|
مشاهدة النسخة كاملة : اقتراح لقسم الاقتراحات ! CoMMaNdo 25-08-2008, 11:03 AM السلام عليكم ورحمة الله وبركاته كان ليا اقتراح صغير عن القسم دا ليه ميبقاش زى المنتديات التانيه يعنى الى يكتب اقتراح او مشكله محدش يشوفها غير الادارة وصاحب المشكله بس ياريت اعرف الرد من الادارة fares elnet 25-08-2008, 11:27 AM الكلام ده لو مشكلة خاصة يعنى تخص العضو فقط CoMMaNdo 25-08-2008, 11:35 AM ايوة حضرتك مهوا دا الى قصدى ومعظم المواضيع فى القسم دا كدا وهوا اسمه الركن الادارى والاعضاء بيكتبوا فيه شكوى من عضو او مشرف او كدا ملهاش لزمه ان الاعضاء كلها تتدخل فى الموضوع دا رايى _GUIDE_ 25-08-2008, 11:37 AM السلام عليكم ورحمة الله وبركاته كان ليا اقتراح صغير عن القسم دا ليه ميبقاش زى المنتديات التانيه يعنى الى يكتب اقتراح او مشكله محدش يشوفها غير الادارة وصاحب المشكله بس ياريت اعرف الرد من الادارة مينفعش هنا علشان بنحب الفضايح انتا كده بتقطع على الناس اللى عايزه تترسم وتزود مشاركاتها وكدبيين الزفه والناس المطبطبتيه وما اكثرهم :rolleyes: كفاية ان القسم مبيظهرش للزوار علشان ميتفرجوش على المنتدى واعضاءه COoL HEaRT 25-08-2008, 11:46 AM مينفعش هنا علشان بنحب الفضايح مسمهاش بنحب الفضايح....بس موضوع زى موضوع امبارح كان مفروض يكون مفتوح اللى عاوزه يقول كلمتين يقولهم وتخلصو من المشاكل اللى بينكو ..وبعدين مش يتقفل ده بتحزف ويتحرق لان الكلام اللى فيه هيكون وقتى ولو حد شافه تانى هيزعلا نتا كده بتقطع على الناس اللى عايزه تترسم وتزود مشاركاتها وكدبيين الزفه والناس المطبطبتيه وما اكثرهم :rolleyes: هه حلوه دى ..والله الناس اللى نيتها كويسه بقو كدابين زفه كفاية ان القسم مبيظهرش للزوار علشان ميتفرجوش على المنتدى واعضاءه لا انا مش مع الاقتراح والله عاوز المشكله متكنش ع الملا كده يبعتها فى رساله لادارى وخلاص بس فى مشاكل بتمس الكل هنا CoMMaNdo 25-08-2008, 11:56 AM لا انا مش مع الاقتراح والله عاوز المشكله متكنش ع الملا كده يبعتها فى رساله لادارى وخلاص بس فى مشاكل بتمس الكل هنا مشاكل بتمس الكل !!!!! مش فاهم ازاى يعنى انتى بتحطى مشكله ليكى او شكوى من اى عضو او اى مشرف لزمتها ايه بقى الاعضاء يخشوا ويضيفوا ردود ويتناقشوا على العموم دا رايى وكان مجرد اقتراح ومستنى برضه الرد من الادارة _GUIDE_ 25-08-2008, 12:09 PM لا انا مش مع الاقتراح والله عاوز المشكله متكنش ع الملا كده يبعتها فى رساله لادارى وخلاص بس فى مشاكل بتمس الكل هنا اصل المشكلة اننا بنكون بنتكلم فى موضوع تلقى برشوط نزل فى الموضوع ويقعد بئا على المصطبه ويبتدى الادارة الظالمة الادارة المفترية المشرفين الكفرة حسبى الله ونعمة الوكيل الواحد يقوله حصل ايه يقولك اصل حصل معايا موقف كده مش ظريف مشرف حذفلى رد ومشرف تانى قفلى موضوع بيكرهونى وعايزين يطفشونى :rolleyes: مش هو ده اللى بيحصل كركركوكو 25-08-2008, 12:14 PM اصل المشكلة اننا بنكون بنتكلم فى موضوع تلقى