ذاكرت بالفعل 5 ساعات من القديم بدايه من بكره هنضيف 5 أيام لحد 20/11 عشان يعنى اللى واقع منه كتييير ..أى خدمه عشان محدش يتسد نفسه ويقولك مفيش أمل 25 يوم أهو قدامك ..يعنى والله لو مش ذاكرت من القديم حاجه خالص ..تلحق تلمهم كويس جدا
ــــــــــــــــــــــــــــــــــــــــــــــــــ ـــــ
2-من 15/11 لحد نهايه الترم الاول (بدايه اجازه نص السنه ) دى هتعمل فيها 3 حاجات أ- هتذاكر الجديد .....اللى بتاخده فالدروس ...4ساعات يوميا ب_هتحل على المرحله الاولى ....3 ساعات يوميا ج-هتراجع أى حاجه واقعه منك بحيث انك تغطى كل اللى انت أخدته ...ساعتين يوميا يعنى معلك فالمذاكره زاد الى 9 ساعات (زياده ساعه عن المرحله الاولى ) مفروض المرحله دى هتقعد شهرين لان اجازه نص السنه فى نص واحد يعنى حضرتك قدامك 60 يوم حل عالقديم كل يوم 3 ساعات ...يعنى مفروض القديم ده تكون استاذ فيه ــــــــــــــــــــــــــــــــــــــــــــــــــ ــــــ
3-اجازه نص السنه دى هتعمل فيها 3 حاجات برده 1-هتحل امتحانات عالمرحله الاولى ..انت المفروض بقالك 60 يوم بتحل اسئله عليها ...يعنى جاهز تحل عليها امتحانات ...ساعتين يوميا 2-هتحل عالمرحله التانيه ...2ساعات يوميا 3- هتحل امتحانات عالمرحله التانيه 2ساعات يوميا 4-هتلم اى حاجه ضايعه منك فالمرحله التانيه ..ساعتين يوميا 5-هتذاكر اللى بتاخده أول بأول ...3 ساعات يوميا طب ايه الفرق بين رقم 2 و3 بخصوص الحل على المرحله التانيه ؟ الفرق ان 2 بتحل حل كتب خارجيه ...جايب كتاب زياده وبتحل فيه ...انما 3 بتحل اسئله امتحانات على المرحله التانيه ....يعنى بتجيب مثلا مصر 2006 وتشوف الاسئله بتاعت المرحله التانيه وتحلها فالاجازه هنا معدل مذاكرتك بقا 11 ساعه ..يغتلا زياده ساعتين عن المرحله التانيه ــــــــــــــــــــــــــــــــــــــــــــــــــ ـــــ
يبقى انت هنا بعد انتهاء اجازه نص السنه مذاكر المرحله الاولى والتانيه + مراجعه عليهم+حل اسئله كتب خارجيه عليهم+حل اسئله امتحانات عليهم يعنى ملكش حجه
الترم التانى بقا
4-من بدايه الترم التانى ...لحد 15/3 هتعمل فيها 6 حاجات أ-حل امتحانات عالترم الاول ....ساعه يوميا ....وساعه كفايه اوى لانك اصلا بقالى شهرين او اكتر نازل حل عالترم الاول كله ب_مراجعه دروس الترم الاول ..درس درس ....عالسريع كدا ولو فى حاجه محتاجه تأنى أديها حقها ..2 ساعه يوميا ج-حل ومراجعه الدروس بتاعت اجازه نص السنه .....2 ساعه يوميا د_مذاكره اللى بتاخده اول بأول ...3 ساعات يوميا ه-حل اسئله على اللى بتاخده ...(من بدايه المرحله دى يعنى من بدايه الترم التانى )......3 ساعات يوميا و-مراجعه اللى انت بتاخده ...يعنى مثلا النهارده 15/2...تقوم تراجع اللى اخدته مثلا يوم 1/2 وهكذا ....يعنى تراجع عالمرحله وانت فالمرحله برده...ساعه يوميا معدل مذاكرتك هنا 12 ساعه ياحج فالمرحله دى انت راجعه عالترم الاول درس درس ...حليت عليه ...بتذاكر اللى بتاخده ...بتحل عليه كمان ...بتراجعه كمان __________________________________
5- من 15/3 لحد 15/4 شهر كامل ...هتعمل فيه برده 5 حاجات أ- شغال مراجعه عالترم الاول وحليه عليه زى ما أنت ...2 ساعه يوميا ب- حل اسئله وامتحانات على المرحله التالته والرابعه (اجازه نص السنه+بدايه الترم التانى لحد 15/3)....4 ساعات ج-بتذاكر اللى بتاخده اول باول 3ساعات د- بتحل عاللى بتاخده اول باول ...4 ساعات ه- عندك ساعتين ...بتجيب فيهم اى حاجه واقعه منك طول السنه يعنى معدل مذاكرتك بقا 15 ساعه ....لازم ساعات المذاكره تزيد عشان مفيش وقت ...لازم تضغط نفسك شويتين ــــــــــــــــــــــــــــــــــــــــــــــــــ ـــــــــــــــــــــــــــ
