ليه آداب [الأرشيف] - بوابة الثانوية العامة المصرية

مشاهدة النسخة كاملة : ليه آداب

brave shooter

24-08-2008, 05:57 AM

السلام عليكم ورحمة الله وبركاته

ازيكوا يا شباب;)

انا محمد وسيم من بورسعيد بس في كلية اداب المنصورة في سنه 3 قسم تاريخ.... زميلكم من الاخر يعني

طبعا كلنا خلاص اللي دخل كلية اداب ... واللي لسه هيدخل الكلية

انا جيت هنا النهاردة عشان نشوف دماغ الشباب فيها ايه ... يعني انت اخترت اداب ... ولا مجموعك اختارهالك

طب دلوقتي انت اخترتها ... اخترتها ليه ... واللي مجموعه اختارهاله وبقت امر واقع بالنسباله .... طب ناوي يعمل ايه

وطموح الناس ايه ؟؟؟؟ يعني الناس عايزه ايه من الكلية

يعني فيه واحد عايز يخلص الكلية وخلاص وياخدله كورس ولا اتنين في اللغات ويسافر علي برا يدور علي شغل

او هي هتاخد الليسانس وتستني العدل:d

او هو او هي عايز يحضر ماجستير ودكتوراه ويبقي كادر في الكلية

ياريت الناس تتكلم بصراحة ومحدش يتكسف... احنا كلنا اخوات في بعض

الكلام لكل كليات اداب في جمهورية مصر العربية والسودان الشقيق:D :D ... يعني مش المنصورة بس

يالا مستني اشوف آراء الناس

mishmisha

25-08-2008, 07:11 PM

هاى انا جايبه91% وكان نفسى ادخل اعلام بس مجموعى ما جبهاش علشان كده دخلت اداب اعلام

brave shooter

26-08-2008, 05:13 AM

مشمشه بس يا جماعه؟؟

شكرا لردك يا مشمشة .. بس ايه طموحك ... احكيلنا ... عايزة تعملي وتوصلي لايه؟؟

Dr.mayson

26-08-2008, 07:06 AM

طيب متقولنا انت يا ابيه دخلت اداب ليه مع ان مجموعك كان جايب كليات اعلى احكى احكى مع انى عارفة (وش بيغمز)

mishmisha

26-08-2008, 08:19 PM

مشمشه بس يا جماعه؟؟

شكرا لردك يا مشمشة .. بس ايه طموحك ... احكيلنا ... عايزة تعملي وتوصلي لايه؟؟

انا عايزه انشاء الله ادخل صحافه علشان يكون لى راى فى المجتع لان فى حجااااااااااااااات كتير اوى مش بتعجبنى وحالينا مش بقدر اقول راى فيها وياريت انت وكل الى فى المنتدى تدعولى وياريت كمان تقولنا ليه انت كمان اختارت اداب:rolleyes::p

bat_man2010

26-08-2008, 08:26 PM

ابوة با جماعة انا عندى مشكلة ممكن حد بساعدنى

bat_man2010

26-08-2008, 08:27 PM

انا ممكنة ااجل الجامعة فترة بسيطى سنة ولا حاجة وارجع تانى ولا اية النظام

bat_man2010

26-08-2008, 08:29 PM

وياترى التنسيق يالنسبالى ههيبقىاية

أ.مصطفي نور

27-08-2008, 06:39 PM

السلام عليكم ورحمه الله معكم اخوكم مصطفي نور مدرس فرنساوي لسه جديد ومتخرج اداب المنصوره 2007
اللي عاوز اقوله نصيحه لكل الشباب انهم لازم ياخدو كورسات في الاجازات لغات وكمبيوتر لانها بتساعد في اي مجال
وعايز كمان اضيف انه الكليه دي للبنات تفيد اكتر للشباب بس لازم تعرف هتشتغل ايه قبل ماتتخرج لانك لو مش هتعرف تعمل كده مش هتعرف تعمل اي حاجه نهائي تفيدك والكلام ده للجنسين مش للشباب فقط
شكرا
اخوكم مصطفي نور

brave shooter

27-08-2008, 10:30 PM

انا عايزه انشاء الله ادخل صحافه علشان يكون لى راى فى المجتع لان فى حجااااااااااااااات كتير اوى مش بتعجبنى وحالينا مش بقدر اقول راى فيها وياريت انت وكل الى فى المنتدى تدعولى وياريت كمان تقولنا ليه انت كمان اختارت اداب:rolleyes::p