برشوط نزل فى الموضوع ويقعد بئا على المصطبه ويبتدى الادارة الظالمة الادارة المفترية المشرفين الكفرة حسبى الله ونعمة الوكيل الواحد يقوله حصل ايه يقولك اصل حصل معايا موقف كده مش ظريف مشرف حذفلى رد ومشرف تانى قفلى موضوع بيكرهونى وعايزين يطفشونى :rolleyes: مش هو ده اللى بيحصل سؤال واحد بس يا استاذ اسلام لو سمحت هو في عضو قال / المشرفين الكفرة / دي تبقي مشكله محدش اصلا يثدر يقول كده ياباشا _GUIDE_ 25-08-2008, 12:17 PM سؤال واحد بس يا استاذ اسلام لو سمحت هو في عضو قال / المشرفين الكفرة / دي تبقي مشكله محدش اصلا يثدر يقول كده ياباشا طيب كويس انك متفق معايا فى كل اللى فات ميعاده الجملة دى :D كركركوكو 25-08-2008, 12:22 PM طيب كويس انك متفق معايا فى كل اللى فات ميعاده الجملة دى :D لا كل اللي فات انا سمعته وشوفته وكده يعني بس الجمله دي اول مره اسمعها منك فبتأكد بس :D _GUIDE_ 25-08-2008, 12:25 PM لا كل اللي فات انا سمعته وشوفته وكده يعني بس الجمله دي اول مره اسمعها منك فبتأكد بس :D عمتا ده كان تشبيه بليغ ليس اكثر نرجع لموضوع الراجل بئا COoL HEaRT 25-08-2008, 12:48 PM اصل المشكلة اننا بنكون بنتكلم فى موضوع تلقى برشوط نزل فى الموضوع ويقعد بئا على المصطبه ويبتدى الادارة الظالمة الادارة المفترية المشرفين الكفرة حسبى الله ونعمة الوكيل الواحد يقوله حصل ايه يقولك اصل حصل معايا موقف كده مش ظريف مشرف حذفلى رد ومشرف تانى قفلى موضوع بيكرهونى وعايزين يطفشونى :rolleyes: مش هو ده اللى بيحصل اه هو ده اللى بيحصل!! بس انت سالت نفسك هو البرشوط ده جاى منين يعنى مهو عضو اكيد حس بنفس المهانه اللى العضو صاحب الموضوع حاططها..وده ميمنعش ان فى ناس هايفه بتدخل تتكلم فى كلام ملوش لازمه وبالنسبه بقى لموضوع قفل الموضوع حاولو تتفقوا والنبى لان فى موضوعين كده اتقفلو ورجعو اتفتحو تانى مش بيدل ع حاجه الا ان اراء المشرفين متضاربه ......... وياريت يبقى حد يحط موضوع يقلنا فيه صلاحيات المشرفين ..لان كل واحد بيحس انه اتظلم لو اتشاله رد هو مقتنع بيه...او اتقفله موضوع........من غير حتى ميناقشوه فى السبب وانا اكيد مش بتكلم ع موضوع امبارح بتاع الصوره اياها ..لان اجراء اقفله كان قريب من الصواب لغايه محد يدخل يحله بس تلاقى حد يقفل موضوع زى بتاع نوبل اللى بيشتكى فيه..باى حق يتقفل يعنى..هتيجو تقولولى مهو اتفتح تانى ..طب منا عارفه.. مشاكل بتمس الكل !!!!! مش فاهم ازاى يعنى انتى بتحطى مشكله ليكى او شكوى من اى عضو او اى مشرف لزمتها ايه بقى الاعضاء يخشوا ويضيفوا ردود ويتناقشوا على العموم دا رايى وكان مجرد اقتراح ومستنى برضه الرد من الادارة اه طبعا بتمس الكل ..