هوا انا شوفت الخبر او الموضوع دا قريب
بس هوا من حوالي عشرة ايام
في طالبه إسمها مياده بكلية آداب جامعه القاهره
اتسحبت ورقتها فاتحسرت ومن كتر العياط اغمي عليها ومع الاهمال جاتها سكته قلبيه او م العياط عموما ربنا يرحمها ويصبر اهلها ويغفر لها
..
كلها اسباب ومقادير بيد الله بس لابد ان نتعظ و نتامل فهذه الاسباب
الحسره متولده نتيجه شعور بالظلم فبلد اقل ما تواجهه بها شطب مستقبلك تعسفيا وبدون وجهه حق
متولده نتيجة ضغط الاهل وتربيتهم على ان نتيجة الامتحانات اهم
بكتير من اى صعاب وظروف ممكن تتحط فيها
اه الظروف بتروح بس النتيجه بتفضل بالذات لو كانت وحشه فالاذهان
علطول الكلام كده الاهل بيشكلو ضغط مضاعف عالطلاب بدل ما يكونو سند لهم قدام الظروف والظلم لا بيزيدوها
..
لازم نتحرر باقتناعنا ان مستقبلنا بايدنا مش بايد معيد او استاذ مهما كانت مكانته
ولازم نتاكد ان سعادتنا مش رفيقه درجاتنا فالامتحانات
السعاده الحقيقه فاقتناعنا بمجهودنا وبذلنا واللى عملناه
..
يريت نفوق كطلبه ونحاول نوعي اهلنا والاجيال اللى من بعدنا ان المفاهيم القديمه والمقاييس اتغيرت وننظر بعيوننا لما نريد
..
دمتم بخير