مشاهدة النسخة كاملة : احنا كدا نايـــميـــــن
Tawfeek Yahia 25-08-2008, 01:36 PM بسم الله الرحمن الرحيم
انا جاي انبهكم بس ان احنا الكليه الوحيده اللي مفيش فيها مشاركات او مواضيع جديده
في قسم الجامعات المصريه ...لا يا جماعه اي حد عنده اي معلومه هتفيدنا يقولها ....دا
احنا معروفين بالجديد ;) وانا عن نفسي بجمع دلوقتي معلومات عن كليتنا في المنصوره
ووصلت لحاجات جديده وهقولها كلها مره واحده ....وربنا يوفقنا جميعاااا:)
توفيـــــــق يحيــــــــــــــــــي ............حاسبات ومعلومـــــــــــــــات المنصــــــوره
LA STELLA 25-08-2008, 02:35 PM http://i194.photobucket.com/albums/z106/upload_bramjnet/anime/448935sh25swr7ww.gif
جميل جدا بصراحة ان الواحد يدخل القسم يلاقى الحريصين عليه وعلى نشاطه
وجميلة جدا الحماسة والهمة دى
http://i194.photobucket.com/albums/z106/upload_bramjnet/anime/371908aqm01okjbs.gif
ياريت فعلا اى حد عنده جديد يقوله
او حتى يفتح ساحة للنقاش والافادة
***********
طبعا احنا عاوزين الشغل اللى ع اصوله ان شاء الله يزيد فى الدراسة ;)
وخصوصا ان احنا فرصتنا اكبر للنشاط فى الدراسة
لاختلاف مواد الكلية والاقسام والاسلوب من جامعة لجامعة
فبالتالى كل واحد هيكون عنده جديد للتانى ان شاء الله
ويقول ايه النظام عنده بعد اما دخل فى مود الدراسة بجد
http://www.prameg.com/zakhref/fawasel/875.gif
وانا عن نفسي بجمع دلوقتي معلومات عن كليتنا في المنصوره
ووصلت لحاجات جديده وهقولها كلها مره واحده .
ونحن فى الانتظار # . # . # .
http://i194.photobucket.com/albums/z106/upload_bramjnet/anime/189808ta3ean2m9r.gif
.وربنا يوفقنا جميعاااا:)
إن شاء الله :)
http://i194.photobucket.com/albums/z106/upload_bramjnet/anime/328600zckdkn4chr.gif
msamido 25-08-2008, 04:38 PM انا طبعا معنديش مواضيع اضيفها هنا ليكم لانى خلصت الكلية من سنتين
بس ممكن اضيف مواضيع بقى بتناقش المواد الدراسية نفسها
لو حبيتوا ياريت بس تجيبوا اسم المادة أو لو عندكم أى اسئلة فى أى مواد ان شاء الله أقدر اجاوب عليها
.
.
Tawfeek Yahia 25-08-2008, 05:20 PM بسم الله الرحمن الرحيم
شكرا لكم يا جماعه علي تفاعلكم وانكم عايزين تضيفوا حاجه وربنا يهدي بقية الناس
ويشاركوا ...وانا دلوقتي وصلت لان عندنا في المنصوره في محاضره بتتعمل كل سنه ما بين
الكشف الطبي وما بين بداية الدراسه بتكون مع عميد الكليه (عندنا احنا عميده )وبتكون
يعني تعارف وبعدين لو حد عنده سؤال وبعدين هي بتتكلم بقي عن الكليه ككل والاقسام
وكل حاجه لكن في ناس من الدفعات السابقه قالوا ان ممكن المحاضره دي متتعملش السنه دي ...مش عارف ليه ؟(يمكن احنا نحس ولا حاجه :() ...المهم ان ممكن يكون
الكلام دا موجود في مصر كلها فلو حضرنا طبعا هتكون حاجه مفيده
والبقيه تــــــــــأتي في القريــــــــــــــب العاجــــــــــــل
nonog 25-08-2008, 11:01 PM جميل جدا ونرجو من الجميع المشاركات الجادة المفيدة
وانا عن نفسى بدور على اى معلومات تفيدنا مش ساكته والله
