تفكير و تفكير [الأرشيف] - بوابة الثانوية العامة المصرية

أحمد2025

25-08-2008, 05:36 AM

ــ (( السلام عليكم ورحمة الله وبركاته )) ــ

أزيكم ياجماعة عاملين ايه يارب تكونوا بخير وفى الجنة جميعا ان شاء الله

بصوا ياجماعة النهاردة كنت عايز اتكلم معاكم فى موضوع كده ممكن يكون مهم للبعض
طبعا ياجماعة بعض منا يعيش فى الريف والبعض الأخر يعيش فى المدينة ولكن عندما ننظر الى تفكير الناس فى هنا وهناك نجد الفروق الشاسعة بين تفكير الناس فى الريف وتفكير الناس فى المدينة

نتكلم فى الأول عن تفكير الناس فى الريف
فى الأول بس كده طبعا أكيد انا مش بتكلم على الناس كلها بس بتكلم على الطبقة السائدة والمنتشرة فى الريف
بصوا ياجماعة تفكير الناس فى الريف متخلف جدا الا القليل والنادر منهم فى الريف لا يفكر الناس الا فى شراء الأراضى وبيع الجاموس أما بالنسبة للنساء نجدهم لا يتكلمون الا فى أمور الأخرين ويظهروا عيوب بعضهم البعض وتجلس نساء كل عائلة على سلالم البيت الرئيسية ويتفحصون يتفحصون يتقحصون المارة وما يحملونه
بصوا ياجماعة هقول كده حاجة على تفكير الناس فى الريف
لو انت روحت اى قرية متواضعة وسألت 10 وقولت ليهم مثلا تعلم ابنك ولا تشترى جاموسة
8 هيقولوا نشترى جاموسة و2 هيقولوا نعلم ولادنا
واتحدى لو ظهرت نتيجة غير كده
فى مثل بقى كان بيُقال فى القرية اللى انا عايش فيها
كانوا بيقولوا دايما لو عايز تعرف أخبار البلد كلها روح عند الحلاق او عند مكنة اللبن
طبعا محدش فاهم ايه مكنة اللبن
مكنة اللبن ياجماعة دى بقى لما بيحلبوا اللبن من الجاموسة يودوا اللبن فيها علشان حاجة اسمها يخضوا اللبن فهناك بقى تلاقى حريم الريف كتير جدا فأخبار البلد كلها بتكون هناك وفلانة عملت وفلانه سوت
والحلاق عنده الرجالة وافتى ياعم الحاج
وكم من بيوت تدمرت بفعل ذلك؟؟؟
ولكن مع كل ذلك أرى ان أهالى الريف جدعان جدا جدا جدا لأنه اذا وجد فرح او مأتم عند احد الجيران نُشاهد الجار الأخر يشاركة فى أحزانة قبل أفراحة
وأرى الأن انه يوجد نهضة تحدث فى الأرياف وبدأت العقول تتفتح ولكن ببطء شديد شديد شديد
وما أروع الريف بجمال مزارعة وحقولة الخضراء

وعندما نتحول الى المدينة
نجد الإختلاف الشاسع بين تفكير الناس فى الريف وتفكير الناس فى المدينة
ولا اتكلم كثيرا عن المدينة لأننى دائما كنت فى الريف ولكن مستقبلا فى المدينة ان شاء الله ولا أذهب الى المدينة الى فى اوقات ببعيدة
واترك من يجلس فى المدينة يتحدثها عنها وكيفية تفكير الناس بها
ولكنى اظن ان فى المدينة تفكير الناس متفتح
وكلا فى نفسه ليس له علاقة شديدة بالأخرين
كلا يفكر فى عملة وحياته الخاصة فقط لا غير والله أعلى وأعلم

ولى سؤالين :ــ
*هل أهل الريف يستمرون فى ذلك؟؟ وهل سبب ذلك الفراغ الموجود هناك أم طبيعة وجدت فيهم؟؟
** وهل أهل المدينة راضين على حالهم ولا يريدون تغيرة؟؟؟

واترك لكم المناقشة

والسلام عليكم ورحمة الله وبركاته

انتظروا قريبا
وبعد أن هدأت العاصفة......

مع تحيات
أحمد2025

COoL HEaRT

25-08-2008, 05:58 AM

وعليكم السلام ورحمه الله وبركاته

والله انت بتجبر الواحد ع الرد عليك بجد الموضوع كويس جداا بس انا متاكده انه ناقصه اهم حاجه النقاش

انا مش هقول كل حاجه دلوقتى لانى بجد هموت وانام

بس مش مشكله انت اكيد مش هتغلق الموضوع ;) فاكيد هرد بكره تانى

وبالنسبه لموضوع الريف للاسف انا حتى عمرى مرحت قريه ..بس بجد نفسي اروح يلا مش مشكله

اما بالنسبه لتفكير اهل المدينه ........بص هى الناس هنا مش ليها هم غير الشغل والفلوس العلاقات الانسانيه شبه مش موجوده

يدوبك لو حد مات فى الشارع الناس تروح تعذى ويكونو موجبين معاه ع الاخر

وككلام مبداى لغايه ماجى بكره ان شاء الله

الصراحه مفيش حد راضى بحاله .. يعنى لااهل المدينه راضيين ولا غيرهم

بكره ليا كلام كتير ..........سلام

SmSm Basha

25-08-2008, 06:23 AM

ولى سؤالين :ــ
*هل أهل الريف يستمرون فى ذلك؟؟ وهل سبب ذلك الفراغ الموجود هناك أم طبيعة وجدت فيهم؟؟
** وهل أهل المدينة راضين على حالهم ولا يريدون تغيرة؟؟؟

بداية : شكرا يا احمد على الموضوع لانه بجد تحفة وفكرته جميله

بص بقى انا بالنسبة للسؤال الاول اعتقد ان اهل الريف مستمرون على احوالهم السيئة و دا للاسف يرجع الى عادات و تقاليد مبنية على جهل و خرافة مش السبب في دا الفراغ زي ما انت قلت لان في منهم كتيييير بيرفضوا الواقع اللي هم عايشينه و بيحاولوا يغيروا من نفسهم و بيعملوا المستحيل للخروج من عالم الريف المنغلق عليهم و في اللي بينجح وفي اللي لا

