مشاهدة النسخة كاملة : إنت غبى !؟ إنت ال 4 منك بريال ؟!
MohammeD el_SadaT 25-08-2008, 10:25 PM بسم الله الرحمن الرحيم
السلام عليكم ورحمه الله وبركاته
أكيد الكل مستغرب من العنوان وبتقولى إيه اللى أنا بقوله ده وإيه العنوان الغريب ده
؟!
وياترى إيه الموضوع اللى يخلينى أكتب الموضوع ده
؟!
الحكايه وبمنتهى البساطه إنى بشوف شىء غريب فى المنتدى وهو إن العضو اللى يتميز سنه ومواضيعه تكون هادفه تلاقى الحرب قامت عليه ليه الله وأعلم
!
يعنى يعينى العضو من دول يفضل " تافه " وآسف فى التعبير بكلمه " تافه " دى ولما يبدأ يعقل ويفهم ويكتب مواضيع هادفه تبص تلاقى النقد شغال عليه
ومكان مايرد تلاقى 2 ولا 3 شغالين نقد فيه ال إيه الكلمه دى ناقصه نقطه ال مش عارف إعراب الكلمه دى مبتدأ مش خبر
ونهاره إسود لو غلط غلطه بسيطه فى تشكيل كلمه دا فجر دا مصبته سوده المنتدى يقفله على رجل وميقعدتش تانى وشغالين فيه نقد عمال على بطال
الهدف الأول
هو تشويه صورته ليه يبقى كويس ليه يبقى محترم ال يبقى محترم ال ليه هو إحنا ..... هنلعب
؟!
يعنى من الآخر إحنا هنه فى المنتدى ده
يا تكون ديب يا تكون خروف مفيش حل وسط هتخرج عن القاعده دى هتحط نفسك فى دائه الإتهامات
وأنا من عادتى لا أحب إنى أكون خروف ولا أكون ديب أنا بشر زى ما ربنا سبحانه وتعالى خلقنى
وعشان كده مش عاجبنى حالنا
ليه بدل ما بنساعد بعض على النجاح والتفوق
؟!
بنكسر بعض سواء بالباطل أو بالحق
ليه
بنكره الخير لبعض
بجد أنا مش عارف أقول إيه أنا حاسس إن المنتدى ده بقه أقرب ما يكون
من مدينه الخطايا
هو حرام نكون كويسين مع بعض عيب نحترم بعض ونحترم أفكار وآراء بعض هنخسر حاجه لو إتمدنا شويه فى طريقه العرض والطلب يعنى اللى يحب يعرض حاجه ينقد حاجه ينقدها بس بطريقه كويسه طريقه حضاريه
ولا لازم كل حاجه بينا دائماً تقلب بخناقه بجد أنا تعبت من اللى بيحصل
أنا بجد تعبت
حاولت أبعد نفسى عن الصراعات اللى كل شويه بدور وأقول كبر دماغك لكن بجد مقدرتش حاسس إن أعصابى باظت
كل شويه خناق كل شويه مشاكل الحق بقى باطل والباطل بقى حق المنتدى مقسوم جماعات وأحزاب لو مش معايا تبقى عليا حرام اللى بيحصل ده
و
فى النهايه
ملقتش غير حل واحد يريحنى وهو إنى أحاول محاوله أخيره
وإن فشلت فيها
أرحل فى صمت تارك الجمل بما حمل وإن شاء الله حتى تموتو بعض
أنا أعصابى تعبت
ركن إقتراحات ومشاكل طفح الكيل مننا بيقول إرحمونى شويه بقه
ahmed2845 25-08-2008, 10:34 PM فى النهايه
ملقتش غير حل واحد يريحنى وهو إنى أحاول محاوله أخيره
وإن فشلت فيها
أرحل فى صمت تارك الجمل بما حمل وإن شاء الله حتى تموتو بعض
أنا أعصابى تعبت
اعتقد يا مان الموضوع مش مسناهل انك تتعب اعصابك وتسيب المنتدى
خليك صبور شوية يا مان
mR . mOstafa Fathi 25-08-2008, 10:37 PM وسبحان الله يا محمد
تلاقى مشاكل بتتخلق منين متعرفش
دا بجانب اللى انت قولتله
و
فى النهايه