LA STELLA 26-08-2008, 03:59 PM طيب بصوا يا جماعة
بما ان كليتنا جديدة
ففيه ناس ميعرفوهاش
ومعندهمش خلفية عنها
مع العلم انها من وجهة نظر الناس اللى بتحب المناظر كلية قمة
يعنى مكانتها مش قليل ابدا
واعتقد اننا هنا اغلبنا كاتبها رغبة اولى كمان ورمى هندسة بعدها
عاوزين بقى نتعاون ان شاء الله
ونوضح يعنى ايه حاسبات ومعلومات
خصوصا انها ظهرت مع انتشار المعاهد والجامعات الخاصة
خصوصا المعهد العالى لنظم المعلومات اللى هتلاقيه فى كل جامعة خاصة
بس اللى هو فى الخاص اصلا بياخد من ادبى
طبعا يمكن احنا مش عندنا القدرة اوى ع التوضيح رغم اننا فاهمين لاننا مش درسنا المواد كاملة وكدة يعنى
بس اللى يقدر يساهم يساهم بجد فى التعريف بكليتنا
عاوزة اعرف ارائكم
واذا اجمعتم ع الموافقة ايه رأيكم نعمل حملة للتعريف بالكلية التعريف الصح ؟؟؟
منتظرة ارائكم وافكاركم ان شاء الله
:)
Tawfeek Yahia 26-08-2008, 06:14 PM اه ...فكره حلوه اوووي يا هابي و أنا كنت بفكر في الموضوع دا من زمان بس كنت فاكر اللي
حواليا هما بس اللي كدا ..كل ما حديعرف اني دخلت حاسبات ومعلومات تسمع بقي
الكلام اللي انا بتغاظ منه (وملحقش هندسه ؟ -مش دي اللي ب4000 في السنه ---مش
دي اللي جوا كلية تجاره ؟) الناس مش عارفه حاجه وفي الاخر لما افهمه الموضوع يقولي
(اه بس هي كويسه اووي علي فكره )وهو لسه مكنش عارف هي ايه :D؟؟؟!!!
المهم ---حاسبات ومعلومات يا جماعه بتخرج مهندسين برمجـــــة كمبيوتر وفي مجالات
مختلفه يعني من الاخر جزء كبير من شغلهم صنع البرامج الحاسوبيه واللي بتفيد الشركات
والمصانع وبتدفع عليها مباااااالغ -----وهي اقرب ما يكون لعالم الكمبيوتر والشبكات ودا هو
المستقبل باذن الله لان كلو دلوقتي بيتقدم في المجال دا .......ويا ريت تكون الناس عرفت
ايه هي حاسبات ومعلومات --- شكراا:)
LA STELLA 26-08-2008, 10:41 PM اه واللى سألنى مرة ،، فبيقول لى دا معهد دا ولا ايه !!!!!!!!!!!!؟
ويا ريت تكون الناس عرفت
ايه هي حاسبات ومعلومات
لا لسة :D
--------
ها موافقة يعنى ولا اييييييييه !!.؟
لو اتجمعنا مجموعة كبيرة وحلوة كدة نبقى نعمل موضوع جديد للتعريف بالكلية احسن
والله يا جماعة انا الي حصل اني بمر بظروف فعلا مش تكاسل مني ولا حاجة ربنا وحده يعلم بظروفي وانا مشغولة اد ايه والوضع ملخبط شوية عندي ... ان شاء الله هبدأ ازود نشاطي ولو قبل الدراسة بفترة ربسيطة عشرة ايام او كدا ولو قدرت قبل كدا مش هتأخر ابداً .. دعواتكم... حاولوا بقى تصحوا قبل ما آجي عاوزة آجي الاقيكم فايقين ... ربنا معانا جميعا
واحـد من النــاس 27-08-2008, 06:49 AM خصوصا المعهد العالى لنظم المعلومات اللى هتلاقيه فى كل جامعة خاصة
بس اللى هو فى الخاص اصلا بياخد من ادبى
المعاهد الخاصة للحاسبات وتكنولوجيا المعلومات او نظم المعلومات بيبقى فيها
ــ شعبة نظم معلومات ( وده بياخد من علمي وأدبي )
ــ شعبة إدارة ومحاسبة ( بردو علمي وأدبي )
ــ شعبة علوم الحاسب ( حاسبات ومعلومات ) وده بياخد طلبة علمي رياضة فقط
يعني حاسبات في المعاهد الخاصة مش بتاخد من أدبي ولا حاجة
