مشاهدة النسخة كاملة : الدراما و المشاهير
أحمد2025 23-08-2008, 02:22 AM ــ (( السلام عليكم ورحمة الله وبركاته )) ــ
أزيكم ياجماعة عاملين ايه يارب كونوا بخير وفى الجنة جميعا ان شاء الله
بسم الله
ونبدأ الموضوع
رشفت رشفة من فنجان الشاى وأنا أشاهد التلفاز فتذكرت موضوع السابق ( تاريخنا ...أم ايرادات للأفلام)
ولا أعرف ماذا يربطه بموضوعى الأن ، وحين ذلك تذكرت بعض الأفلام وما بها من تأليفات على مشاهير كانوا من أعظم الناس
نبدأ بالعملاق أحمد زكى ودورة فى فيلم السادات وكان أداءه أكثر من ممتاز لتواضعة المعتاد ولكن الأهم فى ذلك كانت الكتابه من المؤلف العملاق.
وكان زكى على نفس طريقة الأداء فى ناصر56 وكانت دائما الكتابه الأفضل هى سبب نجاح الفيلم من خلال نقد الكتاب
ولا أتحدث كثيرا عن عبدالناصر والسادات لأن زكى الفنان قام بتجسيد شخخصيتهم فى تواضع واحترام ولكن الجميع رفع القبعة للكاتبان رغم عدم وجود الإيرادات
ولا أزال مع زكى ودورة فى فيلم العندليب (حليم) ولكنى لم اكن معه فى قيام ذلك الدور لأن الكاتب بالغ كثيرا وصور حليم بأنه لم يرتكب أى خطأ فى حياته وهذا الفيلم لم يضف لزكى شيئا فى تاريخة السينمائى
ونتحول الى الناصر صلاح الدين فارس أحلام المسلمين فى ذلك الوقت العصيب وأتقن شاهين الإخراج الجميل رغم عدم جودة الكتابة فى أخر مشاهد الفيلم العظيم ولكن مظهر كان متألقا كعادته لجمالة فى الأداء فخرج الفيلم الى الأضواء فأصبح من أفضل الأفلام اللذين أنجبتهم السينما المصرية حتى الأن وتعرفنا حثيثا حثيثا على شخصية البطل صلاح الدين فى ذلك الحين
ونتحول إلى الشاشة الصغيرة فوجدت بعض الأعمال لتجسيد شخصية بعض المشاهير
وأبدأ أولا بشيجنا الجليل(الشعراوى) كان مسلسل (امام الدعاة) من أفضل المسلسلات وأدى حسن يوسف الدور بإتقان حتى تتر المسلسل لفؤاد أصبح من أفضل التترات حتى الأن والإخراج كان أكثر من ممتاز ولكن السؤال الأن
هل أعمال حسن يوسف السابقة تلائم تجسيدة لشخصية الشيخ الشعراوى؟؟
ونأتى لحليم مرة أخرى ومسلسل العندليب وقام بدوره شادى شامل الذى اعتقد انه حليم وأخطأ الكاتب الذى جسد شخصية حليم بالملاك البرىء
ولم اتكلم كثيرا عن مسلسل سندريلا ــ لتصوير قصة حياة الراحلة سعاد حسنى والتى قامت بدورة الفنانة منى زكى ــ لأننى لم أشاهدة ولكن كنت اتباع أخبارة دائما من الجرائد وأعتقد انه نفس الحال لمسلسل العندليب حيث تخيلت منى انها سعاد حسنى بصحيح فبالغت بكثير
وارجع الى البداية وانتظر بفارغ الصبر مسلسل ناصر لتصوير حياة الزعيم الراحل جمال عبد الناصر ويقوم بتجسيد شخصيته مجدى كامل وأظن انه لن يخيب ظنى هذة المرة لأن مجدى ممثل قدير ولكن سوف يتوقف ذلك على النص المكتوب ومدى حققيقته لحياة الزعيم الراحل الأمين
وفى النهاية لى سؤالين أخرين أرجو الإجابة عليهما:ــ
هل يستمر المؤلفون فى عدم تصوير حقيقة المشاهر حقيقة كاملة الذى لم يرتكب أخطاء طوال حياته؟؟
هل يخرج علينا المؤلفون بعد عمر طويل للرئيس العزيز ويصورونة بأنه محقق أمال وطموحات المصريين فى كل وقت وحين؟؟؟؟
والسلام عليكم ورحمة الله وبركاته
انتظروا موضوعى القادم
تفكير و تفكير
مع تحيات
أحمد2025
عاشق مصر
COoL HEaRT 23-08-2008, 02:33 AM مش كل مره هقلك الموضوع حلو انا زهقت بقى
