السلام عليكم انا طالب فى ثالثة ثانوى وانا جبت فى ثانية مجموع حلو بس ثالثة طبعا شىء ثانى وبتواجهنى عقد كثيرة وافكار سلبية مثلا عندما لا استطيع حل مسالة فيزياء اقول لنفسى انا فاشل صعب ادخل طب وعندما انسى شىء هكذا ارجو المساعدة ممن جرب هذا ++++ هل اراجع دروسى بالورقة والقلم ام شفويا مثلا الاحياء مراجعتها تستغرق وقت طويل بالكتابة مع العلم انى متعود اراجع بالكتابة لكن اقترح على احد اصدقائى المتفوقين ان اراجع شفوى وانه يتبع هذه الطريقة ارجو المساعدة واسف لو تقلت عليكم

فين اعضاء الموقع

اولا سيبك من تانيه لانها كوم و تالته دى كوم تانى خالص
ثانيا ... انت لو قعدن تقول انا فاشل استحاله و بتاع
هتبقي فاشل فعليا حتى لو انت شاطر .. بلاش الكلام السلبي ده
حمس نفسك بكلمه بهدف .. الكلام السلبي ده هيرجعك ورا
انت حلمت بالحلم ده عشان انت قادر تحققه .. لو مكنتش قده .. مكنتش هتخلم بيه !
الفيزيا بتيجى بالحل الكتير الدورى
مفيش حد بيتيجى معاه الشطاره فيها من اول مره .. هو انت لما اكنت بتتعلم المشي ..
مشيت علطول ؟؟
ثالثا طريقه المذاكره ده بتختلف .. زى ما بيقولوا كده كل شيخ وليه طريقته
ذاكر بالطريقه اللى تناسبك
و بالتوفيق ان شاء الله

ممكن تعطينى حسابك على الفيس محتاج مساعدة

راجع بدماغك مش بالورقة والقلم
هاتنجز اسرع بككتير

سيبك من الكلام السلبي اللي بتقوله لنفسك دا عشان ممكن يوصلك لمرحلة متعرفش تحل فيها خالص حتى لو مسائل سهلة
مثلا لو مش عارف تحل مسألة بدل ماتقول "انا فاشل" قول "المسألة دي فيها فكرة جديدة هعرفها عشان اعرف احل المسائل اللي زيها"
...
بالنسبة الورقة والقلم دا اكتشفت وانا في الثانوية زيك كدا انه تضييع وقت ع الفاضي
انا رأيي تراجع شفوي أحسنلك عشان تنجز وتكون حافظ مكان المعلومة في الكتاب بالظبط ودي احسن طريقة تفتكر بيها وانت بتمتحن(انك تكون حافظ شكل الصفحة ومكان المعلومة فيها)
أما لو راجعت بالورقة والقلم مكان المعلومة هيتشتت