Tawfeek Yahia 27-08-2008, 09:58 AM جميل يا جماعه المشاركات دي جدااا ...وربنا يعديكي من الظروف دي يا همس
علي خير ان شاء الله ....وجزاكم الله كل خييير .......ولسه مستنيين الجديد
LA STELLA 27-08-2008, 03:53 PM ــ شعبة نظم معلومات ( وده بياخد من علمي وأدبي )
ــ شعبة إدارة ومحاسبة ( بردو علمي وأدبي )
الشعبتين اللى انت قلتهم دول بياخدوا من ادبى
هما دول بقى اللى عملوا كل اللخبطة دى
وبيخلى ناس كتير تعتقد اننا معهد
وفيه اللى متخرجين من الشعبتين دول
ويسألوه انت خريج ايه
يقول لهم حاسبات :d
او نظم معلومات
فالامر بيختلط ع الناس اللى مش عارفة طبعا
،،
الاسطورة 29-08-2008, 03:10 PM فعلآ يا جماعة كل واحد خريج جامعة خاصة لازم يوضح لما يتسأل
علشان ما يتساواش بينا
يعنى يكون جايب 70% لا وادبى كمان ويقول انا خريج حاسبات
حاجة مش ظريفة خالص
Tawfeek Yahia 29-08-2008, 07:11 PM الموضوع مش انه يتساوي بينا او غير كدا بس ببساطه ان الناس مبتعترفش بالمعاهد الخاصه وبيفتكروا ان
حاسبات ومعلومات دي خاصه واي كلام في الهوا
LA STELLA 30-08-2008, 01:49 PM المشكلة فى بتوع حاسبات ومعلومات الجامعات الخاصة
ــ شعبة نظم معلومات ( وده بياخد من علمي وأدبي )
ــ شعبة إدارة ومحاسبة ( بردو علمي وأدبي )
ــ شعبة علوم الحاسب ( حاسبات ومعلومات ) وده بياخد طلبة علمي رياضة فقط
المشكلة هنا فى شعبة نظم المعلومات فى الجامعات الخاصة
اللى بتاخد من ادبى
يعنى فى الاولى مش الاخيرة
لان ليا معارف خريجين شعبة نظم ومعلومات
اللى اتقال : انا خريجة حاسبات - خاصة
بس
وناس بدأت منهم تقول لى هاخد ايه :d
طبعا مكنتش فاهمة حاجة وبقول ايه التفاهة اللى هناخدها دى
بس اللى عرفته منهم صدفة
انها كانت ادبى
فهمت ساعتها انها مش علوم حاسب اصلا :d
مش عاوزين احنا كمان نلخبط الامور زيهم بقى ،،
yarab_engineering 07-09-2008, 11:07 PM انا سمعت ان فيه مدرسين حاسب آلى اللى بيشتغلوا بالعقود فيه ناس منهم خريجين حاسبات ومعلومات هل الكلام ده صحيح انا لسه داخله سنه أولى جامعة المنصوره ومش عارفه حاجه والحكايه دى قلقتنى وزعلتنى ممكن حد يرد
ahmed abobakr 07-09-2008, 11:23 PM اول مرة اسمع حكاية ان مدرس الحاسب الالى خريج حاسبات ومعلومات . يا جماعة كليتنا اكبر من كده بكتير وعاوزة ناس جامدة فى الفهم . اى دخل مدرس الحاسب الالى فى السوفت وير بس . هوا ده الفرق بينها وبين هندسة قسم حاسبات بيدرسوا هاردوير . وانا مش محتاج هاردوير فى حاجة لأنى متقنه جدا . وانا حبيتها عشان هتعلم حاجة جديدة .سبكم من كلام الناس ده وارضوا بالنصيب . وحب الكلية عشان تنجح وتجيب تقدير كويس وتشتغل .
LA STELLA 08-09-2008, 12:40 AM مدرسين ؟؟
ليه هى الكلية بقالهاكام سنة ؟
معروف اصلا ان خريج حاسبات مش بيقعد فى البيت اول ما يتخرج اصلا
غير يعنى لو هتلاحظى حاجة
مدرسين الكمبيوتر اللى فى المدارس بتاعتنا مثلا مشفتش واحد فيهم فى الكمبيوتر اصلا
كفاية يعنى انهم بيجيبوا مهندسين كمبيوتر عشان يسطبوا لهم ويندوز
وكنت بستغرب ازاى بتوع كمبيوتر ومش عارفين يسطبوا ويندوز او برنامج !!!!
