(((___القدر,والعقل بين التخيير والاجبار___))) [الأرشيف]

مشاهدة النسخة كاملة : (((___القدر,والعقل بين التخيير والاجبار___)))

dr.saeed

25-08-2008, 02:01 PM

السلام عليكم ورحمة الله وبركاته
اولا ازيكم عاملين ايه
يارب دايما تكونوا كلكم بخير
الموضوع بأذن الله هانتكلم فيه عن حاجة مهمة جدا بالنسبة للجميع
مسلمين وغير مسلمين
وهو موضوع
(القدر والنصيب))
وهل عقل الانسان مخير فى الاديان ام لا
اولا لتوضيح معنى كتابة تاريخ عمرك بالكامل فى اللوح المحفوظ احب اوضح بمثالين سمعتهم من شيخ وفعلا هم الاقرب للتوضيح
الاول
لو واحد بيبص لمرايه
وهو لونه اسمر
اكيد هايشوف لونه فى الصورة اسمر
ولو لونه ابيض
بردة هايظهر فى المراية ان لونه ابيض
وكل ما زادت لمعان المراية كل ما زادت الصورة وضوحا
طب المثال دة لايه؟
المثال ان الله هو الذى خلقك
وهو الاعلم بك
بل يعلم ما فى نفسك ما فى قلبك وما فى عقلك اكثر منك انت
لذلك ما تم كتابته فى اللوح المحفوظ (نصيبك وقدرك)
كان على اساس صفاتك وتفكيرك وقلبك وكل شىء فيك
وهذا لا يعلمه الا الله وحده
المثال الثانى
دلوقتى واحد راح لمدرس
ساله ابنى عامل معاك ايه؟
قاله صراحة ابنك دة متفوق جدا وهايدخل كلية محترمة بأذن الله
واحد تانى راح لنفس المدرس
ابنى عامل ايه؟
قاله صراحة ابنك ولا بيعرف حاجة وانا بحذرك من دلوقتى انه هايسقط
وفعلا
الاول دخل الكلية الى اتمناها
والتانى سقط زى ما المدرس قال
طب المدرس هل اجبرهم على ذلك؟
بالطبع لا
طب هو اصلا عرف منين؟
عرف لانه من خبرته فى مجال التدريس يقدر يقول دة يعمل ايه ودة يعمل ايه

الامثلة السابقة للتوضيح وليس للتشبيه

نيج بقى لكلامنا الاساسى
دلوقتى مثلا واحد بقول عاوز كلية الطب
ذاكر كتير اة بس مذاكرة غلط
دخل كلية اقل شوية
يقول نصيبى كدة اعمل ايه يعنى؟
فعلا نصيبك كدة
بس ربنا كتب ان دة نصيبك لان ربنا يعلم ما سيكون
وعالم انك هاتذاكر ازاى وهاتجتهد ازاى
طب حاجة تانية
ممكن واحد يكون ذاكر كتير فعلا
بس بردة مش دخل الكلية الى عاوزها
دة فعلا بردة بيكون نصيب
ولكن بردة مش اجبار على الفرد
دة بيحصل لان ربنا يعلم ما سيكون
لذلك انت مثلا دخلت هذة الكلية عشان تنجح فيها
او عشان هى الافضل ليك
لذلك زى ما ديننا علمنا
ان القدر فعلا مكتوب من قبل بداية الخلق
ولكن الله ليس بظلام للعبيد
ولا يعنى ذلك ايضا ان الانسان غير مخير فى حياته
بل ان عقلك بالفعل يختار ويفعل
ولكن الله يعلم امكانيات عقلك لذلك فالله ايضا يعلم ما ستفعله انت من قبل ان تفعله
لذلك كتب الله لك فى اللوح المحفوظ من قبل بداية الخلق
هذا ستفعله
وهذا لن تفعله

