الحمد لله والصلاه والسلام على رسول الله


كثيرا ما نشكو


كثيرا ما نتزمر

كثيرا كثيرا




لكن اخواني الافاضل واخواتي الفضليات
لماذا لم نسال انفسنا
ما سبب هذا البلاء الذي نحن فيه؟
لماذا صرنا من احقر الناس شاءنا
لماذا صرنا هكذا لايبال احد بنا
لكن السبب معروف
وكلنا يتجاهل ذالك
السبب انت وانا
السببب ما تفعله انت وما افعله انا من ذنوب ومعاصي
عن ابن عمر رضي الله عنهما قال: قال رسول الله صلى الله عليه وسلم: ((يا معشر المهاجرين، خمس إذا ابتليتم بهن وأعوذ بالله أن تدركوهن: ما ظهرت الفاحشة في قوم حتى أعلنوا بها إلا ابتلوا بالطواعين والأوجاع التي لم تكن في أسلافهم الذين مضوا، ولا نقص قوم المكيال والميزان إلا ابتلوا بالسنين وشدة المؤونة وجور السلطان، وما منع قوم زكاة أموالهم إلا منعوا القطر من السماء، ولولا البهائم لم يمطروا، ولم ينقضوا عهد الله وعهد رسوله إلا سلط الله عليهم عدوا فأخذوا بعض ما في أيديهم، وما لم تعمل أئمتهم بكتاب الله ويتخيروا مما أنزل الله إلا جعل الله بأسهم بينهم)) رواه ابن ماجه وهو صحيح. [السلسلة الصحيحة (106)].

.
كم من مره لم تعطي التلاميذ حقهم في الفصل
كم من مره سببت التلاميذ في الفصول
بل كم من مره تركت الصلاه التي هي حق الله على العبيد
ويقول أمير المؤمنين عمر بن الخطاب رضي الله عنه: (إننا كنا قوماً أذلة فأعزنا الله بهذا الدين، فإن ابتغينا العزة في غيره أذلنا الله).

من هنا ـ اخوتي ـ كانت البداية، ومن هنا يكون البدء، ومتى تركِنا لديننا كانت بدايةُ رحلة الذلِّ والضياع في تاريخ أمة الإسلام، ومن الرجوع إلى ديننا وتوبتنا إلى ربنا يكون البدء إذا أردنا العودة إلى العزة القعساء والشرف المفقود.

فلنعد الى الله عز وجل
قُلْ يٰعِبَادِىَ ٱلَّذِينَ أَسْرَفُواْ عَلَىٰ أَنفُسِهِمْ لاَ تَقْنَطُواْ مِن رَّحْمَةِ ٱللَّهِ إِنَّ ٱللَّهَ يَغْفِرُ ٱلذُّنُوبَ جَمِيعاً إِنَّهُ هُوَ ٱلْغَفُورُ ٱلرَّحِيمُ [الزمر:53].

كلامك ممكن يكون صح ابن القيم ، لكن خلي بالك من الأخطاء الإملائية لأنك بالشكل ممكن تسقط في امتحان الكادر ،،،،،،

على فكرة حلوة القسعاء دي ...............


شكرا لك وبارك الله فيك

كلام رائع واتمنى من الجميع مراعاه الخلق فى السر والعلانيه والارزاق بيد الخالق جل وعلى

كلام رائع واتمنى من الجميع مراعاه الخالق فى السر والعلانيه والارزاق بيد الخالق جل وعلى
عفوا على الخطأ السابق

لكن انت مسمى نفسك كدة لية...............؟؟؟؟؟؟؟؟؟؟؟ماينفعش يبقى اسمل Masryyyyy.....؟؟؟؟؟؟مهو


انت اكيد فى مصر طالما فى امتحان للمدرسين.......