بصراحة اول مرة اسمع الكلام اللى حضرتك قلته
LA STELLA 08-09-2008, 02:23 AM برمجة الكمبيوتر والهندسة بتاعة الكمبيوتر .. مفتوحة لأي حد انه يتعلمها .. مش مقتصر المجال عليكوا بس
======================
ع فكرة حاسبات غير هندسة كمبيوتر تماما ،،
دى حاجة ودى حاجة بردو
LA STELLA 08-09-2008, 04:26 AM لا محدش بيتحايل ع حد
بس الكلية فرصتها احسن بالنسبة لكليات كتير
زى ما صيدلة بقت فرصتها احسن فى مرتب ووظيفة احسن من طب دلوقتى
وهكذا
كله لازم يطور نفسه بنفسه
وكان Msamido
وهو خريج من حاسبات قال لنا فى موضوع تانى
اننا لازم نهتم بالتدريب والعملى جامد ونطور نفسنا فى الاجازة كمان
--------------
وبطل احباط فى العيال :D
كفاية عمال بتحبط فى تجارة فى الركن اللى جمبينا
احنا هنا عارفين اننا يا هنحول يا هندبلر هههههههه ،
واحـد من النــاس 08-09-2008, 05:06 AM ياااااااااااا حابي حرام عليكي ..
محسساني ان الشركات بقت تبوس ايد المتخرجين عشان يروحوا يشتغلوا عندهم !
انت صعب اوي على فكرة :d
كلامك صح ايوه ممكن تاخد كورسات وتبقى ممتاز بس فيه كورسات محدش بياخدها غير خريج حاسبات
وفيه شركات بتطلب ( خريجي حاسبات )
بس لو انت واخد كورسات كويس وخبرة يعني والشركة اللي قدمت فيها لقيتك كفاءة اكيد هتقبلك محدش قالك انها هتفضل واحد خريج حاسبات تقديره مقبول او تقديره كويس بس وحش عمليا واكتفى بشهادة الجامعة بس
يعني اهم حاجة الكفاءة وخصوصا لو انت معلم نفسك بنفسك من غير شهادة يبقى لازم تكون خبرة والسي في بتاعك فيه ما يدل ع الخبرة دي
كمان فيه حاجة خريج حاسبات بيدرب في شركات ودي بتديله خبرة وشهادة
واخيرا .. الأرزاق بيد الله
:)
Tawfeek Yahia 08-09-2008, 11:19 AM يا جماعه لازم ططبعا تكون متميز في المجال دا لان المجال مفتوووح اوووووي ...انا شفت بعيني واخد خريج حقووووق وبينافس
ناس مخلصه حاسبات لأنه قرأ كتييير واخد كورسات ودورات كتييير واشتغل عملي ..بس معلش برضه بيجي عند حاجات معينه
ولازم يفرمل .................حاسبات هي حاسبات برضه
ahmed abobakr 08-09-2008, 04:14 PM ياااااااااااا حابي حرام عليكي ..
محسساني ان الشركات بقت تبوس ايد المتخرجين عشان يروحوا يشتغلوا عندهم !
انت مين قالك اننا عاوزين الشغل دلوقت .. احنا عاوزين الشهادة الاول والشغل ده فى علم الغيب اللى ربنا كاتبه من الاخر ......
LA STELLA 08-09-2008, 10:30 PM بص يا فامباير
احنا مش هنجيب لك كلامنا احنا كطلبة
احنا هنجيب كلام ناس متخرجة احسن :)
ودا اقتباس للعضو Msamido
فعلا يا جماعه انا كواحدخريج حاسبات اقدر اقولكم بجد انتم مستنيكم مستقبل متميز لان احنا مجالنا كويس جدا وفى تطور فى مصر فى مجالنا بس علشان تلاقوا المستقبل ده بعد الكلية ان شاء الله لازم تعملوا حاجه مهمة أوى فى الكلية نصيحة اوعو تهتمو بالنظرى والتقديرات على حساب العملى واهم حاجه عملية فى مجالنا البرمجة بكل اتجاهاتها
وربنا يوفقكم جميعا ان شاء الله
.
.
واحـد من النــاس 09-09-2008, 05:20 AM اشتغل بقي msamido ؟!
امانه عليكي لو اشتغل تقوليلي شغال فين .. والكاشات اللي بيقبضها كام !!