اما بالنسبة للسؤال التاني انا الحمد لله طول عمري من اهل السيتي (:Dحتة انجليزي كدا :D) بس مش عارف زي ما انت قلت بدايق من قلة العلاقات الاجتماعية دي و لما بروح حتة من الارياف وكدا و اشوف اختلاط الناس ببقى حاسس اني نفسي ابقى واحد منهم واسهر معاهم لانهم بجد مش بيحسسوني ان في فرق خالص بيني وبينهم اما في المدينة انت كان كلامك مظبوط كل واحد مع نفسه وخلاص و اعتقد ان السبب في دا ان المجتمع الريفي صغير ومنغلق على نفسه فعلاقتهم من جوا بلدهم و خلاص يعني زيتنا في دقيقنا :D انما في المدينة لا المجتمع منفتح على العالم الاخر و في علاقات خارجية كتيير

على العموم انا اسف على الاطالة و مشكور مرة تانية على الموضوع و تقبل مروري

منى ذكى

25-08-2008, 06:40 AM

بص يا احمد انا مش عارفة انت بتتكلم عن ريف ايه بالظبط اللى فيه التأخر بالطريقة دى بس انا ممكن ان شاء الله اكتر واحدة افيدك فى الموضوع ده لانى لحد الاعدادى كنت عايشة فى ريف ولكن خدت الثانوى من المدينة وان شاء الله الكلية من المدينة اكبر واوسع واكتر تحضر يعنى

المهم انا مش شايفة خالص ان كان فى فرق شاسع بين حياتى فى الريف والمدينة هى كل حاجه ليها عيوبها ومميزاتها هناك جو الاسرة والجيران والخوف على المشاعر احلى بكتير بس المشكلة فى الريف ان مفيش حاجة بتستخبى وكله بيبص ويراقب بعضه فجايز انا علشان بحب الخصوصية دى اكتر حاجة كانت بتتعبنى هناك وبالنسبة للمدينه عادى انت بتلاقى جيران واصحاب جدعان برضو بس ده بياخد وقت شوية لان الناس فى المدينة مش بتكون عارفة اصل بعض كويس فبيكون فى شوية حذر

بس هو اكيد فى درجات فى الريف يعنى ريف بيفرق عن عزبة او كفر او كدا لان الريف اللى انت بتتكلم عنده صعب شوية

*هل أهل الريف يستمرون فى ذلك؟؟ وهل سبب ذلك الفراغ الموجود هناك أم طبيعة وجدت فيهم؟؟
** وهل أهل المدينة راضين على حالهم ولا يريدون تغيرة؟؟؟

لا انا شايفة ان كل فترة لما انزل البلد بلاقى تغيير جذرى حصل تقريبا كل بيت بقا فيه نت دلوقتى وكله بيتعلم ومحلات كبيرة بس هو المشكلة مفيش احترام للخصوصية وده بحكم ان البلد بتكون صغيرة اوى واعتقد المشكلة دى بقا صعب تتحل

اه الحمدلله انا راضية عن حالى دلوقتى هى الحياة زحمة والمواصلات صعبة بس الحمد لله كدا كويس

شكرا على موضوعك الجميل واسفة انى طولت عليك

أحمد2025

25-08-2008, 06:41 AM

وعليكم السلام ورحمه الله وبركاته

والله انت بتجبر الواحد ع الرد عليك بجد الموضوع كويس جداا بس انا متاكده انه ناقصه اهم حاجه النقاش
ربنا يخليكى يابنوته
من بعض ما عندكم
بس مش فاهم بقى يعنى ايه اهم حاجة ناقصة النقاش
انا مش هقول كل حاجه دلوقتى لانى بجد هموت وانام

بس مش مشكله انت اكيد مش هتغلق الموضوع ;) فاكيد هرد بكره تانى
منتظر ردك ان شاء الله
وبالنسبه لموضوع الريف للاسف انا حتى عمرى مرحت قريه ..بس بجد نفسي اروح يلا مش مشكله
هتفرحى انك روحتيها وفى نفس الوقت مش هتحبى تروحيها تانى
اما بالنسبه لتفكير اهل المدينه ........بص هى الناس هنا مش ليها هم غير الشغل والفلوس العلاقات الانسانيه شبه مش موجوده

يدوبك لو حد مات فى الشارع الناس تروح تعذى ويكونو موجبين معاه ع الاخر
انا برضه شايف كده بس مرضيتش اكلم كتير علشان مخبطتش وانا مش فى قاعد فى المدينة
وككلام مبداى لغايه ماجى بكره ان شاء الله

الصراحه مفيش حد راضى بحاله .. يعنى لااهل المدينه راضيين ولا غيرهم

بكره ليا كلام كتير ..........سلام

اوك
منتظر ردك غدا ان شاء الله
بداية : شكرا يا احمد على الموضوع لانه بجد تحفة وفكرته جميله

ربنا ياخليك ياحبيبى

بص بقى انا بالنسبة للسؤال الاول اعتقد ان اهل الريف مستمرون على احوالهم السيئة و دا للاسف يرجع الى عادات و تقاليد مبنية على جهل و خرافة مش السبب في دا الفراغ زي ما انت قلت لان في منهم كتيييير بيرفضوا الواقع اللي هم عايشينه و بيحاولوا يغيروا من نفسهم و بيعملوا المستحيل للخروج من عالم الريف المنغلق عليهم و في اللي بينجح وفي اللي لا

اما بالنسبة للسؤال التاني انا الحمد لله طول عمري من اهل السيتي (:Dحتة انجليزي كدا :D) قشطة عليك :Dبس مش عارف زي ما انت قلت بدايق من قلة العلاقات الاجتماعية دي و لما بروح حتة من الارياف وكدا و اشوف اختلاط الناس ببقى حاسس اني نفسي ابقى واحد منهم واسهر معاهم لانهم بجد مش بيحسسوني ان في فرق خالص بيني وبينهم اما في المدينة انت كان كلامك مظبوط كل واحد مع نفسه وخلاص و اعتقد ان السبب في دا ان المجتمع الريفي صغير ومنغلق على نفسه فعلاقتهم من جوا بلدهم و خلاص يعني زيتنا في دقيقنا :D صح انما في المدينة لا المجتمع منفتح على العالم الاخر و في علاقات خارجية كتيير

على العموم انا اسف على الاطالة و مشكور مرة تانية على الموضوع و تقبل مروري

بص ياسمسم
أنت فتحت نقطة مهمة قوى
موضوع انهم بيتمسكوا بالعادات والتقاليد وكده
عارف العادات والتقاليد دى اصلا معظمها حاجات جاهلة
بس معظم اهل الريف ياسمسم
معندهومش طموح يعنى بص مش عايزين ينفتحوا ويخرجوا بره ويشوفوا الدنيا الا القلة منهم وانا طبعا منهم
وفعلا ياسمسم العلاقات الإجتماعية فى المدينه دى مشكلة
مش عارف انا هقعد فى كايرو ازاى السنة الجاية ان شاء الله لإنى انا اصلا اجتماعى
وبقولك حاجة فى المدينة المجتمع منفتح ياسمسم وعايز يتطور وتكونولوجيا وكده
وشكرا ياسمم على تفاعلك مع الموضوع
أسعدنى وجودك كثيرا

!!!دمعة حزن!!!