برافو مشمشة

ان شاء الله ربنا ينولك اللي في بالك

اما بالنسبالي

انا كان نفسي ادخل كلية اقتصاد وعلوم سياسية ... بس للأسف كنت من ضحايا الثانوية العامة وجبت 90%

اختت اداب لاني كنت مقرر انها هتبقي الخطة البديلةفي حاله لو فشلت في دخول اقتصاد وعلوم سياسية

وختياري ليها كان بسبب كذا عامل

1- اولا دخلت مقارنة بينها وبين حقوق علي اساس انها دي سياسة ودي سياسة ... بس حقوق سياسة داخلية ... يعني هتطلع واحد برلماني لو حب يمشي في السلك السياسي ... انما انا طموحي في السلك الدبلوماسي

2-حقوق عايزة مذاكرة ... انما انا مش بتاع مذاكرة:D

3- كلية اداب قسم التاريخ خصوصا بتدي افضليه اكتر من اي مكان تاني لدخول مجال الدبلوماسية

... يعني ان شاء الله مهمتي السنه اللي جاية في تالته واللي بعديها اني اخلص بتقدير جيد ... وبعدين ابدء تحضيري ماجستير وبعدين اجيستير ... وبعدين اقدم في اختبارات وزارة الخارجية ان شاء الله بعد ما اكون خدت اكتر من لغة غير الانجليش والايطالي

وربنا يسهل وتكون دي اول سلمة في الطريق:)

brave shooter

28-08-2008, 03:11 AM

وياترى التنسيق يالنسبالى ههيبقىاية

بص يا سيدي

انت تنسيقك بيقي تابع للسنه اللي انت انهيت فيها المرحلة الثانوية ... يعني فرضا ... انت خلصت سنة 2008 وأجلت وبعدين رجعت تاني سنه 2011 ... يبقي انت تنسيقك يدخلك كلية حسب تنسيقك القديم اللي في 2008

اما بالنسبة لموضوع التأجيل ... فأنت لازم يكون ليك عذر ... عيان مثلا تجيب شهادة طبية تثيت ... هتسافر ... ويكون معاك اوراق تثبت سفرك بس

you are welcome:D

mishmisha

30-08-2008, 02:35 AM

برافو مشمشة

ان شاء الله ربنا ينولك اللي في بالك

اما بالنسبالي

انا كان نفسي ادخل كلية اقتصاد وعلوم سياسية ... بس للأسف كنت من ضحايا الثانوية العامة وجبت 90%

اختت اداب لاني كنت مقرر انها هتبقي الخطة البديلةفي حاله لو فشلت في دخول اقتصاد وعلوم سياسية

وختياري ليها كان بسبب كذا عامل

1- اولا دخلت مقارنة بينها وبين حقوق علي اساس انها دي سياسة ودي سياسة ... بس حقوق سياسة داخلية ... يعني هتطلع واحد برلماني لو حب يمشي في السلك السياسي ... انما انا طموحي في السلك الدبلوماسي

2-حقوق عايزة مذاكرة ... انما انا مش بتاع مذاكرة:D

3- كلية اداب قسم التاريخ خصوصا بتدي افضليه اكتر من اي مكان تاني لدخول مجال الدبلوماسية

... يعني ان شاء الله مهمتي السنه اللي جاية في تالته واللي بعديها اني اخلص بتقدير جيد ... وبعدين ابدء تحضيري ماجستير وبعدين اجيستير ... وبعدين اقدم في اختبارات وزارة الخارجية ان شاء الله بعد ما اكون خدت اكتر من لغة غير الانجليش والايطالي