انت فكرك اللى حاطط مشكله هنا مش فاهم ان كل الناس شيفاه .. وغير كده انت لو اخوك اتظلم مش هتروح تقف جنبه سيبنا من الاخويه وجو الافلام العربى القديم ده احيانا انت بيكون عندك نفس المشكله مش كل واحد يروح يحطله موضوع بقى مش شغلانه هى ويا كوماندو انا مقتنعه برايك هو مش غلط بس اللى عاوزه مشكلته متكونش مشاع كان هيبعتها فى مسج لادارى ولا مشرف عادى حتى ومش عارفه ايه حكايه مستنى رد الاداره الموضوع ده يخص الاعضاء الى حد كبير لان احنا اللى هنشتكى LA STELLA 25-08-2008, 12:52 PM بص انا مش موافقة لسبب المفروض لو مشكلة خاصة اوى يعنى يتبعت رسالة خاصة دا لو عشان بدل الفضايح لكنك نسيت ان القسم اسمه " اقتراحات " يعنى ممكن عضو يقترح حاجة ( انا مش بتكلم ع المشاكل ) لازم الكل يشوف الاقتراح دا يؤيدوه او يرفضوه مع ذكر السبب ولما هتتذكر الاسباب هتلاقى اللى بيقترح اقتراح عشان الاقتراح دا يكون افضل ومن خلال الردود الايجابية طبعا الواحد يقدر يتوصل لقرار نهائى واقتراح سليم والوصول للاسلم والاحسن واصلة وجهة نظرى ؟ تقبلوا مرورى :) CoMMaNdo 25-08-2008, 12:56 PM وغير كده انت لو اخوك اتظلم مش هتروح تقف جنبه والله الادارة مش هتظلم حد وهتعرف تجيبله حقه لو اتظلم ومش عارفه ايه حكايه مستنى رد الاداره الموضوع ده يخص الاعضاء الى حد كبير لان احنا اللى هنشتكى كل الحكاية يا بنوتة ان لما موضوع شكوى او مشكله تتعمل تلاقى اعضاء دخلو وقلبو الموضوع خناقه وكل واحد يرد على التانى وتلاقى الموضوع اصلا مفهوش الا مشرف او اتنين الى ردو !!!! مع انه القسم اسمه الركن الادارى CoMMaNdo 25-08-2008, 01:09 PM بص انا مش موافقة لسبب المفروض لو مشكلة خاصة اوى يعنى يتبعت رسالة خاصة دا لو عشان بدل الفضايح لكنك نسيت ان القسم اسمه " اقتراحات " يعنى ممكن عضو يقترح حاجة ( انا مش بتكلم ع المشاكل ) لازم الكل يشوف الاقتراح دا يؤيدوه او يرفضوه مع ذكر السبب ولما هتتذكر الاسباب هتلاقى اللى بيقترح اقتراح عشان الاقتراح دا يكون افضل ومن خلال الردود الايجابية طبعا الواحد يقدر يتوصل لقرار نهائى واقتراح سليم والوصول للاسلم والاحسن واصلة وجهة نظرى ؟ تقبلوا مرورى :) تمام رايك وصل وفهمته وشكرا لاضافتك بس حكاية الرسايل الخاصه دى مش بتنفع انا ببعت رسايل خاصه للمديرين ومفيش حد بيرد ما علينا Cray_Bird91 25-08-2008, 01:15 PM بصراحة من وجهة نظرى لو مشكلة بتقابل الكل يبقى المفروض تتعرض قدام الكل عشان نقدر كلنا نتوصل لحل لكن لو موضوع شخصى وعضو اتضايق من عضو او مشرف فكان من الافضل انه يكون فى رسايل خاصة عشان المشكلة تبقى بينهم بس لكن لو المشكلة زادت عن حدها ومحدش فيهم مش عارف فين الغلط فبيبقى محتاجين حد فى النص عشان يحكم بالعدل سواء مشرف او عضو او حد من الاعضاء بس المشكلة ان بيبقى فى اعضاء بيولعوا الدنيا حريقة والمفروض نحكم بس ونكون متأكدين من الحكم مين الصح ومين الغلط بس.. وربنا يصلح الاحوال:) COoL HEaRT 25-08-2008, 01:28 PM بص انا مش موافقة لسبب المفروض لو مشكلة خاصة اوى يعنى يتبعت رسالة خاصة دا لو عشان بدل الفضايح لكنك نسيت ان القسم اسمه " اقتراحات " يعنى ممكن عضو يقترح حاجة ( انا مش بتكلم ع المشاكل ) لازم الكل يشوف الاقتراح دا يؤيدوه او يرفضوه مع ذكر السبب ولما هتتذكر الاسباب هتلاقى اللى بيقترح اقتراح عشان الاقتراح دا يكون افضل ومن خلال الردود الايجابية طبعا الواحد يقدر يتوصل لقرار نهائى واقتراح سليم والوصول للاسلم والاحسن واصلة وجهة نظرى ؟ تقبلوا مرورى :) والله انتى جبتى من الاخر .. بس انا عندى اقتراح ممكن نسميه مشاكل وحلول هيكون الطف والله الادارة مش هتظلم حد وهتعرف تجيبله حقه لو اتظلم كل الحكاية يا بنوتة ان لما موضوع شكوى او مشكله تتعمل تلاقى اعضاء دخلو وقلبو الموضوع خناقه وكل واحد يرد على التانى وتلاقى الموضوع اصلا مفهوش الا مشرف او اتنين الى ردو !!!! مع انه القسم اسمه الركن الادارى تعرف احلى حاجه ايه ان اللى بيتخانقو هم المشرفين تمام رايك وصل وفهمته وشكرا لاضافتك بس حكاية الرسايل الخاصه دى مش بتنفع انا ببعت رسايل خاصه للمديرين ومفيش حد بيرد ما علينا :D ما علـــــــــــينا LA STELLA 25-08-2008, 01:44 PM تمام رايك وصل وفهمته وشكرا لاضافتك بس حكاية الرسايل الخاصه دى مش بتنفع انا ببعت رسايل خاصه للمديرين ومفيش حد بيرد ما علينا ابعت لمشرف القسم الاول وانتظر دخوله ( اديله فرصة يشوف الرسالة يعنى ) محصلش رد فعل او استجابة ابعت للادارى محصلش بردو رد فعل بعدها بقى المدير واحدة واحدة يعنى وكمان مش تستنى حد يرد ع الرسالة نفسها لا استنى رد فعل او اجراء يتم اتخاذه او تصرف لان دا بيبقى الغرض من الرسالة والله انتى جبتى من الاخر .. بس انا عندى اقتراح ممكن نسميه مشاكل وحلول هيكون الطف لا طبعا ،، الاول الاهم الاقتراح لازم نتعامل مع القسم طبقا للاسم اللى متسمى بيه بس الواقع اننا نسينا ان اسم القسم ( اقتراحات وحلول ) مش مشاكل وتعقيد فبقى فيه مواضيع تتحط بالغلط زى لما حد يحط موضوع مش متناسب مع القسم ======================== ليا كمان وجهة نظر فى بعض المشاكل بلاش نعمل من الحبة قبة كما يُقال ممكن واحد يبص لرد احد الاعضاء هيحسه عنيف او فيه هجوم او تطاول بينما حد تانى هيبص له مش هيشوف فيه كدة وانه وجهة نظر طب ليه لو حد شاكك فى حاجة كدة ،، ميحاولش يتأكد ويقول للعضو دا فى رسالة خاصة - عشان محدش يدخل الموضوع يعنى يقول كلمتين كمان ملهمش لازمة - يقول للعضو دا يقصد ايه بالضبط ويفهمه صح لان مشاكل كتير جداااااااا بتحصل اصلا بسبب سوء الفهم او ان كل واحد مقتنع برأيه وبس معندوش سماحة او صدر رحب لتقبل الرأى الاخر او ع الاقل احترامه محتاجين بس نكون اكبر واعقل من كدة ونبعد عن العصبية والتعصب وتكون عندنا سماحة اكبر ،،،، احترامى للجميع :) bosy .. mostafa 25-08-2008, 02:16 PM اللي عنده مشكله يحلها مع الإداره مش لازم موضوع عالملأ MohammeD el_SadaT 25-08-2008, 02:36 PM أنا من وجهة نظرى المتواضعه إننا كلنا هنه أسره واحده كيان واحد المشكله اللى تمس الفرد أكيد تمس الكل وعشان منقعش فى مشكله مرتين لازم كلنا نشوف المشكله ونعرف أبعاده ونتعلم منها بل لازم نشارك فى حلها كمان وساعات كتير مشكله بتنطرح المطلوب فيها رد الإداره وعضو ممكن يرد ويحلها أفضل منى كإدارى . بس إنتو عارفين إيه المشكله إننا بنكبر الموضوع أوووى وبنديله