اتمنى اكون اوضحت

وحاجة تانية
لما ناقشنا يا جماعة مقولة ربنا عرفوه بالعقل
كان رفض الشيوخ ليها انها مش تصلح اننا نقولها على ربنا
لان الله سبحانه تعالى عرفناه بالدين والرسل والانبياء
وطبعا لما حد فينا بيقول كلمة ربنا
كلنا بنبقى عارفين انه قصده على الله
اما لو الواحد يعنى قصده ان العقل توصل ان اكيد لهذا الكون الكبير اله
ولكن العقل لم يحدد (الذات الالهية)
فلكل امرؤ ما نوى

كدة الموضوع انتهى والحمد لله

ولو فيه اى نقاش ان شاء الله نناقش بقدر المستطاع
حتى وان كان معارض
وزى ما بنقول دايما
كل يؤخذ منه ويرد الا صاحب هذا القبر
صلى الله عليه وسلم
وما كان من توفيق فمن الله وحده
وما كان من خطأ او سهو فمنى ومن الشيطان

فى امان الله

bosy .. mostafa

25-08-2008, 02:10 PM

بسم الله الرحمن الرحيم

وَ عَسَى أَنّ تَكّرَهُوُا شَيّئَاً وَ هُوَ خَيّرٌ لَكُّم وَ عَسى أَنّ تُحِبُّوا شَيّئَاًً وَ هُوَ شَرَاً لَكُّم

كعادتك دايماً مميز
و اعتقد ان الإنسان مش مجبر على اللي بيعمله
و لو حصل له حاجه مش عايزها .. بيكون متضايق في الأول
بس الأيام بتعرفه ادام ان اللي حصل له ده كان في مصلحته و ربنا بيعوضه كتير
شكراً ليك يا دكتور على الموضوع الجميل ده

dr.saeed

25-08-2008, 02:15 PM

Dr.Nobel

25-08-2008, 02:22 PM

موضوع جميل جدا ياسعيد

وحقيقي عمرى ماحسيت انى اكون مجبر

وانى نا اللي بختار اللي بعمله

ولو حصلت حاجة مش باختياري باتاكد انها بفايدة ليا هعرفها في وقتها

شكرا ليك يادكتورنا علي الموضوع

CoMMaNdo

25-08-2008, 02:24 PM

الاول انا بحييك ياسعيد على موضوعك
وموضوعاتك كلها بتناقش مواضيع مهمه
وجزاك الله كل خيراً

هوا القدر دا مش جبر ولا حاجه
هوا القدر معناه ان ربنا عارف انك هتعمل الحاجه دى فى الوقت دا

و نشوف حديث الرسول

قال رسول الله صلى الله عليه وسلم"عجبا لأمر المؤمن،إن أمره كله له خير،وليس ذلك لأحد إلا المؤمن،إن أصابته سراء شكر،فكان خيرا له،و إن أصابته ضراء صبر فكان خيرا له "

يعنى الى اجتهد وذاكر دا ومدخلش برضه الكلية الى عايزها
يمكن يكون ربنا مديله فرصه افضل فى كلية تانيه و حياه جديده وكلها خير

عاشقـــ الانمى ـــة

25-08-2008, 02:31 PM

أولا بجد يا دكتور شكرا ليك على موضوعك الرائع دا
بتناقش امر مهم اوى
القضاء والقدر
حاجات مقدرة ومكتوبة لينا من قبل منخلق
واحنا ملناش حق الاعتراض عليها
لان ربنا هو ال خلقنا وهو اعلم بمصيرنا وحياتنا
بس دا مش معناه اننا نقول وانا اجتهد ليه دا ال ربنا كاتبهولى هو ال هيحصل
دا مفهوم غلط
لازم يكون فيه اجتهاد مننا
عشان نوصل للهدف
مش نفضل ساكتين ونقول دا ال ربنا كاتبهولنا هو ال هيحصل
دا مفهوم غلط
ومعظم الناس ال ايمانها ضعيف بتقع فى الأمر دا

