مشكور ع الموضوع ..... الي أين ؟؟؟!!! [الأرشيف] - بوابة الثانوية العامة المصرية

SENDRILLA

24-08-2008, 06:32 PM

موضوع نقاشي
مشكور ع الموضوع
موضوع ديني
مشكور ع الموضوع
موضوع نكت
مشكور ع الموضوع
وغيره وغيره وغيره
اكلاشيه
مشكور ع الموضوع
وبعدين
بعد مشكور ع الموضوع
ضفت ايه جديد للموضوع
عملت ايه لصاحب الموضوع
خليت في خانة الردود زاد رد
ولا رفعت من معنوياته بردك
مشكور ع الموضوع
محتاجه وقفه
وقفه مش سهله
عايز تزود مشاركاتك
ماتفيد وتستفيد
كلمة مشكور ع الموضوع
بتقتل الموضوع مش بتحييه
بجد مش هزار
لما يكون موضوع نقاشي واناقش واتكلم ورد من صاحب الموضوع ورد ليا ورد لغيري الموضوع يفيد
لكن مشكور ع الموضوع ومتهوبش ناحيته تاني
يبقي ظلمت الموضوع وظلمت صاحب الموضوع وظلمت نفسك
في حين انك ممكن تكون مقريتش الموضوع اصلا
لازم تقف مع نفسي
حسيت انك استفدت من الموضوع يبقي من حق صاحب الموضوع عليك انك تشكره علي تعبه
لكن انت دخلت موضوع اصلا المفروض انك تناقش
والاقيك تقوللي مشكور ع الموضوع
طب هرد اقول ايه
مشكور ع الموضوع
متفكرش تكتبها لو الموضوع يحتم عليك انك تناقش صاحبه
متفكرش تكتبها لو الموضوع محتم عليك تحل مشكله لصاحبه
بس دي رساله حبيت اوجهها لكل حد فيكو
ويارب يكون الموضوع بدايه لتحجيم كلمة مشكور ع الموضوع
الا اذا كنت استفدت من الموضوع بجد

bosy .. mostafa

24-08-2008, 06:51 PM

CoMMaNdo

24-08-2008, 06:54 PM

اوركيديا

24-08-2008, 07:09 PM

اقلك ايه مشكور على الموضوع
دى جمله تفرس:mad:
و الله حتى لو موضوع استفاده
احسن ادعيلى لصاحبه;)
الكلمه دى بجد ملهاش لازمه غير طبعا تزويد الردود:p
ده فيه منتديات تانيه
اجارك الله

تلاقى موضوع مثلا وصل ل600 مشاركه
انتى بقى تتحمسى و تقولى اكيد موضوع كده الواحد حيستفيد فيه استفاده
تدخلى بقى و انتى زى الهبله
و اهو تقرى الموضوع و لا كلمه ليها معنى
و اساسا بقى تكونى شفتيه بعدد المجرات فى الكون قبل كده
تقولى خلاص عديها
تقرى الرد التانى تلاقيه و بكل بجاحه

مششششششششششششكور على الموضوع

تقولى خلاص موش اشكال اللى بعده
تلاقيه

سلمممممممممت الانامل

التالت
تسلم على هذا العمل

اما الرابع فده تحفه
ثانكس على

الموضوع

اه صحيح و كمان تلاقى ما بين كل مشاركتين رد صاحب الموضوع
و بكل فرحه يقلك
العفو

المهم برده تثابرى عشان تعرفى ايه الحكايه
لغايه ما توصلى لاخر الصفحه الاولى
تلاقى قدرتك على الاحتمال بدات تخن
تستسلمى فى النهايه و تدوسى على (الاخيره)
تلاقى اخر رد اللى يخليكى تتملى حماس بجد

تسلم اخوي على الموضوع

الله يعطيك العافيه

وننتظر جديدك

دمت بود

سعتها بجد لو عرفتى تفتحى المنتدى ده تانى يبقى مكانك مش بينا
مكانك فى السويد عشان تاخدى جايزه نوبل