25-08-2008, 08:29 AM

Travel

25-08-2008, 11:11 AM

welcomeeee

25-08-2008, 02:11 PM

شكرا يا احمد على موضوعك بجد انت مواضيعك جامده موت

انا بابا من بلد ريفى وانا شايفه ان الناس فى الريف ببقوا صعبين شويه
اكيد مش كل الاريافكده طبعا بس انا بقول اللى شفته
دايما تلاقى الدنيا عنهم كلها مشاكل
بحس وانا قاعده مع حد منهم انهم بيجيبوا فى سيره الناس كلها وهم قاعدين
يعدوا يقولوا فلانه عملت وفلانه سوت و.......
يعنى مفيش خصوصيه هناك خالص
ودى الصراحه حاجه وحشه جدا
لأن ربنا حرم الغيبه
وطبعا اساسى عندهم ان الحماه تبقى بتكره مراه ابنها مش بس كده دى بتشغلها عندها جاريه تقريبا
يعنى هى دى برضه عاداتهم وتقاليدهم وصعب اوى انها تتغير
انا الصراحه مروحتش الريف كتير فمش هعرف احكم عليهم كليا
بس انا الصراحه مشفتش منهم حاجه كويسه
وبحس دايما ان الكلام معاهم اخرته وحشه بالنسبه لى
بس اكتر حاجه كويسه فيهم انهم متدينين وعارفين ربنا

يعنى انا عجبانى الحياه فى المدينه اكتر
جايز عشان انا عايشه فى المنصوره فهى وسط بين القاهره وبين الريف
فبتحس ان جو الناس فيها كويس
ولو انت اجتماعى هتعرف تتعرف على الناس بسهوله جدا
يعنى خير الامور الوسط
انا حابه الحياه فى المنصوره جدا ومش حابه ابدا انى اعيش فى القاهره اوفى الريف
بس انا مش هعرف اتكلم عن القاهره لأنى مروحتهاش كتير
واما كنت بروحها كنت بروح دريم بارك بس:d

لنا بقيه ان شاء الله
لأن الموضوع طويل اوى

ahmed2845

25-08-2008, 06:41 PM

هل أهل الريف يستمرون فى ذلك؟؟ وهل سبب ذلك الفراغ الموجود هناك أم طبيعة وجدت فيهم؟؟
اعتقد ان الاجابة هى السببين اللى قلتهم السبب الاول الفراغ اللى هما فيه لانهم بيخلصوا اعمالهم كلها بالنهار ويقعدوا بالليل يحكوا ويجيبوا فى سيرة الناس
والسبب التانى بردو طبيعتهم لان الاطفال لما يتربوا فى بيئة زى دى كلها تخلف فى التفكير وتتبع العورات والنميمة اكيد هيبقوا زى اهلهم
وهل أهل المدينة راضين على حالهم ولا يريدون تغيرة؟؟
اعتقد لا

وشكراا على الموضوع يا مان

أحمد2025

26-08-2008, 01:35 AM

أحمد2025

26-08-2008, 01:39 AM

وعليكم السلام ورحمه الله وبركاته
انا هتكلم عن فئه ممكن تكون فليله فى المجتمع
انا زرت بلد ريفيه مره واحده والانطباع اللى اخدته عنهم انهم عمرهم ماهيفكروا يغيروا عاداتهم وتقاليدهم
وحياتهم الريفيه عشان يتغيروا مع العالم
ويعتقدون انهم يعيشون افضل بكتير من حياه المدينه
واعتقد ان كل مايشغل بالهم الارض والمحصول وما شابه ذلك
واحلى حاجه فى بلاد الارياف انهم طيبيين جدا جدا جدا

اما بالنسبه لاهل المدينه
دول فى تغيير مستمر مستمر مستمر

ميرسى يااحمد على طرحك فى موضوع للنقاش مثل هذا
بصى يا كوكو
انت قولتى جملة حلوة قوى
أنهم يعتقدون أنهم يعيشون أفضل بكثير من حياة المدينة
بجد ده بيحصل للأسف وبينظروا للى بيحصل فى المدن نظرة استغراب
وده بيبن قد ايه تفكيرهم على قدهم
وفعلا هما ناس طيبة قووووى
شكرا كوكو على مرورك الطيب

أحمد2025

26-08-2008, 01:51 AM

وعليكم السلام ورحمة الله وبركاته

بص يا احمد
من الاخر كده

انا اللى مزودة المشاهدات:D

كل ما ادخل واجى اكتب ....اخرج تان
لغايت ما رسيت على انى اكتب
لانى مش بعرف اجمع الرد مرة واحدة

على اخر الشهر يكون كلها اتجمع:D

<><><><><><>
المهم بقى

هو حكاية الريف

انا مفتيش فيها بصراحة
لانى مرحتش قبل كده اى حتة غير (القاهرة)
ويادووب (اخر الشارع) كفاية
..............
لو اتكلمت على الارياف فى الواقع اللى بشوفه
هقولك انى محتارة شوية

لسبب
المسلسلات مطلعة اللى عايشيين فى الارياف
لسه من ايام الفراعنة
اسلوب المعيشة (من ايام اموون رع)
والتعليم والتخلف
والجهل
وفئة معينة بس هى اللى بتتعلم
يمكن اقدر اقول
انهم بيطلعوا
اللى فى الارياف عالم (فقر) وجهلة
مش تستاهل تاكل
نظام
القوة والمال هما اللى بيحكموا وبيهم تبقى السيادة

وفى نفس الوقت
يصادف مقال مكتوب فى الجرنال
ان المسلسلات مطلعة اللى فى الارياف
جهلة واللى انا قلته

واللى كاتب المقالة بيزود:
رغم اننا متقدمين
ومش زى ما هما مطلعنا
تقريبا بقينا زينا زى اللى فى المدينة
ومتعلمين
ومثقفين
وعادتنا اتغيرت
مش زى زمان
وهاجم
كمان انا ليا اصحابى من المنصورة
وغيرها
وعايشيين معايا
ومش ملاحظة خالص اللى بيبقى فى المسلسلات او اللى بشوفه ده

مقدرش ازود فى الارياف علشان مفتيش
...........................