MohammeD el_SadaT

25-08-2008, 02:42 PM

طبعاً يا سعيد
أنا مش قادر أرد لأنى بصراحه مقتنع بكل كلمهه فى الموضوع
لكن مشكلتى فى الموضوع ده بالذات
إن فاهمه
لكن للأسف مبقدرش أشرحه أو أفهمه لحد لما أجى أتكلم
حتى إحنا درسناه فى الفلسفه
قعد إسبوع كامل
أحاول أشوف لو السؤال ده جالى فى الإمتحان هحله إزاى أنا فاهمه ومقتنع به بس مش قادر أعبر عنه
بس بجد
طريقتك فى تبسيطه وشرحه جميله

بارك الله لنا فيك

Cray_Bird91

25-08-2008, 03:00 PM

يقول الرسول صلى الله عليه وسلم يوما لابن عباس" : { يـا غـلام ! إني أعـلمك كــلمات: احـفـظ الله يـحـفـظـك، احـفـظ الله تجده تجاهـك، إذا سـألت فـاسأل الله، وإذا اسـتعـنت فـاسـتـعـن بالله، واعـلم أن الأمـة لـو اجـتمـعـت عـلى أن يـنـفـعـوك بشيء لم يـنـفـعـوك إلا بشيء قـد كـتـبـه الله لك، وإن اجتمعـوا عـلى أن يـضـروك بشيء لـم يـضـروك إلا بشيء قـد كـتـبـه الله عـلـيـك؛ رفـعـت الأقــلام، وجـفـت الـصـحـف

موضوع جميل جدا

مهما كان اللى حصل او اللى حيحصل فالقدر مكتوب

جزاك الله خيرا

dr.saeed

25-08-2008, 03:34 PM

موضوع جميل جدا ياسعيد

وحقيقي عمرى ماحسيت انى اكون مجبر

وانى نا اللي بختار اللي بعمله

ولو حصلت حاجة مش باختياري باتاكد انها بفايدة ليا هعرفها في وقتها

شكرا ليك يادكتورنا علي الموضوع

العفو يا نبيل
وجزاك الله خيرا على مرورك الطيب
فى امان الله

dr.saeed

25-08-2008, 03:36 PM

dr.saeed

25-08-2008, 03:38 PM

dr.saeed

25-08-2008, 03:40 PM

dr.saeed

25-08-2008, 03:43 PM

biob

25-08-2008, 04:02 PM

مظبوط يا دوك
على فكره انا السنه دى ايام الامتحانات كنت ياءس فى انى ادخل كليه محترمه
وسالت اخويا محمد هو ايه لازمه الدعا اذا كان ربنا كتبلى الكليه من زمان
الحمد لله اسئلتى دى اخويا ما بيقوليش فيها انت كافر وما تسألش
بيجاوبنى بمنتهى العقل
وفهمنى الموضوع كويس
وان ممكن دعاك ده ربنا يمنع بيه حاجه وحشه عنك
عموما شكرا يا دكتور على الموضوع
ودايما فى المقدمه

فى امان الله

منى ذكى

25-08-2008, 04:04 PM

dr.saeed

25-08-2008, 04:06 PM

dr.saeed

25-08-2008, 04:10 PM

النقطة دى كانت بتشغل تفكيرى جامد جدا وكنت كل ما اجى افكر اقول طب ما المسيحى مكتوب ليه انه يكون كدا هيعمل ايه يعنى هيغير اللى مكتوب ليه......لكن حضرتك الحمد لله وضحتلى الموضوع ده تمام وشكرا على الموضوع الرائع

بس كنت عايزة اسأل حضرتك سؤال؟؟؟ كنت سمعت قبل كدا ان الدعاء لحد بالعمر الطويل ممكن يطول عمره بجد ويأخر موته هل ده صح ولا اللى انا سمعته غلط؟