و المهم بقى تلاقى المنتديات دى زى البطه التخينه مش قادر يتحرك
ما هو فعلا مفهوش حاجه غير موضوعات ال600 مشاركه
يلا ربنا يعينا
و احب اقلك فى النهايه

إختيارك قمة في الروعه وقمة في التميز
إطلاالااتك دوما ً ساحره وجذابه بعطاءك ومشاركاتك القيمه
فلا حرمنا الباري منك ولا من تواصلك العطر
بإنتظار جديدك بكل شوق
عين الله تحرسك وترعاك

JusT DreaM

24-08-2008, 07:34 PM

Travel

24-08-2008, 07:36 PM

بصى يا زوزو

الحكاية دى غبية اوى
وللاسف انا والله بتنرفز منها

يبقى موضوع نقاشى
وكلنا بنتناقش فى حاجة
او بلاش كلنا
لما مثلا بيعجبك موضوع او مش شرط يعجبك
بتشوفى الردود
نظامها ايه
عجبك رد الكلام ده

تيجى فى النص
عبارة مشلة اوى
بلاقيها كتيير

(مشكووووووووووووور على الموضوع)

الجملة دى لو قلتلك بتجيبلى شلل
يبقى قليل

مش عارفة
بيكون المقصود بيها
ضعف شخصية
معندوش راى او رد مناسب
طاب مادام انت مش عارف ترد
ممكن تخرج
اصلا فى مواضيع تكون جامدة وجميلة
بس للاسف
المشاركات قليلة والمشاهدات كبيييرة

كان ممكن اللى بيقول كده يزود مشاهدة
احسن من رد سخيف وملوش اى لازمة

يادووب بيعمل لفت انتباه فقط

بس هقولك على حاجة
لو موضوع دينى
مش نقاشى او جدالى
عجبنى
لازم اقول فيه
(جزاك الله كل خير)
لازم يبقى فيه شكر
اصلى مش هضيف جديد

بردوا
لو موضوع مش نقاشى
الغرض منه الاستفادة فقط

نفس الكلام

انما لما يكون نقاشى
تبادل اراء
لازم نفتح المجال
لاننا بنعبر عن راينا ووجهة نظرنا
كلنا بنستفيد من حكاية النقاش دى
لان تفكيرنا مش زى بعضنا
ومنكرش انى استفدت كتيير اوى من الاراء والمناقشات

كفاية كده
وليا عودة فى الموضوع

اه
نسيت

احييكى على فتحك موضوع نقاشى
لازمله وقفة

thedreamer33

24-08-2008, 07:36 PM

اسد البحار

24-08-2008, 09:28 PM

Dr.diamond

24-08-2008, 09:36 PM

عندك حق والله يا بنتى . بجد مش بتضيف اى حاجه. كان الاولى من العضو انه يسيب لرايه فى الموضوع افيد فالموضوع ينشط والناس تكمل مناقشه من ردود الاعضاء والموضوع الاصلى وبكده يوصل هدف الموضوع والمناقشه المطروحه للناس كلها

مشكوره عالموضوع يا عسل:p:p

* dr.sara*

24-08-2008, 09:37 PM

ahmed2845

24-08-2008, 09:42 PM

COoL HEaRT

25-08-2008, 12:55 AM

هههههههههههههههههه بجد جامد جداا يا زوزو انا لما بدخل ع الموضوع بدور ع اى حاجه تفتح نقاش ولما مش بلاقى بتخرس ده انا قبل كده من هبلى كنت بقول لواحده والله انا ملاقيه حاجه اتكلم فيها ودى حاجه بتنرفزنى جداا وشكرتها ومشيت ......... بس فى مواضيع مينفعش فيها حوار هتردى تقولى ايه...........انا قلت اخد الموضوع من النحيه دى لانكو كلكو لاقيتكو معترضين ع الكلمه بالرغم ان الكل قالها او فيما معناها يعنى

biob

25-08-2008, 01:03 AM

هههههههههههه
بتغيظك؟
بتغيظنى برضه
بس اللى بيكتبها فى موضوع من بتوعى من غير ما يعنل اللى انا عاوزه
بنفضله
ولا كانه كتب حاجه خالص
شكرا يا سندريلا على الموضوع المهم
ما تفهمينيش غلط