أبعاد أكبر من حجمه وبننقسم لقسمن إما أن تكون معايا أو عليا مينفعش أكون مجرد طارح رأى لفض النزاع و مبنتقبلش كلام بعض ولا رأى بعض ليه الله وأعلم و أكبر مشكله إن الشخص مننا بيطرح مشكلته وطول ما المشكله قائمه هو موجود إنتو مقصرين إنتو كذا وكذا .... إلخ والأعضاء للأسف حتى لو مش فاهمين بيدخلو يهيصو مع الهيصه و لما المشكله يتم حلها صاحب المشكله مبيدخلش يقول حتى إن المشكله تم حلها ليه مش عارف يعنى لو بصينا للقسم هتحس إن مفيش مشكله إتحلت بجد شىء مخزى لكن أرجع وأقول يمهل ولا يهمل والإنسان مننا كل هدفه رضا الله سبحانه وتعالى والراحه النفسيه لذلك أنا مبشغلش بالى أبداً بمعظم التفاهات الموجوده حالياً فى المنتدى لأن التافه هيجله وقت ويزهق ويسكت لوحده يعنى من الآخر أنا غير موافق على هذا الإقتراح بالرغم من إنى عارف إن له جوانب كتير إيجابيه وهتريحنى جداااااً لكن طبعاً أنا من رأيى إن من الأفضل إن العضو قبل ما يعمل الموضوع يبعت رساله خاصه للمشرف المختص بالقسم ولو لم يستجيب يكون للإدارى مع إبلاغه بتقصير المشرف وإن لم يستجيبو الإتنين من حقك تعمل موضوع على العام مع إرسال رساله للإداره بتقصير المشرف والإدارى وساعتها بقه لو الإداره مجبتلكش حقك سيب المنتدى أحسن ودور على مكان تانى بس ملحوظه صدقونى لو القرار ده إتنفذ والأعضاء مبقوش يشوفو غير مشاكلهم بس معظم المشاكل هتتكتب فى الركن العام عشان الكل يتفرج :D كمان ملحوظه عد ما كتبت ردى للأسف رجعت تانى حررته لما قرأت رد بالصدفه خلانى أتأكد فعلاً إننا فعلاً عمرنا ما هنفهم يعنى إيه إقتراح ويعنى إيه مشكله عمرنا ما هنفهم إمته نقول رأينا وإمته ننقد حاجه كل موضوع وله هدفه ليه دائماً مصممين تدخلو مواضيع فى مواضيع وتنحرفو عن الهدف الأساسى للموضوع و طبعاً الكلام ده اللى متوجهله عارف نفسه كويس :mad::mad::mad: Travel 26-08-2008, 08:31 AM مينفعش هنا علشان بنحب الفضايح انتا كده بتقطع على الناس اللى عايزه تترسم وتزود مشاركاتها وكدبيين الزفه والناس المطبطبتيه وما اكثرهم :rolleyes: كفاية ان القسم مبيظهرش للزوار علشان ميتفرجوش على المنتدى واعضاءه ميزتك انك بتجيب من الاخر وبوضوح بس انا عندى حاجة غريبة انا القسم بيبانلى وانا مش موجودة:D اصل المشكلة اننا بنكون بنتكلم فى موضوع تلقى برشوط نزل فى الموضوع ويقعد بئا على المصطبه ويبتدى الادارة الظالمة الادارة المفترية المشرفين الكفرة حسبى الله ونعمة الوكيل الواحد يقوله حصل ايه يقولك اصل حصل معايا موقف كده مش ظريف مشرف حذفلى رد ومشرف تانى قفلى موضوع بيكرهونى وعايزين يطفشونى :rolleyes: مش هو ده اللى بيحصل غير كده ممكن يكونوا داخلين يهدوا فعلا وفجاة كلمة فى النص تنط ويبقى عامل زى (الكبريتة):D والموضوع يكون بيتكلم فى حاجة يقوم اللى داخل بدل ما يهدى هو كمان يقول اللى عنده ويقول مشتغل دور (الشعلة الاوليمبية):D ويجيب اللى حصله واللى محصلوش ويجيب اللى حصل للجيران لو مش لاقى حاجة يقولها بس برضه فى ناس بتكون داخلة نهدى بجد:) |