السلام عليكم ورحمة الله وبركاته

من فضلكم هاعرض مشكلة وأرجو من يفهم يفيدنا
وخاصة لو موجهين ياريت يفيدونا

دلوقت انا ليا أخت اتعينت معلم مساعد إنجليزي اعدادي من ضمن ال 30 ألف معلم الخاصين بالمسابقة والحمد لله

مدرستها ابتدائي واعدادي فيه معاها في تخصصها 3 مدرسات في إعدادي
واحدة بس منهم نصابها مكتمل
وأختي إدوها 15 حصة كلهم في مرحلة واحدة هي أولى إعدادي يعني نصابها مش مكتمل

المهم مدرس اتنقل من ابتدائي وطبعا ساب عجز
وعشان المُدرسة اللي معاها قديمة عايزين ياخدوا من أختي من نصابها 5 حصص من إعدادي يدوها للمس القديمة تكمل نصابها في اعدادي عادي
ويخلوا أختي تسد عجز ابتدائي وتشيل كمان في اعدادي 10 حصص
وطلعت إشارة من الإدارة بكدة وعايزينها تمضي عليها

أختي طبعا مش راضية لأنها كدة هتبقى بتدي 7 مناهج دي حاجة
الحاجة التانية بتقول أنا عندي استعداد أكمل على نصابي مافيش أي مشكلة لكن إزاي ياخدوا من نصابي حصص يدوها لحد تاني ويعملوا عجز عندي وينزلوني من اعدادي لإبتدائي لمجرد إنها قديمة؟؟؟!!!

ولما كلمت الموجه بتاعهم قال نفس الكلام قالتله أنا ماعنديش مشكلة أسد العجز وأكمل الناقص من حصصي في اي مكان حتى لو مدرسة تاني لكن تاخدوا من نصابي تدوه ليها لمجرد انها قديمة واشيل 7 مناهج في كل فصل حصتين ده حرام
قالها انتي لسة جديدة تاخدي المفروض اللي يدوهولك واحنا ياما شيلنا ومش المفروض تعندي في حد قديم وقالها ان فيه في القانون أقدمية وكلام من ده
وكله بيقول مانقدرش نيجي جمب القديمة والجديد يشيل المفروض!

السؤال:
هل ده قانوني ياجماعة ان حد ياخد من نصابها أصلا ويشيلوها غيره لمجرد إنه قديم؟؟؟!!!
وهل فعلا فيه اقدمية في القانون؟؟!!
وإيه المفروض أنها تعمله؟؟

هي جديدة ومش عارفة حاجة وعايزة تفهم إيه الصح في الأمور دي والقانوني
فبنسألكوا عشان نعرف
وقولولي إزاي نتصرف؟
منتظرة ردودكم الكريمة

سيدتى الفاضلة
بداية : سبب ردى اننى لا أحب الظلم فالظلم ظلمات يوم القيامة
عليكى ان تعرفى الآتى:
هناك أقدمية للمدرسين فى التربية و التعليم
و المدرس القديم له اولوية فى كل شئ للأسف
و لكن لك حقوق وهى : لك الحق فى تدريس منهجين و ليس من حق اى احد ايا كان أن يفرض عليك تدريس اكتر من منهجين
لك عدد حصص محدد ليس من حق أحد أن يزيد عليه
للموجه الحق فى فرض رايه عن طريق الانتداب و لكن بما لا يخالف ما ذكرته لك
و فى النهاية اود أن أنصحك بان تبعدى عن المشاكل حتى تمتلكى الخبرة و الدراية
عليكى ان تبداى الطريق دون مشاكل ثم تحاولى التعديل فى العام القادم
و اخيرا و عسي أن تكرهوا شئ و يجعل الله فيه خيرا كثيرا
Mr Ali Sobhi
مدرس ثانوى

جزاك الله خيرا وبارك الله فيك

هو حضرتك معروف ان القديم ليه الأولوية في انه يرتاح وان الانتداب للأحدث
لكن هل يرتاح القديم حتى لو اخد من نصاب الجديد اللي اخده اصلا؟؟
وبالنسبة لموضوع منهجين ده خاص باعدادي وثانوي ولا الكل؟؟
لان عندي مدرسين ابتدائي بيدرسوا 5 مراحل مادام داخل نصابه

من قواعد الندب
1 المسكن على الكادر
2 الدرجه الماليه
3 الدرجه السابقه
4 الوظيفه السابقه اذى تساوى فيما سبق
5 التقدير العام
6 اقدميه التخرج
7 السن
طبقا للقرار الوزارى 202 لسنه 2013

السلام عليكم ورحمة الله وبركاته

من فضلكم هاعرض مشكلة وأرجو من يفهم يفيدنا
وخاصة لو موجهين ياريت يفيدونا

دلوقت انا ليا أخت اتعينت معلم مساعد إنجليزي اعدادي من ضمن ال 30 ألف معلم الخاصين بالمسابقة والحمد لله

مدرستها ابتدائي واعدادي فيه معاها في تخصصها 3 مدرسات في إعدادي
واحدة بس منهم نصابها مكتمل
وأختي إدوها 15 حصة كلهم في مرحلة واحدة هي أولى إعدادي يعني نصابها مش مكتمل

المهم مدرس اتنقل من ابتدائي وطبعا ساب عجز
وعشان المُدرسة اللي معاها قديمة عايزين ياخدوا من أختي من نصابها 5 حصص من إعدادي يدوها للمس القديمة تكمل نصابها في اعدادي عادي
ويخلوا أختي تسد عجز ابتدائي وتشيل كمان في اعدادي 10 حصص
وطلعت إشارة من الإدارة بكدة وعايزينها تمضي عليها

أختي طبعا مش راضية لأنها كدة هتبقى بتدي 7 مناهج دي حاجة
الحاجة التانية بتقول أنا عندي استعداد أكمل على نصابي مافيش أي مشكلة لكن إزاي ياخدوا من نصابي حصص يدوها لحد تاني ويعملوا عجز عندي وينزلوني من اعدادي لإبتدائي لمجرد إنها قديمة؟؟؟!!!

ولما كلمت الموجه بتاعهم قال نفس الكلام قالتله أنا ماعنديش مشكلة أسد العجز وأكمل الناقص من حصصي في اي مكان حتى لو مدرسة تاني لكن تاخدوا من نصابي تدوه ليها لمجرد انها قديمة واشيل 7 مناهج في كل فصل حصتين ده حرام
قالها انتي لسة جديدة تاخدي المفروض اللي يدوهولك واحنا ياما شيلنا ومش المفروض تعندي في حد قديم وقالها ان فيه في القانون أقدمية وكلام من ده
وكله بيقول مانقدرش نيجي جمب القديمة والجديد يشيل المفروض!

السؤال:
هل ده قانوني ياجماعة ان حد ياخد من نصابها أصلا ويشيلوها غيره لمجرد إنه قديم؟؟؟!!!
وهل فعلا فيه اقدمية في القانون؟؟!!
وإيه المفروض أنها تعمله؟؟

هي جديدة ومش عارفة حاجة وعايزة تفهم إيه الصح في الأمور دي والقانوني
فبنسألكوا عشان نعرف
وقولولي إزاي نتصرف؟
منتظرة ردودكم الكريمة


تحمد ربنا انها لقت شغل ما حدش طااااااااااااااااااااااااااااااااااااااااااااااااا ااااااااااااااااااااااااااايل

الكلام ده غير صحيح لان الأقدمية لا يعتد بها الا في الانتداب خارج المدرسة وبعدين مينفعش ان مدرس يشيل سبعة مناهج ....اتمسكي بحقك