Tawfeek Yahia

25-08-2008, 02:01 AM

في ناس بتكون مش لاقيه كلام تقوله او الموضوع مش جامد يعني .. وبدل ما يكسف صاحب الموضوع ويلاقي مفيش في الموضوع مشاركات خااالص فبيدخل يقول شكرا او مشكر او..غيره ....ومن جهه تانيه بيزود مشاركاته ................ موضوع فكرته حلوه

***star***

25-08-2008, 05:36 AM

1- تزويد المشاركات.

2- مبدأ ( انجز علشان تلحق ترد علي موضوع تاني من غير ماتقراه).

3- اعضاء عايزه تنزل حاجه معينه زي برنامج مثلا او حاجه ( يعني مصلحه شخصيه) فبيضطر يقول مشكور علي الموضوع.

4- معظم اللي بيقولو كلمه مشكور علي الموضوع دي اعرفي انه ( ضيف شرف علي المنتدي ) يعني معندهوش انتماء ليه.

5- موضوع طويل ,,,,ملكيش نفس تقريه كله....وجاي في وقت مش وقته يعني.....فبتضطري تقولي شكرا علي الموضوع.

6- اخيرا في مواضيع ...صعب فيها التفاعل مع صاحب الموضوع....والرد الأوحد بيبقي لكلمه ...مشكور علي الموضوع المعدله بقي ...اللي هي مثلا ( شكرا علي مجهودك= موضوع جميل تقبل مروري). ...

:pمعا لمقاطعه ( مشكور علي الموضوع) علشان خاطر سيندريللا:p

SmSm Basha

25-08-2008, 06:27 AM

فعلا انا بجد بتدايقني الكلمة دي بحس ان مش في تفاعل مع الموضوع يعني ابص على الموضوع من برة الاقي رد ابقى مبسوووط جدا و اتوقع بقى انه اتقال كلام كتير وتعليق على الموضوع و و و في الاخر الاقي مشكور ... شكرا ... اي كلام من دا ........ على العموم الموضوع رائع و متميز (بلاش مشكورة عشان مش تزعلي :d)

منى ذكى

25-08-2008, 06:47 AM

بصى هو اللى انا بعمله بقول رأى واتناقش وبعد كدا بشكر اللى عمل الموضوع من باب التشجيع او الذوق بس اكيد فعلا كلنا لازم نتفاعل ونقول رأينا.

SENDRILLA

25-08-2008, 04:42 PM

بسم الله الرحمن الرحيم

مشكوره عالموضوع :p

بصي يا بنتي بقى
هو الحكايه ومافيها ان اللي بيدخل موضوع نقاشي و يكتب (مشكور يا اخ) ده مش قرا الموضوع من اصله
فعايزاه يكتب ايه
داخل يزود مشاركات
و لو دخلتي تشوفي مشاركاته راح تلاقيها كلها (مشكور) و كل كلمة شكر
و مش بعيد بيكتب رد واحد و يعمل له كوبي باست
و انا شوفت ناس كتيره كده و في المنتديات التانيه كانوا بيوقفوا الناس اللي كده على فكره
راح نعمل لهم ايه طيب ..
مافيش حل ..

