https://www.youtube.com/watch?v=ldfE7UYrpUc






فى الفيديو ده هنتكلم عن بعض الملاحظات المهمه جدا فى الباب الثانى
- اى سلك لما بيمر فيه تيـار كهربى بيولد حوله خطوط فيض وده المجال المغناطيسى
والمجال المغناطيسى ده وشكل خطوط الفيض بتختلف ب أختلاف شكل السلك
يعنى لو السلك بقى سلك مستقيم او ملف لولبى او ملف دائرى ده بيكون ليه شكل مجال خاص بيه
والمجال ده ملوش دعوه ازا كان السلك ده مصنوع من نحاس او المونيوم او اى ماده ايـاً كان
وفى حاله خالص .. التيار ممكن يمر فى سلك وميتولدش فيض ؟
وده لما يكون السلك على شكل ملف حلزونى
لان الملف الحلزونى بيكون ملفوف لف مزدوج وبيمر فيه التيار فى اتجاهين متعاكسيين
وبتالى هيتولد مجالييين متعاكسيين كل واحد فيهم هيلاشى التانى
وبالتالى مش هيبقى فى مجال خالص او ممكن يكون فى بس قيمه صغيره جدا انا مباخدهاش فى الأعتبار
- لازم تكون عارف كمان ان فى فرق بين L الخاصه بطول السلك
وL الخاصه بطول الملف
- ولازم تكون عارف ان كثافه الفيض بتزيد لما معامل النفاذيه بيزيد
ومعامل النفاذيه دى حاجه خاصه بالوسط الى انت فيه
سواء الوسط الى انت فيه هواء او حديد
ومعامل النفاذيه للحديد اكبر من معامل النفاذيه للهواء