نيجى بقى على المدينة:

اقولك عنها ايه
بتكسف انى منها
بقت فظيعة
جدا
تلاقى فيها
معظم الشباب(تافه)
وتعبان
ومش عاوز يشتغل

والبنات
(اتكلمنا عنهم قبل كده)

يعنى اقدر اقول
(اننا نربط الموضوعين ببعض)
{ايمان بالله ام هى اكذوبة}

بجد الدنيا بقت وحشة
والعيب مش فيها
العيب فى اللى فيها

لو كان فى امل انها تتغير
كان هيبقى بنسبة ضئيلة
لان اللى بيحصل ده(يوجينيا)

بس ارجع واقولك
عندنا
هتلاقى كل الانواع

المحترم/المحترمة
والعكس

الكويس/الكويسة
والعكس

يعنى عندنا

كل الاصناف:D

(فى المدينة)

ده راى على اللى فهمته
وليا عودة

بجد احييك على موضوعاتك الجامدة:)

(هبتدى احسدك)
:D

يخرب عقلك ياترافل
بصى بقى فى الأول كده
أنت دخلتى فى موضوع حلو قوى
ان الأفلام والمسلسلات بتصورهم بإنهم عايشين من أيام الفراعنة
أنت عارفة دى مشكلة برضه
الريف فية تخلف وجهل وتفكير متخلف بس انا قولت برضه فى تطور فى الريف ونهضة
بس المشكلة فى الأفلام والمسلسلات مش بيبقى فية نهضة
وده بيخلى أهل المدينة ياخدوا فكرة وحشة جدا عن الريف
وبصى
انت متعرفيش برضه لما حد بيجى المدينة بيكون عامل ازاى ولما يرجع الريف بيكون ايه
هقولك على حاجة
انا اصلا كانت مدرستى الثانوى فى مدينة لما اصحابى كانوا بيجوا ليه مكنوش يصدقوا انى كده فى المدرسة
يعنى الجلبية والفطير المشلتت والتعامل وكلامى مع الناس والمعاملة مع الناس وكده
فالشاطر اللى بيتأقلم مع مجتمعات مختلفة بسرعة
بس المشكلة ياترافل فى التفكير تفكير الناس صعب قوى فى الريف
يعنى مثلا لو احنا شباب وافقين مع بعض هقولك بصراحة مش بنكلم غير فى 3حاجات البنات والكورة والخناقات وانا بقى بكون بنشل
ومش عارف بقى هو الشباب فى المدينة كده زى ماقولتى ولا ايه
بس
الدنيا حلوة والله ياجماعة
بس الدنيا دى عايزه اللى يفهما صح ويشغل دماغه معاها

انت لسه هتحسدى
ما انت حسدتى واللى كان كان:mad:
وانا عرفت ليه بقى دلوقتى المواضيع مبقتش تجيب ردود
خمسة وخميسة ياترافل على مواضيعى:p
شكرا على مرورك الرائع جدا ياترافل

أحمد2025

26-08-2008, 02:05 AM

أحمد2025

26-08-2008, 02:08 AM

mR . mOstafa Fathi

26-08-2008, 08:54 AM

السلام عليكم
اول انا عشت فى الارياف وعشت فى القاهرة
والاتنين ملكى
ولكن مستقر
فى الارياف
قبل ما ارد على اسئلتلك

ابقى تعالى عندى فى المنوفية واوريك الارياف ازاى
مش زى كدا
ولا اقولك الاسطورة عارف المنطقة اللى انا فيها وبيجيى فيها
ابقى اسئلة وهيقولك

انا باحترام اى واحد فى الارياف عن غيره

ومش كل كلامهم كدا جواميس وحورارت كدا
كلامهم دا يبقى فى الحدود
وهنا فى الارياف من سنين فاتت اتعملت مزارع وتطور

*هل أهل الريف يستمرون فى ذلك؟
يستمرون على اساس انها معصية او على ااساس ان الكلام جاى بالنص
لا اقولك انت ممكن تكون
عشيرت بعض الناس مش كلهم

؟ وهل سبب ذلك الفراغ الموجود هناك أم طبيعة وجدت فيهم؟؟

والله انا راجل ابويا سيبلى ارض لو انا فلاح هشتغل فيها
بايدى وسنانى
لو انا راجل متعلم ومليش فى الفلاحة
اكيد هبينى منها جزء
حسب دماغى

فالجواب مفتوح

dr.saeed

26-08-2008, 08:59 AM

CoMMaNdo

26-08-2008, 11:15 AM

COoL HEaRT

26-08-2008, 02:06 PM

مبقاش ناقصه النقاش اهو :) انا قلت كده عشان كنت اول رد بس :D
اما بقى بالنوسبه لموضوع المدينه والقريه بقى كله محصل بعضه ...وانت مثال مش انت قاعد فى الريف بالرغم من كده متحضر وده باين من الكلام والمواضيع
يعنى مش شرط اللى عاوز يكون كويس هيكون
واللى عاوز يطور تفكيره ويتحضر هيعمل كده
مفيش ظروف تمنع ياما اتعلمو وكان اهاليهم جهله
والله انا معارفه الكلام ماشي فى الموضوع ولا لا بس انا رديت لانى وعدت ..بالرغم انى بفكر بعمل مقاطعه :p ..بس وعد الحر دين عليه
عامه بشكرك ع اللى انت عملته هنا واللى هتعمله ..لانه ان شاء الله هيكون كويس ..وهكتفى بقى بالقراءه :D وشكرا

دودو دلوعة اليكس

26-08-2008, 10:24 PM

بصراحة يا احمد مواضيعك كلها جميلة جداااااااااااااااااااااااااااااا وبصراحة جامدة ومواضيعك بتبقى غريبة شوية يعنى مش معتادة....بص بقا الاول انا حجاوب ع السؤالين..اولا: دى طبيعة عند الفلاحين لانهم ما بيحبوش التغيير بس فى قليل جدااااااا هو اللى بيحب التغيير...ثانيا:ما اعتقدش انهم راضيين عن حالهم .. اما بالنسبة للموضوع نفسه فالموضوع جميل وع فكرة فى فلاحين كتييييييييييييييييير اوى بيتعلموا ومابقاش تفكيرهم دلوقت ف الاراضى والكلام دة وبيبقى اغلبهم متعلمين يعنى مش بيفكروا ف الاراضى زى زمان لان تفكيرهم اتغير....وبجد توبيك جامد يا احمد..ومنتظرين وبعد ان هدأت العاصفة..ربنا يوفقك يا مان..بييييييييييييييييييييييس