مرسي يا بوسي
كنت فا****ي عايزه تشليني ولا حاجه
بس ده اللي المفروض يحصل
ان يوقف الاعضاء اللي بتكتب مشكور ع الفاضي والمليان
ومقلتش متشكرش صاحب الموضوع
لا اشكر واتكلم بس في فرق اما تكون فاهم وتناقش وتشكر
وبين مقرتش ومفهمتش ومناقشتش وبتشكر
نورتي التوبيك يا قمر

SENDRILLA

25-08-2008, 04:47 PM

مشكورة على موضوعك يا سندريلا
ههههههههههههههه
هيا كل الحكاية ان الكلمه دى بتبقى واحد قرا الموضوع وعجبه
فيقوم كاتب الكلمه دى
وفيه ناس تانيه بيستخدموها زيادة مشاركات
بس فيه اقتراح
ليه الادرارة متعملش زرار ( شكرا )
على الموضوع
ودا موجود فى منتديات كتيره
وبيقلل المشاركات الى من النوع دى
يعنى الى عاجبه الموضوع بيدوس شكرا وبس

مش حل يا محمد
بالعكس ده هيزود الموضوع
هيخليني استسهل زر شكرا بدل ما اكتب
والله هو الحل الوحيد الواحد يخلي عنده ععقل يفكر بيه
يعرف امتي يرد بشكرا وامتي مينفعش يقول شكرا
نورت الموضوع يا محمد

بنت ازهريه

25-08-2008, 04:51 PM

موضوع حلو اووووووووووى يازوزو وشكرا ليكى اوى انك بتطرحيه
بس طبعا لازم ندى اعذار للناس اللى بتكتب ده يمكن الموضوع مش لاقيله رد او مش عاجبه اوى ومحبش يكسف اللى كاتبه
بس بجد الموضوع عاوز وقفه
السلام عليكم

SENDRILLA

25-08-2008, 04:51 PM

SENDRILLA

25-08-2008, 05:06 PM

انا بجد بتخنق من الكلمة دي
ابقى كاتبه موضوع وفرحانه بيه ومستنية اشوف اول رد بيناقشني يقولي ايه
الاقيه يقولي مشكور بجد نفسي بتتسد وبقع فترة مكتبش مواضيع بس ده مش هنا طبعا
هنا مش بيردو خالص:d
بس المفروض الردود اللي زي دي تتحذف وصاحبها يعرف انها اتحذفت وبكده ممكن تقل الردود اللي زي دي
بس في الاخر لازم اقولك مشكورة على الموضوع
لان ماينفعشي ماشكركيش على موضوع زي ده بجد تسلم ايديكي:)

مرسي يا حبيبتي لمرورك
مرورك نور الموضوع
بس لازم نستحمل شويه
وان شاء الله نبلغ عن اي رد يكون مش مناسب للموضوع
يعني مثلا موضوع صاحبه بيعرض مشكله
الاقي اخ محترم يقولله مشكور ع الموضوع
كل الردود دي لازم تتحذف
مرسي مره تانيه لمرورك حبيبتي

dr.saeed

25-08-2008, 07:53 PM

موضوعك فعلا جميلا
بس احيانا انا بدخل مواضيع بلاقى الى داخل عقله صغير اوى ومش عارف يناقش اصلا
فبرد بردة لان مش مهم هو يقتنع
المهم الى داخل يفهم
والمهم بردة ان واحد فى يوم يعمل بحث يعرف الحقيقة
وجزاكى الله خيرا
فى امان الله

MohammeD el_SadaT

25-08-2008, 09:07 PM

بصى
كل إيناء ينضح بما فيه
وكل
إنسان بيعبر عن شخصيته من خلال ردوده

عارفه
أنا لما بنزل موضوع ليا ولا حاجه هدفى الأول فيه إيه
الإفاده للجميع

ووبكون منتظر آراء أشخاص معينه غير كده مش بيلزمنى أى حد تانى واللى رده مش بيعجبنى ولا أكنه رد عادى

SENDRILLA

26-08-2008, 11:51 AM

SENDRILLA

26-08-2008, 11:57 AM

مشكووووووووووووووووووووووووووور على الموضوع
طبعا بهزر
ولكن السر فى هذه الردود
ان المنتديات من ضمن انظمتها التحفيزية
موضوع الألقاب اللى بيعلى مع كثرة الردود
وطبعا كل دى القاب زائفة
وبالتالى العملية دى بتبقى تلقائية
بس فيه بعض الناس بتكتب الجمل المأثورة دى
لأنها مبتعرفش تعبر عن احساسها أو رأيها كويس وبالتالى بتكتب حاجة زى كده
بس بجد
مشكوووور عالموضوع
;););)