جزاك الله خيرا

عندك حق ودة ابتلاء من اللّه لينا وربنا يصبرنا على البلوة دى

جزاك الله خيرا

جزاك الله خيرا وربنا يهدينا جميعا

ربنا يهدية

لكن انت مسمى نفسك كدة لية...............؟؟؟؟؟؟؟؟؟؟؟ماينفعش يبقى اسمل Masryyyyy.....؟؟؟؟؟؟مهو


انت اكيد فى مصر طالما فى امتحان للمدرسين.......

انت يعنى سبت موضوع الكادر والكلام اللى اللى اتكتب ومسكت فى الاسم
يعنى لو الراجل غير اسمه خلاص الدنيا انصلح حالها
يا عالم كفايه حرام بقى

[QUOTE=kوالله الكلام دا مظبوط و على فكره انا مش شيخ ولا غيره
بس لا يغير الله ما بقوم حتى يغيرو ما بأنفسم

الى أخي العزيز مدرس فني صناعي : ما أنت واحد من الطيبين اللي أنا قلت عليهم

الأخ بن القيم مصر
كلامك جميل في محتواه والظاهر من هم مثلك يحتاجون إلى التطوير وخاصة تطوير في الفكر ويبدو إن الوزير على حق كل كلامك فيه أخطاء إملائية
فانت تعتبر مانحن فيه مهانة وانا لا اره مهانة ولكن ليعلم الجميع أن هناك اناس غاضبة من الامتحان لأنها غير واثقة في نفسها ونحن الذين أهنا انفسنا امام ألطلاب وأمام ارأي العام رفضنا لهذا الآمتحان فلو تقبلناه بصدر رحب لأثبتنا للوزير ,و للرأي ألعام أننا اناس نحمل رسالة وهذه الرسالة لا نخجل في أي وقت ان نتمتحن فيها ولكن ,انت تعمل في مدرسة ألم تجد من وسط الزملاء من يذهبون إلى المدرسة لا يعرفون شيئا في أي موضوع
ألا يتفق معي ألجميع أن الوزير قد نجح صدقوني نجح الوزي قد جعلنا نقرأ ونطلع ونتنافس ونتناقش في موضوعات التربوي التي كنا نسيناها وٌرانا في تخصصاتنا
فتحية من هنا للوزير ولكن لي تحفظات على أسلوب وتوقيت الامتحان وما يجب أن يكون 0

اللهم لا تؤاخذنا بما فعل السفهاء منا

الأخ بن القيم مصر
كلامك جميل في محتواه والظاهر من هم مثلك يحتاجون إلى التطوير وخاصة تطوير في الفكر ويبدو إن الوزير على حق كل كلامك فيه أخطاء إملائية
فانت تعتبر مانحن فيه مهانة وانا لا اره مهانة ولكن ليعلم الجميع أن هناك اناس غاضبة من الامتحان لأنها غير واثقة في نفسها ونحن الذين أهنا انفسنا امام ألطلاب وأمام ارأي العام رفضنا لهذا الآمتحان فلو تقبلناه بصدر رحب لأثبتنا للوزير ,و للرأي ألعام أننا اناس نحمل رسالة وهذه الرسالة لا نخجل في أي وقت ان نتمتحن فيها ولكن ,انت تعمل في مدرسة ألم تجد من وسط الزملاء من يذهبون إلى المدرسة لا يعرفون شيئا في أي موضوع
ألا يتفق معي ألجميع أن الوزير قد نجح صدقوني نجح الوزي قد جعلنا نقرأ ونطلع ونتنافس ونتناقش في موضوعات التربوي التي كنا نسيناها وٌرانا في تخصصاتنا
فتحية من هنا للوزير ولكن لي تحفظات على أسلوب وتوقيت الامتحان وما يجب أن يكون 0