أحمد2025

27-08-2008, 01:57 AM

ثوانى ياجماعة وهرد على الردود

elkingahmedtito

27-08-2008, 02:26 AM

منى ذكى

27-08-2008, 04:12 AM

على فكره يا احمد معدش الكلام اللى انت بتقوله ده انا مع منى ذكى فى الكلام اللى قالته كله وكلامها مظبوط وزى ما بنوته اهلاويه قالتلك ما انتا من الريف اهو ومتحضر وتمام الكلام ده ان كان موجوووود يباه قليل جدا وسيبك من جو الخضره والمياه العذبه والكلام القديم ده معدش فى قرى بات احسن من مدن ومعدتش فيها مساحات خضره الا حاجات بسيطه وبالنسبه للى بيقول انه من القاهره وله اصحاب من المنصوره وشايف انهم عادى دا على اساس ان المنصوووووره رييييف يعنى او قريه

ايوه فعلا فى ناس كتير من القاهرة مفكرين المنصورة دى قرية برضو علشان صغيرة شوية يمكن لكن معرفش بس يمكن اصحابه من القرى اللى جمب المنصورة بس علشان نوصل لكلام منطقى فعلا مش كل قرية زى التانية وده اللى ظهرلى من كلام الاعضاء فى قرى لسة متأخرة اوى وفى قرى بدات تتقدم انا لما اتكلمت اتكلمت عن القرى المحيطة بالمنصورة لانى اعرفها وكويس انى لقيت حد متفق معايا :D

elkingahmedtito

27-08-2008, 05:03 AM

منى هو انتى من المنصووووووره ولا ايه

أحمد2025

27-08-2008, 05:08 AM

السلام عليكم

اول انا عشت فى الارياف
انا بقالى 17 سنة فى الريف يامصطفى
وعشت فى القاهرة
والاتنين ملكى
ولكن مستقر
فى الارياف
قبل ما ارد على اسئلتلك

ابقى تعالى عندى فى المنوفية واوريك الارياف ازاى
مش زى كدا
ولا اقولك الاسطورة عارف المنطقة اللى انا فيها وبيجيى فيها
ابقى اسئلة وهيقولك

انا باحترام اى واحد فى الارياف عن غيره

ومش كل كلامهم كدا جواميس وحورارت كدا
كلامهم دا يبقى فى الحدود
وهنا فى الارياف من سنين فاتت اتعملت مزارع وتطور

*هل أهل الريف يستمرون فى ذلك؟
يستمرون على اساس انها معصية او على ااساس ان الكلام جاى بالنص
لا اقولك انت ممكن تكون
عشيرت بعض الناس مش كلهم
بعض ناس ايه ياعم مصطفى
بقولك17 سنة
يامصطفى اللى انا عيزك تفهمة انى مش بكتب كده على اساس انى مش بحب الريف
لا يامصطفى أنا الريف على راسى من فوق
بس انا بكتب سلبيات بتحصل

؟ وهل سبب ذلك الفراغ الموجود هناك أم طبيعة وجدت فيهم؟؟

والله انا راجل ابويا سيبلى ارض لو انا فلاح هشتغل فيها
بايدى وسنانى
لو انا راجل متعلم ومليش فى الفلاحة
اكيد هبينى منها جزء
حسب دماغى

فالجواب مفتوح
والله احنا كمان عندنا أرض زراعية
مش هقولك انا مش فلاح والحوارات دى
وكنت بروح اتمشى فى الغيط
وركبت الحمارة يامصطفى
عادى يعنى

يامصطفى أنا قاعد فى القليوبيه
اتحدى انه فيها قرية عدلة
ويامصطفى طيب ما أنت قاعد فى المنوفية يعنى محافظة حسنى برضه
ومتقوليش بقى حسنى ولا عمل ولاسوى
شكرا يامصطفى على مرورك الطيب

gamal saber

27-08-2008, 05:21 AM

Bossy Cat

27-08-2008, 05:51 AM

الموضوع جميل اوى يااحمد ويستحق فعلا الرد عليه
اولا الريف ليه ايجابيات وسلبيات زى ما انت قولت الناس هناك طيبين وبيحبوا بعض وكل حاجة بس عيبهم انهم دايما بينموا على بعض بس هى دى عادتهم مش هيقدروا يغيروها وحتى الاجيال اللى هتيجى مش هتتغير لانهم هيتربوا على نفس النمط ده لكن حكاية انهم جهلة ومش بيتكلموا غير فى الجواميس والاراضى وبس ده كان زمان دلوفتى الارياف بدأت تبقى متمدنة واللى عنده ارض مش بيفكر يزرعها ي اما يهنها وينزل مصر يشتغل ويستقر هناك يا اما يبنيها عمارة ولا حاجةوالناس هناك تفكيرهم اتغير كتير جدا عن زمان والكلام ده عن تجربة انا شفتها بعينى

اما بقى بالنسبة للمدن فدى بقى اساس الفساد تعالى كدة ودور على الشباب هتلاقى اغلبيتهم قاعد على القهوة او واقف على النواصى بياكس بنات يا اما فى سايبر بحجة انهم مش لاقيين شغل وحتى مش ليهم هدف فى حياتهمانما القليل منهم هتلاقى بيتقى ربنا وبيشتغل و ليه هدف وربنا هاديه البنات بقى اللى تلاقيها شايفة نفسها حبتين وبتلبس لبس يادوب على مقاسها بالظبط وكل همها انها تقف قدام المراية بالتلات ساعات تظبط مكياجها وبعديها تنزل النادى .......الخ وبرده القليل منهم تلاقيها ربنا هاديها وبتصلى وبتراعى ربنا فى لبسها ومشيتها وفى كل حاجة
انا لو اتكلمك عن حياة المدن مش هخلص الناس فى المدن بقت غريبة اوى بيقلدوا الغرب تقليد اعمى(اللى بيسموها العولمة ) وياريت بيقلدوهم فى حاجة مفيدة لا بيقلدوهم فى الحاجات اللى تشغلنا عن ديننا
لكن فى الاخر يا احمد احب اقولك ان الريف بدأ يتغير ولكن صفته السيئة اللى مش هتتغير هى النميمة
والمدينة فى تغير مستمر يوميا بس للاسوأ بالرغم انى من المدينة
اسفة على التطويل بس بجد تسلم ايدك على التوبيك الجامد ده
تقبل مرورى

