السلام عليكم

انا اخوكم احمد رايح تالتة ثانوى السنة دى وناوى إن شاء الله ادخل تجارة انجليش
بس انا لفت نظرى حاجة كده وانا بقلب فى مواضيع القسم

الموضوع ده
http://www.thanwya.com/vb/showthread.php?t=62147
مكتوب فيه ان المستوى الرفيع بيضاف حتى لو مش انجليزى

والموضوع ده
http://www.thanwya.com/vb/showthread.php?t=59880
مكتوب فيه ان المستوى الرفيع مش بيضاف إلا اذا كان انجليزى


فكنت عايز اعرف من حضراتكم الحسبة ازاى

المجموع + مجموع المستوى الرفيع + مجموع الأنجليزى + مجموع المستوى الرفيع انجليزى

ولا

المجموع + مجموع الأنجليزى + مجموع المستوى الرفيع انجليزى بس

ياريت اللى يرد عليا يكون متأكد علشان ان كان كده اخد مستوى رفيع انجليزى السنة دى وربنا يسهل

واسف على الأطالة ...

ياسيدي انتا لسه في تالته

ماتستعجلش اوي .. هاتطحن هاتطحن ماتخافش !!

عموما .. انا هاقولك اللي اعرفه ممكن يكون غلط وممكن يكون صح

لو غلط .. ياريت اللي بعدي يصححلي

عشان انا نفسي مش واثق من كلامي دا

الموضوع كله بيعتمد على الانجليش ومجموعك بتاع الثانوي العام

المجموع طبيعي بيبقي معاه المستوى الرفيع ..

اذن فالمعادلة هاتبقي كالاتي .. مجموع الانجليش + المجموع النهائي (بالمستوي) وات ايفر بقي كان ايه المستوي دا

ودا اللي بنسميه المجموع الاعتباري .. وبيختلف من جامعة لجامعة طبعا

والله اعلم ..

انا هقولك لانى قدمت نفترض مثلا ان مجموعك 381 بالمستوى ده مجموعك الاساسى اللى بيبقى مكتوب عندك فى الشهادة المدرسية بيضيفوا عليه الانجليزى مرة تانية والمستوى الرفيع بس لو كان انجليزى ويبقى مجموعك عشان تضمن انك تدخل اكتر من 410