أعتقد انك انت الذى عنده اخطاء إملائية

اغلب من يسخر من كلام الاخ ابن القيم اما جاهل او غير مدرك اللى بيعيب عليه الاخطاء الاملائية كتابته مليانة اخطاء واللى بيعيب عليه انه شيخ مفتقد لاحترام المشايخ فحق له عدم احترام طلابه له لان فاقد الشىء صعب يكتسبه ان من يعيب عليه النصح لله وفى الله مفتقد لمعنى احترام النصح وعليه لا داعى له ان يعمل بحقل التعليم لانك كمعلم ناصح امين والاخ اللى مؤيد للامتحان و( بيغلط املائيا) ممكن تقول مؤيد ليه لامتحان بدون تدريب؟ ومؤيد ليه لامتحان يربط النجاح بالفلوس ؟؟؟؟ كلنا نؤيد الامتحان للترقية وبتدريب اما غير ذلك فلا والا فلتقل لى لماذا دخلت هذا الموقع؟؟؟؟؟؟؟؟؟

كلامك مضبوط

بارك الله فيك بس السؤال هنا ....
هى فين الطلبة علشان نرعى ربنا فيهم .. المدرسة يا أستاذ آخر حاجة بيفكر فيها
الطالب لتحصيل العلم دا اذا حضر أصلا .....................
قول يا باسط

[QUOTE=porio;706993]بارك الله فيك بس السؤال هنا ....
هى فين الطلبة علشان نراعى ربنا فيهم .. المدرسة يا أستاذ آخر حاجة بيفكر فيها
الطالب لتحصيل العلم دا اذا حضر أصلا .....................
قول يا باسط

هو كل واحد يحلم بحاجة ننفذها عشان نثبت اننا اصحاب رسالة يعنى مطلوب من مليون معلم واكثر ان يوافقوا ومش مطلوب من واحد فقط ان يغير قراره وبعدين يا سيدى الوزير متاكد ان ان لو عمل تدريب للمدرسين فى حاجة هينجح كل المدرسين وهو ما يتنافى مع الغرض من الامتحان لان الغرض منه تقليل الاعباء المالية على الحكومة
بلاش نفترض سوء النية وخليك معاى تعرف تقولى الوزير عمل ايه لظاهرة تكدس الفصول
عمل ايه لبناء المدراس
عمل ايه لتعيين مدرسيين جدد
عمل ايه لتطوير مناهج تدرس منذ عشرات السنين ( ما يحدث فى المناهج هو تغيير وليس تطوير )
ما ندرسه لاولادنا كان يدرس فى اوروبا منذ 70 عاما
وحاجات كتير جدا
هل مجرد امتحان سيحول التعليم المصرى الى تعليم متطور ؟؟؟؟؟؟؟؟؟
اين عدد الحصص المكلف بها المدرس
اين نشاط المعلم فى المدرسة
اين التزام المعلم بالعمل طوال العام
التقويم الشامل المستمر هو الذى يزيد من شان العملية التعليمية وليس مجرد امتحان اجوف مثل الرؤوس التى وضعته ....

عايزين أسئلة يا شيوخ وعلماء وأساتذة المهم الأسئلة وبلاش كلام كتيييييييييييير مش هيغير حاجة أبدا

والدليل كان اتغير قبل كده ...........ولا مش معايا ................ريحوا دماغكو بلييييييييييييييز

عذرا ان كان النوضوع ازعج البعض
لكن هذه الحقيقه
بالنسبه للاخطاء الاملائيه
الكيبورد الذي كنت استعمله لايحتوي على حروف
كنت اتحسس الازرار
فعذرا
لكن
الهدف المضمون
لعل الاذان ان تسمع
اللهم بلغت اللهم اشهد