الحمد لله والشكر لله انى قدرت اوضح ليكى الفكرة بتاعتالموضوع
والعفو يا اختى
اما موضوع الاجابة على سؤالك
طول العمر بيكون بالبركة فيه
بمعنى مثلا
انتى ممكن تحسى ان الوقت بيعدى بسرعة جدا
ومش بتستفادى حاجة
ولما تسالى حد يقولك اصل ماعتشى فيه بركة فى الوقت
طبعا العمر بيحدد للانسان
بس فيه واحد ربنا بيبارك فى عمره فبيحس انه طويل
وواحد تانى يعيش نفس السن ويحس ان عمره قصير جدا
يعنى طول العمر بيكون بالبركة في عمره
وموضوع طول العمر ذكر فى حديث مش فاكره اوى وهاجيبه قريب
وساعتها العماء علققوا على الحديثان طول العمر بيكون بالبركة فى العمر
دة خلاصة موضوع طول العمر
انما مش معناه ان ربنا يكتبله مثلا 80 سنة يبقى 90 سنة
لو لسة فيه حاجة تانية او الفكرة مش وصلت اوى انا موجود
وشكرا على مرورك المهم
فى امان الله

منى ذكى

25-08-2008, 04:15 PM

يبقا كدا معلومتى كانت غلط لانى سمعتها بنفس الجزء التانى ده مش موضوع البركة فى الوقت شكرا مرة تانية على التوضيح.

dr.saeed

25-08-2008, 04:21 PM

يبقا كدا معلومتى كانت غلط لانى سمعتها بنفس الجزء التانى ده مش موضوع البركة فى الوقت شكرا مرة تانية على التوضيح
ما الحديث ذكر الاطالة فى العمر
وزى ما قلتلك العلماء قالوا لا تعارض بين القدر وهذا الحديث
اذن المقصود بيه البركة فى الوقت
وجزاكى الله خيرا على المرور المفيد

بنت ازهريه

25-08-2008, 04:27 PM

الموضوع ده مهم اوى ومهم اكتر اننا نامن بيه لان سيدنا جبريل لما سال الرسول صلى الله عليه وسلم عن الايمان جاوبه الرسول الايمان ان تؤمن بالله وملائكته وكتبه ورسله وان تؤمن بالقضاء خيره وشره
بس طبعا ربنا مش بيقول اننا لو حصل حاجه نقول مقدر ومكتوب ونتواكل على كده لا انا لو ربنا موفقنيش فى حاجه فاكيد كاتبلى الخير فى حاجه تانيه وده طبعا مش هيكون غير باجتهاد الفرد ورضاه بمايصنع
وشكر ا ليك يادكتور وعلى مواضيعك المتميزه جدا دى

dr YARA_RG

25-08-2008, 04:42 PM

ما شاء اله عليك
جزاك الله خير وربنا يحميك

ZAHIMR

25-08-2008, 07:12 PM

بارك الله فيك

انت بسط الموضوع جدا

انا من الشخصية الى ببقى فاهمة بس مش عارفة اعبر عن الى جوايا ودى حاجة مضيقانى

ومافيش كلام بعد الى حضرتك قولتو

جزاك الله كل خير

dr.saeed

25-08-2008, 07:37 PM

dr.saeed

25-08-2008, 07:39 PM

ما شاء اله عليك
جزاك الله خير وربنا يحميك

جزاكى الله خيرا
صراحة انتوا دايما بتشجعونى انى اخرج الى عندى
وربنا ييسر
وجزاكى مثله يا يارا
فى امان الله

dr.saeed

25-08-2008, 07:41 PM

بارك الله فيك

انت بسط الموضوع جدا

انا من الشخصية الى ببقى فاهمة بس مش عارفة اعبر عن الى جوايا ودى حاجة مضيقانى

ومافيش كلام بعد الى حضرتك قولتو

جزاك الله كل خير

الدين الى يعلمك كويس ازاى تعبرى عن الى جواكى
وبلاش بس حضرتك فرق السن صغير
وجزاكى مثله
فى امان الله

محترف الأدسنس

25-08-2008, 08:04 PM

القدر؟؟
إنه جدار من لا جدار له يترامى عليه كل يائس يريده كل تائه يبحث عنه كل ضائع
ولكن إذانت لم تشرب انت لم تشرب مرارا على القذى ظمئت
تجريدية جامده نجد اننا قائمون بالحقوق آمرون حادون على وفق الاوامر الداخلية
ولكن من كان عنده مطلبا فيلجأ لكل أمر محسن فإنه داوع
درينا ان للحق مراع فوردناها فلم جاءها فصل تداعى
ولو نظرنا بناحية شعورية لو جدنا دفعا اماميا للتقدم
للتجاسر للتحالم للتوافق للاختيار للحرية............