وربنا يسهل وتكون دي اول سلمة في الطريق:)
هاى ميرسى اوى على ردك وانا عايزه اقولك ان التخطيط ده كويس اوى وربنا يوفقك وان شاء الله تحقق كل الى بتتمناه
بس المهم انك تذاكر كويس وربنا معاك;):rolleyes:

new_style

01-09-2008, 01:35 AM

الجويرية

01-09-2008, 11:16 AM

السلام عليكم ورحمة الله وبركاته
انا اولى اداب القاهرة ان شاء الله قسم لغة عربية
بس انا اللى مختاراها مش هى اللى مختارانى
الحمد لله جبت مجموع كويس ويجيب تربية بس اداب اسهل تقريبا
واختارت لغة عربية بالذات عشان اصلح اللغة العامية
وتفيدنى فى دينى وفى الدعوة وفى قراءة القران
وان شاء الله انا مش ناوية على عمل خالص انا داخلة الكلية عشان استفاد منها بجد وبس
وطبعا احصل على الشهادة
لكن انا مش عاوزة اشتغل خالص
ضد عمل المراة
وادعولى بقى انى اجيب تقدير كويس فى اللغة العربية عشان بيقولوا انها صعبة حبيتين
وصعب الواحد يجيب جيد جدا
ربنا ييسر الحال
وجزاكم الله خيرا على الموضوع

أسيل رزق

02-09-2008, 01:22 AM

شيماء شريف

02-09-2008, 03:00 PM

اداب كلية سهلة وسهل انى اجيب تقدير حلو كان ليا تربية طفولة وتجارة بس مش عاوزاهم لما ادخل حاجة ااقل من مستوايا واجيب تقدير كويس احسنلى مليون مرة لما ادخل وكل سنة اطلعلى بمادتين ولا حاجة

سارة الزمردة

05-09-2008, 09:33 PM

مفيش حد اداب طنطا

MoHaMeD ELsHeRbEnY

07-09-2008, 07:24 AM

طيب ياجماعة كلية اداب صعبة ولا سهلة واية رايكم فى قسم على اجتماع واية رايكم فى جامعة المنصورة

MoHaMeD ELsHeRbEnY

07-09-2008, 07:26 AM

ياريت حد يرد عليا

MoHaMeD ELsHeRbEnY

07-09-2008, 07:27 AM

مفيش ولا واحد رد اية دة ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟

محمد سلامه الريس

07-09-2008, 02:53 PM

انا اولا اخترت كلية اداب اسيوط وهنسق على لغة عربية بالرغم إن كانت تقبلني تجارة بس انا معنديش ميول لتجارة مع اني قوي انجليزي ورياضة والناس استغربت جدا ازاي اسيب تجارة وادخل اداب ؟! طبعا لان فرصة تجارة في الشغل اكبر لكن انا من وحهة نظري الشغل رزق من عند ربنا . فالمفروض الواحد يدخل الكلية اللي بيحبها واللي عارف نفسه هينجح فيها لكن الرزق على الله.وانا لو مكنتش قبلتني اداب كنت هروح دار علوم المنيا .
اما بالنسبة لطموحي في الكلية انا ناوي ادخل الكلية واحاول اجيب تقديرات بقدر الامكان وبعد مخلص اقرر إذا كنت هكمل ماجستير ولا لا.

merihan

07-09-2008, 05:53 PM

انا عندى سوال بسيط لمصطفى خريج اداب فرنساوى انا لسة رايحة سنة ثالثة ثانوى ورغبتى الاولى ان ادخل اداب فرنساوى لان انا بحب الفرنساوى اوى بس حظى كان قليل فى الامتحان وجبت 47 هل الدرجة دى تدخلنى القسم ولا لا وعندى من فضلك سوال اخر هل هذا القسم بياخد بدرجة الفرنساوى فقط ولا لازم يكون مجموع الثلاث لغات عالى اصا انا خايفة لان انا مبحبش الانجليزى وجايبة فية درجة وحة يعنى لو خدوة بمجموع الغات ممكن يضيع منى القسم لقدر الله ارجو الرد سريعا من فضلكم لكى يطمئن قلبى

merihan

07-09-2008, 05:55 PM

جايبة فى الانجليزى درجة وحشة

shree

08-09-2008, 01:00 AM

انا فى اداب المنصورة واخترتها لان انا عايزاها من زمان من وانا لسه عندى خمس سنوات لانى بحب مهنة التدريس جداااا وبحب الانجليزى جداااااااااااااااااااااااااااااااااااااااااااااااا اااااااااااااااااااااااااااااااااااااااااااااااااا اااااااااااااااااااااااااااااااااااااااااااااااااا ااااااااااااااااااا جدااااااااااااااااااااااا فادعولى انى ادخل قسم انجليزى وانا اللى اخترت الكلية مش هيا اختكم .. شيرى ...