ملقتش غير حل واحد يريحنى وهو إنى أحاول محاوله أخيره
وإن فشلت فيها
بعد كلامك واللى قراء الموضوع اعتقد لا يا محمد
أرحل فى صمت تارك الجمل بما حمل وإن شاء الله حتى تموتو بعض
أنا أعصابى تعبت
طيب هترحل هتلاقى بدل المشكلة مليون
ركن إقتراحات ومشاكل طفح الكيل مننا بيقول إرحمونى شويه بقه
ياريت على قد القسم دا بس
دا غير المشاكل الجانبية
موضوعك هادف وياريت كل اللى قراء يكون حس بكلامه
COoL HEaRT 25-08-2008, 10:46 PM مش كان اقتراحات وحلول بردو ...يلا ايه الجديد النظام ده من السنه اللى فاتت ..والصراحه بجد الواحد تعب من كله ..بالرغم انى لا بتهاجم ولا حاجه ..انا اصلا معملتش مواضيع ..بس انا بتكلم ع الفأه اللى تعبت فى المنتدى ده واللى طفشوا فاكرين صيدلانيه وبعدين اهى اسيل يتلم الشنط ...
والصراحه من السنه اللى فاتت وبتجنب الدخول فى مشاكل ..بس فعلا فى حجات الواحد كان بيدخل يرد ردود مستفزه بس من غلبه لما تلاقى موضوع ملوش اى لازمه ولا هيفيد بشيء هترد تقول ايه يعنى..؟؟
انا عارفه ان مش من حقى ارد ع الموضوع لانى معملتش حاجه ليه بس مش مشكله سامحونى
المهم ان فى ناس بحس انها بتتعمد تفهم كلامك غلط عشان تبقى فى مشكله ؟؟ تلت تربع اسالتك مش لاقيلها اجابه ومش هلاقى لان دى نفسيات محدش عارف احنا ليه بقينا بنكره بعض وانا مش ببالغ ..بعتذر ع الرد فى الموضوع لانى الصراحه حاسه انه مفروض يكون مخصص للى ادو فى المنتدى ده
و
فى النهايه
ملقتش غير حل واحد يريحنى وهو إنى أحاول محاوله أخيره
وإن فشلت فيها
أرحل فى صمت تارك الجمل بما حمل وإن شاء الله حتى تموتو بعض
أنا أعصابى تعبت
طب ما اللى حضرتك قولته فى الاخر ده مش حل خالص
ده حضرتك اللى كنت لما تشوف اى عضو بيقول انه هيمشى
كنت بتقنعه انه يستنى معانا وانه لو متضايق من حاجة نحاول نحلها
تخيل بقى لما حضرتك انت اللى تقول كده
باقى الاعضاء يعملوا ايه بقى؟
اوك انا مع حضرتك فى اللى قولته ان المنتدى فعلا فى مشاكل كتير
وفى خناقات كتير وفعلا حاجة تضايق
بس اكيد فى حل
غير ان حضرتك تقول انك هتمشى
ويا ريت الاعضاء يحسوا بالكلام ده
Tawfeek Yahia 26-08-2008, 12:19 AM باختصاار ...... لو كل واحد روحه كانت حلوه ويتمني لغيره الخير هنكون احسن والله و الناس ان شاء هتعمل كدا ........يا رب
الأستاذه 26-08-2008, 12:38 AM ماشاء الله ايه الحلول العبقريه دي على اعتبار ان النعامه هي مثلك الأعلى لالالالالالالالا طبعا عمر الهروب ما كان حل
بالعكس كده وصلت خصمك لغرضه وهو انك تغادر
اسمحلي حضرتك البقاء هو الحل والاستمراريه مع الأفضليه هي الاكثر فاعلية
وبعدين أكيد عارف حكاية جحا مع ابنه وفعلا مش ممكن ترضي الناس كلها
وبعدين ده منتدى كلنا أسره قد نتفق وأحيانا كثيره نختلف ولكن في النهايه نبقى معا
وبعدين كلمة" مصبته " غلط الصح "مصيبته" ههههههههه
خلاص لا ترحل . سلام
أحمد2025 26-08-2008, 01:13 AM ارحل فى صمت يامحمد
المنتدى مش هيتصلح حالة أبدا