إنها دراما الحياة............

شكرا كلمة جميلة من متحدث أجمل.......

dr.saeed

25-08-2008, 08:09 PM

Dr.diamond

25-08-2008, 09:05 PM

فعلا كل انسان بيمشى فى الطريق الى ربنا كتبهوله والى بناسب امكانياته وصفاته والى فيه الخير ليه

بصراحه مفيش اى اضافه على كلامك
كالعاده موضوع متميز
بارك الله فيك:)

dr.saeed

25-08-2008, 09:09 PM

فعلا كل انسان بيمشى فى الطريق الى ربنا كتبهوله والى بناسب امكانياته وصفاته والى فيه الخير ليه

بصراحه مفيش اى اضافه على كلامك
كالعاده موضوع متميز
بارك الله فيك:)

جزاكى الله خيرا على الرد الجميل
دايما كدة ردودك جميلة
فى امان الله

dr.saeed

26-08-2008, 08:22 AM

جزى الله خيرا كل من شارك فى الموضوع واضاف اليه
وبأذن الله لسة حوالى موضوعين قبل رمضان
فى امان الله

Tawfeek Yahia

26-08-2008, 08:42 AM

ما دام الانسان كان بيعمل حاجه مجبر عليها ..أكيد مش هيكون فيها جديه او انجاز.........جزاك الله كل خير

dr.saeed

26-08-2008, 08:43 AM

ما دام الانسان كان بيعمل حاجه مجبر عليها ..أكيد مش هيكون فيها جديه او انجاز.........جزاك الله كل خير

وجزاك مثله
فى امان الله

شموخ مسلمة

26-08-2008, 10:59 PM

Dr|shereen

27-08-2008, 06:24 AM

شكرا لحضرتك يا دكتور بس عايزة اسال سؤال مش الانسان ممكن يغير قدره لما يعمل ويدعى ربنا انا سمعت ان الانسان لما بيدعى ربنا الدعاء والقدر بيبقوا فى صراع لو الدعاء قوى وخالص من النية ومصاحبه عمل يبقى القدر مش هيتحقق وربنا هيرفعه عن الشخص ده لو الكلام دة صح يبقى القدر ممكن يتغير وشكراا

JusT DreaM

27-08-2008, 07:30 AM

موضوع جميل جدا وهادف
جزاك الله خيرا
بس ربنا يقدرنا على تحمل كل الاقدار اللي مكتوبالنا لان ساعات بيكون القدر صعب على الانسان احتماله

JusT DreaM

27-08-2008, 07:43 AM

دى يا جماعة أدلة أن الانسان مسئول عن تصرفاته و ان ده مش ضد الايمان بالقضاء و القدر:

[
COLOR="magenta"]قال تعالى :"و قل الحق من ربكم فمن شاء فليؤمن و من شاء فليكفر " هذا اثبات لمشيئة العباد بنص القران :"فمن شاء فليؤمن و من شاء فليكفر"[/COLOR]
و قال تعالى :"قل ما أسئلكم عليه من أجر الا من شاء أن يتخذ الى ربه سبيلا "
و قال تعالى "نذيرا للبشر ,لمن شاء منكم أن يتقدم أو يتأخر"
و قال تعالى :"و نفس و ما سواها فألهمها فجورها وتقواها قد أفلح من زكاها و قد خاب من دساها "
و قال تعالى :"و ماذا عليهم لو ءامنوا بالله و اليوم الاخر"
و قال تعالى :"لم تلبسون الحق بالباطل و تكتمون الحق و أنتم تعلمون "