ToMoRrOw_NeVeR_DiEs

11-09-2008, 01:17 PM

brave shooter

14-09-2008, 06:00 AM

انا اسف جدا لعدم ردي علي رسائلكم الكريمة نظرا لظروف وفاة جدتي - رحمها الله-

اسألوا لها الله المغفرة عساه يتغمدها برحمته

brave shooter

14-09-2008, 06:14 AM

انا بقى اداب الفيوم والحمد لله الكلية دى التنسيق هو اللى اختارها لى لانى طبعا واحد من الضحايا الكتيييييييييير اوى السنة دى فى الثانوية العامة شعبة علمى رياضة ونفسى بصراحة ادخل قسم انجليزى وانا جايب فى الانجليزى 45.5
وبالنسبة لطموحى فى الكلية ....انا بصراحة مليش طموح يعنى مش فارقة كتيييييييير اجيب تقدير او مجبش يعنى من اخرها الكلية دى بالنسبة لى ايام وبنعيشها لانى مش حاببها اساسا
وعلى فكرة الموضوع جامد
وشكرا......

اولا شكرا لتفاعلك

ثانيا انت متعرفش الخير فين... ممكن لو اجتهدت وحطيت في دماغك انك تثبت نفسك ... ممكن حياتك تتغير لحكمة ميعلمهاش الا ربنا ... يعني ممكن تدخل قسم معين وتبقي كويس فيه والاقدار تلعب لعبتها معاك وتبقي شخص مشهور وتوصل لمنصب من خلال دراستك دي

محدش يعرف الخير فين

اجتهد في المكان اللي انت فيه ... ممكن يكون الخير هنا

brave shooter

14-09-2008, 06:26 AM

brave shooter

14-09-2008, 06:34 AM

الحمد لله مجموعى كان 85%

فضلت آداب عن تجارة

أولاً / لأنى حبيت الكلية وخصوصاً إنها جامعة عين شمس ( أفضل كلية آداب على مستوى الجمهورية على حد سمعى )

ثانياً / حُبى لمادة علم النفس و رغبتى فى دراسة علم النفس

طموحاتى : أنا دخلت الكلية كهواية او زيادة معرفة لكن كشغل مافكرتش فيه ولو فكرت فيه فا إن شاء الله ربنا يوفقنى و أكون مُعيدة ولو محصلش نصيب أفضل تدريس المادة

وربنا يوفقنا جميعاً

وكل سنة وانتم بخير :)

وانتي بألف خير

طبعا اداب عين شمس اقوي كلية اداب في بر المحروسة ...وان شاء الله ربنا يوفقك

طالما انتي مش حاطه في دماغك موضوع الشغل يبقي حاولي تستغلي وقتك بعد الكلية واثناء الكلية في انك تطلعي علي اكبر عدد من الكتب وبعد الكلية تحاولي تعملي دراسات عليا كعلم وممكن ربنا يوفقك وتتعيني في الكلية معيدة ان شاء الله

brave shooter

14-09-2008, 06:36 AM

اداب كلية سهلة وسهل انى اجيب تقدير حلو كان ليا تربية طفولة وتجارة بس مش عاوزاهم لما ادخل حاجة ااقل من مستوايا واجيب تقدير كويس احسنلى مليون مرة لما ادخل وكل سنة اطلعلى بمادتين ولا حاجة

لا

اداب سهل تنجح فيها ... انما صعب تجيب تقدير ... هذا علي حد تجربتي المتواضعه

brave shooter

14-09-2008, 06:38 AM

طيب ياجماعة كلية اداب صعبة ولا سهلة واية رايكم فى قسم على اجتماع واية رايكم فى جامعة المنصورة