أحمد2025

27-08-2008, 06:06 AM

حبيبى ياحمد تسلم ايديك على كتابة المواضيع الجميلة دى

هوا حكاية انهم بيفكرو فى الاراضى والجواميس دى قلت خالص
وانزل دلوقتى شوف الريف وهاخدك عندنا فى المنصورة
هتلاقيها حاجه تانيه خالص
بس لما تنزل ان شاء الله بالف سلامه
والى فى المدينه اصلا زهقو من حياتهم
يعنى انا زهقت من حياتى وزهقت من الحاجات الى بكررها كل يوم
يومى فى الاجازة النت و التليفزيون ء واحيانا الخروج الحاجه الوحيدة الى بعملها مفيده هيا الصلاة
ومعظم الناس على فكره زهقت
لكن تروح للى فى الريف طول اليوم هتلاقيه قاعد فى ومناظر جميله
حاجه تانيه ياجدع
ياريت المدينه تبقى كدا اصلا
اصل فيه مثل بيقولك

التكنولوجيا سبب هلاك البشر

بص يامحمد
انا عارف ان المنصورة فيها ناقلة جامدة فمتحولش تقارن المنصورة ببقية محافظات مصر
الناس اللى فى المنصورة عمر ماهيبقوا زى اللى فى القليبوبية وزى اللى فى أسوان
تفكير الناس بيختلف بطريقة كبيرة يامحمد
بس انا بتكلم عن حاجة شائعة وموجودة
وأنا ماشى مع كلامك وزى ماقولت فى الموضوع الريف جميل والمناظر وده كله ياعن
يلا بقى جهز لينا زيارة للمنصورة
ومتطلعش زى كل مرة وتهرب
شكرا يامحمد على مرورك الجميل
مبقاش ناقصه النقاش اهو :) انا قلت كده عشان كنت اول رد بس :D
اما بقى بالنوسبه لموضوع المدينه والقريه بقى كله محصل بعضه ...وانت مثال مش انت قاعد فى الريف بالرغم من كده متحضر وده باين من الكلام والمواضيع
يعنى مش شرط اللى عاوز يكون كويس هيكون
واللى عاوز يطور تفكيره ويتحضر هيعمل كده
مفيش ظروف تمنع ياما اتعلمو وكان اهاليهم جهله
والله انا معارفه الكلام ماشي فى الموضوع ولا لا بس انا رديت لانى وعدت ..بالرغم انى بفكر بعمل مقاطعه :p ..بس وعد الحر دين عليه
عامه بشكرك ع اللى انت عملته هنا واللى هتعمله ..لانه ان شاء الله هيكون كويس ..وهكتفى بقى بالقراءه :D وشكرا
بصى يابنوته
اللى عايز متحضر وهو قاعد فى الريف المفروض يكون قوى
هقولك على حاجة
أنا مرة كنت فى درس الرياضة والدرس فى ناس من البلد ومن بره البلد فطالب من اللى من بره البلد سأل واحد صحبى بيقوله هو أحمد من بلدكم انا رديت عليه وقولت ليه اه من هنا قالى انت شكلك مش من هنا خالص بقوله ليه
بيقولى طريقة كلامك معاملتك متقولش انك من هنا
بصى هو الموضوع عادى بس الواحد لازم يوظف نفسة صح فى المجتمعين
شكرا يابنوته على المرور الطيب
بصراحة يا احمد مواضيعك كلها جميلة جداااااااااااااااااااااااااااااا وبصراحة جامدة ومواضيعك بتبقى غريبة شوية يعنى مش معتادة....بص بقا الاول انا حجاوب ع السؤالين..اولا: دى طبيعة عند الفلاحين لانهم ما بيحبوش التغيير بس فى قليل جدااااااا هو اللى بيحب التغيير...ثانيا:ما اعتقدش انهم راضيين عن حالهم .. اما بالنسبة للموضوع نفسه فالموضوع جميل وع فكرة فى فلاحين كتييييييييييييييييير اوى بيتعلموا ومابقاش تفكيرهم دلوقت ف الاراضى والكلام دة وبيبقى اغلبهم متعلمين يعنى مش بيفكروا ف الاراضى زى زمان لان تفكيرهم اتغير....وبجد توبيك جامد يا احمد..ومنتظرين وبعد ان هدأت العاصفة..ربنا يوفقك يا مان..بييييييييييييييييييييييس
أنت أجمل يادودو:D
والله زى ما أنا بقول ان معظم الفلاحيين معندهومش طموح التغير
وتقريبا كده اتضح ان معظم الفلاحين مبقوش يفكروا زى زمان
الا فى القليوبية ياجماعة
أسعدنى مرورك يادودو
بيسسسسسسسسسسسس:D

أحمد2025

27-08-2008, 06:15 AM

على فكره يا احمد معدش الكلام اللى انت بتقوله ده انا مع منى ذكى فى الكلام اللى قالته كله وكلامها مظبوط وزى ما بنوته اهلاويه قالتلك ما انتا من الريف اهو ومتحضر وتمام الكلام ده ان كان موجوووود يباه قليل جدا وسيبك من جو الخضره والمياه العذبه والكلام القديم ده معدش فى قرى بات احسن من مدن ومعدتش فيها مساحات خضره الا حاجات بسيطه وبالنسبه للى بيقول انه من القاهره وله اصحاب من المنصوره وشايف انهم عادى دا على اساس ان المنصوووووره رييييف يعنى او قريه
ياجماعة
هى القاهرة هى المدينة بس اللى فى الدنيا
فى حاجة ياجماعة اسمها قرى
مش فاهم
ما أنت ممكن تبقى عايش فى المنصورة مثلا بس عايش فى مدينة
يجماعة لازم نفرق شوية
ايوه فعلا فى ناس كتير من القاهرة مفكرين المنصورة دى قرية برضو علشان صغيرة شوية يمكن لكن معرفش بس يمكن اصحابه من القرى اللى جمب المنصورة بس علشان نوصل لكلام منطقى فعلا مش كل قرية زى التانية وده اللى ظهرلى من كلام الاعضاء فى قرى لسة متأخرة اوى وفى قرى بدات تتقدم انا لما اتكلمت اتكلمت عن القرى المحيطة بالمنصورة لانى اعرفها وكويس انى لقيت حد متفق معايا :D
بصى يامنى
أنا بدأت اقتنع فعلا ان القرى مش زى ما أنا مصور
بس انا مش بشوف الكلام ده اطلاقا فى البلد
ومتخلونيش عايز اجى المنصورة

