السلام عليكم

انا اخصائية اجتماعية فى مدرسه خاصة ومشتغلتش قبل كدة خالص من يوم ما اتخرجت والمدرسه كمان جديدة مفيهاش سجلات خالص والمفروض انى ببدا من الصفر السجلات

استفدت كتير من اللى عرضتوة فى الموضوعات ونزلتة بس ليا سؤال لو تسمحوا

انا همسك الانشطة هل امسك حاجة كمان معاها ولا الانشطة فقط وهل فى سجلات للمكتب زى الحالات السريعة والفردية والسجل العام وكدة بيبقى شير بين الاخصائين ولا لازم انا ليا سجلات لوحدى

الانشطة بقى انا فى مدرسة رياض اطفال وابتدائى واعدادى والمفروض اعمل اربع سجلات انشطة اللى هيا الجماعة الدينية والصحية والخدمة العامة والرحلات وفى الجمعية التعاونية بس دى علشان مدرسه خاصة مش موافقين اتدخل فية ولا استلمة

المهم هل كل سجل من دول اقسمة من جوة لحاجة ولا بيبقى سجل فية الاهداف مثلا والحجات اللى بتتكتب فى الاول وبعدين اجتماعات وخلاص

وهل اعمل سجل تانى اكتب فية كل جماعات الانشطة المدرسيه زى جماعة العلوم والفنون والموسيقى والرياضة والدراسات وغيرها يبقى متقسم ولا برضة هتبقى سجل لكل جماعة مع العلم ان هرجع لمشرف المادة طبعا

ياريت تقولولى ابدا ازاى ومنين انا تايهه انا معنديش ولا سجل