اولا تلخيصك لاحسن مسلسلات وافلام للسينما المصريه حاجه كويسه ..بس المشكله انى مش بتابع المسلسلات انا شفت فيلم الناصر والسادات وصلاح الدين
وبجد من احسن الافلام اللى عملتها سينمتنا المصريه ...بس انا هجاوب ع اخر سؤالين ..اكتر حاجه تضايقك فعلا ان الافلام تكون مش مجسده الحقيقه زى حليم اللى انت قلت عليه كل واحد بيغلط ولازم يصورو الجانب المظلم م نحياه كل شخص لانهم مش ملايكه يعنى
بس هى بتبقى عمليه نفسيه ممكن الاخ اللى كاتب السيناريو معجب اوى بالبطل ده لدرجه انه نسى انه يضيف مقدار من المصداقيه فى الفيلم
وبالنسبه لموضوع الريس ده ..دى هنسيبها للزمن ..بس هقلوكو ع سر لو اللى هيمسك بعديه من عيلته هيطلع الفيلم بالشكل اللى انت قلت عليه....اما لو حد تانى فرببنا يستر ع اللى هنشوفه
أحمد2025 24-08-2008, 02:26 AM مش كل مره هقلك الموضوع حلو انا زهقت بقى
اولا تلخيصك لاحسن مسلسلات وافلام للسينما المصريه حاجه كويسه ..بس المشكله انى مش بتابع المسلسلات انا شفت فيلم الناصر والسادات وصلاح الدين
وبجد من احسن الافلام اللى عملتها سينمتنا المصريه ...بس انا هجاوب ع اخر سؤالين ..اكتر حاجه تضايقك فعلا ان الافلام تكون مش مجسده الحقيقه زى حليم اللى انت قلت عليه كل واحد بيغلط ولازم يصورو الجانب المظلم م نحياه كل شخص لانهم مش ملايكه يعنى
بس هى بتبقى عمليه نفسيه ممكن الاخ اللى كاتب السيناريو معجب اوى بالبطل ده لدرجه انه نسى انه يضيف مقدار من المصداقيه فى الفيلم
وبالنسبه لموضوع الريس ده ..دى هنسيبها للزمن ..بس هقلوكو ع سر لو اللى هيمسك بعديه من عيلته هيطلع الفيلم بالشكل اللى انت قلت عليه....اما لو حد تانى فرببنا يستر ع اللى هنشوفه
هو ممكن اه كاتب السيناريو يعجب بالبطل
بس يصور ده فى الحاجات الحلوة اللى هو عملها
وفى النفس الوقت لا يتغاضى عن أخطاءه
وأنا مش معاكى ف موضوع الريس
بيتهيألى جه حد من عيلته أو مجاش
هيتصور برضه بإنه بطل الأبطال ومحقق طموحات وأمال الشعب المصرى
شكرا على اهتمامك يا بنوتة
الضوء الشارد 24-08-2008, 02:49 AM والله كلامك جميل واناأعتقد أن مسلسل عبد الناصر فى رمضان هيعمل شعبية كبيرة ........ بس انت نسيت مسلسل الفرسان بتاع أحمد عبد العزيز اللى كان بيتكلم عن قطز وفيلم واسلاماه رغم انه فيه مغالطات الا انه كويس ....... بعيدا عن الموضوع ده أنا حاليا متابع مسلسل من أفضل المسلسلات فى تاريخ الدراما المصرية وهو يوميات ونيس ..... بصراحة محمد صبحى أبدع فى المسلسل ده ورغم أنه معاد وأنا شفته اكتر من مرة الا انه بحبه جداااااااااا(((((( دا بعيدا عن موضوعك )))))
gamal saber 24-08-2008, 05:10 AM بص يا احمد انا مش هقدر احكم على الموضوع دة
لانى مليش فى التلفزيون خالص يعنى
لاكن شفت فيلم الناصر صلاح الدين وهو فعلا رائع والاخراج جاااااااااااااامد
بالنسبة للاسئلة النخرجين مش هيبطلو تقديم الشخصية التاريخية على انة ملاك
لان المخرج عاوز يعمل عمل درامى كويس وخلاص مش مهم الحقيقة التاريخية
والدليل هيكون فى مسلسل ناصر وهتشوف
بالنسبة للسؤال التانى انا مليش دعوة يا عم
هل يخرج علينا المؤلفون بعد عمر طويل للرئيس العزيز ويصورونة بأنه محقق أمال وطموحات المصريين فى كل وقت وحين؟؟؟؟
متهيألى مش هايحصل
مش عارفة بس ده توقع !!