والله عندك حق
وكل حد بيسعي يزود مشاركاته عشان يبقي في نظر الناس افضل
لكن والله عمرها ماكانت بالمشاركات
ممكن تكون مشاركاتي 100 بس كلها ردود قيمه ومواضيع مفيده
شكرا لمرورك

سامحوني بقطع في الردود
وبرد كل مره علي ردين تلاته
بس بجد النت عندي يشللل :D

SENDRILLA

26-08-2008, 12:01 PM

الموضوع جميل جدا بس كلمه مشكور تعبر عن الشكر ممكن يكون قصده تقضيه واجب وممكن يكون قصده كبير منعرفش كلمه اتشهرت كتير واي حاجه اتشهرت منقدرش نغيرها بسهوله وممكن يكون عضو مسجل نفسه لتحميل اغنيه او فيديو ولازم يرد فبيرد بمشكور انا شخصيا شايفها عاديه ونفس الوقت شايفها بتقل من قيمه الموضوع

هي مش في كل الحالات بتقلل من قيمة الموضوع
زي ماوضحت في الموضوع
يعني الموضوع مفيد وصاحب الموضوع كان قصده يوصللي معلومه والمعلومه وصلت
مفيش غير ان انا اشكره
شكرا لمرورك الجميل
نورت الموضوع

SENDRILLA

26-08-2008, 12:09 PM

:pعندك حق والله يا بنتى . بجد مش بتضيف اى حاجه. كان الاولى من العضو انه يسيب لرايه فى الموضوع افيد فالموضوع ينشط والناس تكمل مناقشه من ردود الاعضاء والموضوع الاصلى وبكده يوصل هدف الموضوع والمناقشه المطروحه للناس كلها

مشكوره عالموضوع يا عسل:p:p

مشكوره ع المرور يا سكر :D
عندك حق يا حبيبتي والله
نورتي الموضوع يا قمر
ابقي خلينا نشوفك ومش هنطردك زي الياهو قليل الاصل بتاعك متقلقيش:::DpD

SENDRILLA

26-08-2008, 12:12 PM

انا زيك يا زوزو بتفرس من الكلمة دى الافضل نقول جزاك الله خيرا ربنا يجعله فى ميزان حسناتك
لو تعرف تتناقش اتناقش مع صاحب الموضوع بينله ان الموضوع لى فايدة
اصله مش عامل الموضوع عشان الناس تشكره اللى بيكتب موضوع عايز يفيد الناس فلازم نبينله اننا استفدنا

عندك حق والله حبيبة قلبي
صاحب الموضوع محتاج حد يحسسه بقيمة موضوعه
مش حد يزودله عداد المشاركات مشاركه
جزاكِ الله كل خير حبيبتي ع المرور

SENDRILLA

26-08-2008, 12:17 PM

بس فى مواضيع مش نقاشية وفى الحالة دى مفيش رد غير شكرااا على الموضوع زى مثلا واحد بيقول شعر او بيقول معلومة مفيدة
انا شايف بردو انها مفيهاش حاجة لو اتقالت فى موضوع نقاشى
مش هتضايق صاحب الموضوع فى حاجة يعنى بالعكس مفروض يفرح بالمشاركة
حتى لو قايل فيها شكراا بس
لا طبعا
ازاي
يعني انا كتبت موضوع ومستنيه الاقي اراء نقاشيه جاده
الاقي واحد يقوللي مشكور ع الموضوع
كان افضل انه يقوللي مشكور ع الموضوع بس يناقشني
يحسسني ان موضوعي افاد حتي ولو شخص واحد
ع العموم الاختلاف في الرأي لايفسد للود قضيه
شكرا علي المرور