المشكلة مش فى النقد يامحمد
المشكلة فى طريقة وأسلوب النقد
أحيانا النقد بيكون مستفز
مستفز جدا
زى العضو الولهان كده
والمشكلة كل واحد بيكتب نقد مبيبقاش مقتنع غير بوجهو نظره
ومتعرفش تتناقش معاه
ويقولك هو كده والحوارات الحمصى دى
شكرا يامحمد على التوبيك
Drowns in a sea grief 26-08-2008, 02:49 AM والله عندك حق
ربنا يهدى الجميع قول اميييييييييييين
بس حلوا اسم الموضوع تصدق
بس خد الجديد عندك بقا
ال100 منه مبيسويش ربع جنيه
جديدة دى صح:D
يلا اى خدعه عشان مبقاش حرماك من حاجة:D
Travel 26-08-2008, 09:05 AM والله يا محمد
بقيت حاجة تقرف بجد
تقريبا
القسم اللى مش لايق عليه عنوانه:D
(اقتراحات وشكاوى)
مش فاكره اسمه بقى
المهم
كل يوم
يتحط فيه مواضيع اغلبها تافهة وملهاش لازمة
مين اتخانق مع مين
ومين ضرب مين
ومش عارفة اتبعتلى ايه
وعاوز حقى/عاوزة حقى
واخرة المتمة
خلاص
قررت اسيب المنتدى
عبارة بتتقال بمنتهى السهووووولة
وكمان ساعة ولا حاجة
يرجعوا ويقولوا
(عدنا بعد الفاصل)
عالم بتستهبل
بيزودوا مشاركات وخلاص
ولو بيهدوا
مش بيهدوا ولا يعملوا
جم يهدوها
ولعوها
ومش حاسيين
بص يا محمد
مش انت اللى هتسيب المنتدى
مش انت اللى تتكلم وتقول كده
الكلام ده ميتقالش منك
انت عارف انك شخصية عقلانية
ومحترمة
هتفضل يا محمد
dr.saeed 26-08-2008, 09:18 AM الحكايه وبمنتهى البساطه إنى بشوف شىء غريب فى المنتدى وهو إن العضو اللى يتميز سنه ومواضيعه تكون هادفه تلاقى الحرب قامت عليه ليه الله وأعلم
!
فعلا
ولا كمان تتوصف انك بتحقد على غيرك
مش عارف ازاى صراحة!
أرحل فى صمت تارك الجمل بما حمل وإن شاء الله حتى تموتو بعض
نعم؟
انت تسيب المنتدى؟
امال مين الى يقعد فيه؟
من الاخر كدة يا محمد
مافيش منتدى مافيهوش مشاكل
طول ما فيه ناس عقولها صغيرة ومش بتعرف تناقش اصلا
او عاملة موضوع الى يرد زييى جزاك الله خيرا والى يناقش موضوعى بطريقته يبقى حاقد!
يبقى اكييد فيه مشاكل
على العموم زى ما بقولك
اى مكان هاتروح فيه هتلاقى ناس كدة عقلها صغير اوى
بتفتكر اقل انتقاد للموضوع انه انتقاد للشخصية ذات نفسها
وانت زى ما قلتلى قبل كدة
مش هاتعرف تسيب المنتدى يا سعيد
كلنا حاولنا ومش عارفنا
اى منتدى فى الدنيا
وانا بقالى فيهم حوالى 4 سنين
كل شوية عضو ماشى عضو راحل والسلام عليكم وانا طهقت وان اتخنقت
لسبب بسيط
ان المنتدى بتتعامل فيه مع كل العقول والقلوب
اكيد فيه ناس كدة بتبقى واقفة ولا عاوزة تقدم بس ممكن ترجع المنتدى
بس عموما المفروض ولا انت ولا انا ولا اى مشرف يسمح بكدة
شوف دلوقتى بقى كام عضو جديد فى المنتدى
والله مش هابالغ لو قلت مئات
يبقى اكيد الطفرة دى مرة واحدة بتخلق جو جديد شوية مش متعودين
والافضل اننا نصلح ونفضل ونعلى الى احنا عملناه من بداية دخولنا
مش نسمح لضعاف العقل والقلوب انهم يهدموا الى عملناه
فى امان الله
.................................................. .....