جزاك الله خيرا

الأخ بيحب الكلام الفاضي في غير وقته فهل هذه شماته في المعلمين فاكر نفسط واعظ

00000000000000000000000000000000000000000000000000 0000000؟

يااخوان لايختلف اثنان فى ان الاسلام فيه صلاح الدنيا والاخرة ولاينكر من يدرك امور دينه ان كلام ابن القيم حقيقى دون شك وان مانحن بصدده ونحياه اليوم قد تجاوز مشكلة انصياع معلم بلغ من العمر ارزله لاداء اختبار من اجل الحصول على بضعة جنيهات فى حين ان اصغر دور لممثلة مغمورة يتجاوز اجرها مايفوق اجر المعلم طيلة حياته من منهما-معذرة للمقارنة مايفيده المعلم ام الممثل من منهما يتلقى التكريم والتبجيل من كبار المسئولين لن اطيل اذا ضيعت الامانة فانتظروا الساعة واذا اسند الامر الى غير اهله فانتظروا الساعة هدى الله الجميع لخير الدنيا والاخرة

ككلام جميل العبره ليست فى الاسم ولكن العمل بهذا الكلام
فعلا الوزير نجح لان السبب الثقافه والاطلاع والمراجعه والنهوض بالمستوى
ودرس التربيه التى لم نطلع عليها منذالتخرج
ابو كريم 22

كلام رائع واتمنى من الجميع مراعاه الخلق فى السر والعلانيه والارزاق بيد الخالق جل وعلى

الاخوه المفروض انهم معلمين مربين من لم يعجبه كلام ابن القيم اما احد من هؤلاء الخمسه غير مربى لافى بيت ولامدرسه ولا جامع او غير ممؤدب او على غير المله او علمانى اوشيوعى او الكلام جاء اليه على وجع وردوا عليا وقولوا اخطاء املائيه او ردود حيوانيه اتقوا الله فينا

الاخ الكريم hasna قد قرأت مداخلتك ووجدت انه بالفعل هناك من يحتاج تقوم وخاصة فى اللغه العربية أظنك تعرفه من أخطائه الحمد والمنة لله لقد سبقنى أخ فاضل واستخرج للك اخطائك لكى وإذك كان وقت إمتحانك لم يحن فليوفقك الله فى التربوى واللغة العربية

الاخوة المعلمين إن العلم المصرى على قدر كبير من الثقافة والعلم والدليل ما نحن فيه الان نتقابل ونتلاقى ونتحاور من خلال الشبكة العنكبوتية أرجو أن يعل الوزير أن امتحان الكادر ما هو الاتسوف من الحكومة الاخوة الاخطاء الاملائية كثيرا ما تحدث نتيجة السرع فى الكتابة فعذرا

كلام الاخ ابن القيم كلام جميل لكنى بلاحظ فينا ان ينطبق علينا الحديث الشريف وهو ( ما معناه) آيه المنافق ثلاث اذا حدث كذب واذا وعد اخلف واذا اؤتمن خان) يعنى انا اقصد ان كل واحد فينا شايف نفسه انه كويس وزى الفل وان العيب فى الاخرين وهو بصراحه بيكذب كتير وبيخلف بوعده كتير ولا يحافظ على الامانه التى ائتمنه عليها الناس

الإخوة الزملاء : لقد دخلت الاختبار اليوم ووجدت انه امتحان تعجيزي في فروعه الثلاث سواء اللغة العربية أو التربوي أو التخصص على الجميع أن لا ياأمن مكر الجمل وليستعد جيدا وإلا فسيكون مصيره ما تمناه لنا الجمل من إظهار صورة المدرسين بصورة سيئة

نسأل الله الاخلاص في العمل

اللهم من اساء الظن بي فاني قد سامحته
اللهم وفقنا لما تحب وترضى

ذنب ناس تخلصه ناس . انا معلش اقول لكم ده ذنب وزير سابق انا احترمته قبل ان يكون وزير للتعليم و بعد ان كان و بعد ان خرج و مازلت احترمه و اتى الحالى والذى سكت دهرا و نطق كفرا .

يا أخت هدى هداك الله ونور لك عقلك وبصيرتك

ذنب ناس تخلصه ناس . انا معلش اقول لكم ده ذنب وزير سابق انا احترمته قبل ان يكون وزير للتعليم و بعد ان كان و بعد ان خرج و مازلت احترمه و اتى الحالى والذى سكت دهرا و نطق كفرا .