الله اعلم
---
الباقى بقى
انا متفقة مع رأى بنوتة ورأى جمال
الاتنين ممكن ينطبقوا على الموضوع
بالنسبة للاسئلة المخرجين مش هيبطلو تقديم الشخصية التاريخية على انة ملاك
لان المخرج عاوز يعمل عمل درامى كويس وخلاص مش مهم الحقيقة التاريخية
والدليل على كدة فيلم ( وا إسلاماه )
اللى كان مناقض تماما للقصة اللى درسناها !!
بس هى بتبقى عمليه نفسيه ممكن الاخ اللى كاتب السيناريو معجب اوى بالبطل ده لدرجه انه نسى انه يضيف مقدار من المصداقيه فى الفيلم
ممكن برضو يكون الكاتب متأثر شوية بالشخصية دى ف صورها خالية من اى سلبيات
وشكرا يا احمد للموضوع الجميل
:)
أحمد2025 24-08-2008, 09:07 PM والله كلامك جميل واناأعتقد أن مسلسل عبد الناصر فى رمضان هيعمل شعبية كبيرة ........ بس انت نسيت مسلسل الفرسان بتاع أحمد عبد العزيز اللى كان بيتكلم عن قطز وفيلم واسلاماه رغم انه فيه مغالطات الا انه كويس ....... بعيدا عن الموضوع ده أنا حاليا متابع مسلسل من أفضل المسلسلات فى تاريخ الدراما المصرية وهو يوميات ونيس ..... بصراحة محمد صبحى أبدع فى المسلسل ده ورغم أنه معاد وأنا شفته اكتر من مرة الا انه بحبه جداااااااااا(((((( دا بعيدا عن موضوعك )))))
بص انا نسيت مسلسلات كتير
وخصوصا الدينية
بس انا كتبت المشهور منها يعنى
وعلى فكرة محمد صبحى ده كبير كبير كبير
وكتاباته جاااااامدة
شكرا على مرورك الجامد جدا
بص يا احمد انا مش هقدر احكم على الموضوع دة
لانى مليش فى التلفزيون خالص يعنى
لاكن شفت فيلم الناصر صلاح الدين وهو فعلا رائع والاخراج جاااااااااااااامد
بالنسبة للاسئلة النخرجين مش هيبطلو تقديم الشخصية التاريخية على انة ملاك
لان المخرج عاوز يعمل عمل درامى كويس وخلاص مش مهم الحقيقة التاريخية
والدليل هيكون فى مسلسل ناصر وهتشوف
بالنسبة للسؤال التانى انا مليش دعوة يا عم
انا معاك برضه ياجمال فى رأئيك
بس ياريت مسلسل ناصر ميبقاش كده
شكرا على مرورك الجميل ياجمال
أحمد2025 24-08-2008, 09:10 PM متهيألى مش هايحصل
مش عارفة بس ده توقع !!
الله اعلم
انا برضه بقول مش هيحصل
بس انا بحط امال كبيرة على مسلسل ناصر
---
الباقى بقى
انا متفقة مع رأى بنوتة ورأى جمال
الاتنين ممكن ينطبقوا على الموضوع
والدليل على كدة فيلم ( وا إسلاماه )
اللى كان مناقض تماما للقصة اللى درسناها !!
تماما تماما تماما
ممكن برضو يكون الكاتب متأثر شوية بالشخصية دى ف صورها خالية من اى سلبيات
اسوأ حاجة
وشكرا يا احمد للموضوع الجميل
:)
شكرا على مرورك الأروع
مروج البحر 25-08-2008, 02:22 AM بص بقه سيبك من الموضوع والكلام ده كله اللي عجبني جمله وحده رشفت رشفه من فنجان الشاي:D:D:D
بجد يا احمد بسم الله ماشاء الله كل مواضيعك رائعه ربنا يكرمك
وبالنسبه للسؤالين
طبعا المؤلفين هيضلوا يزورا في الحقائق ويطلعوا الشخصيه علي انه ملاك وهي شيطان طول ما احنا اللي بتفرج علي كدبهم وخدعهم ما احنا شعب اهبل يقالوا فليم العندليب نجري
ونروح نشوفه ونصدق طيبه عمنا عبد الحليم وطبته حنانه
خليهم يضحكوا علينا واحنا نايمين في العسل
وبيني وبينك بالنسبه لسؤال اللي خصوص ريسنا طبعا هيعملوا له حته فليم
نار ملقوكش عليه كدب وخداع وزيف وكل اللي قلبك يحبه:p:p
أحمد2025 25-08-2008, 04:45 AM بص بقه سيبك من الموضوع والكلام ده كله اللي عجبني جمله وحده رشفت رشفه من فنجان الشاي:D:D:D
ايه رأئيك
ميه ميه مش كده:D:D