كويس

اجتماع قسم تقيل وعايز شغل

وطبعا اداب المنصورة كويسة مش وحشة ابدا

وربنا يوفق

brave shooter

14-09-2008, 06:41 AM

مفيش ولا واحد رد اية دة ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟

نا اداب المنصورة والله قسم تاريخ سنه 3

brave shooter

14-09-2008, 06:49 AM

brave shooter

14-09-2008, 06:52 AM

brave shooter

14-09-2008, 07:07 AM

انا انشاء الله داخل الكليه لسببين الاول هو ان مجموعى فرضها عليا ثانيا هى بالنسبالى كويسه لانى بحب الانجليزى جدا و عايز انميه و بدام انا قوى فى حاجه و اقدر انميها ليه مستغلهاش فى حياتى و اقلها ابقى داخل كليه بحب الدراسه فيها و ححاول على اد ماقدر انى اجيب تقدير عالى عشان عايز ابقى معيد فى الكليه ده لو ربنا اراد ...............اخوكم عمرو good luck to all :d :wub::d

at first... i hope you will achieve what you wish

ثانيا النبي عربي ونكمل الكلام بالعربي

ليا نصيحة ليك

جميل اوي ان يبقي عندك طموح ... لكن متحاولش تسبق الاحداث... يعني متقعدش تفكر وتسرح في حلمك ... متبنيش قصور علي الرمل ... ضبت القصر بتاعك واشتغل فيه وبعد كدا اتفرج عليه بعد ما يتبني ... انما ما تقعدتش تتخيله وانت حاطط رجل علي رجل

ونصيحة كمان ان كل انسان فينا معرض للفشل - لا قدر الله - فحاول دايما يكون عندك خطة بديله ... يعني قول انا لو ربنا موفقنيش هعمل ايه... فكر من الوقتي وعرف نفسك ان ده ممكن يحصل ... عشان لو حصل لا فدر الله مش تتصدم

معلش طولت عليك

you are welcome

brave shooter

14-09-2008, 07:33 AM

اسف مره تانية علي التأخر في الرد.... واهلا ومرحبا بالجميع ومستني تفاعلكم ومشاركاتكم:)

MohammeD el_SadaT

14-09-2008, 08:02 AM

بسم الله الرحمن الرحيم
السلام عليكم ورحمه الله وبركاته

at first... i hope you will achieve what you wish

ثانيا النبي عربي ونكمل الكلام بالعربي

ليا نصيحة ليك

جميل اوي ان يبقي عندك طموح ... لكن متحاولش تسبق الاحداث... يعني متقعدش تفكر وتسرح في حلمك ... متبنيش قصور علي الرمل ... ضبت القصر بتاعك واشتغل فيه وبعد كدا اتفرج عليه بعد ما يتبني ... انما ما تقعدتش تتخيله وانت حاطط رجل علي رجل

ونصيحة كمان ان كل انسان فينا معرض للفشل - لا قدر الله - فحاول دايما يكون عندك خطة بديله ... يعني قول انا لو ربنا موفقنيش هعمل ايه... فكر من الوقتي وعرف نفسك ان ده ممكن يحصل ... عشان لو حصل لا فدر الله مش تتصدم

معلش طولت عليك

you are welcome

أنا آسف على المداخله
خصوصاً وإنى كمان كليه تجاره بس إنت مش ملاحظ إن الرد ده بخلاف إن نصيحه ربنا يجزيك عليها خير إن شاء الله
قاسى حبتين بالنسبه للعضو اللى متوجهله الرد
مع
إن المفروض أنسب واحد يتوجهله الرد ده هو حضرتك خصوصاً الجزئيه دى

متبنيش قصور علي الرمل
و
دى
فحاول دايما يكون عندك خطة بديله

طبعاً أنا ردى ده بناء على ردك
اما بالنسبالي

انا كان نفسي ادخل كلية اقتصاد وعلوم سياسية ... بس للأسف كنت من ضحايا الثانوية العامة وجبت 90%

اختت اداب لاني كنت مقرر انها هتبقي الخطة البديلةفي حاله لو فشلت في دخول اقتصاد وعلوم سياسية