15/4 لحد 1/5 المفروض انك هتكون خلصت كل المواد فالدروس المفروض ان الترم الاول واخد حقه عالاخر مذاكره وحل ومراجعه وامتحانات كمان الترم التانى واخد حقه بالظبط ومحتاج زياده شويه فانت عندك 15 يوم هتراجع فيهم على كل اللى انت اخدته ....كله كله ....اللى عارفه راجعه فالسريع ....اللى متظبط معاك حاول تظبطه معدل مذاكرتك هنا ميقلش عن 16 ساعه يعنى وهنا هتذاكر بالمواد ..يعنى مثلا الفيزيا ...تعمل لها 3 أيام ...تاخدها حل وراجعه وكل شىء...الرياضه 3 ايام ...حل ومراجعه ومذاكره وكل شىء ..الاحياء مثلا ...يومين او تلاته ...التاريخ 3 ايام مثلا ..وهكذا بحيث انك تمسك الماده تجبها كلها من اولها باخرها حل ومذاكره ... هنا هتحل حاجتين بس كتاب المدرسه كله بالامثله المحلوله كمان +دليل التقويم طبعا انت المفروض حالل كتب خارجيه قبل كده وامتحانات
ــــــــــــــــــــــــــــــــــــــــــــــــــ ــــــــــــــــــــ
اخر مرحله 1/5 لحد الامتحانات حوالى 40 يوم هتصجى زى الشاطر من الفجر ...تمسك كل ماده تحل عليها امتحان بخط ايدك ولوحدك بدون ما تشوف الاجابه...ومعاك ساعه فى ايدك هتدخل اوضتك ...فى جو هادى خالص مثلا ...الفيزيا هتحل مثلا امتحان 2000 ...هتظبط الساعه على 3 ساعات (اللى هما عدد ساعات الفيزيا اخر السنه )....هتحل الامتحان كله ..بدون ما تخرج من الاوضه ...حتى للحمام ....وتحل على مكتب او طربيزه مش عالارض وعلى عالسرير ومش هاكد بدون اغانى ولا قرآن ولا حد من اخوتك كل شويه يدخل الاوضه لو مش عرفت تحل سؤال مش تغشه ..بعد ما 3 ساعات يخلصوا ...علم لنفسك وشوف اجابه الامتحان الصحيحه زى حلك ولا ايه ...وادى درجه لنفسك بضمير وصارح نفسك عشان مصلحتك هتخلص الفيزيا ...تعمل قاعد امتحان عربى وهكذا ...يعنى كل يوم تحل على كل ماده امتحان بخط ايدك شبه امتحان اخر السنه يعنى هتقعد 40 يوم كانك فى لجنه ...هتشوف لما تحتس ازاى تظبط وقتك جوا اللجنه ...ازاى تتعامل مع الاسئله الصعبه ...تعود ايدك على كتابه الاجابه بالكامل ....يعنى المفروض لما تيجى تدخل امتحان اخر السنه ...ولا هتعانى من خوف ولا قلق ولا سوء تنظيم وقت جوا اللجنه ...وايدك حفظت الاجابات ...وشفت اشكل كتير للاسئله ...يعنى المرحله دى مرحله كانك فى مركز تدريب عالامتحانات انا كنت بقفل الباب عليا فالمرحله دى ...بابا مكنش بيقدر يهوب من الاوضه ...يوم عن يوم فى اسئله هتتحفظ جواك اتوماتيك ....ع فكره اللى هيحط الامتحان اخر السنه مش هيألف اسئله من عنده ...لا لو انت مذاكر صح ...90 فالميه من الاسئله هتكون مرت عليك وممكن تكون مرت عليك بنفس النص هيتبقى 10 فالميه او 15 فالميه اسئله بشكل جديد فيهم تفكير ..لو انت فاهم ومذاكر بجد هتعرف تحلهم وتتعامل معاهم _____________________________________
دى السنه بتاعتك من الالف للياء ...احفظ البوست عندك عشان لو انا قفلت الفيس عندى البوستات بتاعتى هتروح
_____________________________________
انت رقيب ع نفسك عشان متجيش تعيط فالاخر وتقول انا مجبتش مجموع ومعرفش ايه ...الفرصه قدامك لسه ...بس خليك راجل وعيش حلمك
____________________________________
ابعد عن الاغانى ...قلل ذنوبك...الصلاه فى مواعيدها 100 استغفار قبل ما تبدا تذاكر ....بلاش ارتباطات السنه دى بابا وماما حاول تخيهم راضيين عليك عشان يدعولك بنفس بالتوفيق ودعواتكم

