ياجماعه انا زهقت ومليت من التدريس ومش عاوز ابقي مدرس وعاوز احول ابقي اداري علي القانون 18/2015
حد يعرف بعد اذن حضارتكم وممكن يفيدني بكده مع علمي وتحملي لكل الخصومات اللتي ممكن تتطرا علي راتبي من الكادر والاداء وخلافه
لو مفيش حل ممكن اعرف ازاي ممكن احول من التربية والتعليم الي اي مصلحه اخري .

اسئل في شؤون العاملين او التوجية او التنظيم والادارة

وانا كمان مش عايز اظل مدرس عايز احول ادارى انا قرفت من هذه الشغلانه خلاص الادارى افضل من المعلم شوية ورق بيعملهم وهو قاعد على المكتب ولا فرهيده مع التلاميذ ولا وجع دماغ ولا ضغط ولا سكر ومرتبه احسن من المعلم

ناقوس خطر يقرع باب الدولة لقد طفح الكيل المعلمون يهربون من التدريس و الاخين دول نموذجين للمئات او الالوف التى سأمت من المهنة و تبعتها و قرفها فهل من متدارك لتلك المشكلة قبل حدوث الطامة الكبرى؟

وانا كمان زهقت

خلاص ندخل نظام الاحتراف فى التربية و التعليم عله يرقى بالمستوى

ياريت نلغي التدريس اصلا

وانا كمان عايز انقل من التدريس ومن الوزارة كلها

السلام عليكم و رحمة الله
نحن مع حضرتك فى التعب و الملل و الروتين فى وظيفة المعلم و لكن ليس لنا خيار فى اختيار عمل حضرتك و لكن مكتبوب لك عند الله
و لكن من الاخر حضرتك عامل مشروع و عاوز تتفرغ له دى حاجة تانية و إذا كان لا
اكتب المسمى لك فى الكادر و سنة التخرج و الله المستعان

ياريت و الله نفس اللي بتفكر فيه نفسي أعمله و ياريت حد يقولي الحل

أما أنا فأتمنى السفر إلى الإمارات أو الكويت أو أنشئ مدرسة خاصة لأني كنت بفكر أخد أجازة بدون مرتب وأفتح مركز دروس خصوصية ولكن الحمد لله وكلها طموحات وأماني والله الموفق والمستعان

وانا كمان عايز احول ادارى بل اكثر من 90 % من المدرسين عايزين يحولوا اداريين وهذه حقيقة لان هذه المهنة اى التدريس اصبحت تقرف الكلاب اصبحت تسبب كل الامراض المزمنة وفوق كل هذا الدولة لا تقدر المعلم على الاطلاق بل تهينه وتهين مهنته على الدوام فزهقنا وتعبنا و مش قادرين نستمر على هذا الحال