يا جماعة الخير الكل ينظر للمعلم علي انه يسب ويلعن ان كان هناك قلة فالاغلب ليس كما يظن البعض
وليس بالضرورة ان يكون الجميع لا يرعي حق الله في تلاميذه
فتعميم الحكم علي الكل لان البعض فيه هذه الصفات حكم خاطئ وان اختيارات الكادر مهزلة بكل المقاييس فانا والله اسمع العجب من بعض افراد ليس لهم صلة بالاختبار ويدخلون ويمتحنون
والعملية هيصة وايضا من لا يجدون اوراق اسئلة لهم وايضا ما يحد من ان الجميع يتشاورون في اللجنة في الاسئلة والاجابة الصحيحة
مهزلة بكل المقاييس فشكرا لوزارة التربية والنعليم التي جعلت من المعلم في الماضي حرامي فكنا ( امسك بيدي دروس خصوصية
) واليوم اصحي يا بني علشان تروح الامتحان مع بابا ومش تنسي القلم الرصاص والممحاة والبراية وووواللي يقولك غششني قطعوا ( خالتي فرنسا للمدرسين )

مهما كان ما تعتبرونة ليس مهاة فهو مهانة حقيقية
كيف يمتحنني من كان طالبا عندي؟
كيف يتم امتحاني في مواد درستها من عشرين سنة؟
سلامي ال ابن القيم حتى لو مكانش بيعرف يكتب خالص

المهم نعرف ماهي عقوبة المدرس اللي يتمسك بيغش هل هي.
1- الحرمان من الكادر سنتين
2- الحمان من التدريس سنتين
3- منعة من دخول الفصل سنتين
4 حرمانة من دخول الجنة
5- هيخش النار بدون حساب
اجب خلال ثانيتين

تعديل الاجابة الثانية
الحرمان بدل الحمان

اخى الفاضل/ابن القيم(ولو انه مش باين)انت شكلك من العصر البائد -عصر التخلف والجهل-الناس بتتطور وتبتكر وانت وامثالك من الجهلاء ما زلتم فى الظلام والجهل

اشكرك يا استاذ احمد عبد الشافى هدانى واياك وجميع المسلمين اللهم امين

الأخ ابن القيم مصر لا تعبأ بكلام السفهاء , بارك الله فيك وجزاك الله خير

ياسادة كتاباتكم كلها أخطاء املائية سواء صاحب المشاركة أو كل من رد عليه 000 نرجو مراجعة مشاركاتكم قبل ارسالها لأن دي فضيحة لنا جميعا 00000

على فكرة هى اسمها اسراء على مش اسرائيلى زى ما احد الاخوة معتقد فى التعليقات

موضوع حلو يا ريت الكل يتعلم منه




خصوصا الأساتذة



مع تحياتي <<< طالب تالتة ثانوي 95%

بارك الله فيك يا ابن القيم

[B]اما الأخ ابو ابراهيم اللى مؤيد للأمتان والوزير أري انك تؤيد الذل والمهانه لزملائك المعلمين

مهازل امتحانات الكادر فى تربية المنصورة المدرج مغلق والمفاتيح ضاعت يمتحننونا فين؟؟؟؟؟؟؟؟