هذه الايات و غيرها تدل و تنص ع أنهم هم الذين يؤمنون و يكفرون و يلبسون الحق بالباطل و يفعلون الكفر
و قال تعالى :"جزاء بما كانوا يعملون "
و قال تعالى :"جزاء بما كانوا يكسبون "
و قال تعالى :"هل جزاء الاحسان الا الاحسان"
و قال تعالى :"أم لم ينبأ بما فى صحف موسى , و ابراهيم الذى وفّى , ألا تذر وازرة وزر أخرى ,وأن ليس للانسان الا ما سعى , وأن سعيه سوف يُرى "
فلو لم يكن الجزاء ع أعمال العباد أصلاً لكان تعذيب الله للعباد ع فعل لم يفعلوه ظلماً و الله تبارك و تعالى منزه عن العيب و النقص و الظلم فله كل كمال و جلال -قال تعالى:"ربنا ظلمنا أنفسنا "

معلش طولت بس ليا كلام تانى باذن الله

بصي
انا اللي اعرفه ان ربنا بيكون خالق كل انسان وعارف هو هيفكر ازاي وهيعمل ايه في الموقف ده يعني هو ربنا برده مقدرله انه هيكون كده
"انك لاتهدي من احببت ولكن الله يهدي من يشاء"
قوله تعالى : ( من يهد الله فهو المهتد ومن يضلل فلن تجد له وليّاً مرشداً ) الكهف/17، بيَّن جل وعلا في هذه الآية الكريمة أن الهدى والإضلال بيده وحده جل وعلا فمَن هداه فلا مُضلَّ له ومن أضلَّه فلا هاديَ له ، وقد أوضح هذا المعنى في آياتٍ كثيرةٍ جدّاً كقوله تعالى : ( ومن يهد الله فهو المهتد ومن يضلل فلن تجد لهم أولياء من دونه ونحشرهم يوم القيامة على وجوههم عُمياً وبكماً وصمّاً ) الإسراء/97 ، وقوله : ( من يهد الله فهو المهتدي ومن يضلل فأولئك هم الخاسرون ) الأعراف/178 ، وقوله : ( إنك لا تهدي من أحببت ولكن الله يهدي من يشاء ) القصص/56 ، وقوله : ( ومن يرد الله فتنته فلن تملك له من الله شيئا ) المائدة/41، وقوله : ( إن تحرص على هداهم فإن الله لا يهدي من يضل وما لهم من ناصرين ) النحل/37، وقوله تعالى : ( فمن يرد الله أن يهديه يشرح صدره للإسلام ومن يرد أن يضله يجعل صدره ضيِّقاً حرجاً كأنَّما يصَّعَّد في السماء ) الأنعام/125 ، والآيات بمثل هذا كثيرة جدّاً .

ويؤخذ من هذه الآيات وأمثالها في القرآن بطلان مذهب القدرية : أن العبد مستقلٌّ بعمله من خيرٍ أو شرٍّ ، وأن ذلك ليس بمشيئة الله وإنما بمشيئة العبد ، سبحانه جل وعلا عن أن يقع في ملكه شئ بدون مشيئته ، وتعالى عن ذلك علوّاً كبيراً .
بس بصراحة كلامك ده ملخبطني جدا