بجد يا احمد بسم الله ماشاء الله كل مواضيعك رائعه ربنا يكرمك
ربنا يخليكى يامروج
يعنى من بعض ما عندكم
وبالنسبه للسؤالين
طبعا المؤلفين هيضلوا يزورا في الحقائق ويطلعوا الشخصيه علي انه ملاك وهي شيطان طول ما احنا اللي بتفرج علي كدبهم وخدعهم ما احنا شعب اهبل يقالوا فليم العندليب نجري
أنت قولتى نقطة حلوة قوى يامروج
ان العيب فى الشعب
انا معاكى فى كده
بس عارفة العيب فى الشعب المثقف فقط اللى عارف المعلومات التاريخية
يتفرج عادى بس ميقتنعش بكده لإنه المفروض بيكون دارس فلازم يكون واثق من اللى دارسه
اما الشعب الغلبان فله الله
ونروح نشوفه ونصدق طيبه عمنا عبد الحليم وطبته حنانه
خليهم يضحكوا علينا واحنا نايمين في العسل
للأسف ده اللى بيحصل دلوقتى
وبيني وبينك بالنسبه لسؤال اللي خصوص ريسنا طبعا هيعملوا له حته فليم
نار ملقوكش عليه كدب وخداع وزيف وكل اللي قلبك يحبه:p:p
ده حاجة أكيدة
شكرا جزيلا مروج على مرورك الذى أسعدنى كثيرا
منى ذكى 25-08-2008, 05:28 AM طبعا اسلوبك جميل جدا فى عرض الموضوع ما شاء الله بص كلنا اكيد لاحظنا موضوع التأليف ده اوى واللى متابع مسلسلين مع بعض زى حليم والسندريلا هيلاحظ حاجة غريبة جدا انهم جايبين حياة سعاد حسنى كلها متوقفة على حليم وانها مش بتقدر تعيش من غيره بس لما تيجى تشوف مسلسل حليم تلاقى ان سعاد حسنى تقريبا مش ظهرت معاه غير فى لقطة بس يعنى حاجة تخليك تتجنن !!!!!!! بس انا بصراحة مش عارفة ايه السبب جايز خايفين من هجوم المعجبين للشخص اللى بيقدموا ليه المسلسل او الفيلم او لو عن بطل ممكن تكون فى اسباب سياسية بتمنعهم بس فعلا مفيش صدق فى تقديم الحقائق وانا بتفرج على فيلم تاريخى او مسلسل بعد اسأل نفسى هو ده حصل ولا تأليف
بس مش عارفة امتى فعلا هنظبط نفسنا بقا علشان فضايحنا كترت اوى بجد
شكرا على موضوعك الجميل ومستنين جديدك ان شاء الله
أحمد2025 25-08-2008, 03:25 PM طبعا اسلوبك جميل جدا فى عرض الموضوع ما شاء الله بص كلنا اكيد لاحظنا موضوع التأليف ده اوى واللى متابع مسلسلين مع بعض زى حليم والسندريلا هيلاحظ حاجة غريبة جدا انهم جايبين حياة سعاد حسنى كلها متوقفة على حليم وانها مش بتقدر تعيش من غيره بس لما تيجى تشوف مسلسل حليم تلاقى ان سعاد حسنى تقريبا مش ظهرت معاه غير فى لقطة بس يعنى حاجة تخليك تتجنن !!!!!!! بس انا بصراحة مش عارفة ايه السبب جايز خايفين من هجوم المعجبين للشخص اللى بيقدموا ليه المسلسل او الفيلم او لو عن بطل ممكن تكون فى اسباب سياسية بتمنعهم بس فعلا مفيش صدق فى تقديم الحقائق وانا بتفرج على فيلم تاريخى او مسلسل بعد اسأل نفسى هو ده حصل ولا تأليف
بس مش عارفة امتى فعلا هنظبط نفسنا بقا علشان فضايحنا كترت اوى بجد
شكرا على موضوعك الجميل ومستنين جديدك ان شاء الله
أهلا منى
على فكرة انا اول مرة أكتب بالإسلوب ده شوية تغير بقى
اه فعلا انا برضه قرأت فى الجرايد عن مسلسل سندريلا انها كانت بتحب حليم وكلام كده وانا اتفرجت على العندليب فعلا مجتش غير فى مشهد واحد بس تقريبا
بس المؤلف الجرىء هو اللى ميخفش من كلام المعجبين بالشخص ده
ويتقبل النقد السلبى بصدر رحب
بس ده للأسف مش بيحصل خااااالص
انا مرة كنت بسمع fm وكانوا جايبين مخرج فى البرنامج وناقد سينمائى
قعدوا يشتموا فى بعض وخلاص
المفروض المؤلفين يركزوا شوية فى شغلهم ويسبوهم من كلام الناس
شكرا يامنى على مرورك الرائع جدا
|