السلام عليكم جميعا والله ياحماعة الكلام ده حصل بتانى يوم امتحانات الكادر فى تربية المنصورة
ذهبت انا واصدقائى المدرسين لامتحان الكادر وكان الامتحان فى كلية التربية جامعة المنصورة بتااريخ26/8/2008
وذهبنا بدرى علشان منضمنش المواصلات ،وندخل الكلية نلاقى جميع المدرسين والمدرسات متجمعين على سبورة مكتوب عليها الاسماء وارقام اللجان ود يشد فى ده ودى تضرب دى المهم خدت الرقم ،وذهبت الى مكان الاختبار وكان مكانه مدرج(22) نستنا يفتحوا المدرج والمدرج ميفتحش لغايه الساعة 11.45،المهم ينادوا على العامل العال مش لاقى المفاتيح المهم كسروا باب المدرج ودخلنه ويارتنا ما دخلنا ،اهمال وفوضى ولا سوق السمك فى زمانه وارقام جلوس مش مترتبه وارقام مش موجوده ومفيش نظام وسوء معاملة المهم جه الدكتور المسئول عن اللجنه فى مدرج(22) وكان اسمه( عادل منصور) ومقلكوش ياجماعة عن الدكتور ده ايه قمه فى سوء الادب والاخلاق وبكررها لحد يفتكرها حاجه تانيه (قمه فى سوء الادب والاخلاق ) تحس كده انه مش دكتور فى جامعهة تحس انه خريج محو اميه جايز بتاع غرز جايز وده معروف من ايام الجامعه عنه
المهم نبدا الامتحان الساعة كام 11.55بدا المنكوب اللى اسمه (عادل منصور )فى الصراخ والشتيمه للكبير والصغير افتكرنا نفسنا ان احنا فى سوق خضار مش فى جامعه وبدأ يملى علينا التعليمات من غير مايوزعوا علينا اى اوراق المهم سلمونا الاوراق اللى يلحق ياخد خد واللى مايلحقشى عوضه على الله
والمدرسين طلبوا ورق ليهم مسألوش عنهم واللى كان بيكلم منهم هددوه انه هيخرجوه بره المدرج وفين بعد ساعة جابلهم الورق .
وفتحنا كتاب الاسئلة ويارتنا مافتحناه - مش ورقة الأسئلة - الكتاب عبارة عن 38 صفحه تذكر جيدا الكتاب كام (38صفحة ثمانى وثلاثون صفحة دى علشان تذاكر الاعداد) نلاقى أول الاسئلة التربوى وعينك ماتشوف الا النور مش عارفين اى حاجة فى الاسئلة و( عادل منصور) طول ساعة وزياده ضوضاء وهيصه فى الميكروفون لغايه مربنا هده وسكت شويه طلعتلنا دكتورة استلمت مكانه وهمها كله ان محدش يطلب حاجه لان كانوا بيقولو ان فيه ناس هتصور فى المدرج
احنا دلوقتى الساعة 1.30 ولسه محلناش نصف الاسئلة واللى كان بيسأل اننا داخلين متاخرين كان مصيره التهديد بالخروج من المدرج وامر من كده كان فى لجنتنا من ضمن الناس اللى بيرقبوا بتاعت الكانتين بتاع الجامعه وبكرر ( مين اللى كان بيراقب بتاعت الكانتين بتاع الجامعه وكأن جاتلها الفرصه لغاية عندها المرمته اللى شفتها طول حياتها جالها وقت تطلعها تطلعها على مين على الغلابه المدرسن وهات ياشخط وزعيق فى اى مدرس يتكلم كان ناقص تضربه اى واحد بالقلم ، المهم جات الساعة 2 وكأن مدفع الافطار ضرب الكل من المراقبين هجم عاى اوراق الاجابه وهاتك ياشد وجذب والى كان بيعترض اننا دخلين متاخرين لازم ناخد وقت كمان شويه مصيره ان تشد ورقته هوه وحظه لغاية متقطعت اكثر من ورقة المهم .
وفى النهايه الحمد لله إن خلصنا الكابوس الكبير اللى اسمه امتحان الكادر الله لايرجعه هوه ولا يسرىالجمل ولا عادل منصور ربنا يخدهم كلهم آمييييييييييييييييييييييييييييييييين
وفى النهايه باكد وبقول توبه ان كنت امتحن تانى كدر المعلمين لو هشتغل بتاع فجل وجرجير