Cray_Bird91 26-08-2008, 10:14 AM حضرتك عندك حق فى كل كلمة قلتها
بس غلطت لما قلت انك حتسيب المنتدى لو الموضوع ده استمر
المشاكل اللى بتحصل هنا مش تستاهل ان حد يسيب المنتدى بسببها
يعنى ممكن تلاقى فى مشكلة بين عضو ومشرف او عضو وعضو بسبب كلام مش حلو اتقال او نقد لموضوع عضو بطريقة تنرفز
لو بصوا لمحور الموضوع حيلاقوا الموضوع مش يستاهل العركة والفضايح
لو عضو مش عاجبه الموضوع يوضح ايه اللى مش عاجبه فيه او ايه اللى ضايقه فى الموضوع
بس..
وربنا يصلح الاحوال:)
شكرا للموضوع واتمنى كل عضو او مشرف يفهم الموضوع ده كويس
ياسادات الموضوع مش مستاهل تعب اعصاب ولا ان انت تسيب المنتدي ليه يعني نفض وكبر لو في حاجات مضايقاك فعلا ممكن تصلحها انت وتكون صبور شويه وربنا معاك يامان
** ضي القمر ** 26-08-2008, 11:24 AM محمد
حقيقى انت قولت اللى نفسى اقوله
معاك فى كل كلمة
بس ............
فى النهايه
ملقتش غير حل واحد يريحنى وهو إنى أحاول محاوله أخيره
وإن فشلت فيها
أرحل فى صمت تارك الجمل بما حمل وإن شاء الله حتى تموتو بعض
أنا أعصابى تعبت
غلط واكبر غلط
المفروض تكون موجود اصل لو كل واحد قال انا ماشى يبقى هتخرب
لازم نفضل ونصلح ونحاول
لو مشيت هيبقى هروب والهروب عمره ماكان حل
الحل هو الاستمرار والمواجهة
ركن إقتراحات ومشاكل طفح الكيل مننا بيقول إرحمونى شويه بقه
اه
انا عارفة الركن ده
حقيقى يعقد قوى
المفروض يكون اسمه
خنقات ومشاكل
CoMMaNdo 26-08-2008, 11:37 AM انا معاك فى كلامك يامحمد
بس مش معاك انك تمشى
بوص فيه اه اخطاء بس انت تحاول تصلحها وكلنا معاك
بس متمشيش وتسيب كل حاجه كدا
لان بالطريقة دى لما الكبار يمشوا اكيد كلنا هنمشى
طبيب عالمى قادم 26-08-2008, 11:41 AM بلااش تمشى ده رايى لان ده لا يستاهل كده
retag allah 26-08-2008, 02:04 PM بصراحه عندك حق بس مش لدرجه انك تسيب المنتدي:(
انتو دايما بتقولولي مش بتدخلي ليه بصراحه وانا بقولها اهه:mad:
المنتدي مبقاش زي زمان حاجات كتير فيه اتغيرت
الاعضاء والمشرفين وكله احنا عايزين وقفه مع بعض
ولازم تتعمل دلوقتي
قبل مالحكايه تكبر وتزيد:mad:
بس الحل مش انك تسيب المنتدي
امال لما حضرتك تسيبه الاعضاء يعملو ايه!!!!!!!!
والمشرفين والاداريين اللي زهقو من مشاكلنا
احنا عايزين نحل مشاكلنا مع بعض
مش نسيبها يا محمد :rolleyes:
انا فاكرا ان لما حد بيقبي عايز يسيب المنتدي
انت الي بتقفله
والمرادي بنقلك فكر تاني
وايدينا في ايدك هنغير المنتدي :rolleyes:
|