طبيب عالمى قادم

26-08-2008, 01:16 PM

مش مشكوووووووووووووووورة على الموضوع بس شكرااااااااا على الكلام الحلو

earth

26-08-2008, 01:27 PM

طبيب عالمى قادم

26-08-2008, 01:42 PM

Travel

26-08-2008, 08:22 PM

مش مشكوووووووووووووووورة على الموضوع بس شكرااااااااا على الكلام الحلو

ماهو ده اللى احنا بنقوله

الموضوع حضرتك
نقاشى
لو حضرتك لاحظت هتلاقينا كلنا
داخلين بنرد فيه
ايه اللى غايظنا ومنرفزنا وجايبلنا شلل:mad:

يعنى كلنا داخليين نتناقش
اللى احنا بنتكلم فيها
المشكلة انه لو موضوع معلومة
هنقول شكرا
انما ده نقااااشى

وحضرتك داخل بدل ما تقول زى كل مرة
(مشكوووووووووووووووووووور على الموضوع)

قمت حضرتك قايل(شكرا على الكلام الحلو):D

هو فين الكلام الحلو.؟
انا عاوزة اعرفه
او الاحظه
اصل نظرى ضعييف اليومين دول

يا حضرتك
ياريييت حضرتك تقرا الموضوع تان
علشان يوضح اكتر

و(مشكووووووووور على الرد)

**تسابيح**

26-08-2008, 09:20 PM

فيه موضوع بيبقي مش يستاهل
انك تتنقشي فيه ولا مهم للدرجه
عشان كدا تقول شكرا للموضوع
لكن فيه مواضيع بتبقي لازم يكون لينا فيها راي
بس دا حسب كل شخصيه فين ناس نفسهم
حلوه مش بيحبوا يشوفوا موضوع ومش يرضوا وفيه
ناس بتبقي عايزين تزود المشاركات
دا حسب كل انسان بس اكيد
لازم نفكر ارقي من كده شويه لاننا
مش صغيرين عشان منعرفش
نرد ع اي حد ف المواضيع
بلاش شكره ع الموضوع
ميرررررررررسي عليه

SENDRILLA

27-08-2008, 07:01 PM

مش مشكوووووووووووووووورة على الموضوع بس شكرااااااااا على الكلام الحلو

العفو
No Comment
وكفايه رد ترافل عليك :)

SENDRILLA

27-08-2008, 07:05 PM

انا بصراحة مش شايفة فى اى غلط لما حد يقول اكاتب الموضوع شكرا على الموضوع
ايه المشكلة ؟
لا حول ولا قوة الا بالله
فى مواضيع مبتبقاش محتاجة اضافة
فى مواضيع ملهاش رد (المواضيع اللى فيها هزار و كده) يبقى صاحب الموضوع عامله و تعب نفسه عليه و ميلاقيش رد واحد حتى و لا شكرا
يبقى فى الحالة دى بدل مانخنق اللى عامل الموضوع من المنتدى بكلمة طيبة (شكرا)
يعنى يا جماعة مش كده الواحد بيبقى محتاج رفع معنوياته برده عشان يستمر
اه فى ناس ما بتفرقش معاها بس فى ناس بتهتم بالعملية ديه
وان كانت فكرة ان الواحد يقول شكرا ديه مضايقوك اوى كده
اعملوا باقتراح mcommando
بس انا عن نفسى مش شايفة ان فى اى مشكلة ان يتقال لاى حد شكرا

عشان كده حقول شكرا ع الموضوع
اول مره حد يدخل الموضوه وميفهمش قصدي
ياايرث انتي لو قريتي الموضوع كويس هتعرفي ان كلامك هو نفسه كلامي مع بعض التغييرات
يعني انا معارضتش كلمة شكرا
بس في مكانها
يعني انا دخلت موضوع وخدت من صاحبه معلومه ايه المانه اني اشكره
لكن انا دخلت موضوع صاحب الموضوع طلب رأيي
اقولله شكرا ؟؟؟؟؟؟
بس ده اللي قصدته
شكرا يا حبيبتي ع المرور