مشاهدة النسخة كاملة : طريقة التحضير الغريبة للعام 2016


طرزان البرنس
03-10-2015, 05:46 PM
بسم الله الرحمن الرحيم

الحقيقة اوجه الشكر والتقدير الى وزارة التربية والتعليم وعلى رأسهم مستشار الدراسات الاجتماعية على الطريقة الجديدة للتحضير
من اجمل ما رأت عيني من طريقة
فعلا هو دا التقدم المصري وهو دا السبيل الى تحسين التعليم في مصر
الحقيقة طريقة سهلة للغاية ولا فيها حشو ولا تطويل ولا تقدير للمدرس او محاربته علشان يتأخر على دروسة وبالتالي يبقا من ضمن العلاج لمشكلة الدروس ولا اي حاجة
طبعا الكل فاكر ان المستشار قاعد في التكييف وعمال وهو بيتفرج على مسلسل بوجي وطمطم يفتكس في طرق ويشخبط
لا طبعا الراجل بيلف طول اليوم وبيسافر هنا وهنا علشان يستنضف لينا احسن الطرق والحمد لله اكتشف البترول اقصد اكتشف الطريقة المثالية لمصر اللي هتخلي الطلاب يحفظوا حاجة اسمها دراسات اجتماعية
الحقيقة انا كنت بحضر من شوية واخر ما زهقت قمت اقرا في طريقة عمل البطاطس علشان اعملها اسهل
طبعا العيب مش في الطريقة لا اكيد انا اللي كسلان علشان كدا محضرتش بالطريقة
اتمنى الترم التاني ان شاء الله تقولنا نبقا نحط مراجع ومصادر كمان في تحضير او اقولك على حاجة ايه رأيك لو نعمل رسالة ماجيستير في الدراسات على المناهج
احب اقولك يا سيادة المستشار ان الدعوات عليك نازلة ترف في جميع المدارس يعني خد بالك لا تولع او تنفجر او حاجة
حسبي الله ونعم الوكيل

محمد حلمي الدالي
07-10-2015, 06:00 PM
اخي الفاضل انا عارف انها طريقة غريبة ومتعبه وده دايما ما تعودنا عليه من مستشاري مادتنا بس اسمح لي بتغير العنوان ونقل الموضوع الي حجرة مدرسي الدراسات الاجتماعية

حورس الغربي
10-10-2015, 01:39 PM
كلامك كله صح

sawy9400
10-10-2015, 06:46 PM
مشكوووووووووووووووووووووووووووووور