مشاهدة النسخة كاملة : اكوام اكوام!!


سارة عطالله
22-08-2008, 05:59 PM
صرح مسئول و بكل سعاده.....
حلينا مشاكلنا وكالعاده......
مفيش غير كده حاجه بسيطه.......
حلها مش بالطرق المعتاده .......

مشكلة الزباله ال بجد ........
مالهاش حصر ومالهاش عد...
ودا طبعاً معناه الواضح......
"رفاهيه زايده عن الحد"...

الزباله إكوام إكوام......
عاليه كده وتليق بمقام...ز
شعب بيعرف إزاى إنه....
يملا الدنيا كلام فى كلام!!!

والحل؟؟باىباى للزبال.....
ونجيب شركة تنظيف فى الحال
ترص صناديق حلوه كبيره......
دا غير انه ديكور وجمال.....

على كل شارع وكل حاره.......
.قدام مدخل كل عماره......
وفى كل الميادين العامه......
أصل نظافه..يعنى حضاره....

وقالوا يحسبوا التكاليف....
على وصل النور والتكيف
وكل ما تستهلك أكتر........
دا دليل انك شيك ونضيف....

ويجيلك قال ايه رسم نظافه.....
يعنى بصنعة زوق ولطافه....ز
أوعى تقول انك مش دافع......
خليك شيك بلا شغل سخافه....

ماتتلككش وتقول :دا كتير.....
وادفع بقى وبلاش تفكير.....
لا فى قفف مليانه زباله.....
ولا عربيات جراها حمير!!

وتاهت الحدوته مابين......
الشركه والمسؤولين....
ومحدش ياخوانا يعرف........
هنروح من زبالتنا دى فين؟؟


والصناديق طافحه و مليانه.......
والناس محتاره وزعلانه ....
والزبال يطلب شهريه.....
والفكره فاشله وخيبانه


امتى هايجى اليوم بقى ننضف؟؟......
ونفكر صح و نتصرف؟؟
محدش عارف يتكلم؟؟؟؟؟؟؟؟.....
.والله دى حاجه بقت تكسف!!!

Tawfeek Yahia
25-08-2008, 02:17 AM
والله انا عن نفسي بحاول اعمل عكس الكلام دا واكون انسان غير البلد اللي عايش فيها ويا ريت الناس كلها تبقي كدا ........... موضوع جميل .

سارة عطالله
25-08-2008, 10:46 PM
شكرا يا تيفا

Tawfeek Yahia
25-08-2008, 11:33 PM
ايه يا جماعه مفيش مشاركات ليه ؟؟؟ الموضوع دا والله جميل وحقيقي