أحمد2025

27-08-2008, 06:29 AM

اولا احييك على موضوعك الجميل دة يا احمد
بس انت رسمت للريف صورة انتهت من فترة وياريتها ترجع تانى
انا شايف يا احمد ان الريف بدا يتطور بسرعة جدا فى الخمس سنين الاخيرة دى تحديدا حصلت نقلة فى الريف او جايز فى بلدى بس مش عارف
وبالنسبة للمثال الى انت اكلمت عنة بتاع التعليم انت مكنتش منصف فية اطلاقا يا مان والنسبة دى كانت موجودة من عشر سنين على الاقل
لاكن دلوقتى لو سئلت نفس السؤال هتلاقى 8 يردو ويقولو نعلم ولادنا والدليل هو تكدس الطلاب فى الفصول الى بيفوق بمراحل تكدسهم فى المدارس الموجودة فى المدن مش لان المتعلمين فى الريف اكتر لاكن لاان المدارس اقل
الريف شهد نقلة فى كل حاجة بس ذيادة اعداد المتعلمين وخريجى الجامعات وبقى منة دكاترة ومهندسين ومستشارين ورؤساء محاكم واساتذة جامعات وكمان رؤساء جامعات ومناصب كبيرة جدا فى مصر وكمان مبعوثين دبلوماسيين اعرفهم شخصيا بدرجات مختلفة تصل الى درجة وزير مفوض
ومستشار اعلامى
لو الريف بالصورة الى انت رسمتها يا احمد مكنش خرج دول كلهم
اما بالنسبة للمدينة فانا مش هتكلم فيها لاانى معشتش فى مدينة بشكل منتظم فترة تخلينى احكم على الحياة فيها لاكن كل الى اقدر اقولة انى اى مدينة اقمت فيها ولو لفترة قصية جدا كنت بحس انى مخنوق وعاوز ارجع بلدى عشان احس بالهدوء الى مستحيل احس بية فى المدينة وكمان انا بتخنق من الزحمة وبكرها عشان كدة معتقدش انى ممكن اعيش فى مدينة مهما كانت الظروف
mirce beaucoub
gamal saber
انا بصراحة بدأت اقتنع ياجماعة
بس برضه بأكد مش كل القرى ياجماعة
وانا عايزك ياجمال تشوف بلدنا
او ابقى اسأل عليها
شكرا ياجمال على مرورك الجميل
الموضوع جميل اوى يااحمد ويستحق فعلا الرد عليه
اولا الريف ليه ايجابيات وسلبيات زى ما انت قولت الناس هناك طيبين وبيحبوا بعض وكل حاجة بس عيبهم انهم دايما بينموا على بعض بس هى دى عادتهم مش هيقدروا يغيروها وحتى الاجيال اللى هتيجى مش هتتغير لانهم هيتربوا على نفس النمط ده لكن حكاية انهم جهلة ومش بيتكلموا غير فى الجواميس والاراضى وبس ده كان زمان دلوفتى الارياف بدأت تبقى متمدنة واللى عنده ارض مش بيفكر يزرعها ي اما يهنها وينزل مصر يشتغل ويستقر هناك يا اما يبنيها عمارة ولا حاجةوالناس هناك تفكيرهم اتغير كتير جدا عن زمان والكلام ده عن تجربة انا شفتها بعينى

اما بقى بالنسبة للمدن فدى بقى اساس الفساد تعالى كدة ودور على الشباب هتلاقى اغلبيتهم قاعد على القهوة او واقف على النواصى بياكس بنات يا اما فى سايبر بحجة انهم مش لاقيين شغل وحتى مش ليهم هدف فى حياتهمانما القليل منهم هتلاقى بيتقى ربنا وبيشتغل و ليه هدف وربنا هاديه البنات بقى اللى تلاقيها شايفة نفسها حبتين وبتلبس لبس يادوب على مقاسها بالظبط وكل همها انها تقف قدام المراية بالتلات ساعات تظبط مكياجها وبعديها تنزل النادى .......الخ وبرده القليل منهم تلاقيها ربنا هاديها وبتصلى وبتراعى ربنا فى لبسها ومشيتها وفى كل حاجة
انا لو اتكلمك عن حياة المدن مش هخلص الناس فى المدن بقت غريبة اوى بيقلدوا الغرب تقليد اعمى(اللى بيسموها العولمة ) وياريت بيقلدوهم فى حاجة مفيدة لا بيقلدوهم فى الحاجات اللى تشغلنا عن ديننا
لكن فى الاخر يا احمد احب اقولك ان الريف بدأ يتغير ولكن صفته السيئة اللى مش هتتغير هى النميمة
والمدينة فى تغير مستمر يوميا بس للاسوأ بالرغم انى من المدينة
اسفة على التطويل بس بجد تسلم ايدك على التوبيك الجامد ده
تقبل مرورى
اهلا يابوسى
ياجماعة انا قولت فى الموضوع
الريف بدأت تحصل فيه نهضة
وده بيختلف بقى على حسب المحافظة
يعنى مثلا منقرنش المنصورة بالإسكندرية بالقليوبية
ياجماعة انا عايش فى القليوبية بقالى 17 سنة
النهضة بتحصل ببطء شديد جدا فى تفكير الناس
والمدينة انا مقتنع جدا بكلامك يابوسى
شكرا على مرورك الرائع

منى ذكى

27-08-2008, 06:34 AM

خلاص يا احمد تعالا جرب كدا المنصورة وانا برضو فعلا اقتنعت بكلامك وعرفت انه اماكن اماكن مش كل الارياف زى بعض

أحمد2025

28-08-2008, 01:48 AM

خلاص يا احمد تعالا جرب كدا المنصورة وانا برضو فعلا اقتنعت بكلامك وعرفت انه اماكن اماكن مش كل الارياف زى بعض
جاى فى القريب العاجل ان شاء الله
شكرا يامنى على تفاعلك الجامد مع الموضوع