انت فعلا غريب
قولت لحضرتك قبل كده دي ارزاق وطالما انت عملت اللي عليك يبقى ان شاء الله ربنا هيرزقك
مساميدو مش هو الفيصل .. وبعدين ينفع نسأله انت بتقبض كام عشان تأكدلنا ان الكلية حلوة .. هيقولنا انا غلطان ما تدخلوهاش دي كلية بنت ......
وقولت قبل كده بردو الفيصل هو الكفاءة والتميز في اي مجال كان, لو انت متميز فيه هتشتغل ان شاء الله, لو مش مهتم مش هتلاقي
اخيرا .. انت من صيغة سؤالك شكلك فاكر ان مفيش اي حد خريج حاسبات هيشتغل .. يا ترى ايه السبب في التفكير ده ؟!!
الاسطورة 09-09-2008, 03:54 PM تم حذف جميع مشاركات vampire1188 من الموضوع
وباوجه ليه كلمة
حضرتك اللى بتتكلم فيه ده مش يخصك
اتفضل روح شارك فى قسم كلية التجارة(لان مشرفةالقسم قالتهالك بشياكة وانت ما فهمتش او طنشت)
كلام نهائى واى مشاركة لحضرتك هنا تانى غير مقبولة
وانا اسف يا مبرمجين المستقبل على اللى حصل
اتفضلوا كملوا مناقشة براحتكم
Tawfeek Yahia 09-09-2008, 05:37 PM ههههههههه ....دايما يا ابني والله بتخلص في اي موضوع ...انا كنت عايز اتكلم بس كنت فاكر الناس قابله كلامه ..شكرا يا مودي
ahmed abobakr 09-09-2008, 05:49 PM انا قولتله يمشى بس المشرف شال الكلمتين من المشاركة بس الحمد لله ... غمه وانزاحت ....
s_subzero 14-09-2008, 04:47 PM :d:d:dبسم الله الرحمن الرحيم:d:d:d
انا حاسس ان الحوار اتقلب زي كدة ان كل واحد يسمع كلمة يروح رادد علي صاحبها اعتقد ان ده اسلوب خطأ في الحوار وبما انكم اعضاء وزوار مبجلين ارجو منكم التعاون كما اقترحت hkk-happy في التفاعل فيما بيننا ليبرز كل منا ما عنده وهذا من خلال الدراسة والعملي وبالتالي نصل جميعا للقمة. ونستفييد جميعا.
وهذا مجرد رأي:d:d:d:d:d:d:d
ولكم جزيل الشكر
s_subzero 14-09-2008, 04:49 PM :d:d:dبسم الله الرحمن الرحيم:d:d:d
انا حاسس ان الحوار اتقلب زي كدة ان كل واحد يسمع كلمة يروح رادد علي صاحبها اعتقد ان ده اسلوب خطأ في الحوار وبما انكم اعضاء وزوار مبجلين ارجو منكم التعاون كما اقترحت hkk-happy وأنا بالتأكيد هذا الأقتراح الخيالي الجميل لكي نصل جميعا الي ما نسعي اليه..
وهذا مجرد رأي:d:d:d:d:d:d:d
ولكم جزيل الشكر
s_subzero 14-09-2008, 04:51 PM :d:d:dبسم الله الرحمن الرحيم:d:d:d
انا حاسس ان الحوار اتقلب زي كدة ان كل واحد يسمع كلمة يروح رادد علي صاحبها اعتقد ان ده اسلوب خطأ في الحوار وبما انكم اعضاء وزوار مبجلين ارجو منكم التعاون كما اقترحت hkk-happy وأنا بالتأكيد أؤيد هذا الأقتراح الخيالي الجميل لكي نصل جميعا الي ما نسعي اليه..
وهذا مجرد رأي:d:d:d:d:d:d:d
ولكم جزيل الشكر
CoMMaNdo 14-09-2008, 09:50 PM تم حذف جميع مشاركات vampire1188 من الموضوع
وباوجه ليه كلمة
حضرتك اللى بتتكلم فيه ده مش يخصك
اتفضل روح شارك فى قسم كلية التجارة(لان مشرفةالقسم قالتهالك بشياكة وانت ما فهمتش او طنشت)
كلام نهائى واى مشاركة لحضرتك هنا تانى غير مقبولة
وانا اسف يا مبرمجين المستقبل على اللى حصل
اتفضلوا كملوا مناقشة براحتكم
ونعم الاشراف
|