شموخ مسلمة

27-08-2008, 03:09 PM

بصي
انا اللي اعرفه ان ربنا بيكون خالق كل انسان وعارف هو هيفكر ازاي وهيعمل ايه في الموقف ده يعني هو ربنا برده مقدرله انه هيكون كده
"انك لاتهدي من احببت ولكن الله يهدي من يشاء"
اكيد ياقمر بصى يا حبيبتى هقولك مثال كنت سمعته قبل كده فى الموضوع ده ممكن يقربلك الفكرة اكتر
دلوقتى الام بتبقى عارفة ابنها الطفل او ابنها عامة هيعمل ايه فى مواقف معينة
يعنى تلاقيها مثلا تقولك ابنى لو اتحط فى الموقف كذا هيعمل كذا تقوليلها ازاى تقولك ابنى و انا اللى مربياه و لله المثل الاعلى
فمابالك بربنا اللى خلقنا ........يارب تكونى فهمتى قصدى
يقول تعالى :"هو أعلم بكم اذ أنشأكم من الأرض و اذ أنتم أجنة فى بطون أمهاتكم فلا تزكوا أنفسكم هو أعلم بمن اتقى "
و الاية 125 من سورة الانعام :يقول تعالى :"فمن يرد الله أن يهديه يشرح صدره للاسلام "
معناها أن من أراد الله له الهداية يشرح صدره للاسلام أى ييسره له و ينشطه و يسهله لذلك و هذه علامات على الخير كما قال ابن عباس :معناها يوسع الله قلبه للتوحيد و الايمان به ذكر هذا الحافظ ابن كثير فى التفسير عن ابن عباس رضى الله عنه "ومن يرد الله أن يضله يجعل صدره ضيقا حرجا " أى شديد الضيق عن معرفة الله و حجيته كأنما يتصعد فى السماء
قال : و ان ذلك عدل فى عقوبته لمن لم يقدره حق قدره و يجحد كمال ربوبيته وكفر بنعمته و آثر عبادة الشيطان ع عبادته فسدّ عليه أبواب توفيقه و هدايته و فتح عليه أبواب غيه و ضلاله فضاق صدره و قسا قلبه و تعطلت من عبودية ربها جوارحه و امتلأت بالظلمة جوانحه حيث أعرض عن الايمان و استبدل به الكفر والفسوق و العصيان
و هذا الكلام الجميل من نفيس كلام ابن القيم رحمه الله تعالى :
فمعنى الاية لا يدل ع الجبر و انما يدل ع ان الله تعالى يضيق صدر من لم يؤمن و من لم يستجب الى داعيه و ليس هنا دليل ع الجبر و الاكراه ع الاطلاق لا عقلا و لا نقلا

بس بصراحة كلامك ده ملخبطني جدا

و فى سنن ابى داوود بسند حسن :قال عبادة بن الصامت لابنه:يا بنى انك لن تجد طعم حقيقة الايمان حت تعلم أن ما أاصابك لم يكن ليخطئك و ما أخطئك لم يكن ليصيبك سمعت رسول الله صلى الله عليه و سلم يقول : ان أول ما خلق الله القلم فقال له أكتب قال ربى و ماذا أكتب؟ قال أكتب مقادير كل شئ حتى تقوم الساعة

بصى يا قمرى مبدايا كده هو الايمان بالقدر ليه 4 مراتب
الأولى : مرتبة العلم
الثانية :مرتبة الكتابة
الثالثة :مرتبة المشيئة
الرابعة :مرتبة الخلق
بصى يا حبيبتى معلش انا هضطر اقوم و باذن الله بالليل هكتبلك رد الى حد ما تفصيلى يعنى ايدى باذن الله هتتكسر :D بس لو فى اى حاجة يا حبيبتى قلتها مش واضحة ليكى قوليلى و ياريت تفهمى المثال اللى قلته فى الاول و انتى تفهمى قصدى

msamido

27-08-2008, 04:45 PM

الأول أنا بحييك على اختيارك لمواضيعك
ثانيا ندخل بقى فى الموضوع
لو البنى أدم عارف ومتأكد إن ربنا عادل وأن الإنسان علشان ربنا يحكم عليه سواء بالنار أو بالجنة من خلال تصرفاته فلابد أن يكون مخيراً يملك كل خيارات التصرف علشان بعد كده نقدر نقوله تعالى انت عملت كذا خير تثاب عليه وعملت كذا شر تعاقب عليه. فإن القضية إذن محسومة لان أكيد هنتحاسب على أعمالنا يبقى لازم نكون مخيرين فى أعمالنا

شكرا لموضوعك

dr.saeed

27-08-2008, 11:03 PM

dr.saeed

27-08-2008, 11:04 PM

يا ارق ملاك ويا بنت الاسلام
الموضوع كله ملخص ان الانسان مخير فعلا
ولكن القدر مكتوب لان الله لديه العلم المطلق
يعنى ربنا عالم انت هاتعمل ايه فى دة وفى دى
دة الموضوع بكل بساطة
فى امان الله