ربنا يبارك لك يا اختي ويجعله ف ميزان حسناتك وتحققي كل ال تتمنيه ،فعلا فيه ناس محتاره ف تنظيم وقتها وخايفه السنة تخلص من غير تحصيل لحاجة وشايفه ان مفيش انجاز بس وربنا الموضوع محتاج يقين بالله،مراعاه حقوق الله ف العباده ،صبر،مذاكره بضمير،هدوء اعصاب وباذن الله هنوصل :) لسه الامل موجود ولو مشي هندور عليه ونجيبه ^_^
استمررري#

ربنا يبارك لك يا اختي ويجعله ف ميزان حسناتك وتحققي كل ال تتمنيه ،فعلا فيه ناس محتاره ف تنظيم وقتها وخايفه السنة تخلص من غير تحصيل لحاجة وشايفه ان مفيش انجاز بس وربنا الموضوع محتاج يقين بالله،مراعاه حقوق الله ف العباده ،صبر،مذاكره بضمير،هدوء اعصاب وباذن الله هنوصل :) لسه الامل موجود ولو مشي هندور عليه ونجيبه ^_^
استمررري#

ربنا يخليكى
وربنا يوفقنا

تمام زي الفل :d

انا مش عارفه اقول لحضرتك اي انا تقريبا كل المواصفات بتاعه الملل والزهق ومش بقعد ع الكتاب غر ربعايه وبزهق
اه مش بنجز غير في الزنقه
بس هحاول اتبع خطوات حضرتك مكن هتغير
وشكرا جزيلا

تمام زي الفل :d


:friendsxs3::friendsxs3::022yb4:

انا مش عارفه اقول لحضرتك اي انا تقريبا كل المواصفات بتاعه الملل والزهق ومش بقعد ع الكتاب غر ربعايه وبزهق
اه مش بنجز غير في الزنقه
بس هحاول اتبع خطوات حضرتك مكن هتغير
وشكرا جزيلا

ربنا معاكى

متسمعش للناس الكدابه اللي تقولك ده انا مش بذاكر ... اصل الوقت مش مكفي ... اصلي مش ملاحق
عامه كده مفيش حد في السنه دي مش بيذاكر 😤😤
كلنا بنخاف علي مصلحتنا و ده مش عيب ... بس الغلط اننا نوصل طاقه سلبيه للي حوالينا ...
#‏ابعد_عن_السلبيه

ممكن سؤال
هو الامتحان مبيخرجش فعلا من كتاب الوزارة ودليل التقويم

ممكن سؤال
هو الامتحان مبيخرجش فعلا من كتاب الوزارة ودليل التقويم

انا ف 3 ث زيكم غ فكرة :friendsxs3:

حلمك مش مجرد احلام يقظه ,,
انما هو حقيقة لسه متحققتش على ارض الواقع شبه مخطط البيت قبل ما يتبني او النوته الموسيقية قبل ما تتعزف.
#‏بكره_احلى