وختياري ليها كان بسبب كذا عامل

1- اولا دخلت مقارنة بينها وبين حقوق علي اساس انها دي سياسة ودي سياسة ... بس حقوق سياسة داخلية ... يعني هتطلع واحد برلماني لو حب يمشي في السلك السياسي ... انما انا طموحي في السلك الدبلوماسي

2-حقوق عايزة مذاكرة ... انما انا مش بتاع مذاكرة:D

3- كلية اداب قسم التاريخ خصوصا بتدي افضليه اكتر من اي مكان تاني لدخول مجال الدبلوماسية

... يعني ان شاء الله مهمتي السنه اللي جاية في تالته واللي بعديها اني اخلص بتقدير جيد ... وبعدين ابدء تحضيري ماجستير وبعدين اجيستير ... وبعدين اقدم في اختبارات وزارة الخارجية ان شاء الله بعد ما اكون خدت اكتر من لغة غير الانجليش والايطالي

وربنا يسهل وتكون دي اول سلمة في الطريق:)

يعنى حاسس إن حلمك أفور منك أووووى
عارف إن كل شىء قدر ونصيب ورزق من عند ربنا وأنا مش قصدى أحبطك
بس الوضع الراهن فى البلد
هو اللى خلانى أكتبلك ردى ده

و
يبقى دلوقتى سؤالى الآخير
تحقيق حلمك محتاجه كوسه لا قرع
؟
إنت معاك كوسه جامده أو قرع لو معاك إحلم براحتك
:d
معكاش فوق من حلمك وركز من دلوقتى على الخطه البديله

أخوك
محمد الســــادات
الفرقه ال 2 تجاره طنطا بس كنت المفروض أبقى الفرقه 3 بس نصيب بقه 1 ضيعتنى وخصوصاً إنى كنت تجاره أسيوط

ياريت مكنش زعلتك بردى
:(

brave shooter

14-09-2008, 04:52 PM

بسم الله الرحمن الرحيم
السلام عليكم ورحمه الله وبركاته

أنا آسف على المداخله
خصوصاً وإنى كمان كليه تجاره بس إنت مش ملاحظ إن الرد ده بخلاف إن نصيحه ربنا يجزيك عليها خير إن شاء الله
قاسى حبتين بالنسبه للعضو اللى متوجهله الرد
مع
إن المفروض أنسب واحد يتوجهله الرد ده هو حضرتك خصوصاً الجزئيه دى

و
دى

طبعاً أنا ردى ده بناء على ردك

يعنى حاسس إن حلمك أفور منك أووووى
عارف إن كل شىء قدر ونصيب ورزق من عند ربنا وأنا مش قصدى أحبطك
بس الوضع الراهن فى البلد
هو اللى خلانى أكتبلك ردى ده

و
يبقى دلوقتى سؤالى الآخير
تحقيق حلمك محتاجه كوسه لا قرع
؟
إنت معاك كوسه جامده أو قرع لو معاك إحلم براحتك
:d
معكاش فوق من حلمك وركز من دلوقتى على الخطه البديله

أخوك
محمد الســــادات
الفرقه ال 2 تجاره طنطا بس كنت المفروض أبقى الفرقه 3 بس نصيب بقه 1 ضيعتنى وخصوصاً إنى كنت تجاره أسيوط

ياريت مكنش زعلتك بردى
:(

يا نهار ابيض .... لا والله مش زعلان خالص

انا بس حبيت اوجه للعضو نصيحه واشد في الكلام ويكون موجه للكل برضه عشان الجرح صعب ... ولما يتلاقي حلمه اللي تعب فيه مقدرش يحققه -لا قدر الله - ... في ناس بتنهار .. انا بقول كدا والكلام للكل عشان يستعدوا نفسيا للحظه دي ... لانها واردة وممكن تحصل لاي واحد فينا ويارب يبعد عننا كلنا الفشل وكل واحد يقدر يحقق اللي نفسه فيه

اما بالنسبة ليا ... انا الحمد لله عندي دايما الخطط البديلة:)

نورت الموضوع والله

ToMoRrOw_NeVeR_DiEs

21-09-2008, 02:20 AM

ميرسى على الحباط يا جماعه مش عارف و الله اقلكوا ايه على العموم ميرسى على النصيحه