**تسابيح**

01-09-2008, 02:59 PM

اولا الريف دا احمل بجد من المدينة
ع الافل عشان الهدوء اللي فيه
وناس كلها تعرف بعضها
_دا ف حد ذاته يمكن ميزه وعيب_
ميزه لانك بتسال ع جيرانك وبتطمن عليهم
وبتفرحوا مع بعض وتحزنوا مع بعض
عيب _عند بعض الناس_انهم بيحبوا تدخلوا ف امور غيرهم
دي عملت دا سوي حاجات غريبة
بالنسبة ف الريف الاب يفضل جاموس ع ابنه
لا حاجه مسحيل ان اي انسان عاقل يفكر فيها
لان الابن دا جزء من الاب ممكن يبيع جلده
عشان يخليه احسن حد مش شرط بقي
هو عايش ف ريف ولا ف المدينة
الموضوع انه اب الكلمه دي كبيره اوي
وكمان موضوع ان البلد تعرف الاسرار
وبالذات ف الريف بص ياأحمد السر بدل
بقي اكثر من واحد يبقي خلاص السر اتعرف
وبعدين انت ذات نفسك ممكن تعرف اسرار
ومش تبقي قصدك وفيه ناس تقعد تكلم عن حياتها
الخاصه ادام الناس وناس تعرفها بس دا مش سر
برضوا فيه ناس برضوا بيحبوا يعرفوا اللي عند الناس
الحاجه دي ف الناس اللي مش كويسين
سوء ريف او مدينه مش شرط
ام كلام التلاقى حريم الريف كتير جدا فأخبار البلد كلها بتكون هناك وفلانة عملت وفلانه سوت
المرء بوجه عام _مش كلهم طبعا_ بيحبوا الرغي التقطيع ف فروه الناس
طيب انا هقولك حاجه بجد احنا ف مدرسة ثانوي وكدا يعني تعلم عالي نسبيا
ومع ذلك تلاقي كل اتنين مسكين ودن بعض وايه ودا عملت ودي جابت
ومش عارفه ايه دي بيبقي ف البنات الفاضيه اللي مش وراها حاجه
تعملها اللي انها تجيب ف سيرت الناس وخلاص مش بيشرط
ريف او مدينة
ع فكرة انا عايشة ف مدينة
ممكن تكون افضل من ناحية انها بتتفكر فيها كل شيء الناس محتاجه
مش زي الريف بس يمكن الناس بالذات ف العاصمه زي القاهره
كل واحد ف حاله محدش يعرف عن حد حاجه يمكن عشان
الشغل وهم مش بيهتموا بحاجه غير شغلهم
شكرا ع الموضوع

الشفق الباكي

01-09-2008, 03:11 PM

ايه يااحمد انت بتتكلم عن ريف فى عصر ماقبل بناه الاهرام
انت محسسنى ان اهل الريف متخلفين
على العموم thanks alotيااحمد
اما من حيث سلبيات الريف فهى بس موضوع التدخل وان القريه بتبقى صغيره شويه
بس اى حاجه ليها سلبيات
تقبل مرورى

أحمد2025

17-09-2008, 10:52 PM

اولا الريف دا احمل بجد من المدينة

ع الافل عشان الهدوء اللي فيه
وناس كلها تعرف بعضها
اه انا معاكى فى كده
_دا ف حد ذاته يمكن ميزه وعيب_
ميزه لانك بتسال ع جيرانك وبتطمن عليهم
وبتفرحوا مع بعض وتحزنوا مع بعض
عيب _عند بعض الناس_انهم بيحبوا تدخلوا ف امور غيرهم
دي عملت دا سوي حاجات غريبة
اه الموضوع دى منتشر بشراسة
بالنسبة ف الريف الاب يفضل جاموس ع ابنه
لا حاجه مسحيل ان اي انسان عاقل يفكر فيها
لان الابن دا جزء من الاب ممكن يبيع جلده
عشان يخليه احسن حد مش شرط بقي
هو عايش ف ريف ولا ف المدينة
بتحصل
الموضوع انه اب الكلمه دي كبيره اوي
وكمان موضوع ان البلد تعرف الاسرار
وبالذات ف الريف بص ياأحمد السر بدل
بقي اكثر من واحد يبقي خلاص السر اتعرف
وبعدين انت ذات نفسك ممكن تعرف اسرار
ومش تبقي قصدك وفيه ناس تقعد تكلم عن حياتها
الخاصه ادام الناس وناس تعرفها بس دا مش سر
برضوا فيه ناس برضوا بيحبوا يعرفوا اللي عند الناس
الحاجه دي ف الناس اللي مش كويسين
سوء ريف او مدينه مش شرط
ام كلام التلاقى حريم الريف كتير جدا فأخبار البلد كلها بتكون هناك وفلانة عملت وفلانه سوت
المرء بوجه عام _مش كلهم طبعا_ بيحبوا الرغي التقطيع ف فروه الناس
طيب هى دى طبيعة الريف ولا ممكن الريف يتغير؟؟
طيب انا هقولك حاجه بجد احنا ف مدرسة ثانوي وكدا يعني تعلم عالي نسبيا
ومع ذلك تلاقي كل اتنين مسكين ودن بعض وايه ودا عملت ودي جابت
ومش عارفه ايه دي بيبقي ف البنات الفاضيه اللي مش وراها حاجه
تعملها اللي انها تجيب ف سيرت الناس وخلاص مش بيشرط
ريف او مدينة
ع فكرة انا عايشة ف مدينة
ممكن تكون افضل من ناحية انها بتتفكر فيها كل شيء الناس محتاجه
اه ده اللى انا عايز اقوله
مش زي الريف بس يمكن الناس بالذات ف العاصمه زي القاهره
كل واحد ف حاله محدش يعرف عن حد حاجه يمكن عشان
اه ده معروف فى كايرو
الشغل وهم مش بيهتموا بحاجه غير شغلهم

شكرا ع الموضوع

شكرا جزيلا على تفاعلك مع الموضوع
ايه يااحمد انت بتتكلم عن ريف فى عصر ماقبل بناه الاهرام
انت محسسنى ان اهل الريف متخلفين
على العموم thanks alotيااحمد
اما من حيث سلبيات الريف فهى بس موضوع التدخل وان القريه بتبقى صغيره شويه
بس اى حاجه ليها سلبيات
تقبل مرورى
بجد والله ياجماعة ده بيحصل فى الريف
بس انا من الموضوع اتضح ان مش كل الأرياف زى بعضها
شكرا على مرورك الطيب